| 各位車友： 學懂駕駛電單車，是人生一大樂事。由學車到新牌的期間，每個人都會有很多問題或疑惑，想找人問是最正常的事情。香港的多個電單車新聞組，當中的主要功能之一便是協助有需要的車友們。他們有高手長老長期駐守解答疑難雜症。更有來自四方八面的車友可以提供第一身的經驗補充。如有問題直接在新聞組中提問肯定是最快最有效益的方法。所以有問題應先在新聞組中發問，如果仍不滿意或真的想聽多一點意見，歡迎寫信給我們。知道一定盡力答，唔知道便照直講唔識答，希望各位收貨。 Email: mail@ibike.com.hk |
|
警告： |
| 28/Feb/02 |
本人是新牌仔一名,正準備買車,目標係Runner180sp,考慮了很久最後都諗住買2手,因為2手價錢實在吸引。但現在煩惱緊就係本人唔知要注意D乜野,有乜野問要特別留意,因為驚買左之後會出現問題,又怕比人坤,希望貴網可以幫下小弟,指點迷津!!另外還有一D問題就係:轉名有D乜野有續,費用多少,三保約多少!!萬分感激!!!請貴網不要show
email, thank you.
二手車當然冇新車咁可靠，始終有人用過。你咁驚不如供架新車啦，逐個月俾少少地，玩得放心好多。車輛過戶轉名好簡單，轉名的車輛牌薄上一定要有舊車主的簽名，好多人唔記得簽。先搞好份保險，再拿住份臨時保單去運輸署，新舊車主一齊填好份過戶表格，準備$250過戶費，排隊交Form，用EPS繳費唔駛等。綿羊的三保費用千零兩千蚊搞掂！
|
| 28/Feb/02 |
編輯你好，小弟是一位P牌仔。現已過了多月的Ｐ牌生活，很高興還有兩週Ｐ牌便屆滿了，但卻為此事感到小許煩惱，有請編輯大人解難••••••我是還可以以郵寄方式換領正式駕駛執照，還是親身換領較好呢？唔••說清楚一點應是我很擔心郵寄換領後卻在Ｐ牌屆滿前被影快相（返工行Highway）而加監，不知怎麼辦。請恕問題有點騎呢，望編輯能夠解答。 Ｐ牌小戰士 lookingforbike@hotmail.com
你條問題真係幾騎呢。問題唔係郵寄或親身換領，而係唔好違法超速。只要你遵守法例，問題便完全不成立了。忍屎忍尿都忍埋呢兩個禮拜啦！老友。
|
| 28/Feb/02 |
您好。前日，本人一架Skipper 150被盜，覺得賊人實在「飢不擇食」，萬念俱灰，懇請主持拍提供一些防盜良策供大家參考。Roger
choi@lcsd.gov.hk
Skipper
都偷！？佢好等錢使咩？其實防盜來來去去都係個幾味(車鎖，車cum，擺放地點和時間)，盡晒人事後就睇你好唔好彩矣。靚鎖攬柱
+ 車cum +無定向泊車地點及時間係最好，但唔代表你架車唔會被人偷。算啦，舊既唔去，新既又點會o黎？
|
| 28/Feb/02 |
編輯你好, 此次是我第2次來信,
很多謝你們之前給我的回複.本人對街車情有獨鍾,
很欣賞它的線條美.(我聽說你們大多數同事也是較喜歡街車的,
是嗎?)說回正題, 我很想聽聽你對 "X11",
"XJR1300" and "Bandit1200" 的看法,
它們各有什麼優點和缺點呢?
你又會選哪輛作為日常用車呢? Perry perry_cheung@yahoo.com
以新車計，現在價錢最便宜是XJR1300,
$65,000. 其次是Bandit 1200 $ 68,000. 最貴是X-11，要七萬多。以性能最強當然是X-11，但實用性不及其餘兩位。我們未騎過XJR1300所以無法比較。我們有用舊款Bandit
1200，每天都用，感覺係好正，攝車靈活，人地唔知以為係400，原來係千二，嚇人好正。
|
| 28/Feb/02 |
你好，本人剛買了一部CB400, Big One．因我體重有190磅而又經常要載人(男-160磅)合共350磅，在過"駁"的時候,車身會發出"扑"的聲音,?又不是"浪底".請問是否避震有問題(因太重)?
而CB400的避震可否調較軟硬?多謝多謝! lawrenceho@i-cable.com
當然可以調較預載的硬度。雙騎比單騎時，避震預載應要調硬一點。但關鍵是過駁時要把車速減慢，保護避震和輪胎。
|
| 27/Feb/02 |
本人無意間在網上看到你們的網頁,非常欣賞貴網頁詳細且Update
的電單車資料. 通過貴網,我學到很多有關電單車的知識.始終我是一名初哥,
在此想問一條很簡單的問題:究竟什麼是拖曳距???最後祝貴網頁業務蒸蒸日上!!!
perry_cheung@yahoo.com 簡單來說，拖曳距是車頭前叉與車架連接的支點，向下垂直劃一條線至地下，然後由前輪的軸心水平拉一直線和之前的垂直線連接，這條線的長度便是拖曳距。 |
| 27/Feb/02 |
你好, 本人現有一部bandit 400, 想換摺鏡.
腳踏及鈦的, 請問是否所有後鏡..鈦的.腳踏的鑼絲頭size也一樣,
或是要配0岸?? 要注意什麼呢??
