|
|
|
 |
各位車友： 學懂駕駛電單車，是人生一大樂事。由學車到新牌的期間，每個人都會有很多問題或疑惑想找人問是最正常的事情。香港的多個電單車新聞組，當中的主要功能之一便是協助有需要的車友們。他們有高手長老長期駐守解答疑難雜症。更有來自四方八面的車友可以提供第一身的經驗補充。如有問題直接在新聞組中提問肯定是最快最有效益的方法。所以有問題應先在新聞組中發問，如果仍不滿意或真的想聽多一點意見，歡迎寫信給我們。知道一定盡力答，唔知道便照直講唔識答，希望各位收貨。 |
|
Email:
mail@ibike.com.hk |
|
|
警告： |
|
| 31/Oct/02 |
本人想問chopper車換响喉後,是否頭段加速會冇咁好力,因本人以前有架Virago換响喉後,發覺架車好似冇以前咁好力,要比大D油至有以前原裝喉嘅加速感!另外本人想將架Shadow750換靚D嘅火咀,有冇好介紹,NGK貴少少嗰D好唔好?本人曾改用Spritfire火咀,覺得用後架車真係勁咗,但係燦基D師父話呢隻火咀唔適合呢款車用,因為呢隻美國火咀太勁同埋個點火時間有D差別,會容易燒溶副偈裏面嘅唔知乜嘢,所以幫我換番普通NGK十幾蚊一枝嗰D,但發覺硬係差DD,所以想問換番日本D靚火咀會唔會勁D又唔傷車呢？
fbike (Please don't show my e-mail address)
Thank You!!!
Shadow 750的V2引擎採用長衝程低壓縮比設計，著重低轉扭力，放棄高轉的馬力輸出。換直出喉若果風隔、供油和點火時間沒有適當調整，是會減弱低扭輸出。想在性能和耐用方面保持平衡，應該保持原庄設定和選用原廠建議火咀。如果追求馬力，換跑車或街車最實際。
|
| 31/Oct/02 |
綿羊問題
本人是香港Ｐ牌仔。因常回大陸所以時常在大陸抯綿羊當操車。現有問題請教，當凍車起步後發覺車頭很容易死火，要不停俾住小小油否則就會死火。當走了一段路車頭熱了就正常番。俾摩托車鋪師父Check 車話這是正常，我對此有懷疑故來信請教。是否火咀有問題？ 耆英新丁 請勿刊登本人電郵地址 先同你講係大陸開車你係冇牌駕駛，值唔值得自己唸。你話部車凍車易死火，行熱後冇問題，可能係自動風阻運作有問題，或活塞與汽缸的間隙過大，例如活塞環損耗等。 |
| 31/Oct/02 |
老編你好：本人正在等考強制試，日思夜想、非常心急想快點考到牌出車，已不停留意各種選擇。不過，因為保險問題，都唔知出唔出到有波車，聽聞有公司可以幫新牌出有波車，但有無特別條件？有似要有25歲及兩年私家車牌，是否真的？我夠25歲，但無私家牌，唔知可唔可以出到呢？出到的話要幾錢呢？(不好意思，太多問題)另外，我屬意的車款包括台灣的
Venox250、Honda Magna 250、Rebel 250、Virago 等 Chopper，有邊隻最合新牌及最保值、抵玩？有無另類選擇提供？如果可以選擇的話，應選新的
Venox 還是舊的 Magna？Volty
等小街車又是否適合呢？謝謝
Kwan Jacky themomentoftogether@hotmail.com 冇錯新牌可出棍波車係好似要有你所講的附帶條件，詳情要問番個別車行先知。細cc美式巡航車中，最靚係Magna 250，亦會係最保值。但最實用可能係Rebel 250。建議買全新Rebel 250或易手Magna 250。Volty 250絕對係好車，而且比巡航車操控更好，更實用。 |
| 31/Oct/02 |
回應 BB6369 本人看到 BB 兄信後, 真有感而發, 不吐不快!請勿見怪, 你話自己 24 歲, 單看所寫, 就只似大細路一個!!! 你有多次 PASS 經驗, 就無話人狗官, 肥咗就想殺人咁, 不如你做啦!每日都有好多人 PASS 或 好多人肥佬, 你只係其中一個, 我好明白你嘅心情, 假設那個所謂「狗」官, 每月返工 22 日, 每日會考 8 個,唔通 176 人全部 FAIL? 如果唔係嘅話, 點解你自己會肥, 先自我檢討一吓先! 就當該考官較嚴較古怪, 但一樣有人從佢手中拿到牌, 怪只可怪自己技不如人唔好彩, 千萬唔好賴地硬, 後生仔! (免登電郵) 老餅 |
| 28/Oct/02 |
分享經驗, 非賣廣告
雖然我已經考試合格,
但若比我從頭再選,都會去土瓜灣貴記學車考試。當我比晒錢學院後,
先至知有貴記存在, 排期又快,
路試只需一個月, 我未考路試前, 去咗貴哥道補咗個半鐘
(四點半後不准學車, 他按比例減收鐘錢)
一帶一, 過足料,
上一堂好過係學院自學幾個鐘 (貴哥教嘅嘢,
同學院有好多唔同)。多謝師傅,
我做足你所教嘅, 終於一 take Pass ,
得閒請你飲茶呀!
Gti Driver
P.S. 貴哥:
我係喳架銀色私家車泊係錶位嗰個呀!
