鐵騎網誌 www.ibike.com.hk

31/Jan/02	Hi Editor, I bought a 93 GSXR 400, but rarely to find the spec and riding feel, I hear that GSXR 400 is a really fast bike and I own another 91 model before First Gear can up to 80km/h, but now just about 60km/h, and not easy to ride over 150km/h, what should I change to improve? And could I have the spec of 93 gsxr400? And I found from the net, front tire is 29pounds/rear is 33pounds; is it most fit? Thanks a lot and wish you Happy Chinese New Year. Shing Vincent.Chu@jenfaith.com.hk 93 GSXR400 certainly not a new bike, especially after numerous sporty owners...... can't expect too much from it. Did you checked the clutch plates are working good? 150km/h top speed is too low. Did you keep enough rev starting from 2nd gear? Or you might need to change the spark plug/air filter etc.... to get improvements. Tire pressure seems make sense, but sorry we don't have the spec.....frankly we have no time to dig it out, hope u can understand.
30/Jan/02	近排看到 Benelli Velvet 250 的價錢非常合理, 所以心郁郁，小弟體重有成 84kg, 有時還要送女友回家, 但不經常 (佢住天水圍, 要行highway) 請問呢架車 suitable for me 呢? 會唔會唔係幾夠力呢? 我真的不喜歡大羊, 因泊街位十分不便, 而且大羊的 outlook 我多數不滿意，請問除了這架車之外, 有冇其他細 size, 大馬力的綿羊推介呢? Raymond raymondddddd@netvigator.com Velvet 250幾掂架！用Majesty 250水冷機器質素有保證。當然250綿羊力水唔可以有高要求，但環顧同級對手絕不失禮。除了這架車外，重有相近定位的Kymco B&W250及最原始的Honda Freeway 250(十吋轆腳尾掣)。俾我揀，有錢就Velvet 250，冇錢就Freeway 250。
29/Jan/02	編輯: 客氣話不多說, 貴網址的貢獻有目共睹. 小弟最近撞車, 人沒有大恙, 車子卻十分傷, 醫療費要7k以上. 心想與其醫治, 倒不與放棄. 因為心想再抯發生過意外的車子, 心理障礙十分大, 不知編輯有何意見? 另外, 小弟心思思考慮分期供honda的cbr600f普通版. 但十分擔心此車被偷被搞, 因為小弟未必有停車埸可泊, 只能泊街上. 不知編輯覺得此車被竊的風險高不高呢? 麻煩編輯為小弟解煩惱, 先謝~~ Kubrick 除非部車受到不可復原的創傷例如車架尾擔有變型裂痕，否則整番都一樣咁用。不過如果過唔到心理關口，換過部車重新做人都係一件好事。 CBR600F絕對係一部搶眼之作，俾我長期放係街真係有D心痛。先唔好講俾人偷俾搞，長期風吹雨打日晒雨淋，部車會殘得好快，二手價會又跌一截，都係想辦法搵個地方安置佢好D。費時你每次都要用五分鐘以上開鎖摺車cum，影響樂趣。
27/Jan/02	主持你好 :本人台 cb750，已行了四個月大約走了四千多公里 ,run-in完未 ,本人未 run-in過車 ,舊車揸得多 ,新車未渣過 ,請主持過两朝 ,袋啲錢落我袋 ,等我台 cb750二奶越走越靚 ,謝謝 . waterflow@my.netvigator.com 喂唔好咁客氣，大家傾下偈o者。四千幾公里乜車都run-in完啦，唔駛咁錫佢，係時候炳下佢爽下佢。不過記得勤換偈油播！
26/Jan/02	Dear Editor, would like to know the appropriate tyre pressure requirement of Steed600 for single ride in highway. Thanks for your information in advance. Ray Fung fungray@netvigator.com 呢條問題由觀塘新幹線店長Alex代答：可試從35psi / 38psi 開始調較。
26/Jan/02	想問下電單車的偈油有那幾種，巡航車應用那種，如果偈油太多或太少對部車會有什麼影響 thanks suedeloverhk@yahoo.com.hk 大至上可分為礦物油，半合成和全合成油三種。巡航車引擎轉數不太高，用半合成油十分適合。偈油太少會影響潤滑和散熱能力，但偈油太多則會對內部機件造成太大壓力，轉波會順暢，引擎反應也可能會變遲緩。
26/Jan/02	有無方法對付的士佬??? Fred fredlam@hongkong.com 如果係緊急關頭之下仍能記低車牌，當然可以打去交通投訴組作出投訴。電話：2889 9999.但係一般人都唔可能會記得，所以只能靠本身路面經驗，及早避開危險或麻煩。
26/Jan/02	Dear Ibike webmaster, Please kindly contact me via mobile phone xxxx 0620, as we are a car club of volkswagen, for decent drivers, we will have a website soon, and we want to put a link to your website too, I myself is now learning motorbike at Yuen Long SM, passed competent test already, and waiting for road lessons. Hope to hear from you soon with best regards AU techhghk@netvigator.com Thanks for asking but it is quite strange to put a car club link into a motorcycle web site. Please don't get me wrong, we just want to concentrated on bike issue. Anyway, glad to hear that one more driver going to learn riding bike. It is good for us on the road as only bikers can understand bikers. Please feel free to discuss with us if you experienced any interesting subject in motorcycle.
24/Jan/02	編輯人兄：小弟愛車90年 CBR250R，想問𣈳呔氣前後要打幾多。請賜教 Matthew O mwno@yahoo.com 可從頭28尾32psi開始時調較，因應著體重和是否雙騎而定。如以走highway為主，磅數宜pump高少少。如以走彎路居多，磅數宜set低少少。
24/Jan/02	我有個 friend 想學電單車，但係佢有一個煩惱，希望可以幫下佢。佢好鍾意綿羊，如果將來買車都一定會買羊，但係問題就發生，佢個頭既 size 係好大，而家佢想問有冇一 d 羊既頭盔有加大碼，因為如果搾羊而帶個大頭佛會格格不入，佢去問過車迷城等地方都話冇。唔該！ raptsui@magicaldesk.com 有冇試過安定車行代理既意大利Nolan頭盔？
24/Jan/02	i use front 28 and rear 30 now ....but my friend tell me front 24-25,rear is 30 -32 ....i don't know which one is good ,can u teach me ,thx....i want know which tire is suitable for my t-rex 150 ,,i want dunlop ..pls..lee logo ricky@hotmail.com Checked with Lee Lik, their advice is front 24-26psi, rear 28-30psi depends on mono or dual ride. Dunlop do not have proper size to fit TREX 150, you can try Showa tyres, price around $1,000 all in.