在什麼地方可以買到二手的呢?? (唔好意思,
因好窮但又好想換)請問電鍍要怎打理才可以保持或變回"立立令"呢??因前沙板是藍色與車身黑色不配,
可否用噴油自噴呢?? 就咁噴??
如果油氈流油唔換有什麼後果?? 危險嗎??
很多問題, 痳煩曬!!
祝貴網蒸蒸日上!! officer@iloveilove.com
後鏡大部份都通用。但腳踏會麻煩D。軑的應該得兩款呎碼。二手件真係唔知播？任何車行都會有二手件，試下問下專做二手車的車行碰下運氣。電鍍如果發o左，表層電鍍已經損壞，無法復原。任何幼細打磨都只係拋光，效果不能回復電鍍質系。噴油要先起底油，扇灰打底，再逐陣逐陣油噴上去再上光油，功序都幾煩複。頭fork漏油，嚴重的話會影響避震表現，快車會有問題。
|
| 27/Feb/02 |
Hello! 本人近排非常注意 Maxster 150,
因我給她的外型深深吸引著...........但今天看到你們的
"車主報告", 那位 "也媽下"
兄講到架車一文不直,使小弟有點信心動搖,
請問這車直的那麼差嗎 ? Desmond desmondlaui@hknet.com
的確我們初見到這份報告也嚇了一跳，真係咁差咩？唔係呀。但係每位車主都有發言的權利，主觀感覺，旁人好難講D乜。遲D睇埋其他Maxster車主的反應係咪咁樣就知。以我地試騎感覺，Maxster150幾好去個播。
|
| 26/Feb/02 |
本人上月尾在 貴網登了賣車,一直有不少人看車.直到21-2下午收到一電話約晚上10時看車,到了10時半還未出現,電話又來說找不到地方明天再約(地點和時間)都是他定,當然再沒有電話來.到了23-2早上6時本人去車場取車,車了不見了.唉......一直不賣是想找個愛啜他的主人,因他曾經和我出生入死,我受傷,他重傷.由修理,打磨,噴油,甚至車牌和車身貼紙都是自己整.車子有甚麼特徵都一清二楚,須然車被偷了.
都希望不要將他支解,因偷他都是欣賞他,但不能堂堂正正將他駕出街,我知找回是沒可能,希望他不要在世上從此消失.現在唯有在此祝福他和偷他的他.真的沒想到賣車變尋車(他噴了黃,紫兩色)在貴網有相.
joe joe_au_yang@yahoo.com
聽到你的故事都替你感到難過。但請問你是約人來你家中的停車場看車嗎？這樣風險比較高，以後再賣車不要約在家中了。
不是在自已停車場! 現在對買車再沒有心情和信心! joe joe_au_yang@yahoo.com |
| 26/Feb/02 |
好緊張啊﹗終於報左名學電單車(自動波)。其實對一個女仔﹐連四個輪車牌都無的初學者﹐學車時有咩要注意﹐唔好0甘易肥佬呢﹖謝謝回覆。 思恆仔 alyssa_poon@onetelhk.net
男女冇特別，都係咁學咁騎o者。不過你冇私家車牌，即係路面經驗都欠奉，咁樣便要加倍小心。當通過強制後，多租車練習，確保基本操控非常熟習後先好出街。
|
| 26/Feb/02 |
我叫小P，現正學緊綿羊仔，沒有任何車牌，我有些關於買車的資料想問，希望你能為我解答！ 請問現在 P 牌是否較難申請保險? 應該不是 買車前，我可否買定一個我的 Lucky 車牌，到時用的？ 手續係點？ 私人買賣車牌都要搵架車套上去先 如果我好彩，Pass 了，開頭應該買新車，定係二手車呢？ 因我怕新車，弄花了較心痛！ 嘻嘻 冇信心的話，平平地新車都冇所謂啦！ EPC Shinning 150 好不好？ 它有沒有 125 的？ 如 OK, Budget 需多少呀？ 對不起，不太了解它無法給予意見 Phoenix eekays@yahoo.com |
| 24/Feb/02 |
你好, 本人現正有一部街車,
車及人牌都只有一年九個月, 有10%ncb,
現正想買另一部街車,
想問如我想在足兩年牌時可有20%ncb,
是否要先把保費轉到新車上, 足兩年時再續牌呢?
如果是的話,
要把保費轉到新車又會收多少錢到呢,
吾該晒 pakning pakningli@hotmail.com
唔係好明你想講乜，你係想買多一部車，還是想換車呢？如果買多一部車，新車保險不能享有NCB折扣，因為NCB折扣已套在你的舊車上。除非新舊兩車的保費相差很遠，否則無謂搬動NCB，因為舊車又要買過份新保險，一來一回根本冇著數。如果只是換車，咁樣舊車的保單可以轉落新車果度，保險經紀只收轉車資料費用幾佰蚊。
|
| 22/Feb/02 |
你好﹗我剛考到車牌，欲購二手綿羊，約一萬蚊樓下，可否俾些意見？買哪牌子及型號？我係女仔，五呎六，約一百磅，買車後每日會由新界鄉村經大欖隧道或吐露港公路往返九龍。聽講250cc好力，啱長途，係咪？唔該晒﹗（註﹕我唔係好鍾意好大架的綿羊，唔知有冇體積細的綿羊？）請不要出我的電郵，唔該:)
一萬蚊搵二手250會窄少少，加多幾千啦。強勢推介Honda
Freeway
CH250，車身細，力水足。座下可放大頭佛及一頂半截帽。
|
| 20/Feb/02 |
你好! 新年快樂!
