鐵騎網誌 www.ibike.com.hk

27/03/2001	To iBike.com.hk, I'll be going to Hong Kong next month and will be buying an Arai Helmet and some CB400SF Project Big1 parts. Please help me where in your Country I can find these. Please reply in English.Thank You. From: "Wilson Ngo" <zepter33@yahoo.com> Thanks for your enquiry. Aria Helmet Official dealer in HK - Hung Hing www.hunghingco.com Honda Official dealer in HK - Union Trading Co Ltd. Service dept phone no. 852-2323 6018 By the way, where do you come from? Can speak Cantonese/Mandarin or not? p.s. please let me know if you need further assistance.
26/03/2001	本人有一部BROS650 , 后胎150/70-17 69H ,因其破旧不堪,故想換掉. 知道150/60 的胎比150/70 的在过弯时更穩定,所以想換150/60 胎, 不知可不可以, 有多大的好处!因換胎会導致后降低5CM左右, 这对行車影响有多大,您認為这車的輪胎應怎样換? 另外換160/60 是否更好?謝謝！ From: "motorjk" <motorjk@elong.com> 舒適和性能往往成反比。150/60比150/70的胎壁薄，減少了彎中輪胎變型的幅度，可增強攻彎穩定性能。但cushion效果減弱，遇不平整路面會較辛苦。出廠的輪胎呎吋不應亂改。要改應把輪框呎吋一併換掉配合。強換160/55，反而會增加輪胎變形幅度，可能會影響操控。若只求美觀，不用盡輪胎只是隨便走走，則沒所謂。
25/03/2001	Hello: 我有點關於駕駛電單車的問題想請教你。我係女仔，高 5尺 2寸，重 100b，我很喜歡巡航車，但對女仔來說駕駛巡航車會不會有困難？如果我真的駕駛巡航車，那有什麼地方我要留意？有比較細小適合女仔開的巡航車鳴？報紙上的電單車禍差不多都九死一生，其實如果我不開快車，會不會沒有那麼易生意外？問了你很多問題，希望你可幫忙，多謝！祝工作順利 Chloe chloeyoung@lovehk.com 美式巡航電單車的乾重和車身呎碼的確不如街車或跑車般輕便。雖然少於700mm的低座挽回不少信心，但笨重的身驅在斜路掉頭，倒後泊車時都會造成一定的不便。加上遲鈍的轉向性能，柔軟的避震及無力的掣動，巡航車的操控性不能和跑車或街車相比，亦不是新手練習電單車的好對象。駕駛電單車比較注重技巧，體力和身型祇是其次。當然有技術再加身型配合梗係最好啦，但只要培養到足夠技巧，女性的身型及體力，絕不會構成障礙。(又唔係叫你舉起佢) 發生交通意外的原因包羅萬有，車速(過高)與路面交通情況不配合是只其一，「不開快車 = 安全駕駛」這個觀念錯得很。缺乏路面經驗，未能準確判斷其他道路使用者的意圖，也是炒車常見的重要誘因。自身技術不足，操作不對頭，遇突發事件未能正確應對，炒車是必然的事。如果在馬路上抱著上賽車場的心態駕駛，分秒必爭，逢車追車，上報紙頭條也是早晚的事。被迫追隨別人的步伐駕駛，會自亂腳步，唔炒係你好彩。『個人技術+判斷能力+自制能力+精神狀態+運氣』便是主宰著安全駕駛的重要原素，和騎甚麼車沒有直接關係。建議初練習由二手細車開始，Honda Rebel 250，或 Suzuki LS650都是好選擇。但若非V2引擎不騎的話，Virago 250也是不錯的選擇。待熟習電單車特性後，再慢慢換大一點的車便成。其實女生騎電單車的最大障礙不是身型或體力，而是美容問題。在香港騎電單車對皮膚的傷害很大....鼻尖易有黑頭、皮膚晒至黝黑、蛋撻髮型和被風吹到打結、手板褲管易髒、唔可以著靚衫、跌車留下疤痕.....要預留多D錢買護膚品及常做美容護理為上。
14/03/2001	本人打算買架二手偉士COSA 200.想問有關 COSA 200 其特性.有什麼保養要注意? 維修方面價錢貴唔貴?操控,制動,耐用性如何?謝謝 From: "Kinson" <kinson@chomp.com.hk> 冇記錯COSA 200係自動混油，EBS？掣動系統，以當年Vespa標準，設備好似幾豪華。小弟冇騎過Cosa，只係N年前買過一臺有指揮燈，連電池都唔駛o既印度綿羊。所以唔係咁清楚特性。睇下「車主報告」其他師兄有乜o野講？憑以往個臺錢七綿羊的經驗，二衝鐵殼羊最緊要檢下個車底生銹情況嚴唔嚴重。因為個鐵殼就係車架，生銹得勁的話可能會斷o架！如果生銹得利害，要燒焊補強再做防銹，價錢都唔便宜。耐用或電器或小問題或冷天難著車在所難免。好在保養維修平到你唔信。普通料真係幾十元都可落樓：) 性能掣動方面，個人技術佔比重較大。你睇「必必」薄餅店外送員舞到架vespa好似落場咁，就知道騎電單車係講技術多過講騎邊架車。