你記唔記得呀? (免登電郵)
|
| 28/Oct/02 |
賣車一定要轉名
看見 JUDAS dm 25 OCT O2的email不期然想起大約20年自己非常不快的經驗, 我賣了一輛電單車給一間車行, 當時將自己的資料寫在過戶紙後, 那車行的人說他們會盡快轉名, 但是, 大約個多月後, 我總共收到3張違例泊車告票, 我立即去車行理論, 他們叫我放低告票並說會代我去交, 我當然不會再相信他們, 要求立刻去轉名, 但是車行的人話要收轉名費, 講左一輪之後卒之都係要俾, 這次買車的結果是貼錢嘔突, 不過幸好袛是金錢上的損失, 如果有人楂了那輛電單車撞親人, 那便有法律責任, 會十分麻煩, 所以我認為賣車一定要轉名. Dear Editor, 你話係唔係? Hing Please don't show my email address. |
| 28/Oct/02 |
Dear Editor
My bike is Kawasaki ZZR 250 and I would like to ask some questions: 1. How to use the choke properly, when it is difficult to start the engine after leaving the bike unused for a long time? 2. What engine oil is good for a manual 250cc? How often should I change the air and oil filters? 3. How does a damper work? How to fix it? Thank you very much for your help. Please hide my e-mail address. KC In winter when the bike is difficult to start up, then pull the choke fully and press the start button. Once the engine started, close the choke partially and let the engine idle speed running a little bit higher than usual. Wait for 1 or 2 minutes then close the choke before ride.
ZZR250 is a normal bike, any engine oil is
suitable, change the engine oil (together with oil filter if
you like)every 3 month or 3,000km whether which come first.
A steering damper is just like a suspension but without spring, using oil pressure to restrict the steering to become too nervous. The installation work depends on the shape of the damper and the bike design, but frankly speaking ZZR250 do not need a damper. |
| 28/Oct/02 |
尾牙齒輪油只係一D類似雪油咁o既o野，兩年換一次都無緊要。
|
| 28/Oct/02 |
Burgman和Skywave究竟有何分別?
老編:小弟剛剛考到車牌, 睇中鈴木 Skywave250, 但發覺原來有分Burgman和Skywave. 究竟有何分別, 買邊款好呢? Eddie edykty@netvigator.com
Burgman是出口版，Skywave是日本內銷版。香港代理引入的是出口版Burgman，水貨商引入的是Skywave，機器分別不大，但車身配件可能會有小許不同。留意AN650出口版Burgman輸出會比本土版Skywave為大。
|
| 28/Oct/02 |
紅頂小巴佬趕拿出世紙
昨日下午，小弟揸住隻綿羊起大窩西支路行緊60KM，其實已經超咗10KM。果駕紅頂小巴跟到貼晒重响號嫌我慢，我冇理會佢，點知個PK爬頭重挨埋離想拿命，我避開咗追到下一支燈點佢相及抄車牌，搵日得閒去上水紅頂站頭塭埋佢媽咪出泥傾計。 Chung 請勿登我電郵，謝謝！ |
| 26/Oct/02 |
請問續牌資料??
hi,編緝你好!小弟有兩個問題想請教?謝謝!
DAVID compass123@mail.hongkong.com 1.牌期到期,是否要先買三保(或續三保)才能往運輸署續牌? 交牌費時要出示有效第三保證明，所以要先買保險才續牌。
2.電單車連續兩年無續牌,被運輸署取消登記後,如想從新再登記.要何手續??費用多少??
唔係咁清楚，但應該向運輸署申報兩年來都冇用過部車(千祈唔好俾佢搵到你在此期間內有用車的證據)，再繳付新牌費便應可重新上路。否則可能要補繳兩年牌費。 |
| 25/Oct/02 |
Dear editor,i sold my bike to a gal and she
called me to drive it to a bike shop in tai kok tsui, i left
the
牌簿
to the shop, take the $ and just left. days ago,
i've checked with transport dept and the owner name still
not transfered yet (for 10 days). i tried to call her but
noone answers. in this situation, should i call police or
ask transport dept to cancel my bike ownership? thanks.
JUDAS dm" <dmjudas@yahoo.com.hk
What did the bike shop
said? May be they have other way to find her. We
hope she is just too busy to go to transportation
department, if you received penalty tickets in the future,
you must pay for her. Police or Transportation
department can't do anything as you still are the bike
owner. Never make this silly mistake again. God
bless you.
|
| 25/Oct/02 |
你好…小弟是新人一名…現希望出一輛T-REX150二手綿羊…但二手車真不知會有什麼問題…就算去車行出都要睇彩數…上網見大約九千幾…這價錢的車會否有大問題？〔會唔會玩一排就打柴啊？〕最重要的問題是如何在買車時自行去做個簡單既檢查呢？程序又係點既呢？
〔因我是新手…知識有限！〕謝謝你！ KAN「請勿刊登本人電郵地址」 以我們的經驗，T-REX零件充足，價錢也便宜。所以唔駛擔心，即使買到部殘車，都有得整o既！如想檢查車的狀況，自已唔識，搵個識既朋友幫下眼。有冇睇過知識技術中的買車文章？ |
| 25/Oct/02 |
上次打10号風球，我架大馬BMW
K1100LT被風吹走咗！唔喺作大，架野大大話話成300kg，由街頭吹走到街尾，都大約有成100米，重要轉住噉走，個沙板花晒，路中心留下一個一個圈，十足十UFO。好彩有個交通警見到架車有聯絡電話先Call到我，否則都唔知要去邊道收屍.....小心打風呀....泊車一定要鎖好，電燈柱又好鐵柵又好。
BMW CHAN
|
| 25/Oct/02 |
給BB6369兄的話
見到BB6369兄於十月二十號登載的電郵，BB6369兄所指的是否就是那個黑黑瘦瘦常戴深色眼鏡的考官？如果是的話,在下不禁感嘆...又一受害者！其實這位所謂考官給出的路試不及格的原因可謂千奇百怪...在下有個朋友在適當地段車速達到50KM/H可惜因車速過慢而不及格...在下當年的考牌經歷就更經典！不及格的原因竟然是視力測試不及格！可是在下視力一向都保持1.5無需戴眼鏡，而當時在下有回問這位考官是否要求我讀出的是第二塊車牌....在得到肯定後在下高聲讀出.然後，這位考官點頭示意在下上車開考。 試後，當在下看到黃紙上的原因時這位所謂考官已不知所蹤，而學院答復是考官不可能對個別不相熟考生做出針對行為！這種空洞官腔至極的句子居然從政府機構跑到學院來，用來搪塞在下，當時實在令在下受寵若驚！ 事實上這位所謂考官在考試過程中的行為也頗據特色！大力給空油，斜停在考生車前方，怒視考生等只屬其指定動作。在下考試過程中這位所謂考官居然同旁線巴士爭位。更有甚者，這位所謂考官在在下另一友人考試過程中於燈位停車開尾箱拿紙擦車！令人嘆為觀止！BB6369兄也不必太過擔心，在下第二次考牌就能順利及格，當然監考的就不是這位考官啦！現在迴想起來又未必不是好事，起碼這位考官令在下對路面上的奇人怪事有所警覺。在下就認為連考官都能亂來的世界無論駕駛還是做人都要小心又寬容。必盡，你做得對不等於別人不會錯。BB6369兄有這麽多路面經驗相信不難明白這個道理。還是祝你早日遇到正常的考官吧！ P仔岡 在下的電郵就不必刊登啦。 如果真係係D咁神化o既考官，不如轉介俾x週刊跟進，如果佢係傻既，踢走佢咪再累人都好！ |
| 25/Oct/02 |
關於避震
老編你好，寫開有感情,又有野想問?本人開自動羊,尾避震有三段調較,請問:
1.如何測試前後避震是否適合,是偏硬或偏軟.