本人乃初學之電單車學生,
但駕駛學院實在教得太快, 我自問資質唔差, 已有1,2,6車牌,
7年多之駕駛經驗, 斜坡停車開車急煞等都做到了,
但一轉小彎, 唔係轉咗大彎出咗雪榚筒, 就係跌車,
唉! 太冇用了, 請問應該點學呢?謝謝你的寶貴時間!
Tommy Poon tommypoon@hongkong.com
多練習多思考是唯一辦法。學車唔俾拿極力子行車(唔準空波滑行)，所以只能在油門控制上痛下苦功。要架車始續有些微動力轉彎，唔好全關油門，但係扭油又會多得滯，所以貼士係「壓」住個扭油筒而唔係「扭」佢。咁樣會有少少動力俾架車唔會跌，又唔會太快導至波勾。如車速太快，可試輕踏尾掣動拖住個尾轆入彎。奸巴爹呢！
熱心車友有心得！多練習油門控掣及視線運用, 補 DD 鐘啦, 唔係第日點在斜路打八字?雙手微曲, 放鬆手腕不要太高, 伸直條腰, 眼望出彎點,不要望地下及頭轆.勤有功, 我初初連開車都失平衡, 現在已能輕鬆地打八字.我咁蠢都搞搞下搞掂, 你一定得架!!吓祝您成功!! 過了強制試仍等路試的"Q哥哥" thghk@hotmail.com |
| 20/Feb/02 |
Hello! 又係我! 你地記得我嗎?我上個月來信話
@150 的 brake 唔夠同埋停車時死火呢...記唔記得呢?今次來信係報告現在的情況:
我的@150 已 Run 好了 (已行了三千多公里),果然停車時死火的問題已經不再,
但那 brake(特別頭 brake) 真的沒有什麼改善,我覺得如果咁樣落去收車時會有點危險,
所以現正想辨法改善那 brake 的性能,你們有什麼建議呢?
應該換那頭碟嗎? 或是換 brake 皮呢?
再或是換鮑魚嗎?
綿羊機器在車尾，剎車主力在尾掣，頭掣係弱D。如果你真係想改強一D(其實真係有冇必要？)，可以考慮更換手泵、卡鉗及迫力碟。到時再睇下頭叉會否容易到底及會否容易鎖轆再想辦法。
|
| 19/Feb/02 |
我現在用緊的老車係 CBR250RR,
但由於不滿意其加速力現想換車, 我又不夠錢買
600CC 或以上的 fairing 車, 所以只好買 400
或以下的款式. 請問RVF 的加速力強些還是 PGM3
的加速力強些呢?以上兩部車是否都比我現在的
CBR250 強很多呢? jso77@hongkong.com jso77@hongkong.com
相信兩者很接近，但RVF400的加速力係平均線性地俾你，PGM3則是扣起D然後一野俾番你。感覺上PGM3黎料個下會過癮D，但其實係powerband唔平滑所至。當然呢兩部車都會帶你進入另一個世界。
CBR250RR係彎度就可以勾住佢地玩下，一出彎係咁先啦拜拜。：)
|
| 19/Feb/02 |
你好, 本人的老電是RVF 400,
原本的馬力是53匹, 請問在加上解碼後有多少馬力?
改盡可以去到幾多匹? 要改乜野? 原庄喉用kit喉有多少分別?
用那一種火咀好? 尾"備"震回彈很慢,
有人說是打左柴, 請問要点先知係咪打柴? 多謝. katsun0101
katsun0101@sinaman.com
解碼本身並不能增加馬力，只是把速度限製和紅區cut火的裝置解除。如果輕輕改喉，應該可以輕微增加幾匹馬力，如果連埋jet咀風隔都改埋，應有5-10匹馬力增加。改埋化油器，凸輪軸，提早點火，增加的馬力可以再多一點。但最高馬力的增加並不等於全區域馬力都有均等的增加，要視乎改裝技術和調較功夫而定。如果你野野見紅先轉波，長期挨住紅區炳，火咀可以試下用銥合金火咀。尾避震回彈慢不是打柴，打了柴剛好相反是回彈很快。試下調低回彈衰減，或增加彈簧預載力度。其實400cc輕輕改下，增加擁有樂趣就算，想單純地追求馬力，不如換車好過。RVF400係一部好車，講求過彎樂趣，要搞不如俾錢搞靚避震同埋迫力，增加過彎享受重貼題。
|
| 18/Feb/02 |
Dear Editor, I used to ride on CBR250, but
recently I change to scootor. Since then , I always wonder
what is the proper or suitable legs position for scootor, cas i
get used to have my legs hold tight to the faring body when ride
on CBR250. thanks Vincent Wong Vincent.Wong@SMLAWPUB.com.hk
Sport riding position for
scooter, you can see Cheung
Wai On's demonstration.
|
| 18/Feb/02 |
Hi! 編輯們! 你們好!不知不覺間.....我架駛老電已有年半了,
我現在的愛驅是大林 150. 因為我非常愛老電, 所以現在想買一架 second bike 來玩一玩.看到很多報導發現 Honda 的 CBR600F 普遍版是 600cc 級跑車最易用的一款,所以我也對此車幾有興趣. 但我玩開綿羊, 現在一買就買 600cc 會不會很冒險呢? (因我想買新車,但看見新車只得 600cc 或以上, 為何現在沒有 600cc 或以下的跑車生產呢?)另外, 我是一個非常怕熱的人, 那麼 CBR600F 的引擎熱力會否很熱呢?我曾經問我個 friend 借過架 RVF400 來玩, 那引擎的熱力真令我死去活來,CBR600F 會否跟 RVF 那麼熱呢?多多指教 ! :) Honda hondacbr@sinaman.com
有一年半駕駛經驗，應該舞得掂CBR600F。因為現在大車也造得十分輕巧，所以冷落了細車的生產。熱力方面，因為V4後面的兩個汽缸吹唔到風，所以直四的引擎熱力絕對不及V4引擎。
|
| 17/Feb/02 |
Dear editor : 新年好 .
