|
|
|
 |
各位車友： 學懂駕駛電單車，是人生一大樂事。由學車到新牌的期間，每個人都會有很多問題或疑惑想找人問是最正常的事情。香港的多個電單車新聞組，當中的主要功能之一便是協助有需要的車友們。他們有高手長老長期駐守解答疑難雜症。更有來自四方八面的車友可以提供第一身的經驗補充。如有問題直接在新聞組中提問肯定是最快最有效益的方法。所以有問題應先在新聞組中發問，如果仍不滿意或真的想聽多一點意見，歡迎寫信給我們。知道一定盡力答，唔知道便照直講唔識答，希望各位收貨。 |
|
Email:
mail@ibike.com.hk |
|
|
警告： |
|
| 30/Apr/02 |
編輯先生:
本人有幾個問題想請教您。 1.本人打算換一部綿羊(Gilera Runner SP/ DNA 180)，可是本人只有約１６５cm 左右，而這兩部車的坐高起碼有７８０mm以上，所以本人想知道這兩部車是否適合呢? 如不適合，請您介紹一下有哪款車可以推介一下呢? Runner可能會高左D，不過都係睇習唔習慣o者。 2.本人現正駕駛一部 Yahama Virago XV250，耗油量不高（約$0.4/KM),不知道改駕綿羊會否增加油費的支出呢? 正路單缸180點都唔會食油過雙缸250卦？ 3.最後，本人想知道一些關於綿羊的日常維修保養要注意的地方，以及各項零件的支出． 綿羊最緊要係緊換油，每一千公里換油冇死錯人。其餘輪胎掣動皮呢D野一樣咁跟o者。不過要注意傳動皮帶，珠盤和珠仔的壽命。不同牌子的出品，其壽命可以相差很遠。 dicky dicky_0129@sinaman.com 謝謝！！ |
|
| 30/Apr/02 |
編輯您好,上一次多謝您地提點,
終於過到關, 依家爭路試。本人現在有以下計劃: 考到牌之後不駕車一年, 之後再買車。本人一直心儀CBR600F4i及R6.....想問一下如果一個新手駕以上車種會唔會太過困難? 兩車之間的性能及操控又有乜分別? 因為我覺得好難決定。其實係米駕其他車種會好少少(對新手來講)或者編輯有什麼專業意見可以提出, 俾我參考下。 thx Kevin kevin_nagumo@hotmail.com
新牌剛考到牌時，技術仍然十分幼嫩，如果再雪藏一年，根本同唔識冇分別。你重話想一年後買CBR600F/R6？祝你好運冇野講。
|
|
| 30/Apr/02 |
Dear editor, I'd pass the bike exam &
got the 'P' licence. Now I want to ask the suzuki an250 type S.
Is it any difficult to buy the insurance for me? Because I'm a
new rider but I've drive private car over 14 yrs. I don't want
to buy 150cc while long distance for work everyday. I'm 33 yrs
& 1.7M tall, any choice for me abt. others 250cc,pls reply
in chinese & don't show e-mail. Thank you very much !
視乎個別保險公司，鈴木科研好似連Burgman
AN400都出到P牌保險。如果係真的話，咁就唔使唸一定係400。
|
|
| 30/Apr/02 |
本人新牌仔,請問一般車行由登記買車到正式取車需時幾耐?另一般綿羊類鎖頭、防盜有邊幾類?你個人認為最小要用上那幾種?多謝寶貴意見!(本人打算買150cc綿羊) gill@one2free.com
現貨計正常一兩個星期左右。但如果是新車抵港，可能車到文件未到，咁就要耐D。車鎖都係碟鎖，U鎖，鏈鎖這幾類。最好頭尾轆都有鎖。唔同價錢唔同設計的鎖質素差別可以好大，但點都好過冇鎖。防盜器唔係咁有用。
|
|
| 28/Apr/02 |
我上年轉玩大車,
買入二手SuperFour, 車行話上手0錫車, 用 Dunlop 靚0太.
至今已走了約15,000公里, 我諗係時候換後0太,
但車行老闆話仲可以用住先. 我想請教 ibike, 後0太走到幾時至要換?
