鐵騎網誌 www.ibike.com.hk

28 Sept 01	本人現在想買suzuki drz 400 但如果我去祥泰行睇車又不可以試，但我又沒有朋友有這部車試,我沒有駕駛過四衝程抓山車,只駕過crm,因現在環保問題crm二衝又停產,現在想問是否值得拿52800$ 出來買這部車. leung <leung9233@sinaman.com> 我們試駕過DRZ400，感覺良好，夠力又好玩。可惜座位十分高，跳晒芭蕾舞。現今市道下，HK$52,800不能說便宜或抵買，只能說物有所值吧。
27 Sept 01	您好, 本人剛剛18歲出頭,希望能夠今年內考到電單車牌,以下o係我想問ga問題: 1)請問學車要幾銀??幾耐??同埋有沒好學校介紹(最好屯門區)?? 學車費用約6、7千元，不過唔係一次俾晒，重可以分期付款。快者半年之內搞掂。詳情請看香港駕駛學校網頁www.hksm.com.hk 2)考到車牌後買新車好定舊車好??有無車款介紹?? 視乎個人預算及喜好而定。新車台灣綿羊都係萬多兩萬元，太舊的車怕機件有問題時自己唔識搞，避免買年份較高的車。適合新牌的車款包括各250 - 400街車或跑車，視乎個人天份及身型而定。 3)二手CBR R400要幾銀??新仔渣唔渣得惦?? 年份新的CBR400RR，企理都要三萬元，都幾貴。慢慢來冇話唔掂。 4)電單車保險係點買法??貴唔貴?? 購買第三保，如向車行買車，他們會代辦手續。如果私人轉讓，只需打個電話俾保險代理，再上去俾錢拿份臨時保單搞掂。但現時新牌出保險有點困難，正價約三千餘元。 5)除o左買車同保險之外重有o羊要買?? 重要買牌費，頭盔，手套，車鎖，車cum。 6)養車平均每個月要洗幾銀?? 養車費用：油錢，每月例行保養，定期維修，停車場，告票，改裝補品，豐儉由人。可以係由幾佰元起至幾千元不等。 7)$20000-$30000搞唔搞得惦o甘多o野?? 學車，買車，牌費及保險，HK$ 20k-30k絕對可以包晒。例如出部二手97年日本150綿羊，都係一萬蚊左右，大把錢剩。 PS因為小弟係一名一邊做part time,一邊讀書ga自修生,故資金並不算太過充足,希望不要怪小弟o下o下都問幾銀,幾錢之類ga問題...多謝!! eddy lee eddy_lee1015@yahoo.com.hk
26 Sept 01	編輯先生：我是住屯門的，但我要往葵涌返工。我想請教你，我有朋友是决大陸車接老細的，所以佢可以幫我在大陸買電油，平很多呀！但我又不知大陸的電油和香港的有乜唔同，會損害我的電單車嗎﹖ I-Cable bblucky@i-cable.com 國內電油的辛烷值約92-93度，香港的電油約98度，分別在於長期高轉數令引擎十分熱時，高辛烷值的電油質素較穩定，比較難發生震爆(Knocking)現象。一些高級的巡航跑車如GoldWing, CBR1100XX配備了防震爆感應器，當測到霧化油氣進入燃燒室未點火時已發生自燃現象時，便會自動調整點火時間配合。除了震爆現象外，相信低辛烷值的電油對電單車的爆炸力加速性能會有一點影響。電單車轉數比汽車高很多，要求電油的質素較高，如果用國內油，加番個電油隔穩陣D。其實電單車用油多極有限，唔使咁慳下話？
24 Sept 01	我上個月出左部Gilera VXR 180, 可惜最近出左小小問題, 請閣下幫忙! 我架車最近試過停車突然死火, 而起步時要tat幾次車先ok, 車行教我較快D個車頭, 後來果然好左少少, 但後期有一日我抹車時發現我車底好似有液體滴出, 好似有少少電油味, 現在我想問一問? 這情況與我較快車頭有無關係? 而根據閣下之知識, 我架車出了什麼問題? 這情況到出車之車行保樣修理是否不用收費? 如繼續不理此問題而繼續行駛, 有否安全問題?煩請盡快幫忙心急人上 piupiulock@my.netvigator.com 車底有液體漏出，好少機會係電油。有無比較過耗油量有否上升呢？估計多數係閣下偈油過多，導至活塞阻力過大，所以怠轉易死火，過多偈油由透氣喉流出。與較快車頭無關。先檢查偈油存量是否過多再說。你架係新車，有問題番去車行睇下，一般都唔會收人工錢。
23 Sept 01	在私人買賣中,,合約談妥,,如果賣家當日(轉名)臨時打退堂鼓,,請問買家所付的臨時保單是否可以索償呢？謝謝您的幫忙。順祝台安準買家陳上 sales@metalgold.com 當然可以。因為你們已建立了一份買賣合約，如對方無理毀約，受害的一方當然可以就其損失進行賠償追討。如果你和賣家已約定了交易日期，而你也因為履行合約而辦理了保險，交易告吹時你所付的費用當然要由對方承擔。如果對方堅持不肯賠償，便可能要告上小額錢債法庭待法官判決。(但即使法官判你勝訴，並不等於即刻有錢收。因為敗方仍可以不依據法庭判決乖乖付款。例如離婚案的膳養費，法庭雖然判了銀碼，但現實上往往很難收到。