本人是本田車迷酷愛CBR系列, 因新車昂貴,
只擁有二手車CBR250RR,但小第有欲得到如車主手冊或專門詮釋CBR之類的電單車機械結構維修方面的
書籍 ,小第幾乎行通全港大小書寫局, 政府書館.
惎至往深圳書城也不得要領.有幸在網上見到貴刊,希望能夠得到指引,如何可以取得或購買到以上車主手冊或相關的機車書籍.
多謝 ,并謹祝工作順利. 如意! kenti kenti mkenti@hotmail.com
由於CBR250RR年份久遠，相信很難找到車主手冊了。莫說在香港深圳找不到相關書籍，在台灣和日本我們也未見過CBR250RR的相關專題文獻。 其他熱心車友有心得！ re:CBR250RR車主手冊 Try www.delius-klasing.de, online shop section. may be it helps with best regards Mr. Q thghk@hotmail.com Can try www.cbr250.com - tinckho@hongkong.com |
| 16/Feb/02 |
Dear Editor, I am riding a V25 Magna, I felt the
front suspension is getting soft, I am planning to change Fork
oil to improve the on-road performance, Which fork oil u
suggest? (e.g. which level/kind of oil) I am prefering
good riding performance with acceptable comfort (sightly
vibration is ok) thx a lot Dassan Co dassanco@hotmail.com
We suggest standard
suspension oil for Magna 250, due to it's low centre of
gravity, a softer fork can shift more weight to the front
wheel when you apply front brake, thus enable you to brake
more harder on the front brake. If you are looking for
riding performance, please go for street/NK or sport bike.
|
| 16/Feb/02 |
Dear 編輯:
本人上次寫過信來提及心思思想買一部CBR600F4,
過了年後便能拿車了. 經你們的提點後,
找到了停車場安頓我的這位新老婆.
但仍想問問泊停車場的安全措施如何?
我怕她紅杏出牆, 跟人私奔.
另外, 本人想問問防跌膠的用途大嗎?
我可否DIY呢? 若可以的話應該如何安上?
最後也想問問買了此車後還應該為她添上甚麼補品呢?
我的問題較新, 麻煩了你們, 再次謝過~ kubrick T_T
pricetse@netvigator.com
各處停車場的保安設施和職員質素可以有很大差異。雖然停車場沒有替你保管車輛的責任存在，但良好的管理和負責任的車場職員的確可以減低被偷風險。為安全計，即使泊在室內，車套車鎖仍是指定動作。和車場職員混熟一點，令他們認得你，每次離開車場時都和他們打招呼，並告訴他們只有你才可以開走這臺車是一個幾好的保安辦法。
PK膠作用是保護啡呤，輕輕跌車冇問題，大鑊野神仙難救。DIY的難度在於搵到合適的縲絲和物料，裝上去反而很簡單。補品唔駛咁快住，run-in完先啦，到時睇下再使唔使換胎加釘把換死氣喉..
|
| 16/Feb/02 |
hello 老day,我叫ken,看到ibike所以email俾你,有些問題想請教你,an400擺街危吾危險,多吾多俾人攪,吾落cover得吾得,重想問問隨便擺(no
parking area)抄牌幾多錢,thx may chan parda2047@yahoo.com.hk
AN400係一部幾平實的車，老實講唔覺得AN400擺街會特別危險。因為講靚唔夠Forza靚，講貴講性能又唔夠SilverWing / Tmax勁，只要停車時鎖好匙孔蓋防止竊賊以爆破手法拿車，再加其他鎖保護應該幾安全。唔落車套，長時間停泊在同一個地點始終唔係咁好。違例泊車好似係$320？好耐冇試過俾人抄牌唔肯定。 |
| 16/Feb/02 |
Hello! 你們好!我以前架車係 CBR250RR,
最近換左架 CBR600F4i, 只行了幾百公里, 正在 Run-in
緊. 最近識左個所謂 friend (其實一 d 都唔熟),
佢架車係 BMW M3 超級跑車(真係有錢....),
有一次佢抯佢架車,
我抯我架老電由屯門經屯門公路再經三號幹線再經西隨到上環.......我架車一來run-in
緊, 二來唔係咁熟架車,所以比佢快過我很多.....後來竟給他笑我慢.........正
PK...編輯們, 如果比架 run 好的 CBR600F4i 你們,
你地有信心可以快過他這架 M3嗎? tim timhoolee@hongkong.com
咦？咁係咪即係你借你架CBR600F4i俾我地用，幫你run-in好後，再約個位M3車主走翻轉？講笑o者，其實我地唔會鼓勵騎士係馬路上競賽。以閣下情況來看，俾人話你慢係應該既。因為你部車尚在「磨合期」，唔可以開快，否則可能會影響日後引擎的性能表現。
講番你條問題：「假設一位技術純熟的騎士，駕著run-in好的CBR600F4i，由屯門經屯門公路再經三號幹線再經西隧到上環競走，能否快得過BMW
M3呢？」我們唯一擔心的是過隧道時電單車要停車俾錢冇Autopass用，但仍相信CBR600F4i仍絕對有能力比M3早到達上環。
但我想問番你轉頭，即使快過M3，又有什麼意思呢？人地笑你慢，咁你就要快？咁咪好冇面？因為別人的閒話一句，就用自己條命仔較飛？唔係呀話？ |
| 16/Feb/02 |
恭喜發財,
本人想一問, 台灣電單車是否不大好用,
因本人睇完網頁內有關綿羊的報告, 覺得sym
joyride 150, 無論價錢及外形都唔錯,
但有朋友就唔建議買, 想問下此車有何優點缺點,
還有adiva 150有蓋車是否行車時比較危險?