行車時避震易撞到底便是避震過軟。行車時感到車輪跳動感過份強烈便是過硬。
2.將避震調硬,對表現有何作用.
調硬彈簧硬度，即是增加預載Preload，方便你載客時不易把避震行程用盡。如果有受壓及回彈油閥調較，則有利高速時輪胎較能保持貼地能力。
同場加影尾箱險讓交通意外實錄 本人於10日18日下午6:30左右於荃灣路天橋駛入葵涌道出九龍方向,用左線落橋時,不防路中有大洞一個(長一米,闊一尺,深6吋),因車速太快(50K),只有拉直車身硬過,幸有16吋大輪護身,人車冇事,不過尾箱飛落葵涌道險讓意外,好彩冇事.事後發覺原來大部份尾箱設計為可拆式,尾箱與尾版只有一膠扣,經不起大力撞擊,健議用尾箱車主,若不用時常拆箱,請將尾箱裝死於尾架上. 祝出入平安 Henry 請莫刊address |
| 25/Oct/02 |
有好多野想問問
編輯你好,各位好!
客氣說話唔多講了!我仲有幾個月就夠秤考車牌,當然想即考啦,但我對考牌冇咩認識,但我又想知道要考d咩喎,麻煩可以簡單講講嘛?路試內容又有D咩呢?其實最最快又可以幾耐先考到P牌呢??考牌之後我想買nsr4,唔知係咪好難出保呢?
請勿刊登本人電郵地址,謝 唔好意思我地都唔知現在考牌的情況，你最好睇番其他駕駛學校的資料。新牌想出NSR4？你有冇留意早排當保險公司未限制新牌出保險時的電單車交通意外？有條三重彩好應架：18-22歲，新牌，二衝跑車。 |
| 25/Oct/02 |
編輯你好，有點問題想請教。經常見電單車頭fork用上一段間後就會好像生�z般出現一些梅花點，特別係頭fork上半部，我見過大部份電單車都有這個情況，如何避免?
及如何保養?
Eric (請不要登出電郵) 唔好俾機會佢生銹的方法係，唔好整濕佢，一有水馬上抹乾，唔好泊海邊唔好泊山邊，勤洗車勤打臘。 |
| 25/Oct/02 |
老編叔叔：本人駕的是CB750，已有10年車齡。上個月當機油在替換數日後，我用油尺再check時，發覺份量少了1/3，於是再加夠油尺份量。數日後再check，仍是少了一部份，於是再加。如是者已好幾次。平日開車不覺有黑煙噴出，按理應不是機油上盤，車行也說不明為什何如此流失這麼多。究竟為何會如此？機油去了那里？
前日在忘記打開右手邊紅色總電源開關時，不斷撻車，然後在不斷撻車時突然有一聲爆炸的巨響。重新打開紅色開關後，車又可如常撻著并行走，所有電器正常運作。請問是否車內有一些保險絲已在巨響時燒掉？爆炸巨響是因為什麼原因？為何總紅色電源制關掉後，仍會通電以致發出巨響？thank you, 請不要登我的 e-mail。txk。 小強
偈油上盤是出白煙，不是出黑煙。夜晚停車時放報紙在車底，第二朝拿車時看看有否油漬漏出。巨響應是火花爆炸，死火掣雖然關掉，但要視乎車種設計，部份車仍會啟動起動摩打，只是火咀不會有電到。
|
| 21/Oct/02 |
馬力與c.c的關係
對電單車來說,馬力同c.c邊樣重要d呀?常聽賽幾多c.c電單車,好少話賽幾多匹(汽車才會有).點解有時一d細cc的車會比它大cc的車的馬力會更大呢.而有d同cc級的車,而在匹數有少許差別的(極速轉數係一樣的),有時反而馬力細比馬力大的極速更快(係不同車款),點解?請教
Championship GP500 new100years4@icqmail.com 最高馬力不單止取決於引擎燒燒室的容積(你所說的cc)。汽缸數目的多少，壓縮比的高低，油氣的份量多少(取決於化油器或噴注唧咀的大小，和引擎閥門的多少和開啟角度)，活塞是否採用大缸徑短衝程設計等等，馬力便會越高。還有衝壓進氣Ram-Air的設備也會影響最後的馬力拼發。極速除了看馬力外，最終減速比，空氣動力學，排氣系統也有影響。 |
| 20/Oct/02 |
東方日報採訪電單車=落場車?
編輯您好!本人在今年已換了夢想己久的FZ-400但麻煩開始了!@@因住在九龍灣所以常常見到東方日報採訪電單車，以前抯溫拿二沖羊回家和去入油都會給牠們玩，有時兩架夾住來玩有時一架就(介)，但見平果日報的車不會這樣。今天因身體有點問題所以頭痛又眼花，收工抯車回家時又見到東方日報採訪電單車又給牠們玩，差點給牠們(介)抄！
其實我可否投訴牠們，如有可否說給大家知，因牠們實在太危險。(如沒有投訴方法是否我們要換一些弱車或P牌和我們是否見到牠們就馬上走人?)敬請幫忙!