16 Sept 01	Hi Editor, Thank you for your reply first! I saw from your Web Mail Box, you mentioned that the supplier will make some track in the bike during the Environment Protect Test. Can I resume that "handicap" to normal. Do I need to ask help from my supplier. And this few days, I heard some small sound from the engine when in the off gear or normal gear. The normal sound (I think it is normal) is continue with "chunk" "chunk" and about one second two "chunk" only. The small sound is "tat" "tat", sometime comes and sometime disappears. I know that is quite difficult to guess the problem. But would you please give me some idea that is similar. I have place a digital thermometer in the engine. the location is the middle back of the V2 front engine. Contacted outside of the heat sink. The reading is about 90 C in 80 km/h in highway (weather is about 29 C). But in traffic jam or running in the tunnel. It read about 130 C and it hardly falls down. When I ran out of the tunnel and ride 10 min. more and stop the bike. The read was still 130. Is it normal? Or when should I change the gear oil. Form the new to now, I am using the Coastal oil. Is it suitable. and the last time changed the oil is 17-03-2001 in 922 km and now is 2340 km. What is the maintenance and riding speed in the hot summer? Many thank! Ming gming@chek.com If you want to "remove" the handicap, you need to find a good aftermarket pipe and get re-jetted, but we don't recommend you to do so because the handicap is only a very minor impact, and XV535 is not a sport bike, just relax and enjoy it. Do you know why Honda is the most popular brand in HK? Because Honda made their bikes' engine so quiet that other brands can't match. But is it mean good? not really, other brands just use different design, that's why sounds are inevitable. As long as you find the power delivery and fuel consumption is performing normal, just do the regular oil change and valve clearance check, don't bother it. The spot you placed the heat sensor is the hottest place in V2 engine, as the cool air is difficult to reach, temperature should be very high. If the engine is really overheated , cylinders & pistons will over expanded and increasing the friction. If you feel the power delivery started to weaken suddenly, slow down the bike asap and turn off the engine when you are in a safe place. Wait for the bike cooling down and go to change the engine oil. The engine oil stored in your bike is more than 6 months time, you should change the oil long time ago. In generally speaking, the duration of any engine oil should be no longer than 3 months or a few thousand km, whether which one come first (scooter even much shorter - 1000km life).