thanks you! edwin edwin402@i-cable.com
所謂一山還有一山高，看看你跟誰比較。台灣綿羊點會唔好用？價錢便宜已是其最大優點。JoyRide
150的強項係車身呎碼夠件頭，俾到你空間感及儲物量。缺點係150動力不足。視乎你的要求而定。Advia
150的操控好正，如果上Highway驚個頂蓋會影響操控，可以摺埋個頂先上Highway咪冇事o羅？
|
| 16/Feb/02 |
主編你好!小弟有個問題想請教主編.
小弟剛剛換了一輪新的
B&W250. 小弟覺得凍車的時候,轉數只有提高少少到2000左右但很快就回落到只有千多轉左右(少於半分鐘),
有點像要死火.
而熱車的時候就好像太高,有成2000
左右會令到部車有點振動.
如果降低idle
speed 凍車時就更像要死火的樣子.
但代理說這種車是這樣的.
但小弟覺得以前部豪漢150
轉數凍車時很高熱車時很低
所以小弟想請問這部
B&W是否正常?
請幫幫忙,
感激不盡. |
| 14/Feb/02 |
主編,小弟打算出部750街車,現時新車很抵買,但部部的性能都很接近,想請你比比意見: 對於4部750街車,CB750, GSX750, FZX750, ZR7有何意見?新車計,那一部最抵?其實現時400街車的性能,設備都很勁,750相對較落後,你認為750能食得住400嗎?(我都係鍾意750多過400,750先係大車o媽)新年進步,萬事勝意! chan ka-kin kk_chan2000@yahoo.com
車廠係唔會將最新科技的引擎放係街車model，所以四部街車的引擎都係「經過時間考驗，證明其可靠耐用」的貨色。最高性能係Suzuki
GSX750 DOHC 16Valve引擎。外型最現代化係Kawasaki ZR-7，俾我地揀會考慮呢兩部車先。400cc靚係因為日本要騎400以上要再考牌，唔係咁多人得，所以廠方把400級造得好靚，好大架以滿足沒有大牌的車友。講性能梗係大cc惡晒，一架400改到曉飛都好，加速或極速都唔及750。彎性冇錯會係400靈活一D，但呢樣野講究騎士技術多過講車款。
|
| 13/Feb/02 |
恭喜發財 正財橫財人財就手...............小弟想過年後供部SUZUKI
GSX 750 但又吾知到性能點樣.引擎耐用程度,灣向好壞與及改裝補品是否只能向代理及廠方才能提供.即最簡單的如改喉加釘把都要只經代理或者有錢都無得你改就大單啦.希望貴網誌可否指點迷津.(因現在GSX
750 重平過好多400 600 650 及 750 好似重你2000款添)祝新年快樂,
運財(嘻嘻)童老 lau ronnie ronilau@hotmail.com
GSX750性能絕對好過400街車，但價錢十分相宜。車身各項設定穩打穩扎，冇乜機會會出錯。改裝部品不離死氣喉釘巴鋼喉等，全部可以出街搵人搞，唔駛經代理。座下儲物空間正，有油錶有大架，連以經濟效益掛師既陳啟泰都係用緊GSX750，咁你話部車抵唔抵玩先？
|
| 12/Feb/02 |
請問電單車可否加裝死火燈呢,如可以的話大約多少錢,
還需要加裝什麼呢....thanks
yuen13@netvigator.com 加裝死火燈費用都係幾百蚊，視乎你用乜牌子配件而定。我們見過大坑駿文忠哥替一臺Magna 250裝死火燈裝得好有心思，不妨問問。 |
| 12/Feb/02 |
首先祝編輯及各人員新年快樂 ,
心想事成. 本人上個月購買一台三洋大鷹王 ,
現有一些技術上問題想請教閣下 ,
初時操作該車時後掣動系統十分理想 , 以30km/h
速度計算要慢則慢 , 要停則可在3-5米內停車(只用後掣動系統停車計算)
(正常停車當然是先用後掣動系統收慢再用前掣動系統停車),
但最近該系統有點遲鈍 , 只可以把車子收慢 ,
如只用後掣動系統停車我作了一些測試以30km/h速度停車車子要有25-30米才可停下來
. 這是否正常及後掣動系統是否 run-in 完成 ,
本人是P牌又是初哥一名請諒解這些無知問題 .henryyam
henryyam@hkbn.net
綿羊剎車的運用最理想是頭尾一起用，單用尾或頭都不正確。如果你覺得尾掣動力度減弱了，先檢查一下迫力油有否流失，看看喉管有否滲漏。唔肯定就交番俾車行檢查穩陣D。
|
| 11/Feb/02 |
您 好 ! 本
人 將 成 為 一
名 3A 新
牌, 有 一
些 問 題 煩 請 幫 忙 解 答.