忿怒人上!@@ chankwanto@hkbn.net
最好能記下車牌，時間地點和對方車輛特徵，再向東方日報投訴。相信東方日報亦不會容許電單車記者作出如此行為。
|
| 20/Oct/02 |
涼風有信
編輯您好 , 當我睇左你編"編輯點煙時間"
, 我覺得十分感觸~我是一名19歲的電單車駕駛者
, 我都有人生目標 , 但因時勢問題 ,
使我的人生目標距離我更遠......我們既無法改變社會
, 就應以社會環境去改變自己 ,
去配合社會的改變.有人說社會欠了他 ,
呢樣個樣 , 人地搵到$ 係人地叻, 你搵唔到$ 就唔好呢樣個樣 ,又話人地點,又話人地....諸葛亮云 : " 不宜妄自誹薄,引諭失意 " .....做事唔好怨天尤人,先問自己 , 你不甘現狀 , 就先要改變自己 , 重新定立目標 , 做事唔好計較結果 , 即使結果不理想 , 但過程中的得著才是最好的回報...................希望大家自強不息,同向理想前進....... 卡莫夫 請勿刊小弟醫貓,謝謝! |
| 20/Oct/02 |
考牌被肥,原來真係有專"殺人"的PK考官
編輯您好!首先在此祝貴網業務蒸蒸日上.小弟有一不快考牌經歷欲與眾分享.
地點:小瀝源學院 考期:09:40 am 19-10-2002 路線:源順圍(俗稱短線) 未考牌前,都曾聽過學院D阿sir講過,話有D考官鍾意考生手車安全,有D就鍾意D考生爬頭和行快線等,起初都不以為意,點知我就遇著個鍾意快和冇耐性的考官.我打八字時,因車的油門不太靈敏,故比油時有些窒,所以打八字比較慢和小心,但沒有失平衡和落腳,但他(應寫成 : 牠)顯得不耐煩,原來這就是惡夢的開始.出街𢓭,有另一考生和我同是短線,他一直跟著我的後面,意即是沿路我錯甚麽,他也一樣的,但他卻及格,事後我倆交談,他也覺得奇,也認為另一考官是鍾意考生手車安全的,而我則相反.沿路途中,一直沒問題,但當我差不多考完,在源順圍右轉牛皮沙街的十字路口時,牠便開始上身,常踏大空油,好像要"標"出路口似的,但來去多車,我不敢輕舉妄動,直至少車和車在遠方才駛出右轉,怎料在此已中了一個S(不利用先行權利),然後在插桅杆街右轉小瀝源路,有兩線可轉右,我靠左的轉右線前停紅燈,前面有兩三部電單車學車,因我見他們的車速也很快才跟在後面,但牠竟在隔離線停燈位,對著我又踏大空油和響號來嚇我,我問牠何事,牠又不作聲.又一S(警覺性及判段力弱). 回到學院,考試結束,但我都已心知不妙,和另一個考生(即一直沿路跟著我尾的)交談,他說應該及格了,我則說:"但願啦".最後,我肥了,他卻及格了. 我甚麼動作也做足,真不知得罪了牠甚麽呢?是不是我太多車牌(的士大巴拖頭也有,只欠3,22便全齊),牠看不過眼呢?我24歲,沒吸煙沒染髮沒紋身做正行,是否太正經沒有煞氣牠才玩弄呢?人善被人欺,馬善被人騎,欺善怕惡,正一P&K!唉!只是吐苦水罷了,投訴上訴也沒用吧,您認為考牌主任相信牠還是我呢?黑箱作業,我所有車牌也是一take過,從未遇上狗官,我對香港考牌制度大失信心了,要排到十二月九日重考,又1750大元,唉..........錢事小,時間事大啊!不知下次又會是哪種類型的考官呢? BB6369 請勿刊小弟醫貓,謝謝! |
| 19/Oct/02 |
請問如果我想拿部車去割的話我應該點做呀
你好！請問如果我想拿部車去割的話我應該點做呀？因太老了無人要。
我想不要他了，何況無電和再抯都好危險，不過個派費到明年六月，請間我可不可拿回派費錢嗎？ 敬請相助！煩腦的人上！請不要登我的mail! Thank you! edmond_lai5 嘩老兄你手字真係睇到人頭都大埋。拿部車去「湯」，「牌」費是嗎？問下車行收唔收，佢地會俾番張「湯」車紙證明部車報銷左。拿住呢張紙再去運輸署申請退還部份牌費便可。 |
| 19/Oct/02 |
綿羊仔搬身落膝
我最近騎MAXSTER150,發覺綿羊仔落膝更困難,當我想晒個PAT
PAT出去玩落膝時,架車會擺動得好西利,其實係點搬身架,真係唔知點?還有落膝個邊腳係咪要接曲的,那另一隻腳係咪要夾住車身的?其實落膝入彎比唔落的有咩不同,請教
Championship GP500 new100years4@icqmail.com 因為你的車速唔夠高而強行搬身飛跪，所以覺得好唔妥。試下把腳放在後一點的位置，用腿的力量把屁股輕微抬高再橫移，內彎的腳會自然向外探出，前腳掌承受身體大部份重量。慢慢試唔好急。一般來說，搬身入彎可減低車身的傾斜度，令輪胎更咬地。但弊處是一旦輪胎打滑，內彎的負重腳難及時抽出落地救車。 |
| 17/Oct/02 |
你好呀！本人最近買左一輛runner vxr 200 1.我想問下如果無開車大約多小日才會無晒電呢? 2.我試過無開車兩日撻成三次先可以撻得著架車是不是正常呢? 3.如果在撻車時比小小油係唔係好撻一些呀? ko henry<henryko111@hotmail.com 正常計兩星期以上都應該冇事。 撻三次的意思是唔係一撻即著，要撻多幾次先著？都可以接受。 撻車時俾少少油係會易著D，不過唔好太多。 |
| 16/Oct/02 |
有關燈泡問題 老編你好:本人因工作問題,所以時常也要在晚間山路上行駛,由於路上有較多大型垃圾,所以對於照明系統方面好講究,我也曾經試過piaa的超白光燈,但也不太滿意,只是光的顏色不同,而光度也只是光小小,我也曾問過車行,但他們也未能提供方法,是否可以換(整流器)去輔助燈泡加大火數,不過好似話會有好多副作用?或是有其他更好的方法賜教?請說明改裝費用?唔該晒!! 二衝RUNNER180傑傑上 mck8_8@yahoo.com.hk 比較難啊。因為收制於發電機功率，不宜更改保險絲和燈泡的火數。整流作用只是把交流電轉為直流電和穩定電壓，與事件無關。如果前路看不清，只能把速度再減慢一點。 |
| 15/Oct/02 |
回覆新仔 因為有個mail 說他在貴欗見到我問你的事,佢就用mail問我有關保險的事,但系佢mailbox好像有問題.請代為轉載.lohoikan@netvigator.com 有關我的保險是經鴻朗顧問股務買的.tel: 23883848你自己問下.不過我巳有一年多的電單車牌了,都要二千三百元. vincent yin my1233211234567@yahoo.com |