23/Jan/02	你好編輯，我剛考到了P牌一個月，想買中型 size２５０的綿羊，現時市面上的中型２５０綿羊無論二手或新車都要三至五萬，很貴買不起，左看右看都是joyride150合我心水，因我是用來返工，而且由屯門去到北角要行highway又長途，看過車主報告說{行highway會飄浮大風會車側}又驚車馬力不夠，自問新牌技術有限，請問如果買joyride150會適合我嗎？除了joyride還有價錢約二萬元左右的綿羊嗎？編輯請指點指點helpme!!! edmond_lai5 edmond_lai5@sinaman.com 如果Joyride 150都話飄，咁其他正常size的150綿羊更加難接受。長途車行水冷的確比較穩定。keep住行80km/h走長途應該冇問題。但其實新車可以分開兩年供呀？咁咪可以買架貴D既車o羅？
23/Jan/02	編輯先生: 本人想找一些專門幫人濆頭盔的店舖,價錢大約係幾多?? 謝謝！祝蒸蒸日上 wymans@hongkong.com 試下搵美聯睇下幫唔幫到手？價錢要睇番你要求果D花而定。不過小心做好防護措施，以免頭盔吸震內層被漆油腐蝕失去保護功能。
23/Jan/02	我架 @150 出左冇幾耐, 開頭行車時 engine 的聲音十分靜, 而且很好力,加速很暢順. 但最近發現行車比新車時噪音大了很多, 而且有點冇力的感覺,尤其係起步. 我的車只行了 400 多公里,如果要換機油又冇理由咁早就要換...........咁到底發生了什麼問題呢?又有什麼解決方法呢?(補充: 我架車曾在旺角泊街位時比人成架掃跌, 可惜搵唔倒邊個做,如果唔係.......................) Francis francisyau7@netvigator.com 雖然你部愛駒不幸俾人掃低，但係唔關事既，千奇唔好對佢態度轉冷呀:p 冇力的感覺好可能係你已習慣o左果浸力。引擎嘈表示偈油已過了最佳狀態，以然未夠期換，但係新車頭一次偈油不妨快D換，最多金屬屑就係呢轉偈油。換左油後睇下有冇靜番？
21/Jan/02	編輯大人您好!!本人於數週前購入一輛Hornet250(97)，渣渣下發覺有少少問題，其疑問如下﹕ 一）究竟正確胎壓應是多少？有人說是30/35（磅），但我現在是28/30（磅），如長期行Highway會否令輪胎變形(平)？二）本人發現收車時把手有輕微向左郁，是否前叉不直？三）慢速收車時發現前制動碟受力不均，要換碟或制動皮？四）有何因由導致上述二、三之問題？「P」牌戰士謝謝編輯大人幫忙！ looking for lookingforbike@hotmail.com 街車胎氣一般是 28-30/30-34，但視乎個別車款及所使用輪胎型號而定。尾擔上應貼有胎壓指示。胎壓不足會令輪胎與地面磨擦力過多，浪費燃油和加速輪胎耗損，條胎會呈方形。其實可以用肉眼觀察尾胎與路面接觸後所留下的痕跡，一般在胎中央的面積不應超過胎闊的三份一。收車時向左傾，先檢查前胎壓是否過低，再看頭fork有沒有漏油，轉向承軸(波子盤)有否虛位或打柴需要更換，最後才檢查前叉是否不正常。迫力碟和迫力皮有最低厚度的要求，唔肯定的話請去車行檢查。
21/Jan/02	I have bought a new XVS400 two weeks ago, could you advise me the any maintenance and checking that i must follow up with. And I feel it vibrate seriously when only at speed 90km or above. ttyar raytt@sinaman.com Brand new XVS400? then need time to break-in the engine components, .90km/h may be too much for the initial 800km/h. Change engine oil more frequently than the manual suggested, and trying to use all gears instead of always 5th gears in highway. V2 engine of course more vibrate than in-line four, and .XVS max speeds should be around 120-40km/h. Don't expect too much for 400 baby cruiser.
21/Jan/02	主持你好 :本人出了一台 CB750現有問題如下 .1:此車除加頭 FORT碼護架 ,尾箱風擋外有沒有什麼可以加或改靚仔喲要是合理改動請旨教 2:油箱行車中石仔飛來引至有一小洞有什麼可以補救很心痛請教教我你的支持者上謝謝 . waterflow@my.netvigator.com 你都已經加左好多野落去羅播，重想加D乜呢？錢多可以試下換條四出一喉丫，不過CB750係穩重平實車，自自然然咪重好睇？俾石仔打凹油缸，冇理由為此翻噴咁嚴重架？不過要留意車漆有否剝落的現象，如果有就補補油穩陣D。
20/Jan/02	請問以下3部車,邊部抵玩D? (1)94/96 Honda Nighthawk 750 $19,000 0首,Yoshimura死氣喉 (2)98/00 YAMAHA DRAGSTAR400(XVS400) 特點橙色超低坐位,停泊有蓋停車場, 九成新假日車,只行左一萬公里,電鍍極新,連皮袋,車套. Price: HK$32,000 (3)97/99 Honda Magna 250 銀色,假日車,保養良好,新o太,原裝椅背,有牌費,未跌過,轉抯私家車 Price: HK$28,000 錢我夠買任何一部,但(1)和(2)(3)相差幾年,會唔會差幾年D車易壞好多,維修費都係番度? (1)750CC會唔會比 (2)400CC (3)250CC大食好多? (3)250CC會唔會馬力太細?車身輕過頭架車唔定呢? 新人好多問題,怕阻你時間,謝謝你的幫忙! 笠臣 jesusc jesusc@sinaman.com 唔知你有乜喜好同埋用途，好難作出建議。價錢三部都係正價，冇乜邊部話特別抵玩。要馬力要每天都用梗係要750，要靚就Dragstar400.但如果駕駛技術唔係咁熟，揀Magna250冇乜機會可以出錯。
20/Jan/02	Hi Can I buy a bike, if I don't have a driving licence. I will let my brother to drive, he have the licence, than how can I buy the 3rd party insurance for him. Please advise. Thanks Jacky weewee99@pacific.net.hk Only Commercial entity can separate the bike's ownership and driver, private party are not allow to insure bike insurance without appropriate driving license. That's mean you can't buy a bike which is ready for use in road legally without the driving license as requested.