有何徵兆可決定?
Richann(請不要登我address, Thanks!)
決定輪胎的壽命不看里數而是看膠質和胎紋。當然是以輪胎結構無損的大前題下進行檢查。補過胎、或曾經漏氣但又走了一段時間的輪胎，結構上可能已經受損。膠質如果變硬也要更換。如果輪胎容易黏上路上的沙石灰塵，用手指甲能夠輕易在胎上嵌入指甲痕，表示膠質良好。但也要看胎紋是否過淺，這都視乎車子的使用狀況和受到的傷害而定，和里數無關。換胎最好頭尾一齊換，若果只換尾胎，也應和頭胎換回同一組型號。
|
|
| 28/Apr/02 |
致編輯先生,本人是新牌仔一名咁買左一架二手既街車！買左之後就立即換左火咀同吸洗．請問我仲有咩要做，風隔使唔使換？同埋我應該換架車D咩呢？冷光標一般要幾錢，會唔會好浪費電？多謝!
Billy 請勿登本人的電郵
電單車最緊要係胎同埋迫力，風格唔係貴，拆出來發覺重可以用都可以再裝番入去，如果唔識，第一次可以向車房請教。冷光錶板俾人搞應該都係幾舊水，唔係好食電o者。 |
|
| 28/Apr/02 |
Dear Editor, I am looking for a mid range street
bike (400 to 650 c.c.) for daily use. I am a 171cm tall,
68 Kg male, what is the suitable seat height for a comfortable
ride. What is the standard or criteria to be used when selecting
a street bike regarding seat height?I also considering the
resell value of the bike, what bland and model have a better
resell value? K Chan Please answer in Chinese and don't show my e-mail. Thank you.
座高不超過810mm應該不會構成壓力。其實單看座高還不足夠，因為車身的闊度會消耗腿長，遇著闊度大的車，即使是780mm座高也會感到吃力。所以最好能夠親身試坐一下，看看雙腳尖能否以屈曲的姿態著地，腳踏會否刮小腿。此外尾避震的軟硬也會影響座高，所以不能單看數字。
轉售能力主要視乎供求，熱門的車種較易脫手，但價錢競爭大。保值能力視乎產品口碑及耐用程度，更要看新車價錢會否一浪低過一浪。照現時各代理的作風看來，
Kawasaki的車主較有保證。
|
|
| 28/Apr/02 |
你好, 我駕的ET-8, 剛剛走夠19000KM.
無病無痛, 但我還是帶它到車房做做維修保養,
換了皮帶(MALOSSI), 偈油和尾牙油, 但沒換珠仔.換了之後,
發覺架車跟之前有點不同. 著了引擎後,
雜音少了點, 但排氣聲好像有點"萌萌地",
但主要問題係架車起步無力, (跟未換之前比較)
俾油後頭兩三秒好像唔願行,
兩三秒後動力才慢慢回復正常.
燈住起步最易發覺這問題. 如果是雙騎,
情況更明顯. 車子的中段和尾段好似分別不大.(感覺上,
反應都是比以前慢丁點, 但又可能係心理作用,
不肯定) 想請教一下, 問題是來自新皮帶嗎?
走多一段路後會回復正常還是安裝時未調校至最好呢?
以我自己的理解, 換皮帶應不會影響引擎反應,
請問應該檢查什麼呢? 想聽聽你們的專業意見.