| 12/Oct/02 |
當我看見貴網的“編輯點煙時間”時，加上我今晚的遭遇，令我覺得依家ｄ後生仔簡直不知所謂！ 當時我抯車出舊隧往機場及塞緊車。隔離車係架的士，當時車內有四個十幾歲男仔，唔知佢地身痕還是五行欠“丙”！ 不斷向我做粗口手勢，他媽的我想落車幫佢老母教仔（費事教精你，當煉氣），我又冇撩你又冇得罪你，屙屎好過屙呢ｄ打把仔！ 呢ｄ死仔擰番祖國勞改就啱啦，流浪唐狗兄講得對，依家佢地太幸福啦，睇佢地個樣都係識問父母擰錢去威；又衰唔起的後生仔。 小弟都係只得廿幾歲，小時侯也冇佢地做ｄ咁低能的行為。力殘得人敬，口殘得人憎，你今次撩我唔緊要，撩著過黑道中人你買定鐵打酒都得啦！ 依家ｄ細路越來越冇品、冇禮貌！可能我講得比較燥，請見諒．．．．^_^ Ben Ko Don’t Show My E-mail, Thank You!!! |
| 12/Oct/02 |
別老是想著我們沒有什麼,
應珍惜我們所擁有的
想不到能夠在'編輯點煙時間'裡面讀到那麼有生活質素的文章. 我總覺得有很多時我們太執著, 我舉個例: 日前跟一位從日本來的朋友第一次見面, 并跟他拍了照, 因為可能無機會再見, 所以我特別珍惜那些照片, 不料, 當他回國後, 阿爸告訴我那些照片可能晒不出, 我因此怒了半天, 後來那位朋友跟我說: 我不在乎了, 因為我已經跟你見過面, 那些照片已經不再重要. 當時我即刻感到自己原來很childish, 或者是太執著. 所以當遇到不開心的事情時, 退一步想想, 自己可能不是最可憐的一個, 而且有很多看上去很愜意的朋友, 其實一樣面對著一些使他們不快樂的難題, 只不過他們沒有告訴我們罷了. 所以, 別老是想著我們沒有什麼, 應珍惜我們所擁有的. Lisa lizfychan@sinagirl.com |
| 12/Oct/02 |
老編您好,因上次無聽您大哥勸告,
終炒車受傷,
架SKIPPER
摺埋0左!
剛出院,
小弟想買過部羊:
KYMCO - People 150 / SYM JoyRide 200, 請問邊部好D? 要求如下: 1.鬧市攝位靈活 2.上吐露港要穩定 3.零件要就手 4.制動要可靠 5.車燈要夠光 (上次就係4-5兩點, 搞到入院) 6.200CC 下 聽講KYMCO - People 150係用 HONDA engine & parts 既, 真唔真?! 大轆上高速係唔係真係穩定D, 有乜根據?前轆加孖碟制動, 要加幾銀(一般車行)?! 仲有冇乜車好介紹, 要平.靚.正.襟..... 唔該唔該......? Best Regards Ronald Xu hkc@hk.linkage.net
對不起，對People認識不多，無法給予意見。
單碟變雙碟？冇呢樣o野架，手泵迫力喉輪框卡鉗碼通通都唔同。 Joyride 200只得一百七十多cc，未夠200。 攝位靈活，高速又要穩定，零件就手，掣動可靠，頭燈光亮...又要200cc真係幾難唸。 唸來唸去，都係Piaggio Beverly 200：198cc水冷頭尾碟....車身唔係話十分架，但大轆羊走highway穩定。不過老兄你又要平又要靚又要正....唔得咁樣播... |
| 12/Oct/02 |
你好老編, 本人昨日駕綿羊X9往馬鞍山,
泊好後待晚上收工再去取回,但當晚再到取車時,
先發現個車套破了一個大缺口,然後是當我把車匙放入匙孔著車時,
發覺沒有反應,我指油數標,
轉數標和速度計都沒有反應,只是顯示細燈的燈有微弱的顯示， 然後再過一會， 這些微燈都沒有了， 全車都無反應， 請問我的車有什麼事呢?是否電池打柴呢?但我又唔係好明,
因為之前還好好地, 全沒有跡象呢?如果唔係,
又會是什麼問題呢? 望指教, 我的愛羊,現在還在馬鞍山呢.......>_<
simon simonlaw2000@yahoo.com.hk
車套那部份破了？是否代表有人搞過部車？ 看來你的車是冇電。MF電池係會突然間死，先前可以話冇乜先兆。 有冇可能係你 泊車時唔記得熄燈，導至扯乾電池？ 今日再唔得不如搵拖車啦。 |
| 12/Oct/02 |
難轉空波
你好!本人買cbr2500rr兩個多星期,發現好奇怪的事,在學院學,找空波是先到一波然後輕輕上click才找空波,但我家車是先到一波,一click就上二波,然後輕輕一踏才空波,而且也不是常找到(都巳有呼油和輕推前).是否機件問題.還是個人習慣.煩請賜教 yin my1233211234567@yahoo.com
好難講係機件損耗還是個人習慣導至空波難找。不如下次試下在一波時先熄左部車，跟住再tick半格入空波。唔好太大力，如果覺得kick住上唔到的話，把車向前或向後轆小小再試過。
|
| 12/Oct/02 |
回應人格的素質
老編點煙當真恰到好處!觀其文，感而發。無可否認，一般香港人人格素質、情緒智商和應付逆景能力等等，都不能與老編所接觸的人來得高尚，包括小弟亦是怨天尤人之輩，可卑！
具小弟觀察及分析，老編所陳述的現象應為社會發展正常現象。回想【應說回看，小弟還小】香港六十年代，我相信當時老百姓都是抱著現時內地同胞的心態，努力拼搏，不計收穫。隨著社會發展及進步，生活質素不斷提升。再加上九七前各類投機活動，改變了香港人的拼搏精神，以少博大，不務正業，成為主流。年青一輩活在溫室中長大，飯來張口，錢來伸手，甚麼應付逆景能力等等，所何談起？
內地正急速發展，我相信香港此現象亦會在不久的將來出現於國內。快樂建於物質享受，價值觀建於金錢上！最今小弟欽佩還是老編大人觀人於微，從眾小腳色中能洞悉人性智理，發人心醒。所謂臥虎藏龍，又何止神州大地！
流浪唐狗 n.lam@moresgroup.com |
| 11/Oct/02 |
駕駛上的方法想請教
你好,本人是新牌一名剛買了一輛cbr250r,有很多駕駛上的方法想請教
1.本車通常用多少轉行車?有的說以8000以下,有的說11000,如高轉有人話:高轉下燃油可以完全燃燒,所以油費更低,真唔真?
普通行街8000rpm以下轉波應足夠。越高轉越耗油，邊個話你聽越高轉越慳油？
2.想減速,應該用breaking定用低一個波?我如果想減速,用低一波係立即慢到,會唔會傷極力子皮?正確應該點做?