16 Sept 01	Dear web owner, i have 2 yrs licence, i would like to buy a bike again, i had a Rebel , and Kymco Heroism before, now i wanna drive again, for holiday only, outlook is not a big problem, economy, power ok, easy for handling, maintainance. In my mind is CB250, GN250, whats yr comment?how about scooter? I heard taiwan's one is not durable, can only "last" for 2-3 years, so second hand will be lots of problem, is that right?if for scooter , about 150cc, what do u recommend?Where can I find the report of the old model bike? like CB250, NV400.... As all the "bike files" are talking about new model for all brands. coz apart from the "owner's report" I wanna know more from your professional comment about a bike. Regards, Biker 747 kk999wong@hotmail.com As you are not a green rider anymore, something bigger than 250cc is more fit to your leisure needs, we guess. CB250/GN250 is good for commercial purpose, but not a good choice to serve leisure purpose. 400cc Naked bikes should match with your requirements: economy, power ok, easy for handling and maintainence. We thought that you should sick of small bikes' performance when they are on the highway, find anything bigger than 250cc is much more fit to you. Our suggestion: CB400SF, CB-1, Bros 400, XJR400....etc. If you still want to have a small bike, then try to buy a bike as new as possible, because chance of abusing the small engine by previous owners are relatively much higher than big bikes. Our suggestion: Honda Freeway CH250, SYM Shark 4V 150, PGO T-REX 150...etc.. We understand that it is very difficult to find old model report, that's why we set up the "Owner report" to serve this purpose. If you want to have a full report, please try to connect magazines in HK, they should keep the records.
15 Sept 01	請問波子盤到期會有乜野影響??行車時,直路,彎路??慢車,快車??停車時轉向??如果推拉把手時一邊會碰到油剛一邊就不會而有野kick住,請問係乜事??會唔會係波子盤到期???thank you for very answer !! Ng ng_jason@hotmail.com 波子盆有事的話，主要會令你較難掌握細緻的把手操控。快慢車都會受到影響。你話「一邊會碰到油缸> 一邊就不會而有野kick住」，係咪講講左邊盡軑時油缸夾手指，右邊盡軑就唔會？某d車款因為將就鎖軑關係，設計上係咁樣，唔關波子盤事。