" 所 有 電 單 車 牌 均 需
掛 上 P 字
一 年 , 若
本 人 日 後 再 考 3 字
手 波 牌 ,P 字
是 否 從 新 計 算 ? 兩
者 是 否 分 開 計 算 的 ?若
3A 的
P 字
一 年 期 已
過 而 又 成 功 考 得 3
字 牌 的 話 ,
本 人 日 後 抯 羊 是 否 需 再
掛 P 字
?" 致
萬 分 感 謝 ! 並
祝 馬 年 更 進 一 步!
亞 樂
Ah-Lok ahlok28@hotmail.com
真係俾你考起！我們想信是分開計算的機會大一點！但假設你一年後再考到手波牌，再騎綿羊梗係唔使掛P啦，因為你用緊3A牌嘛！點解唔一開始就學手波呢？
|
| 11/Feb/02 |
可否告之有邊款避震適合super
four400 ，請提供牌子及價錢，唔該！ I-Cable bblucky@i-cable.com
CB400SF好多牌子都適合，平平地美國Progressive避震千餘元一對有交易，貴既KYB，Ohlins四五千蚊冇走雞。分別係有冇得調較回彈及受壓衰減，同埋係絞牙調較座高及預載。
|
| 11/Feb/02 |
編輯大人你們好 !時報聽人講話綿羊可以改汽缸來加大馬力...那費用貴不貴的?同埋
d 人成日改條死氣o候,
改左之後又對架車有什麼好處呢?我架羊係
t-rex150, 以上兩樣野用唔用得在我的羊身上呢?
功效又顯唔顯注呢?Thank You !!! jackso jackso01@sinatown.com
改中缸活塞係加大排氣量，馬力一定會增大，但係要成部車跟住改先可以匹配到。重有要考慮耐用性和法例的問題。費用都係幾千蚊到。改死氣喉對部車冇乜好處，改得好只係增加高轉時排氣的暢順性，增加尾段馬力輸出，同樣需要改變進氣供油系統以作配合。T-Rex150好多野改，要問番專家利力最清楚，http://www.ibikenet.com/02_market/leelik/leelik_ad_01.htm
功效顯著極都唔及你換車咁顯著。
|
| 09/Feb/02 |
你好!!
我真係有件好不吐不快的事想講,就係我的車罩,成日都俾狗痾尿,真係好臭,都唔知點解我洗過好多好多次,佢次次都會再痾,我又試過用"漂白水"洗過,佢地都係再痾,我都唔知有乜辦法,真係好煩惱,好嬲,真係想"毒"死佢地,雖然我再個新的車罩,但係我想問下其實有乜方法可以防止佢地痾尿呢???唔該哂!
亞勤 lovev@netvigator.com
我唸你要先換過果個車套先。新車套可以有兩種方法處理。可以用碘酒溝水浸過新車套，其氣味聽講會令貓狗煩厭，但可能人都會頂唔順。其二係去寵物店買呢種「防止隨處便溺噴劑」，無色無味，人畜無害。價錢約70蚊咁上下。不妨試試。(喂試過有效記得話番俾我地知，因為我地都未試過
:p)
|
| 07/Feb/02 |
女人大晒咩!正八婆! 昨晚, 我個friend行到牛池灣個紅綠燈, 這位置有三條上新清水灣道, 在那裡都唔會行慢線, 因為有很多紅/綠小巴上客/等客, 所以我個friend行中線, 而有兩架私家車在最右線, 頭車是豐田Collora私家車, 排第二架就是險些累炒車的主角金色新款CARMY車牌BX8388, 好, 在消防局燈位開車平排而出, 因為剛剛開車而且又就到彎位,又多小巴突然開車抽出中線, 所以我個friend 和最右線的豐田私家車都開得比較小心(40km),當入彎位中心, 右邊排第二架的CARMY覺得佢前面架豐田Collora私家車太慢, 突然在彎中心轉線, 而且不作出任何指揮燈就轉線, 她的車頭已去到我個friend 的右腳大約不多餘一尺, 真是很close架, 我個friend立即加油及再(訓)底出彎, 他 的倒後鏡和左線等客的小巴又不多餘一尺的距離,如果小巴出車或他再(訓底)少少一定炒, 當他control到佢自己架電單車時就立即慢下來和打死火燈停車報警求助啦,因為carmy架車好像撞到我個friend的死氣喉, 我個friend 已叫她停車, 但她立即抽頭右線走人, 我個friend即刻上車追她啦, 去到舊清水灣道和新清水灣道的燈位才欄截到她, 原來是兩個女人, 分別為成客女人A和駕駛車的女人B, 個friend 講完"你有冇搞錯, 怎樣開車呀!", 條八婆A立刻大罵個friend, 你怎樣開車才對, (攝)車(啦)又唔睇車, 撞死你呀, 跟住對面線有兩個警察, 一個在抄牌, 另一個看到截車和對罵就飛過去睇o下咩事, 個friend將整個事情說出, 警察立刻話八婆B不對, 之後問個friend有冇事(車和他), 他都不追究, 放八婆AB走啦, 怎知條八婆A又罵" 浪費她的時間返家睡覺, 浪費警力要報警!" 之後個friend立刻同個八婆A講, 個警察自己走過來, 我冇報警喎! 跟住個警察都忍不住說了一句:叫八婆A"收聲啦, 幾時輪到你講呀! 俾你走還不走!" 這才死o下死o下開車走, 原來o的女人真麻煩, 自己做錯還返罵轉頭, 你古四個輪和女人大晒咩! 其實這樣可否告得入她不小心駕駛呢,兩個警察都話如果告她多數入罪! joseph joseph@eti.com.hk 既然警察都企係你個邊，真係唔明點解你個朋友會放過佢。放過呢亭人其實會令佢繼續錯落去，害人害己。 |
| 07/Feb/02 |
您好!本人已有十了多年駕駛電單車及私家車經驗,並有一輛150綿羊及250街車,現想換車,想知道有關YAmaha的FZX750及TDM850的有關性能等資料,及哪一部車比較好,其它同類形及價錢相若的車有哪些可選擇;
還有買保險困難嗎? 順祝各位新年快樂,身體健康!