想減速，首先係收油，跟住先扣迫力和拖波。預見力良好的話，拖波動作主要是為了下次加速。強行拖波沒有呼油動作配合係會加快機件損耗。
3.空波下山時速70,以4波突然放極力子會唔會傷極力子皮?正確應該點做? 空波下山？點樣突然變四波？係咪四波扣起極力子然後再放番？既危險，又愚蠢，又傷車！正確應點做？我都唔知你想做乜？究竟駕駛學院教左你D乜？咁似大陸人開車的方法o既？ thx SAM" <newbikedriver@yahoo.com.hk |
| 11/Oct/02 |
上次既小說
各位大佬們：你地好！我有位朋友好想再次欣賞上次既小說！因為佢由於工作關 係，冇時間睇，所以希望你地可以再放出黎俾我朋友彧其他錯過左既朋友，一包眼 福啦！因為係貴網入面左找右找，都找不到！請回電郵給我，可以嗎？ Joe Ho joe@maildolly.com
先謝謝你們，天空小說一直都放在「趣味花邊」中啊！
|
| 11/Oct/02 |
讚一讚泰力
HI, 想借個位講0下0野，揸車多年從未幫襯個泰力，今次因要幫架水貨ＫＡＷＡ訂及裝parts而去o左；得到"明哥"多次招呼（希望無記錯名，佢斯文靚仔嫁各女車友），發現以往要比多多＄0係歐洲車行先有0既服務質素，都可以0係泰力得到，而且＄合理及交貨快手（語氣好似做馬，但真的），希望其他業界可以以此學習，生意都會好Ｄ！另多得明哥指條路我揸去"天后"，我住香港廿年都唔識路，真失禮！ michael (please do not show my email address) |
| 11/Oct/02 |
我部01 venox 250泊車得唔好，比人炒低,成部車訓咗落去旁邊架車到因為果度係轉彎位,應該係私家車所為.頭沙板彎咗,最大鑊係呔鎖壞咗!天黑要搵人開鎖,幾咁可憐.肉體冇事,第一次咁就.......寧願被抄$320,都唔拍得咁開.大家真係要小心泊車。
哈仔
|
| 08/Oct/02 |
Enigne oil Recommendation
Hi there,I from Singapore, I don't know how
to input in chinese. Like your webpage very informative. But
after reading about engine oils type still confuse over what
to use. Would appreciate if you can enlighten me. Recent buy a Bandit400V '97 model. Currently using Mobil 1
Racing 4T 15W-50. Fully-Synthetic. Best engine oil tried.
Suzuki recommend 6mth or 6000km oil change. 10W-40.
1. Would like to change engine oil every 3mth or 3000km. Mineral oils base suitable for Bandit400V ? Mobil1 15W-40. Can't afford to change synthetic every 3 month. Which factor is more important to look for in my case, the first 2 digits or second 2 digits ?
As Singapore is much more warmer than HK, You
should look into the second 2 digits, higher digit represent
more stable performance in higher temperature.
2. As it is a High Rev engine type, will mineral oil able to
withstand the High Revolution ? Riding mostly at 5000-6000
RPM, occasionally at 8000-9000 max. Sinagpore is also very
hot.
9000rpm is not extremly high for motorcycle,
and your average rpm is just only 5-6000rpm, mineral oil is
ok.
3. How about semi-synthetic ? Not much people talk about it.
There are mostly two kind of people in the
world - looking for perfect or looking for practical,
semi-synthetic oil is none of their choice neither.
4. For 3 months I travelled coming to 3000KM. Can recommend
any good brand engine oil for my needs ? Castrol ?
Change engine for every 3 months or 3000km/h
is doing very kind to your engine, any well established
brand's product is ok.
6. Will it be better if I use the synthetic oil and replace
every 6 months ?
Definitely not.
Sorry for asking so many questions at one. It have been
bothering me for sometimes. Looking forward for your reply.