20/Jan/02	編輯您好!!多謝上次回信!!本人已成功考取"P"牌啦!!真係好開心!!但係跟住問題嘅戲肉到啦!!!就係買車!!我問過好多地方(包括閣下),答案就係只可以出綿羊!!OK......Fine....都好過冇得揸,最主要都係想攞多啲路面經驗,響衆半群中本人對Bajaj SL150 Classic 幾有興趣(平呀嗎)但係我對呢個牌子同呢架車嘅優/缺點唔係知好多,適唔適合一個成二百磅嘅新牌呢?唔該哂！！ Harry Chang harrychang2000@hotmail.com 恭喜晒！SL150 Bajaj唔係太清楚其性能及穩定性。不過咁平，都唔應該有太多要求。差唔多呢個價錢要出新車重有一個選擇，就係CPI Hussar 125。
19/Jan/02	本人看過貴網頁的車主報告後覺得 sym 大鷹王很適合本人 , 所以決定購買(以落訂尚未攞車) , 現有一問題想請教主編 , 本人覺得該車輛的設計十分適合香港用,據車主報告中說它的弱點是頭燈太弱 , 而車行老闆說他也沒有辦法因為燈罩也是膠的 , 主編有何良策. henryyam henryyam@hkbn.net 我相信車主們說頭燈暗是相比起現時的超白光頭燈吧。不是所有車的線路和插頭都能使用市面的產品。如果係膠燈罩的話更加冇乜計仔。其實要咁光做乜？你知唔知其實好乞人憎架？
19/Jan/02	編輯您好,我想請問如果代人出車及購保險,需否在購保險前作出聲明有此安排.如在出意外時,在有聲明及無聲明下,車主及駕駛人(新牌,過25歲)分別要承擔什麼後果.謝謝 Thomas MA thomasmamw@hotmail.com 在法律上冇代人出車呢回事。你係登記車主就係登記車主，保單自然跟你，有鑊梗係你揹。出左事如要cliam保險，你自然要上身。大大鑊的話可能累到你以後都買唔到保險或要俾貴保費。新牌因為用唔到自己名出保險，你代辦的話，一定要查清楚保單上是否容許你借予P牌駕駛。我們的意見是，除非佢係你屋企人冇得避，否則幾friend都好，可免則免。
17/Jan/02	編輯: 您好, 本人是第二次來信. 謝謝你上次教我check下水箱水和風扇,上次架車過熱的問題己解決了. 但是,本人最近發覺很難尋回空波,一波slow車又有聲. 以前轉波和找空波是很易的. 我想教編輯是甚麽原因? 另外,本人想換自換火咀, 卻發現有一枝火咀深入氣"江"內,使火咀通難以放入,我應用長尖咀坩把它𨯩出, 還是另有方法呢? 謝謝! Michael polyu1@sinatown.com 轉波或尋空波有困難，可試查偈油存量是否過多，和極力子威也和墊片是否需要調整或更換。sorry唔記得你部係乜車，如果係CB400SF應該唔駛起油缸都可換晒四支火咀既。
16/Jan/02	我剛完成強制試，覺得花了12小時去學習一些太簡單的技術，很浪費時間，不想在駕駛學院學習路試。準備出車自己學習，看到Mandy Lai 的來信，想請問現在還有沒有私人教授路試？Thanks!　 daniel38 daniel38@i-cable.com 香港政府沒有發出私人正式合法教授電單車執照，朋友非正式指導另計。如果唔去駕院學，你點知道考試的要求和步驟？行車路線，場內打八字也沒有機會練習，自己學冇乜著數播。
16/Jan/02	今日下晏四點零鐘個陣,我騎住架綿羊仔由尖沙咀番屋企,途中係土瓜灣下鄉道果度既電單車位,我竟然發現一大堆掛滿學字既電單車,我個陣時十分好奇,駛埋去裝一下,數下d電單車,大概數量係六七架,我個陣時心唸"乜唔係得駕駛學院至有得楂學字電單車既咩...",我再四圍八卦一下,見到堆電單車埋面有個招牌寫住"貴記學考電單車"...原來...坊間重有地方可以租用學字電單車...不過我又唸"咁如果我係電單車學員,我點樣係土瓜灣租到車後再去到三間駕駛學院既其中一間度練習考試路線呢?"似乎,租呢d學字電單車都冇乜著數可言....不過因為見到,所以同鐵騎網誌報告一下^_^ MANDY LAI lsi@netvigator.com Thank You！
16/Jan/02	編輯您好: 本人想問問您有冇睇過TAXI, 戲中主角DANNIE在路上駕駛大尾箱綿羊做出各色各樣的特技, 出神入化, 如死氣喉刮地, 停車升起尾胎, 反手軑原地轉圜等, 本人曾試用PX200做死氣喉刮地, 刮到地但冇太大火花(差D跌死), 起到頭但起唔到尾(停車衝前有小小心寒),有無方法學到這些特技, 有無一些VCD教授這些特技,何處可以購買, 同埋我的車子能夠做出這些特技嗎? Martin Pang tsz_wang@yahoo.com 雖然係拍戲有D誇張，但要PX200做到呢類動作亦唔係冇可能，但人地拍戲是NG再NG剪輯而成的賣埠大作，你即使做到呢d動作又有乜得益呢？有關的特技動作，講求身體的平衡協調和神經反應，多摸索多練習多受傷如仍不放棄的話，終有一天可做到。外國雜誌偶然也會介紹如何做出特技動作，網上也應可訂購這類比賽的影帶/VCD。
16/Jan/02	編輯你好！我想問你我是决super four的，在近來我用1波慢車行時有時會聽到"格格"聲，由其是載了人或上斜便有更多"格格"聲，後來去了車房比師傅看過他說可能是鍊鬆了，便幫我攝了，但情況依然！另外早上開車時轉數會跌到落二百或零以及死火之後便很難再著了，我的車要成六毫子1km，點解會咁貴呢！我問過我的朋友也是五毫左右呢！ I-Cable bblucky@i-cable.com 除了是因為條鏈快將到期外，頭尾牙的損耗也會產生噪音。應檢查車鏈和頭尾牙的情況，看看是否需要更換。死火後很難再著車，應該是火咀問題。油費很難界定是否正常，因為相差不算多，如果經常定速走高速公路，會比鬧市塞車耗油少。
16/Jan/02	本人想提醒各車友.有一件事和大家分亨,我亦不想講到投訴.事由本人的保單到了期.再過多十天至被發現.期間仍有駕駛.你地話如果有事就真係大獲啦.因為如發生意外要陪錢要罰的是我責任很大.於是上去續保.我問那位小姐點解到期都不通知.因每年他們都會早一至二星期寄到續保通知單.但今年沒收到.他說他們寄了.於是我又問她電話有沒打過.他又說有.但我又沒聽過.我在他們買了三年保單.錢他們識收.但有沒責任去提醒他們的客人呢.因保單的事很重要很大責任的.我知自已也有責任記得到期.但保單的事一年一次.好易忘記但你們是專業人事我們給錢比你.你們應該做的事便是單和提醒你們的客人到期了.他們沒有回覆應找多幾次.不是說寄了便算.這樣的服務態度怎樣叫人再次幫你買.希望你們改善一下. kin a076162@hotmail.com 牌費和燕梳都是很容易忘記的事情。從現在起我們都應自心留心保險幾時到期，因為現在保險公司的政策不斷改變，分分鐘做開果間唔再做電單車三保，所以都係自己執生穩陣D。