多謝! Walter Poon walterpoon@i-cable.com
你部車的問題應該唔關皮帶事，而且部車走了19k公里，珠仔都應該檢查一下。既然你要專業意見，於是我們馬上打電話(凌晨12:30)問觀塘「新幹線」的大偈覆述問題求證答案。「新幹線」的意見是里數高，即使珠仔冇事，珠盤的軸心有可能偏蝕，雪油也可能需要補充，至令珠仔未能順滑運作，影響變速能力。
|
|
| 26/Apr/02 |
主編你好,本人想找一些FZS600的資料,因想重FZS600和Hornet600S作出比較,以性能及實用性作選取,主編先生可否給我一些意見和其他選擇.Thank
you very much! Chikwokchiw@hutchcity.com
我們沒有騎過FZS600，所以不能比較兩者誰勝誰負。若論兩者在香港的成交量都是偏低，二手承接缺乏，當年一手市場散貨速度也緩慢。雖然有說FZS600的操控和用料較優，但始終還是看價錢吧。
|
|
| 26/Apr/02 |
Dear Editor,I am a brand new rider and just
bought a AN150, I have the experience that my bike always stop
the engine when I stop my bike at the red traffic light. Then
I have to ignite the engine again when it turns green. I check
with the distributor of HK, they said the engine has some
problem and this is something regarding the presure inside. To
fix it, it cost around HK$3,000. Or I can drive it anyway
since it can start again everytime. I hope to know if this
correct that the presure problem cause the engine stop? I
already clean the carburator, change the spark plug.Please
advice Thanks a lot
Ray P.S. : Please do not publish my email address
if the engine
lose it's compression then everything will goes wrong, if
you leave if unattended the situation will become even
worser. You better fix it or sell it.
|
|
| 26/Apr/02 |
Hi Editer, I am going to buy a used 250cc scooter
to work from junkbay to airport . I prefer to ride a
majest and skywave.But two bike are almost same pice. I don't
know how to choose. is it same maxium speed? Could you please
tell me which one is better? Thanks a lot...... wilson8888 wilson8888@netvigator.com Not sure about thier top speed, but for the similar price, we will suggest Burgman AN400. |
|
| 26/Apr/02 |
因本人有朋友想換車，而我亦對此車有興趣，而架車他說換了大盆，他說快好多，請問如果將部majesty125換大盆好嗎?還是不改好呢?而整体會有甚麼不同呢?
thanks!
Wah Fung 請不要登本人電郵!
先不談非法改裝的問題，改大中缸增加排氣量及馬力輸出，車身需要其他配套才安全可靠，例如車架、掣動、懸掛、離合器組件等都要補強。
|
|
| 25/Apr/02 |
編輯先生你好,我係新牌,
剛剛買車不久, 對很多電單車用詞都不清楚.
有以下問題請教: 1)我以前聽人說高轉低波行車會"立,何謂之"立",高波低轉行車行車是否對火咀造成壞影響? 以紅區7-8成行車,對嗎?怎樣平衡機械磨損與耗油? 我的車年紀大了91年車,相信"傘鈴"已有一定程度磨損,經常以紅區7-8成行車,會否另磨損加劇,高波低轉會否對我的車子更好? 高轉會否怕"拿鏣",我亦聽人說過曲軸的兩端亦會因高轉而燒掉,到底實際情況是怎樣? 低轉高波行車有可能會導至火咀工作溫度不足，遇著冷型(耐熱能力高)的火咀，會積炭屎，部車效率便會降低。我想你意思是轉數尚未入紅區但接近紅區吧？如果機件正常，又留意引擎溫度沒有過熱的話是完全沒有問題。任何東西都有其限期，91年車即使點保養，都有到期的一日。唔使咁擔心保養問題，只要定期換油及消耗性零件就得。要愛惜機器，要養成良好習慣。例如開車前俾時間佢warm-up，唔好轟大油門。行車時盡量用平均的速度前進，唔好一時大油一時縮油。水冷車要睇水溫表，油冷車唔好長期高轉行車。 2)俾油唔去的原因是否很多? 1.氣缸機件老化?怎樣老化? 2.極力子出事,磨損? 3.火咀,風? 它們怎樣另俾油唔去? 俾油唔去的原因的確很多，由供油系統，引擎，排氣系統都有機會出錯。你問機器老化？例如金屬疲勞變形或磨損是也。極力子墊片磨蝕，威也到期，火咀點火效能減弱，風格dirty入風量減少。喂老友你買本書睇下好播？ 3) 什麼叫" 唧咀"唧咀有事,氣缸附加是否有油漬?還有其他跡象嗎?修理要多少錢?5)前天我帶我的車子去車房時師傅給我看看高轉(約一萬轉)時有黑煙出,所以叫我洗化油器,其實有什麼情況下才需要洗化油器?怎樣check?