Thanks. Tyhco Ng tyhco@lycos.com
|
| 08/Oct/02 |
A little comment to LKM
According to the description, I think driving
at the right lane is not correct when the left lane has no
vehicle. All vehicles should not occupy the right lane all
the times as right lane is for overtaking, even you are
driving at the top allowed speed of the road. If someone is
driving faster than you, you should keep in left lane and
let the other vehicle overtake you at your right. This is
the common practice when driving no matter a four wheel
vehicle or motor bike. Therefore, I think the four wheel
vehicle is correct in this case.
TMS (please do not show my email address) |
| 07/Oct/02 |
又俾人推
老編：上次呈祥道被推之後，我覺得今次仲離譜！ 半夜一點左右經東隧返觀塘，剛改單管雙程，未有對頭車但快線已封，限速50，仲放好晒相機．唔知堅定流，所以行60左右．行左一陣後面架的士先閃左幾下高燈，跟住仲BOOT我！ 大佬！有冇搞錯？想我點？讓開俾你行？呢段俾你開90，去到有相機果段你咪又係餚底收番油行50？你快得幾多秒？每轉客快一分鐘你係咪可以發達早幾年退休？定想即時長休？ 我嬲得滯唯有配合速度要求，行番50，横掂天氣唔係熱我又唔係趕... 慢Ｐ羊（請勿刊出小弟之電郵，謝謝！） |
| 07/Oct/02 |
莫非真係四個轆惡哂!!
2002-10-6 0015hrs駛經龍翔道明愛橋面官塘方向,當時時速70km/h多d,行快線,忽然從後鏡一望,有架豐田私家車(G_1782)貼著我尾行,我當時亦懶理佢,諗著隔離中線剛剛冇車佢會跟多一陣會CUT過中線駛走啦,點知仲死纏難打,跟著我先印尾燈三四秒專登俾佢留意再拖到40km/h想迫佢過我頭走,點先辣著左條畜牲,佢跟著一路跟住,又專登閘埋黎,又儁我前面慢駛迫我停車,又作撞打手提班馬,又駛到我隔離講d畜牲話
..................... 攪到我都不知鬼咁驚. 後來駛到黃大仙橋面俾我撞到位交通(51xxx),跟著截停我同條畜牲埋一邊調停. 後來位交通抄左我�_d料,條畜牲就走先,之後交通哥哥就話今次事件冇証人,攪大去分分鐘兩個齊齊不小心,同少五分,所以我最後都係揀左備案算數,交通哥哥仲教我以後再遇到哩d事應該點做先最好. THANK YOU LKM 請不要刊登本人的電郵 咁個位交通警教o左你D乜？ |
| 05/Oct/02 |
你好, 又煩你地啦!剛出了新車(kawa單盤250),
想問:
1)隔夜後凍車出車時一入一波就死火, 要撻多一次; 出過車後(熱車) 就無時, 點解呢? 應該係機油未熱重係杰杰地，令極力子片黏得較實所至。試下拉多幾下極力子牛角先入波。 2)另架車好難搵空波(我有過4架車, 呢架最難), 最後發現o係一波比小小油行小小就會入到空波, 真有性格! 會唔會係新車波箱重係緊呢？唔駛俾油，用腳把前推前或推後少少便可入空波。
3)1bar = ?磅 or ?psi
1 bar = 約等於14.53 psi or 1.046kg/cm2
4)頭盔風鏡花左有無得翻新?thanks!
淺痕還可以細心研磨，深痕係咁先。 Michael 請不要刊登本人的電郵 |
| 04/Oct/02 |
購買99年Rebel250
你好,本人為女駕駛者欲購買一部全新電單車,以作假日消閒之用.在很多雜誌上,看到車行賣Rebel
250的廣告,標榜此車乃全新車,但99年制造(究竟是否屬於翻新車).另外,不知道存放這麼久的車,在購買時需注意什麼,日後維修保養會否十分麻煩複雜.請給予寶貴意見!
JJ 請不要刊登本人的電郵
99年製造的全新車並不出奇。但存放了數年的電單車，原庄輪胎膠質可能會有問題，預左自己要盡快更換。如果油缸有電油積聚的話，化油器也可能要清洗。另外空空的油缸放置了數年，內壁有沒有生銹也要檢查一下。如果接駁了電池，也可能要更換。但當上述工作做完後，便應該沒有什麼問題。
|
| 03/Oct/02 |
本人之車為HONDA CB1300,係市區行車,架車熱過CB400好多,因我上一架車係CB400,所以有比較
1)用電單車半合成机油,夠唔夠潤呢？又如果用私家車全合成机油又得唔得(因為兩者假錢差不多,但車房話會跣極力子,仟其唔好,會唔會車房因為生意額而喺度吹水.)如果我每3000
KM換一次油(約六個月)合唔合適呢？
CB1300用半合成機油夠晒有突。不過三個月換一次會更好。有關私家車及電單車機油之分別，請看：http://www.ibikenet.com/03_knowledges/engineoil_2/ultra_01.htm
2)用SLICK50會唔會對副引擎有害呢,你贊唔贊成用,因為個盒寫得好勁,價錢唔貴再加上只係用一次？
新車或正常的引擎唔需要Slick
50。
3)自己換机油喺唔喺放請油,換机油格後,就倒入新机油,駛唔駛用洗engine水？
理論上換油程序係咁樣，但需要有地方合法棄置機油。洗引擎水可用可不用，換油換密D重好。
4)新車時，空波約40km滑行落微斜，可以放開雙手行車,而車仍可直行,但而家己經不可以(我已經換fork油問埋換波子盤),會唔會關條呔事呢,因為條頭呔己經行左約130000km左右。
冇碰撞過的話，有可能頭胎不平均磨蝕，或胎氣不正常所至。
5)以呢款車計,駛唔駛用白金或者依合金火咀,(我係以代步居多,耐唔耐先炳佢一轉),用咗會唔會晒油？
唔使。因為CB1300SF唔係高轉數車頭。
6)如果架車日日用，要用幾耐先要洗吸？
冇問題的話唔使洗。
7)如果淨喺換頭brake鋼喉,唔換飽魚同埋靚皮，功效大唔大呢？
可以慳力，散熱快ｄ。手感有顯著分別。
祝車運亨通!