14/Jan/02	編輯你好! 本人乃新牌仔一名,將會於3月到出部VXRrunner180,但本人考慮很久,不知出新車好定2手好因本人對老電認識甚少如出2手怕有手尾,此車耐用嗎,兩者價錢相差幾多到呢?而VXR180有沒有嚴重0既缺點呢!本人身高約175識合嗎!如出此車第三保約多少!如此車與HondaMaxster150相比,邊個正d呢?本人試過0向highway行約100左右,因使用開面帽,已經蓋上面罩不過都吹到流曬眼水,請問使用大頭佛會入風嗎?真的問了很多!請多多包涵!! ibike.com;忠實FANS 小B上 Billy xlokx@netvigator.com 買二手車有時要碰下運氣，尤其是自己唔識睇車時，真係好易領野。幫車行買新車，當然較有保證。 VXR 180的缺點是座位較高，但你有175cm應該冇問題。三保約一千九百多元？問下奧士車行先敢肯定。 Maxster 150係Yamaha作品來架，都係一副戰鬥格，要看閣下對兩者外型有何偏好。你個頭盔入風吹到眼，一係頭盔不適合高速使用，一係呎碼不對。靚既開面帽唔會咁樣，買個好D架啦。
14/Jan/02	Hi ! 你們好! 請多多指教 !我的愛車是 PGO 的 T-REX 150, 已行了大約 7000km, 其實部車都沒有什麼唔妥,只係我唔係太滿意它的起步速度, 你知啦電單車起步最緊要快,咁我想問下有什麼補品可以令部車起步快o的呢? 會快幾多呢?整左之後又會唔會對部車有副作用呢 ? Sam sam_cheunglun@hotmail.com 可以考慮更換不同重量的普利珠，但小心影響極速。其實原廠setting係考慮最常用的情況而調較出最全面的設定，想快最好換車。
14/Jan/02	編輯您好!我想問我架車係"強盜400",近排當停車熄匙後,就在波箱位置聽到"滴滴滴"嘅聲音!請問是否有零件破損,如耍維修價錢昂貴嗎???感激回覆!! yiu7401 yiu7401@sinaman.com 唔駛擔心，滴滴聲係機件和死氣喉冷縮熱漲的聲音。
14/Jan/02	剛出了部 Honda @150, 發覺樣樣都幾好 (特別是加速, 十分暢順舒服) 但發覺它的迫力真係唔多夠 (特別是頭迫力), 往往要前後制一起用才足夠. Honda 的店員說現在的迫力未磨好, 要用耐 d 才好一點. 為什麼要磨呢? 如果迫力磨好後也不足夠, 那麼要換掉那頭碟及鮑魚嗎? 貴不貴的? 除此之外還有什麼方法可以令到個迫力好 d 呢? 另外還有一個問題, 就係每次我 tak車不久後, 停車的時候會死火一次, 但之後就冇事, 咁到底發生了什麼問題呢? Thank you. Ken kenchoi123@hotmail.com @150好丫，喂綿羊唔同街車跑車，淨靠頭迫力一定唔夠，養成良好習慣前後一齊扣就最好。如果拿顯微鏡睇迫力皮同埋剎車碟，會見到大家的表面十分粗糙，各自有其凹凸的地方，磨合的意思便是把迫力皮的凹凸形狀磨至和迫力碟吻合，那是雙方的接觸點便會最大，掣動力最好。等你run完迫力皮睇下情況如何先啦，@150又唔係跑車，冇啦啦換野好浪費o者。停車易死火，可能係新車引擎太緊，凍車易死火。又係個句run陣車先睇下點。
14/Jan/02	請大家一起平反::: 各位車主: 本人今年24years, 自去年八月考到車牌, 需要掛"P" 牌, 仍然覺得沒所謂, 十月中開始四周搵車, 本想代步返工, 但本人鍾情於chopper 車款, 但後來才發現現在所有保險公司都不受理第三保, (除了綿羊車外), 本人心心不憤, 為何政府不理會保險公司實施的制度, 引致"有牌無車出, 有車無人出", 保險公司說明要有正式的駕駛執照才可購買保險本人覺得一年內不能操車, 一年後一定不懂駕車, 只能駕駛綿羊,有可用處? 現在經濟不境, 保險公司有這樣的決定, 一定影響車行業務, 更影響想學電單車人仕的心, 究竟我們的"P"牌人仕是否要一年後才可有公平的待遇? joe f_c_h@hotmail.com 即使新牌暫時只能出綿羊，我們認為也應欣然接受。尤其當新牌唔熟車又唔熟路面情況時，容易控掣的綿羊起碼可以令人顧少一瓣。咁樣唸個心會舒服一D。
14/Jan/02	編輯您好！本人將於17號考路試！經過三次強制試及一次路試經驗！已經冇咁驚考官啦！但係由於上次路試s原因茫無頭絮！希望編輯指教！對於路試！本人最最最擔心就係打8字！！但係個"S"係因為"換線時未有查看交通情況"！但自問已頻頻"拎"頭！！臨返駕駛學院時考官響我側邊話我兩次過線冇望！！天呀~~~~~~我有呀！！唔通真係要拎到個頭貼住膊頭？！定係好似個傻仔咁係咁拎？！我都知考路試就好似做戲咁！！但係要點做至穩奪"P"牌呢？？請指教！！另外！！礙於本人喜好！對chopper或街車好有興趣！！但近日有多路消息指燕梳分司只會出燕梳俾綿羊"P"牌！！咁年齡及其它方面會唔會有影響呢？！唉！！辛辛苦苦考個車牌！唔通考咗就出唔到車？！ Harry Chang harrychang2000@hotmail.com 你冇講錯，要順利通過考試，真係好似做戲咁做。考試時考官唔係淨係應付你一個，所以對眼唔係成日望住你。例如你話有擰頭望，但考官話睇唔到，真係有咁既可能。所以擰頭望的動作要大，唔單只擰條頸，重要擰埋條腰，咁樣包果位考官見到。事實上當你日後在馬路上奔馳時，習慣擰埋條腰望會睇得清楚好多。
13/Jan/02	哈佬!編輯:又係我早兩日同你講我揸開400cc點解又會想換150cc台灣羊因為1.保險實在太貴2.因為試過冬天太涷撻唔著部車要推車太辛苦.所以貪Joy Ride 有脚撻同因我查車其實唔係十分快屯門公路多數都在80-90km之間同此車儲物空間大十分適合我.但因有朋友已出此車.說驚我上屯門公路唔夠力所以問問是否眞的不適合而你推薦的XJR400街車我好多朋友都說十分適合我但我還是想問問Joy Ride是否不作考慮.Thank You c.k.Ho hochunki@hkbn.net 看來你十分喜愛大鷹王呢！無可否認外型及儲物量都遠勝街車。如果你不注重加速享受，(或習慣150的動力), 應該冇問題。有沒有看過車主報告？