唧咀是化油器內令電油和空氣混合物「霧化」的零件，和引擎殼外的油漬由係引擎砧口或火咀位滲出無關。唧咀有事會俾油時動力唔暢順，有黑煙，或架車非常大食。洗化油器都係幾舊水到。
4)偈油為何會上盤,燃燒室為何不再密封?那麼冷卻液會否亦上盤? 當燃燒塞駁口不再密封，偈油或冷卻劑便有可能「上盤」。 6)怎樣才知道極力子到期? 當突然俾大油時，轉數急速上升但車速未能跟隨上升時，便是離合器打滑到期。 7)什麼叫"cap"漏油?有什麼跡象? 咩係cap？唔明。 8)Cut大燈另電流過高,但長期開大燈又會另電流負荷過重,到底怎樣才能好好保養電器?11) 什麼叫"打南磨" 不同轉數下，發電機(打南磨)的輸出功率不同是無可避免的，但正常情況下有整流器穩定電壓。 9)怎樣check ford油 Fork油唔使check，定期兩年換一次就得。留意叉筒滑動部份冇漏油就得。 10)什麼叫"攝哇佬" ,有什麼作用? 攝哇佬係Valve Clearence，讓引擎閥門的開啟間隙保持正常。 唔好意思問左咁多問題,祝鐵騎網誌蒸蒸日上 Tung Tung chun_tung_max@hotmail.com |
|
| 25/Apr/02 |
Hi Editor, My tires is time to
change, my bike is RVF 400, and I usually drive to work
everyday. I've read from ibike's article and mentioned about
the Metzeler Brand. So now I am so struggle the brand of the
tire, which one is better and more sticky to the road? Mic.,
Dunlop, Prerrlli or Metzeler?? Please give advice. Thanks and
appreciate for the suggestion.
Lo gabriel_lo@eclasia.com
You should focus on the tire category and the
budget, instead of focusing on the brand. Each brand
have different kind of tyre cater for different purpose, and
the brands you mentioned are all good tire maker.
|
|
| 25/Apr/02 |
編輯先生你好,我係P牌仔在農曆新年超速被捉,警察叫我等收信上堂,但到現在都未收到,請問幾時會到???
Andrew 請勿刊登本人電郵地址
真係唔知播，有冇告票係手？不如打個電話問下？中央檢控組
2861 5389
|
|
| 25/Apr/02 |
編輯先生你好,我係新牌,
剛剛買車不久, 對很多電單車用詞都不淸楚.
有以下問題請教: 1) 請問倒前叉和正前叉的分別. 正立套管前叉係最常見的設計，唔使多講？倒立前叉(Upside-down / inverted)顧名思義是把原本是叉筒的粗身部份加長再調轉裝，較幼身的fork芯部份的長度只需比叉筒滑動的幅度多一點便可。所以整體前叉粗壯了，有利高運動性能的跑車提高整體車架剛性。 2) 我會離開香港一個星期. 是否需要為架車做什麼準備工作？如切斷電池,以防走電？ 離港一星期，做好保安工作更實際。正常的車無需其他準備。 3) Honda 有很多型號, 如 VTR, VFR, RVF, CBRxxRR. 可否說明一下分別和歴史. 嘩呢條問題可以出幾本書，冇可能三言兩語間解答令你滿意。我們可以說的是VTR有VTR250，VTR1000Firestorm，VTR1000 SP-1和最新的SP-2，都係用V2引擎。VFR有VFR400，VFR750和最新的VFR800Fi，使用V4引擎。RVF有RVF400，係VFR400的新款model。還有名震四方的RVF750廠車。CBR車系由250,400,600,750,900,1000,1100都有，採用直四引擎，當中CBR750和CBR1000F已經停產。而CB街車除了CB250外，其餘引擎都是採用CBR跑車再加以街車化調較而來的。 此外, 我建議貴綱可以開發一些用詞綱頁,最妤加圖解．一定對新手有幇助. 謝謝閣下的建議 祝鐵騎網誌蒸蒸日上 Jim (請勿刊登本人電郵地址) |
|
| 25/Apr/02 |
你好,本人有一事相問?我是P牌,但在4月9日超速12公里,條路行50公里.察人叫我等收信上堂睇個官點判,可能掛多半年牌.但是仲有2日滿1年P.不過在4月16日已去運輸署續了10年牌,職員沒有說我有告票不可續牌.想問現在用不用掛P呢?如果個官判要掛回P牌,是不是換返暫准牌.有什麼後果?