14 Sept 01	Dear Editor, Sorry for using english of which I don't know how to type chinese. I am going to have my driving test in few months time and would like to buy Honda CB-1 as my new motor-bike. Would you be so kind to give me some advice regarding to this bike? Is it good for new driver? How much (on average) for a second hand bike? Thank you so much and wish you and your magazine all the best! Mike wmmau@yahoo.com CB-1無可否認係一部好車。如果唔係日本仔興玩懷舊車，根本唔應該會讓CB400SF代替佢。CB-1再加分的原因是現在價錢好抵玩。如果在私人轉讓的尋寶遊戲中，第一代CB-1(59ps)約一萬蚊多dd就有交易。如果係第二代CB-1(53ps) 價錢會貴多少少，但真係抵玩過Super Four好多。當然因為年份問題，每部車的狀態都不同。如果閣下身型唔係特別細小，新牌操控CB-1都唔係話特別難。主要適應把手位置和學車時完全不同，舒適度也是一般。其他街車Best Buy包括Bros 400(V2引擎)，論價錢一萬以下真係好吸引。
14 Sept 01	請問波子盤有乜用??如果剎車頭fork 向下時有sound 係乜事?會唔會係波子盤有事?? nokia nokia99@hongkong.com 波子盤係轉向軸承的啤鈴，好似兩個大細圈放在一起，內藏塗滿雪油的鋼珠仔。位置係把手眼鏡位與車架的支點內。作用係讓把手轉動。如果懷疑波子盤到期，可扣實前迫力，雙腳站起，用力來回推拉把手，感覺一下把手和車架間的支點位置有沒有空隙。如果有，希望係波子盤未上實。最好起大架讓頭輪凌空，慢慢來回轉動把手，感覺一下在轉向過程中是否順滑，有冇野「kick」住。如果有，波子盤到期要換。料錢唔貴，但人工貴。拆晒成份頭擔時，順便睇下駛唔駛換fork油毯或換fork油。費時下次又拆過。
13 Sept 01	請問有甚麼調教（自己set的）會影響行車/過彎時的穩定性（之前好飄）？我試過呔氣少DD，避震軟DD，好似有幫助，對嗎？重有無其他？多謝解答！ Rick rick@freeforum.org 請問你架係乜車？避震有冇乜得調較rebound/compress？胎氣由幾多減到落幾多呢？胎壓過高，減低輪胎吸震作用，也減少咬地能力。一般車的原廠避震通常冇回彈rebound調較，就算有得較，效果也不甚明顯。所以如果把預載preload調高，油壓效果未能管治彈簧的跳躍，車身會彈下彈下，輪胎負重起變化，會覺得「飄」，因為輪胎在車身向上升時冇咁咬地。你減低proload後覺得有幫助就係咁解。但軟避震快車就唔得啦。要快車又要穩，只有換避震。
13 Sept 01	主編您好：上次多得主編解答本人水箱及尾迫力油的問題，感激萬分，我已換了尾迫力皮，同時發覺傳動鏈條鬆弛，修車技師幫我上番緊條鏈，但我發覺上下移動只有約10mm，是否過緊？又聽聞Hornet250的軑氣為前28後30，是否正確？又要麻煩主編解答問題了。多謝！治 creatart@hkstar.com 唔駛咁客氣。如果你由車鏈的中央上下搖動，只得10mm虛位應該是過緊了。最好參考說明書或看看尾擔上有否指示說明，通常虛位有20-30mm，約一吋至吋半。胎氣問題，很視乎體重多少，駕駛方式，是否長期載人或長期行走高速公路而定。建議由頭30尾34psi開始，漸漸調較至你最滿意的磅數。在可接受的胎壓範圍內，低磅數較咬地，高磅數較省油。自已考慮。留意量度胎壓要待車胎凍後再開始，所以自備一個優質胎壓計不可少。
13 Sept 01	主持您好! 車架尾段因生銹氧化致部份發漲剝落，怎辦? 那間車行有此維修? 若行車時軑桿有搖晃或震動，問題可大可小至何程度? 忠實讀者 kam_lai@hkbn.net 請問你架係乜車呢？車架生銹到發漲變威化餅，都幾大鑊。我唸要燒焊補強，再上番防銹油先得。試下問灣仔利士車行睇下佢地重有冇得做？如果唔係綿羊，試下問安定。佢地有燒焊。如果行「直路」時把手不停都有震動，最簡單係前胎氣壓不正常，又或都頭胎嚴重到期。如果唔係就可能係波子盤(轉向鵝頸啤鈴)有事。梗係唔好啦，話晒都景響操控。