13/Jan/02	我架t-rex 150,換了條mallosi尾避振,但新的避振比原庄的稍長,有冇問題呢? 但我吾知怎樣set條避振先為之適合,我140lbs 重,有尾箱. 換了新避振之後,發覺成架車也升起了,連落大架也頗費力,同揸完之後pet pet 也痛痛地,是關條避振頗硬,但入灣也沒有明顯改善啊,怎辦呢? lee logo ricky@hotmail.com 新避震先調較至最軟，讓整個避震行程可以盡量用，讓避震芯浸滿避震油防銹，以免將來避震芯生銹刮損密墊墊圈漏油。待一兩週後慢慢把避震逐級調硬，每次改動少少看看分別。調較避震前先確保胎氣正常。照計升高了坐位，攻彎時應更省力，避震硬了，快彎時應更穩定？
13/Jan/02	本人雖有買車之心但發現最近日圓及其他貨幣下跌 , 私家車車行已開始減價但電單車則沒有減價 , 難道香港的電單車是香港製造嗎? 希望編輯可以為我們想換車或買車一族向車行反映意見 . Thanks you very much. henryyam henryyam@hkbn.net 據我們所知，私家車因貨物銀碼大，水貨車商採用訂車方式較多，而幾個巴仙的匯價上落，相差銀碼也較可觀。電單車因車價不及私家車高，車行很多時都時以現貨購買，而因採用遠期外匯合約來支付日元，所以短期內未能靈活調整售價，因為來價成本仍是合約上的舊匯價。希望當這批合約用完後，而日元仍處於低位時可有新售價。
13/Jan/02	Dear Sir, I am deciding which AN series would suit my needs. Please tell me the horse power of AN 250 and AN 400 which are not shown on your website. Regards, William wsiuting@i-cable.com SBS do not disclose the horsepower by purpose. From our understanding, AN250 max output around 23ps, AN400 max output around 33ps. Hope it's help.
10/Jan/02	本人已抯了綿羊差不多兩年了, 現想玩一玩 fairing 車, 我現想買一架　６００ｃｃ　的 fairing 車, 是不是 600cc 或以上的 fairing 車叫 superbike ? 我看過那些 600cc 的 spec, 發覺比起 400cc 的車勁很多, 點解差 200cc 會有那麼大的分別?如果我抯開綿羊, 現在抯 fairing 車有問題嗎? 有什麼600cc 的筍車推介? Superbike是一個統稱，源自WSB直四750cc V2 1000cc容積限制的(舊)賽例套用過來。600cc跑車雖然未能稱得上是真正Superbike，但如落入適當的人手中，威力絕對不能低估。你發現400cc和600cc的馬力相差咁遠，其實是人為因素所做成。歐美流行大車，對400以下的電單車興趣不太(歐洲綿羊另計)。車廠製造的400cc車款，主要針對日本市場，而馬力被法例限制在53ps以下，如果沒有此法，直四400可以超過70ps馬力。轉車後，當然需要有一段時間需適應，例如坐姿、轉波、油門力度、掣動等操作工夫。此時千萬不要參加集體活動，等自已摸熟後先好見人。不知閣下預算是多少，如果平平地三四萬可以揀部Honda CBR600F3/4，有大架，出名易用，係跑車之中All-Rounder，另一款係Yamaha 的Thundercat 600，比CBR600F更舒服，但可惜貨源少。
10/Jan/02	你好:本人我剛報了駕駛院的單電車課程。我想問下學單電車應用邊款頭盔好呢？我有Ｄ朋友叫我買Ｄ賽車個Ｄ頭盔帶，但我看過價錢後要成千多元一個究竟值得嗎？而手套的價錢都是很貴的嗎？還有的是新牌駕邊類車好呢？我諗住一年後不用掛著（Ｐ）字的時候買RVF400，二手價錢貴嗎？最後是想問CBR400同RVF400有何分別呢大家同樣400cc相差有多少呢？問了咁多問題真不好意思^^"但可否解答我嗎？一千個唔該^^' evozero@hongkong.com 學車因為車速不高，可以容許先買個平平地既頭盔用住先。幾舊水買個台灣貨都ｏｋ。手套也可以用類似勞工手套的線質手套（掌手有防滑膠粒)現在新牌冇乜車可以揀，萬事以出到保險為先。騎乜車唔緊要，最緊要係有車騎！CBR400RR係直四引擎(並列四汽缸)，ＲＶＦ４００係Ｖ４引擎，駕駛特性分別不會太大，但以ＲＶＦ的Ｖ４引擎較熱，闊度也較ＣＢＲ４００ＲＲ窄少少。現在靚仔的ＲＶＦ易搵過ＣＢＲ４００ＲＲ。ＣＢＲ４００ＲＲ真係買少見少。
10/Jan/02	編輯你好!本人已經揸電單車都大半年(1月考牌3月出車)舊車是Virago400.現想換車請給一點意見.現有心水選擇兩個1.新羊Joy Ride 150 2.二手Virago750 89/92 因本人要日日來回屯門公路同有時要接女友(註:本人太200磅)thank you! c.k.Ho hochunki@hkbn.net 天天來回屯門highway，會載人，你重200磅，用開400cc，點解會走去揀150綿羊咁奇怪既？但89/92 Virago年份太高，保險亦未必須利出到(你牌齡尚淺). 如果係預算有限，兩萬蚊以下可以搵部年份新D，例如9幾年既XJR400街車會適合D。