Wing Kai 請不要登出本人e-mail地址！
|
| 03/Oct/02 |
老編你好,
我每天都上你的網，驚嘆你們每天都有新料。本人為自動羊車主，有些保養問題請教。
1.brake油於正常行車時,會否漏出,因新車落地至今(3個月)，不時於前後令發現一點點偈油漬?應如可清洗(用水+布，越洗越化開)?
迫力油不應該會漏出來。除非喉管有問題。你說用水和布越洗越化開，係唔係馬路上的油屎？
2.本人洗車用水槍直射副偈,有冇問題?因副偈有大量喉管及電線似的物體，直射會否引至短路，生繡。
應該用水喉由上向下淋。洗車後會著車煲一陣和抹翻乾，唔駛驚生銹，但用水槍射可能會導至電路入水。
3.洗車後我用wd40噴副偈及金屬部件(包括剎車碟,因有繡,已知錯,因收車力減少)可否?wd40會否令喉管發脹? WD40應該唔會令喉管發脹，但噴落著碟度就真係...
4.說明書定呔氣為前2後2.2至2.5bar,到油站check呔氣才知唔識用,首先油站氣錶不能度呔氣,為先較氣壓才充氣。2大問題,油站氣錶為lbs及kg，bar點計?若想度呔氣，除買氣錶外，有右其它方法?
1 bar約等於1.046kg/cm2。你當係一比一，都不會有問題。量度胎氣當然要買胎氣錶，記得等條胎凍番先度會準d。
5.用甚麼方法測試呔和碟是否已開?
胎用眼都睇到。碟身有幼紋，不太光亮，但最重要係掣動時的手感如何。
祝 蒸蒸日上 長做長有
henry p.s.請不要show address |
| 02/Oct/02 |
9 月13日當日天氣晴朗,交通情況一流,但點都估唔到會差d
撞車~當我由太子諗住入運動埸道一個路口既時候,當我正準備入路口既一刻咁0岩架巴士就係巴士站出黎,我就狂dup
"迫力"好在大家都冇事~巴士同我既愛驅都冇事,咁我同架車就停左0係一邊,我就望左個司機大約20
秒到啦,巴士司機冇表示有咩問題,咁我就開車離開左喇,當時心諗好彩冇事,但開心日子只係過左十幾日,我就收到警察既信,話我當日既事件中巴士既乘客受左傷,要我去落口供,佢話而家要告我不小心駕駛,唉!!!
唉!!小弟考左牌6 個月就整單咁既野,駕車都只不果係3 個月,唉!!警方話我經驗不足新牌所以要告我,唉,咁唔通新牌以後都唔可以駕駛自己既愛驅出街啦!!我而家真係對駕駛電單車冇左希望!!我覺得巴士司機真係好似老"馮"咁一定以為你/妳會讓佢!!小心巴士~!!! 慘人 我地唔知當時情況，好難作出評論。不過而家香港地D人真係越來越惡！ |
| 02/Oct/02 |
CH250關於避震問題
本人近期買了一架二手freeway250,
之前已有二年駕駛AN150經驗, 但駕駛CH250很難入彎和不穩定,
常常有滑車的feeling, 此車用米芝蓮車胎, (應該不是雞胎),
而且已用了一段時間, 相信不是車胎問題,
本人曾在此綱頁車主報告上得知CH250原裝避震very
bad, 只可用半年便要更換, 因為原裝避震只是common彈弓避震,
請問這是否實情, 如要換避震,
請問那一種避種合ＣＨ250用, 請列明brand &
model, Thank you for your kind attention , I'm looking
forward your apply.如果CH250避震很時差,
為何ＨＯＮＤＡ會採用？
Goldmund Lam Goldmund@ctimail.com 難入彎和不穩定，要先檢查頭尾胎的呎吋和胎氣是否正常。如果size正常，胎氣OK，咁樣你30km/h以上時放開雙手時車身能否行到直線，不會偏向一邊？如果都通過以上檢查的話，便再看轉向波子盤是否正常。最後先考慮換避震和輪胎。每支避震都會有其壽命，視乎使用情況而決定，快則半年，慢則兩年，咩避震的性能都會變差。有很多牌子的避震都有適合Freeway使用的型號，例如Bitubo，不過詳細型號就唔清楚，你要問番車行。原庄車因要考慮成本售價，避震的性能會偏向基本設定。 |
| 02/Oct/02 |
用slcik 50
你好, 我用750cc 街車, (2年車) 但最近冷車頭撻車時一着就窒窒下, 好似想死想死咁, 我的火咀同機油是新的, 機油量又一定足夠. 想用slick 50, 會否對車吾好? 另外想請問極力子wire 何謂太鬆, 何謂太緊, 點樣check, 吾該晒 Pak Ning Li (pls don't show my email)
唔關slick 50事，冷車怠轉不穩，除了怠速過低的可能外，也有可能是化油器的slow
唧咀有問題。極力子方面，你試下扣往左牛角，慢慢放開直至搵到磨擦點為此。這時牛角與把手的理想距離最少有兩雙手指厚度。少過一隻手指厚度，有可能扣實極力子牛角時，離合器仍未完全把曲軸動力和尾輪分開，導至轉波困難，扣極力子停車時，尾輪仍有動力供應，增加極力子片損耗。
|
| 01/Oct/02 |
nice service by 昌利車行
Dear Editor！i am a P仔, today i go there to
change my bike's 偈油, & other thing, their
服務水準及態度 are No.1, 收費 very 合理 & fast!i am here to thank Mr. Mok. Hope them keep on good works & 生意興隆! Isaiah 請勿刊登本人電郵地址thx ibike |
|
觀看以往來信 |
警告：
本欄所提供的意見雖盡量保持客觀中立，但仍可能有著某程度上的主觀或偏見。
我們雖已盡力確保提供資料的準確性，但並不保證其正確性及完整性。
讀者應審慎衡量我們的意見是否合適正確。