raymond 07.2.2002 raycan88@netvigator.com
保險冇問題，你有用開車家嘛。FZX750
直四引擎，TDM850直二引擎，一部係巡航味稍重的街車，一部係道路越野兩用車，定位完全不同。我們認為TDM較現代及舒適，操控也較靈活。規格資料可在鐵騎網誌內的萬里達陣列室找到。記得睇下XJR1300賣晒未，65,000抵買到震！
|
| 07/Feb/02 |
本人是新牌一名.以往朋友時常叫我減速或停車前最好用拖波的方法,到我開始習慣此方法後又同我講拖波會好傷引擎不要常用.現在我給他們的意見搞到一頭霧水.請問我應否繼續用拖波的方法來減速和停車
望貴刊讀者常滿!! sing sing@ktg.com.hk
四衝程車只要一收油，速度便開始減慢。如果速度不高，或預留充裕空間減速，換低一擋的意義是為保持足夠扭力以便再度加速。但如果速度高，或預留減速空間很少，那應換低一檔甚至兩檔的意義是利用引擎牽引力來幫助減速，這是需要呼空油配合適當轉數，方能保護機件。所以無論快車或慢車，減速時換低檔都是指定動作，相信閣下暫時都是以柔順駕駛為主，並不需要呼空油，沒有機會傷害到引擎。
|
| 07/Feb/02 |
1. Other than the look, what is different of a drag star classic and drag star in terms of handling? Will the bigger and thicker front wheel and fork enrich the stability of the ride but at the same time decrease the responsive of the bike? Will it make bigger different in urban riding? 2. I still looking for a cruiser bike and found a 00 drag star under the private sales list of your site. Is there any individual body like the AA Club which provide inspection service to the used car (bike) so that I can have some checking of a used bike before purchasing it? Thanks, Lam Hou Lam hou_l@yahoo.ie
We never have a chance to rode
both bike at the same time to make details comparsion.
In theory the thicker the front tire, the lower ability in
terms of fast turning, however, we don't think they have huge
differnce in handling. No similar organisation like AA
Club specific for bike, but you can let any bike shop to
inspect the bike before you buy, of course after you have
owner's consent.
|
| 06/Feb/02 |
hello.....本人座騎是bandit 400vz 94年個隻本人想請問閣下bandit是否有護架裝,請問在那裏可以買到？本人部bandit電器有走電的問題,請問有無對電器這方面幾好的車行可以介紹呢？重有就是有否這部車的規格表呢？可否send比我啊！謝謝！
ahso ahso@netvigator.com
見過有Bandit裝護架，但效果不太理想。試下問安定，睇下Kijima有冇合配件。電器有事係幾麻煩的事，有心機的師傅會用電錶逐條線同你跟。冇心機會跟會成抽幫你換，不如試下番代理度搞啦。最後很抱歉我們實在沒有時間找規格表。94 Bandit 400V馬力是53ps，扭力約3.9kg-m咁上下。 |
| 06/Feb/02 |
Hello! 我的坐騎是 et-8,
其實架車沒有什麼問題,我只係覺得架車在停車時引擎的震動比較利害
(看見倒後鏡在不停震動呢 !)請問這樣的情況有什麼方法可以補救呢
? marco marco@netvigator.com
冇得搞。單缸引擎係咁上下。千祈唔好唸住換塊細鏡，會震到睇唔到添呀。
|
| 06/Feb/02 |
我抯緊super 4，有d野想請教：
唔使咁客氣，大家研究下o者。
1
我架車近排一停車就死火，要呼空油架車先冇事，點解呢?
可能怠轉過低，先調高Slow看看如何？如果唔係就要調較風油比甚至Tune化油器真空平衡
2
為何我近排hi一hi尾brake就會有d刺耳的聲音?