10/Jan/02	編輯你好 ! 本人在10月成為P牌, 到現在才想買車 ! 我鍾意綿羊, 本想買 PGO T-REX 150 (好型0架 ! ) . 但今日睇車個老細話 T-REX 150 係 (風冷???) 不太好, 叫我買另一水冷0既MODEL, 我很喜歡T-REX 150 0既款, 所以我不知點算好, 故請編輯大人給予一些意見 ! 水冷比風冷好嗎 ? 而我想用來開工, 所以每日都要負大約20KG貨物來回西貢 . 又有咩車可以勝任 ? 有冇其他好介紹 ? 又有朋友話台灣綿唔耐用 ? 真有此事嗎 ? kalok lok1130@hotmail.com 應該咁講，世界上冇車係無敵o既。幾貴幾靚既車都要定期維修，都有機會壞，亦都有佢特定的使用條件。據我們所知，T-REX 150係油冷，而不是強掣風冷。不強調高轉數的車款使用油冷都好足夠。水冷車亦唔係無敵，要顧多瓣水箱保養。如果用來代步送貨唔係鍊車，T-REX 150絕對OK，而且勝在零件充足，價錢又唔係貴，算係抵玩。不過咁，台灣羊比起日本羊在耐用程度上會有分別，250cc的綿羊亦更適合你的用途。但好野價錢自然貴，自己唸唸。
07/Jan/02	我的朋友是抯私家車的, 而他的坐駕是 Skyline GTR, 我抯的只是一台綿羊.他時時講笑話要同我鬥車 , of course 我唔夠 port 同佢鬥啦 !再加上我架只係綿羊, 點鬥呀?但有時在想.........在一般的馬路或公路上,究竟要用到什麼電單車才能跟他一鬥呢?要出到 R1 嗎? 或是 GSX-1300R隼呀? Joseph josephwong1@sinaman.com 也許不應用「鬥」這字眼，可以將條問題轉為「在一般的馬路或公路上, 房跑車和Superbike各自有何長處及短處呢？」我們認為，高速駕駛電單車所需要的技術水平及體能，比起房車為高。如撇開駕駛員的技術不談，純論兩者機動性能，我們的見解如下：四輪房車和電單車各有強項，房車四輪踏地，彎中唔怕甩，救車技術相對比起電單車容易。電單車加速力強，較房車快達到自身極速，道路闊度相同下騎士可走的線位相對地較房車多很多，但過彎及掣動技術較難掌握，犯錯的後果也比房車嚴重很多。房車佔優的情況為：路面質素不佳，長期走下坡道兼多盲彎。電單車佔優的情況為：起步及把握機會加速發圍，上斜兼多彎。房車在入彎前及過彎時的速度可以比電單車高，但出彎速度則比電單車慢，同場出現會有機會大家輪流阻住大家，加上電單車不應和房車太貼近行駛，所以為公平計，兩者應分段行駛相同路段，再比較時間。如果直路較多，電單車當然勝過房車，但如果彎路佔多數，則要看看雙方技術而定。 GTR唔係彎路戰神，純鬥直路也不夠SuperBike快，如果你位朋友唔信，叫佢學電單車，同時買番架Superbike，佢就會明白架勒，到時就唔會週圍撩人鬥車咁幼稚啦。
06/Jan/02	my bike is t-rex 150,條避振係原庄嘅,當快速入灣時,條避振好似坐船甘,上下搖晃.好可辦法救之,頭叉如行凹凸之路面,亦振得非常厲害,怎辦呢?如換kit避振which one is good and not expensive ?which model tire is suitable for t-rex 150?同埋想換火咀線,if change it,性能會高一點嗎?有乜option part可提升此車的性能and 頭段呢?what is your opinion about this bike? lee logo ricky@hotmail.com 尾避震似乎打左柴？唔使驚，換果條全新氮氣避震，都係千二蚊到。頭fork改kit料會好貴，不如先由改變fork油的濃度著手試下。改動火咀線的效果應該不會有你預期中的大。由於唔知你部車行左幾多公里，好難話點樣提升性能和改良起步反應。建議先返去PGO總代理利力車行檢查皮帶和離合器的狀況，看看零件損耗的情況才知。一般可以換普利珠來改變加速特性，但可能起步快了但尾段會減低，又或者情況相反，要小心處理。我們覺得T-REX勝在零件供應充足，價錢又唔係貴又多野改多野玩....正常咁用唔應該有大問題。
05/Jan/02	請問馬力及扭力是怎樣計算的? 我看見那些馬力 (ps), 是否一 ps 等如一隻馬的力量, 一隻馬能夠跑約 60 km/h的速度, 那麼那些擁有 100 ps 馬力的電單車又為什麼不能去到 6000 km/h的速度呢? 那些扭力 (kg-m) 又是怎樣? 那些 kg-m 是否等如一公斤呢? 我看見那些綿羊只有0.9kg 的扭力, 那麼 0.9 公斤的力量怎可能推著 100 多公斤的電單車走呢? Calvin calvin3489@sinatown.com 1 kg-m扭力(扭距)的意思是能把一公升重的物件提高一公尺。純扭力的數字並無實際意思，因為沒有時間限制，可以是一小時，也可以是一年，並不能完全反映機車的動力性能。所以我們要加入時間的因素考量。1 ps = 75kg-m/s ，意思是一ps馬力等於在一秒時間內，可以把75公斤重的物件提高一公尺。當中加入了時間的因素考慮，可以更清楚地表示機車的功率有多大。因為馬力是跟扭距和引擎轉速成正比關係，引擎的容許轉數越高，馬力會越大。馬力是「扭距」加入「時間因素」的計算單位，馬力越大，表示能在更短時間內舉起相同重量的物件，或是在同樣時間內舉起更重物件。極速數據和馬力的大小當然是正比關係，但並不是線性關係。加上以幾何級數增長的風阻，要挑戰極速，如何應用空氣動力學也是一個重要課題。引擎曲軸所產生的扭距會透過減速比加以放大。假設當引擎曲軸每分鐘運轉7,500rpm時，尾輪每分鐘只轉2,500rpm，減速比為3.0：1，便會產生三倍的槓桿力量，放大了引擎曲軸的扭距。加上引擎的扭距並不是用作舉起機車，只是推動輪胎向前走，所需的力量便能大大減少。
05/Jan/02	編輯大佬 : 想請問下自動波車打8字難在係什麼地方啦, 應要注意什麼呀, 手波車及自動波車邊個難打8字呢 ?? 請回覆 NOK smau@netvigator.com 以尾掣動為減速主力的自動波綿羊，在初初俾油時，動力不會馬上出現，所以第一件事便是要熟習油門的角度，何時尾輪才會真正有力到。第二件事是綿羊中間冇油缸俾你夾著，較難保持人車合一的重心，兩隻大脾盪來盪去，會出現多個重心影響操控。所以我們將錯就錯，利用打開膝蓋的方法在轉彎時把重心轉移，方便轉彎。第三件事是綿羊車身輕，用外傾方法轉彎，(即是騎士在轉向時上身的傾斜角度不及機車的傾斜角度大)，可以更靈活地在慢速時轉細彎。當你掌握了以上三種方法，斜路打八字應該冇乜難度可言。
05/Jan/02	想購買一輛150cc綿羊代步,常常來回東廊,想有地臺,穩定,好力(兩人坐) 請recommend一輛綿羊 THANK YOU jimail@hongkong.com 閣下的問題好像是針對著SYM 大鷹王JoyRide 150而設的：水冷150cc，平地臺、穩定豪華、有大量儲物空間....但150cc雙騎走highway，你想點好力呀？