10 Sept 01	網主你好：有一些問題想問你，我考了牌已年幾了，但在一星期前才買車，那架車是92/98 HONDA 400 BIG one，車子應該冇乜問題，因我有妺妹的朋友陪我一齊買，應該冇撞過，但講到電單車我也算新牌(我開貨車就已三年了)，現在正式騎電單車，請問： (1)有什麼要留意呢！電單車同埋貨車最大的分別人係電單車體積細小，唔好以為人地一定見到你。行車時要靈活走線封位，等人地唔好咁易插到你。 (2)我想幫我部車大燈換白燈，用什麼牌子及伏數，型號應該如何選擇呢！白燈可提高安全，但小心調較角度，別讓低燈照到前車倒後鏡。選購時只要才插頭和火數和原裝一樣便可。牌子有平有貴，冇乜研究。 (3)我部車全部都是原裝料，我不是有意去鍊車，我只想加一些可以幫助安全性的配件，有什麼要加呢！邊度有得買呢！提高主動性安全，即增加操控度，便要留意輪胎，迫力，避震等相關部件的狀況。After-Market配件主要係俾快車用，你未使用住呢。 (4)有什麼方法可以收車快D呢！因現在决上手後，覺得駕駛學院學的不能收快車，因那時才駕50KM，現在上屯門公路也决70KM，雖然我也有守二秒規則，但我好驚在有事時收不到車呀! 收車要又快又穩，技術為主，裝備為副。只要迫力系統正常，一般中速以下急收車絕冇問題。高速急收車除了技術之外，掣動規格和避震設定也佔很大比重。CB400SF單用頭掣也足夠收車，當然在下坡道先用尾迫力令車身沉一沉會更安全。留意初扣迫力桿時不要太大力，慢慢擠壓讓頭擔負重增加，才可進一步增強掣動力。如果你話行70km/h都驚收唔切，咁要鍛練一下預見能力wor。 (5)此車在平時應該是保持幾多轉數才最慳油呢！我通常在4-5000轉左右轉數越低又行得最多里數，為之慳油，五千轉以下用六波行Highway，應該最慳油。但有乜事要快手踩低一兩粒保持轉數才夠力加速。CB400SF在六千轉以下基本上係未「目訓」醒。 (6)我這款電單車可以有幾耐玩到呢，我也是一個錫車的人，平常換油加水那些我也會做足，還有那些需要做呢！只要保養良好，我驚你玩厭部車九年，部車都重有排「餚」。都係個句，warm車及勤換偈油最重要。其他消耗品按期更換，保持常用車的習慣，冇乜好搞。 (7)這款電單車是否偷車目標呢，我曾經也看過你回覆讀者時也說過買二手車較好，我就是那些如果被偷了車後會痛死的人呀！我有朋友和我說過BIG 1 的鮑魚是很多人偷的，有辨法防止被偷嗎﹖ 偷鮑魚係偷Brembo鮑魚，92年Big One唔使驚。反而因「街記」活動猖獗，你份頭燈和錶板會危D。冇得驚，驚得咁多咩。車cum+鎖車+轉換泊車位置，做好本份，其餘只有聽天由命。 (8)可以換那一種胎可以冇咁冼呢！因我曾經看過貴網的用家報告說這車在雨天是很危險的. SuperFour因馬力細小，雨天使用基本上很安全。只要用Sport Touring有排水紋的道路胎，唔好用Sport/Race級輪胎，便會很安全。當然濕地駕駛所有動作都要easy，提早剎車，唔好玩急剎，唔好玩遲入彎。。一次過問你這麼多問題真不好意思！如你太忙！便請在空閒時間才答我吧！多謝！多謝！ Jimmy bblucky@hotmail.com
09 Sept 01	編輯你好: 本人向來用私家車,現改用電單車代步,有一問題想請教,汽車有機油和波箱油,两種機油有不同之特性和功能,但電單車(四衝程)的結構是引擎和波箱連成一體,連機油也一同使用,使我這個向來用開私家車的我百思不得其解,電單車用的是機油還是波箱油,希望你能幫我解決這問題和有好的合成機油介紹嗎？ thank you hg8457@hutchcity.com 電單車因體積小巧，不會像房車般把引擎和波箱分開。所以電單車用的是機油。但真正應該擔心的電單車濕式離合器也是浸在同一機油中。高溫的機油會否變質影響雜合器操作，甚至過份潤滑令到離合器墊片打滑呢？機油生產商聲稱在電單車機油中加入了添加劑，能同時產生潤滑作用之餘，又不會對雜合器產生負面影響。所以售價比房車用的機油貴很多。個人對這說法有少許保留，亦有人做過研究否定機油生產商的說法，認為現今房跑車高級機油的質素可以用於電單車上。當中爭論所牽涉的利益很大。我們未敢下結論。市面上所售的電單車機油質素都良好。主要視乎閣下車種和用途而定。水冷細cc跑車經常高轉行駛，壓縮比較油冷或風冷車高，引擎溫度較高，應選全合成機油。一般街車如不是常鬥車，半合成機油便可。巡航車或大cc油冷街車，因為常用轉數低，也不是用水冷，壓縮比較低，礦物油便夠。因為全合成機油價格昂貴($100-140一公升)，壽命也不是特別長，如果什麼車都用全合成機油，會造成無謂浪費。因為不論選用什麼機油，都要勤換偈油。