希望只係迫力粉積聚過多，如果唔係就係冇晒尾皮，冇就要盡快換喇。 |
| 04/Feb/02 |
強烈反對及抗議四驅車/ 貨車/
貨柜車裝 bull bars 它們 ( 用它字因為佢地唔似人) 完會沒有顧及其他道路使用者, 它們說為了它們的安全需要而裝 bull bars, 但其他人呢? 希望它們發生交通意外之時......... 最好自己欖山, 或撞上親友的車或親友身上, 是否要抱撼終身才吸收教訓? 仲要揹把剷係士啤呔上面? 想剷死人咩? %#$&^$^#@$%^@%#$ Q哥哥 thghk@hotmail.com
我們的看法和你一樣，優質和安裝正確的防撞柵的確可以保護車內的人，但對其他車輛及行人會構成更大的殺傷力。在市區絕無必要這樣做。希望各四驅車主認真想一想，是否求靚便不顧他人生命安全？另外車尾掛個士啤胎，當發生追撞事件時，其實會危害後座乘客而不是保護乘客。果把鏟則肯定會對追撞的後車造成額外威脅。
|
| 04/Feb/02 |
Its me again, on Saturday I started the road
lessons in HKSM .... ai ..... those bad bad taxi drivers, always
tailgate us to have fun, they never cares about our life
.....And I want to mention one more thing here, Just saw from
news, those 4 wheel-drive jeep driver go rally today against the
government about the tighter control of add-on bull bars, they
said its for their own safety ..... but how about the other road
users and motor vehicles, (especially bikers and pedestrians),
who told them their life is more important than others ..... I
suggest, we, all of us send complaints to traffic complaint
hotline 2889 9999 for each 4 wheel drive jeeps with bull bar
installed, also to those with a shovel mounted on their spare
wheel at trunk! By the way, our website started, not very good at the moment of course ...... please kindly comment www.we-w.org.hk with best regards, Chairman, We-W Web Hongkong AU Hong wah techhghk@netvigator.com
Glad to know that you are on
the road, we wish you all the best in riding bike(s).
Yes we all agreed that the bull bars are dangerous to others in urban
environment. Obviously the bull bar's dealers just want
to keep on their business..... Finally your web site is very
tidy and clean, keep on your good working. See you soon
on the road!
|
| 02/Feb/02 |
本人的電單車 (VTEC) 裝了 full Kit
喉在低轉時氣油未被完全燃燒便被排出(己換風隔,
SplitFire platinum, NGK platinum and 原裝 NGK spark plugs for
testing, still error) ,在高轉收油時會有打砲聲是否要換
jet 咀, 是否 slow jet 過大? 可否換細 slow jet? 有冇
slow jet 咀 for VTEC? 請問 slow jet 同 main jet 的 meaning,
and 安裝方法, 多謝..多謝..多多謝.
嘩你搞咁多野，點解唔加提早點火系統呀？你改變晒成套進氣排氣系統，點火時間一定錯，所以拿拿聲搞左呢樣先！
|
| 02/Feb/02 |
本人剛剛考到車牌, 雖是 P 牌但好好.....開心
你知啦! 現在出車都只可出綿羊 如在學車時使用的 Yamaha 125 街車, 我覺得日常代步都冇問題 那麼如果我現在出一架150綿羊, 在馬力上及唔及得學車時那部車呢? 但我聽人講街車會比綿羊好力......... wilson wilsonwinson@netvigator.com
現今綿羊的性能好出色，在市區150綿好夠用。因為採用無段變速，加速好順滑，慳番轉波時間，同級手波車冇乜著數。
|
| 02/Feb/02 |
編輯大人您好!!多謝上次回信本人今年25years
old, 2001十二月考到"P"牌. Last
week finally heard the "good news" from ur great
site that some insurance company some sooner or latergoing to
seel insurance to "P"牌 ppl who want to buy a
under 400 cc 街車, thanks alot! 想購買classic街車,
since i don't have much money ,P 牌, very
concern about safety( i live in Lai King so will drive
up and down and on highway)and 被竊的風險, ths
second hand bike and 綿羊 are not on my list, 心目中有3選擇
:
1) Yamaha SR 250
2) Honda CB250 Police version
3) Honda
Rebel 250
請賜教指點指點,祝蒸蒸日上!!HeiXia
Das boot heixia@netvigator.com
好似又話保險公司縮沙播。問下經紀穩陣D。你所提及到的三款車都係好車，但係CB250
警察版你係買唔架，只能買CB250。我唸求實用都係揀CB250穩陣。
|
| 02/Feb/02 |
本人看了貴網後買了SYM大鯊王,現有機油事宜請教,本身SYM建議每1000km換15-40w機油,但一般市面只有10-40w,而有車行建議用76全合成5-40w,更說3000km才需要換,請問這真是可行嗎？請問5-40w,10-40w,15-50w有何分別？全合成比半合成好用多久？希望閣下給小弟一點點提議,謝謝。
偈油原來的特性是冷杰熱稀，當冬天開車時如果偈油很杰稠，入攝各部件的速度減慢將會影響潤滑性能。但如果在引擎到達工作溫度甚至高轉運作達到高溫時，受熱而過稀的偈油所形成的油膜厚度不足以保護機件。
所以偈油公司推出了不同特性的偈油，讓車主可以因應當地天氣，引擎種類，駕駛習慣等不同變數選購合適的偈油。偈油規格W(winter)的前後有兩組數字，代表了偈油最佳性能的溫差。你所提及的15W，工作溫差是攝氏-15度至+30度，10W則代表攝氏-20度，5W是零下三十度。第一組數字代表偈油在冷天時偈油不會過稠(杰)的溫度，第二組數字代表偈油在夏天不會過稀的溫度。但香港的溫度變化不大，又不會下雪，除非你部車每天都係由雪房拿出來，否則我們只需看第二組數字越高便越安全。 全合成偈油質素較穩定，在高壓高溫下仍能形成足夠油膜保護機件，但並不代表會較礦物油或半合成油壽命長。無論用乜偈油，勤換油先係最重要。 |
警告：
本欄所提供的意見雖盡量保持客觀中立，但仍可能有著某程度上的主觀或偏見。
我們雖已盡力確保提供資料的準確性，但並不保證其正確性及完整性。
讀者應審慎衡量我們的意見是否合適正確。