14/03/2001	請教一下選綿羊的問題你好, 本人想請教一下綿羊仔的問題. 雖然有其怹讀者曾問類似的問題, 但本人仍知多點具體的答案. 本人最近想購置一部150自動綿. Budget 大概在$20000左右. 我閱讀了i-bike.com 裏幾編試車報告, 車書及其他讀者的提問, 但仍未選到心目中的座駕. 所以想請教一下, 以便能揀到一部"安全"及"性能可靠"的綿羊 1. 從你們的介紹中得知, AN150是部不錯的選擇, 但AN 150 跟姊妹廠星艦150有否分別? (價錢明顯有別)日本出的是否會較耐用? 2. 12"轆是否會較10"的安全及穩定? 分別是否明顯? 3. 除了AN 150外, 我心目中還有幾個選擇: a. Kymco Apex 150 b. Kymco B&W 150 (此車跟 APEX 有什麼分別?) c. Shinning 150 d. SYM Shark 150 (常在街上見到, 但好像嘈了一點) 我想知道那一部性能比較可靠? 已知自動綿不會非常耐用, 但想找部不會太容有問題的.那一部的口碑較好呢? 多謝指教, 望能早日回覆阿華Walter walterpoon@i-cable.com 從閣下的字裡行間可見到，相信已經患了「急性揀車患得患失焦慮症」：)講笑。不用擔心安全性問題。危險來自駕駛技術及心態，不關車的事。日本車在「性能可靠」方面仍較有信心，價錢亦較貴。 12吋轆照理說是較10吋轆來得穩定，在路面凹凸不平時會來得較淡定舒適。台製150綿羊無疑在款式或風格上都比日本150綿羊多選擇，價錢亦較便宜。以二萬元預算，買部台灣新綿羊玩幾年乜都抵晒啦，唔駛太擔心。 Kymco, SYM都是綿羊老牌子，信得過。
12/03/2001	你好,我叫 Jimmy, 本人剛買了一部 Majesty125,但我不大清楚其特性. 故請指教. 此車平時走公路應保持在什麼速度? 極限多少? 高轉數會否傷車? 此車起步實在唔夠力, 有朋友建議改 "中缸" , 會有問題嗎? 請給我意見. 感激, 祝業務蒸蒸日上 . jimmy mak jj8504@yahoo.com.hk 其實要它長期開90km/h以上都幾辛苦。平時走公路當然應保持在合法速度啊！我相信原庄車極速在100km/h 左右，如果順風可以再多一點。高轉數只要不過熱，不入紅區，是不會損害機件的。但車胎和迫力皮，汽油都會加快消耗。長期高轉數行車，各項維修保養功夫更加要做足，如果保養不善，高轉數當然會加快引擎機件損耗。擅自更改引擎規格，在香港屬非法改裝車輛。「改中缸」我估計你是說擴大燃燒室吧？缸徑有變，需要更換活塞，和各項密封配套。零件質素、手功、技術都是重要因素。改完車馬力大o左，其他傳動部件未必能承受這改動，也需要一併改動。其實四衝程125cc綿羊你想要多快呢？俾你改到盡，快得過250嗎？但四衝程單汽缸250綿羊又有多快呢？一架400街車便可輕易放爆佢。但400街車在其他大車面前，又是一個弱者。台灣就話法例限死在 150cc以下「姐」，香港冇呀，搞咁多o野又犯法，點解唔換車？如果閣下追求加速享受，更是越大排氣量越有利。買得125羊，都係求方便求代步求實際。唔好搞咁多o野，做個守法好騎士重好啦。
07/03/2001	Hi...你好,本人剛購入一部黃色的Magna 750.想請問黃色Magna是否美國版?如果日本翻新來港的話,是否由美-日-港這樣的來,還是日本有行貨?(因我有上手日本牌保) 另外,如果加多兩盞巡航燈在車頭,長遠來說,對電池有否影響呢??祝貴網越做越正!!! Simon Wong simonhrc@netvigator.com 單憑顏色不能判斷，因為顏色可以改。建議你直接問捷記會比較清楚一點。大排氣量的電單車會有從歐美各分廠逆輸入回日本的情況出現。有日本版薄只能代表部車曾經在日本登記過。額外加添電氣設備一定會增加耗電。最重要是考慮加燈後會否超越總Fuse的最大負苛。此外也應養成熄車跟手熄燈的習慣。
02/03/2001	Subject: 有關96豪漢150 本人買了96豪漢150,請問有什麼要保養(此車行27000km),能否給我技術資料??? 謝 Danny danny_yu@hongkong.com 先恭喜閣下榮昇車主。96年豪漢150頭搭尾成五年車，為穩陣起見，應該來一個大check維修。自動波綿羊以傳動系統的損耗最需要留意。傳動皮帶，普利珠如果一路都冇換過，check下穩陣D。其他基本動作 - 輪胎、迫力皮、火咀、風隔、油隔、偈油、電池、避震等消耗性用品，有需要就換。化油器一般不需要洗，反而應「攝哇佬」(引擎閥門間隙)，但一般車行都不會主動提議你做。 27000km話多唔多，保養好的話可以係一個極低里數，但保養差的話則已足夠做成嚴重傷害。以個人愚見，注重安全性及可靠性的保養最重要，改善性能的費用則可遲一步先搞。
	觀看以往來信