06 Sept 01	Dear Editer,I have some technical problems need your help. I have a Virago 535. She only gets one speed-meter and without the RPM reading. (1) I just wnat to know how can I check the RPM from reading the speed-meter with the fixed gear. For example, I run in 100km/h with the 5th gear. What is the RPM? (2) What is the ratio in the different gears? (3) What is her top speed? (4) I find her running in 100km/h in highway with shocking. does it mean that she cannot run over 100km/h? (Actually, I seldom run her over 80km/h because I wnat to keep her in a good condition. But sometime I need to ride in the highway.) Please give me some advices for runing her and maintenance. You can weite me in chinese becaue I don't know the chinese input. Hope you can know and forgive my poor english writing. Many Thanks,Ming gming@chek.com 如想知道引擎轉數，可加裝轉數錶，日本台灣均有After-Market部品選擇，約數百元一個。即使不是百份百準確，但起碼可以有一個概念。沒有試過XV535，不知道它的極速是多少，但應該在160km/h以下。不清楚你指車身在100km/h震抖的程度是多少，但V2引擎當然不及直四順滑，有輕微震抖是正常的。但你說為了愛錫車，常保持在80km/h，可能會弄巧反拙，搞到車頭「立」晒。下次換了火咀風格及偈油後，可嘗試延遲轉高波，讓引擎轉數高一點，讓引擎工作得更起勁，提升狀態。只要不是長時間高轉數行駛，只要有充份暖車，唔使對佢咁客氣。一隻馬要間唔中鞭下佢，先會肯跑。只要保養做得足，包你越扭越精神。呀重有，原廠車為了通過廢氣及噪音測試，會在特定一個轉數中做到少少handicap，推上dyno馬力機上試，會很清楚見到馬力曲線下陷。如果你剛巧常在那個轉數行駛，便會感到引擎乏力，震抖加劇。只要超過這轉數便沒有問題。
06 Sept 01	網誌主編：您好，本人是第一次來信，有些問題想請教，本人是新牌仔一名，剛買了Hornet250，加水箱水時發覺水罐隔離有一個量杯，有高底位看，但裡面是一些黃色的液體，不是水箱水的顏色，水面還底過底位，請問那個量杯是點用的？多謝指教。Thank you 治 creatart@hkstar.com 你應該係講緊車身中間，座位之下的副水箱和後掣動油壺。呢兩個都係用半透明膠製造。先講加水，應該加落主水箱而唔係加落副水箱。裝著黃色液體的東東係尾迫力油壺，存量低過底線可能係迫力皮損耗得七七八八，導至油位下降都未定。先檢查迫力皮才決定是否需添加迫力油。講番加水箱水，Hornet車系的主水箱蓋是外露在車頭油缸外，要加水箱水要等車頭冷卻後先好開蓋。多口問句，做乜無端端要加水呢？係咪見到副水箱好似冇乜水，於是想加番D呢？副水箱作用係當引擎勁熱時宣洩過多的水壓，待引擎冷卻後壓力減少，主水箱便會從副水箱吸回副水箱的水。單看副水箱的水位來判斷冷卻液是否足夠不可靠的。
02 Sept 01	駕駛車款: 98 DX Majesty 黃色暴雨的晚上在屯門公路(大欖段),keep快線行80公里,車速突然勁減,以為車出現問題,接著聽到sss一聲,望一望路面水花四濺,剎那間由80公里突減至60公里。當時嚇一大餐,幸好車子沒有擺動否則可能炒車。感主主!雖然這晚是民間的鬼節,但耶穌勝過一切的黑暗的權勢。哈利路亞! 肇事原因及教訓啟示:一般的路面是龜背形的設計,所以奉勸各位,在大雨天最好行中線。 Jim (message sent via form) 編按：原文以「炒車報告」格式提交，但因沒有發生意外，故未能放入報告中。唔好話電單車，即使房車衝入水TUM中，也會搶軑造成危險。行中線呢個建議唔錯。
02 Sept 01	網主你好！本人剛剛買了一架Yamaha XV400。因為行車時有點大風，請問加一個風檔會否有用？加了風檔後會否對後座乘客增加風勢？祝工作蒸蒸日上。Chris wong.chris@attglobal.net 加風擋可以擋去一部份風力，視乎After-Market的風擋面積和外型，效果可以差好遠。建議加裝風擋面積不宜過高過大，因為風擋連接轉向把手，高速加太大風時會影響操控。雖然小風擋唔可以擋晒所有風，頭和雙臂仍有風吹到，但胸口已改善了不少。下雨時效果更顯著。亂流一定會吹到後座乘客，但問題不大。
	觀看以往來信 Aug July June May Apr Mar Feb