05/Jan/02	你好!本人想問更換四衝偈油時,車要放直來度油的level,油位在那條線之上或之下最好呢?度的時候是否把油蓋擰緊為準呢?想拆油箱時看見好多條喉拔那二條才對呢? 謝謝! Jonas Lam lamyuenfai@ctimail.com 檢查偈油量通常是透過引擎右側底的偈油窗口觀察，或是靠偈油蓋的探針顯示，只要在上限線和下限線之間便可。檢查時留意車身應在平地棟直，熄車後待一會讓偈油全部回流到池底才會準確。我們不建議車友在沒有受過維修訓練或有相關知識的朋友陪同下，嘗試維修機車。你想知要拔那一條喉，俾車行做一次，自己睇睇下次希望識點做。
04/Jan/02	「爭D」炒車報告駕駛車款: X9 車主: SIMON 事發經過:其實沒有炒車, 但已差不多了, 所以想與大家分享人命財物傷亡損毀:29/12/01, 由大埔往九龍沿吐露港公路出沙田方向, 剛由大埔上公路不久, 即發現架車左搖右擺, 當時行緊快線, 開始收慢車, 並由快過中線然後到慢線, 架車仍然左右搖晃, 以為是大風所致, 但仍覺有點不對勁, 加上有架車曾經在我後面響安, 所以將車駏往第一城並落車檢查, 原來是尾呔被'湯'開了, 就算到油站補氣, 都是即時漏出來, 我的車是用原子呔的, 唯有往補呔, 到石門一帶的修理店, 最後找到一間肯補電單車, 但不幸地在駛上獅子山隧道公路不久便又漏氣了, 最後要 call 拖車, 又要換呔, 加上brake 皮等, 要$1200找數當時感受:由於沒有受傷, 只是金錢上的傷, 但事後想起深明猶有餘悸的意義, 實在好驚事後影響:當隻羊又左搖右擺時, 好驚, 會擔心出事肇事原因及教訓啟示:其實現在會更提醒自己對架車認識仍然好有很, 因為當時仍然不知大鍋, 如果不小心, 例如仍然強行快線, 咁後果真的不堪設想了,但想問我當時應該如何是好呢？如果原子胎可以爆到即場漏晒氣的話，最好換過條胎唔好再補。慢慢收車停在安全地方後便疊埋心水call拖車，唔好四圍走唸住補胎。
04/Jan/02	Hello, I would like to know was the difference between RVF400 & VFR400, and also, which one you will suggest of RVF, VFR and CBR400? Thank you so much! Leo Leung lhkleung@netvigator.com Did you check this out? hope it's help. http://www.ibike.com.hk/01_bike_report/local/honda/previous_rvf400/previous_rvf400.htm Without knowing your purpose and budget, difficult to make recommendation. We will head for RVF400 (latest technology and style)
04/Jan/02	Dear 鐵騎網誌:你好, 一年前我購入現在抯緊那部 Yamaha Zeal 250, 我在網上, 電單車店舖都搵唔到此款電單車的有關資料,例如馬力,扭力等數據,可否告知小弟此車的有關資料呢?仲有，抯了此車一年,我發覺此車如要抯得好,必定要 keep 8000rpm 或以上轉數, 此車已經十一年車了, 如此高轉數和老人級數的車, 保養方面應該注意什麼? 自己可以點做先可以減少入廠次數? 同埋架車耗油量大約 $ 0.55 - 0.6, 合理嗎? 點先可以再平 d 呢 :p ? 多謝解答 ~鄧龍 ryutang@hotmail.com 年份和排氣量小，是ZEAL 250的最大敵人。唯有勤換偈油及油隔，保養功夫做好D，開車前先warm車，唔好轟油門慳時間。油費偏高，但沒有辦法，因為高轉數及機件老化，效率降低所至。規格表真係要搵搵先知有冇，唔好意思。
04/Jan/02	你好, 本人一年前駕駛二衝程Fairing，對四衝程車認識很少。四個月前，購入了Steed巡航車。但是，本人有些問題想請教編輯先生： 1. 巡航車紅色TEMP燈最近行10公里便亮起，(特別是上高速公路時)。兩個月前未有發生，一個月前還去車行換了偈油！這是否因為水箱水過熱，還是偈油問題呢？長時間亮起有何影响? 2. 巡航車有什麼消耗雖品要注意呢？謝謝! 祝業務蒸蒸日上! Michael polyu1@sinatown.com 有否查看過水箱水是否足夠？可能水箱水不足，導至散熱不良。過熱會頂死引擎活塞(拿鏣)，鎖轆炒車都有可能。巡航車和其他車一樣，沒有特別不同的地方需要留意。但通常尾掣動都是用機械鼓剎，需要定期人手調較迫力威也，填補迫力皮的虛位。
03/Jan/02	請問如欲購買美式巡航車而後座乘客要有較舒適坐姿者可考慮那一日本牌子，什麼型號？請賜教 Samson samang@netvigator.com 傳統巡航車後座位都比較細小，雖然有靠背，但屁股兩邊百份之三十以上都晒飛出街。後座位最正係GoldWing呢類的豪華巡航車，其次便是豪華綿羊。甚至某此街車如EL250都可以坐得幾舒服。美式巡航車真係一時間唸唔到有邊款坐得四平八穩播。
02/Jan/02	本人現己玩了我的 150 綿羊差不多一年了, 現想玩 fairing 車, 想買架 cbr250或 cbr400, 我聽人講這些車都可以去到約 200km/h, 加速力勁過綿羊幾倍.請問這兩架車 0 - 100 km/h 要幾多秒呢? 我不曾聽過 250 的綿羊可以去到 200km/h, 不是 cc 逾大馬力及速度就逾高嗎?那為什麼 250 的 fairing 車可以去到成差不多 200km/h, 但 250綿羊就..............同埋想問下你對這兩架車的平價怎樣? 有什麼同級的 fairing 車比它們好呢?因我想從 250 或 400 級數玩起...Thank you Rainbow rainbowsix@hongkong.com 估計CBR250RR要8-9秒，CBR400RR要6-7秒，不太肯定。極速是由馬力，齒輪比，風阻所決定。引擎轉數越高，馬力越大，綿羊引擎因為汽缸數目少，並採用長衝程低壓縮比設計，偏重扭力表現。加上配備細口徑化油器，極速不會太高。現時最大排氣量的超級綿羊極速約160km/h便要行人止步。(但其實都己經很快)。相反跑車的引擎因為是多汽缸短衝程高壓縮比設計，偏重於高轉數的尾段發揮，加上低齒輪比和流線外型，所以極速數字較高。但一味講求極速數字並不全面，還要看需時多久，常見衡量標準是80km/h加速至120km/h需時多久。因為這是最常用的實際參考數據。假設出保險不是問題，CBR400RR一定會好玩過250。你有一年駕駛經驗，加上CBR400RR也是容易操控，可試玩400cc。
01/Jan/02	本人最近成功考取電單車執照(P 牌) , 想購買一輛150cc 綿羊 , 心目中有兩選擇 1. SYM JoyRide V4 150 . 2. SYM Shark 150. 兩者各有所長, 前者穩重舒適後者時興有形. 本人每日要由官塘經紅隧到灣仔上班 , 請問主編兩者如何選擇或有甚麼介紹最重要是意外少保費平, 另外還有一個問題 , 現時本港的電單車車行無論聲譽及售後服務好壞難辨, 沒有朋友可問, 請問主編有何推介(如該問題使主編尷尬 , 則無須解答車行問題). ***祝新年進步 , 心想事成*** henryyam henryyam@hkbn.net 先恭喜閣下能成功取得車牌。新的趣味生活即將發生啊！在台灣，JoyRide 150 比較多見，可能是外型較美觀吧。新手不需要太強的衝刺感，所以Joyride 150會很適合你，又穩定又舒適。相比之下，大鯊王的靈活性可能會在高速公路上嚇怕了你呢。另外有關車行的聲譽問題，我們認為很多時都是有一些人小題大做，或抱著錯誤期望產生誤會矣。當然也有個別例子是車行的問題。例如我們現在正觀察某間車行的作風有否改善，如果仍令我們失望，我們會把他在iBike中的所有篇幅除去，免得害人害物。
01/Jan/02	請問電單車有冇双響搖控防盜,等我可知離開車後有冇事,有邊一隻好介紹 SmartLAN Helpdesk dshelp@pccw.com 我們都沒有用過類似的裝置，所以無法作出推介。但市面上應該有呢種產品，如果在短距離，例如放低部車，在街口轉角飲茶便很有用。不過我們擔心這種裝備會加重電池的負擔，裝時容易拆時難。
01/Jan/02	鐵騎網誌主編先生：您們好，小弟是第三次來信了，現在我有架鈐木SV650S以五個多月，但駕駛時慢慢覺得身若起來！(可能是街跑的原故)，因為每日要由大埔至觀塘往返所以想過換車，但我楂開牽引力高的四衝V2引擎，和以習慣用油門和波段來減速，因始想請問主編先生有什麼車種適合小弟(體重85kg 高5呎11)？和是否應該換車(因本人也覺得很浪費)？煩請主編先生指點。祝：鐵騎網誌，蒸蒸日上 cheung tkc8889@i-cable.com 睇唔明你想問乜？(但駕駛時慢慢覺得身若起來！)<----唔明。新車才用了五個多月，好浪費播！不過有錢另計。閣下85kg五呎11吋，簡直係model身材，乜車都適合。我估你係咪話覺得SV650S辛苦？咁轉玩街車啦，如果萬里達未賣晒的話，全新XJR1300都係賣65,000，抵到爛啦
01/Jan/02	編輯你好!! 有o的問題想請教你!!我心目中想買約97,98年的Zeal 250/Spada 250/Jade 250,因為喜歡她的外型同價錢吸引,她們是否都是四衝,有40匹馬力!!?? 她們有什麼不同之處!!??我今年o岩o岩22歲新牌,是否保險出唔到上述幾部車呢!!?? 另外我個子不大上述幾部車是否o岩我,還是有其他街車更適合我呢!!?? 麻煩晒!! (祝你身體健康!!) Kenneth Chan dkenneth55@hotmail.com Zeal 和 Jade 250都是使用直四汽缸，Spada 250則是V2引擎，直四的馬力約有45ps，V2的馬力則只有33ps，如果追求馬力，則直四較適合。個人認為，Zeal最靚仔，Spada第二，Jade因為太似CB400SF，失去自我個性。但如果你是新牌，23歲以下，我估答案係對唔住，應該出唔到保險住。雖然三台車都十分容易駕駛，但保險公司唔係咁唸。Sorry...
01/Jan/02	本人經常駕駛大林150於快速公路,往來青衣及尖沙咀, 覺得車的馬力不足, 尤其載客時, 因此想更換一部價錢約3萬元左右的電單車.外加尾箱放兩個頭盔. 以下有3個心水選擇: 1) KYMCO - BET & WIN 250 2) YAMAHA - MAJESTY 150 3) SUZUKI - BURGMAN 150 請大家給予一些意見, 從其外型, 馬力, 掣動, 保養維修幾方面作比較, 哪一部較為適合, 或有沒有其他更好的推介. 謝謝! drumon@hongkong.com 其實三萬元的預算很豐富呀，可以買二手的400cc街車，包你話唔會唔夠力。上高速公路，遇大風，載客，個種穩定信心享受，唔係小綿羊所能比擬。不過每人都有不同喜好，如果想買新車，或只喜愛綿羊，從以上的選擇中看來，B&W 250馬力絕對優勝過150，會較適合你的要求。唔好理其他原因，因為你想換車的誘因是馬力不足，冇理由又搵番部150架？
01/Jan/02	你們好! 我看了你們的讀者來信也是問 Maxster 和 @150.........剛好我現在的目標正是這兩部車的其中一部.....可否分析一下這兩部車?它們針對的客路又有什麼分別呢? Jack jack765@netvigator.com 我們覺得Maxster 150的對像是較年輕化的一群。而@150的外型甚具助動踏版車的風格，斯文得來也很適合女生使用。在數據上看，@150 的馬力和車重都較Maxster 150優勝，但實際裝備配套則以Maxster 150優勝。我們分別試騎過兩臺綿羊，覺得@150較易上手，所有操作都很中性很自然。Maxster 150原庄車沒有側架，日常使用比較不方便。加上價錢以@150較便宜，所以我們傾向選擇@150多一點點。但若果以只能擁有一臺車計算，則會喪失了Maxster 150獨有的爽快感。
	觀看以往來信 Dec Nov Oct Sept Aug July June May Apr Mar Feb