GreeSea 請不要登e-mail address. 若日後被法庭定罪，該已簽發的電單車正式駕駛執照將被取消，該類人士若需要獲取電單車正式駕駛執照，必須申請續領有效期6個月的暫准駕駛執照，並須圓滿完成該6個月的暫准駕駛期後，才符合資格申請正式駕駛執照。若日後法庭裁定罪名不成立，可繼續使用電單車正式駕駛執照駕駛。 |
|
| 25/Apr/02 |
請 問 用 什 麼 清 潔 條 鍊 和齒 輪
喲 油 積 ， 車 令 又 用 什 麼 清 潔 ， 用 清水
抹 車 太 多 是 否 對 油 缸 表 面 不 好 請 指 教
。 waterflow@my.netvigator.com 車鍊可用專用清潔劑或火水拭擦。車鈴可用藍威寶開水清洗。用清水抹車當然不會傷車，傷車的是拭擦前沒有徹底清除塵埃污漬，油漆表面被磨花。 |
|
| 25/Apr/02 |
本人考了牌二年但現在才打算買車,
我打算買250級別的電單車,綿羊及街車都是我的考慮目標,
我對車的要求是好力為主,請問250容量的街車好力或是綿羊好力?有些人說如果買綿羊最好不要買二手,
因綿羊的引擎不耐用, 這是真的嗎? Wai cheungmingwai@dataworld.com.hk 二手綿羊的可靠程度視乎產地和年份而定，因為損耗性零件的更換頻密程度比街車為高。質素好的綿羊，在零件供應充足下可以走十年以上。但若要求「好力」，同級中應選街車，例如並列四汽缸的Hornet 250。 |
|
| 24/Apr/02 |
你好!本人是新牌仔,最近買𦴩RUNNERsp,因為是二手車,所以沒有車主手冊,連一點保養知識也沒有.請問行多少公里力要換皮帶,普利盤,普利珠和要換油,請問正常呔氣要打幾多和一些基本保養知識告知本人,聽人講2沖車會突然拿庶,如果是入波車可以拿離盒器,但如果足綿羊會點，是否很危險,應該用全合成或半合成2T. Wai 請勿刊登本人電郵地址 請多多幫忙 詳細保養情況應該問番代理奧士車行，橫掂係二手車，開頭俾佢地跟下，順便問清楚保養細節都好。二衝車突然「拿傘」的原因係過熱，導至過熱的最大可能係潤滑不足，例如2T油供應有問題。如果自動羊「拿傘」，因為鎖死尾轆，自然會變「空波」狀態。綿羊通常都係驚佢斷皮帶多過驚佢「拿傘」。尤其係二手車買番來唔知頭唔知路，所以俾車行檢查一下皮帶和普利珠的狀況是有道理的。用全合成2T油當然最好啦。 |
|
| 23/Apr/02 |
我想知道三陽大鯊王RS-21在港有冇出售呢??如有我想知又會俾SHARK150貴多少呢??謝謝您們的回覆!!STEPHEN上. elaine1102@i-cable.com
Check過總代理奧士車行，因為行「i」的關係，三陽要求每間代理需要接受維修特訓才能售賣。所以暫時香港未有行貨供應。
|
|
| 23/Apr/02 |
編輯先生你好,我係一個新牌仔,
我想問 Q1)250cc和400cco既分別係乜野?係咪如果渣400cc俾少少油就會去得快過250cc? 假設大家屬同一車種，汽缸數目相同，咁400無論係頭中尾的輸出都會win晒。如果引擎的扭力大，波箱比率可以做得「低」一點，速度便可以盡快提升。但情況未至於扭少少油都快過250，如果250落係高手中炳盡暴走，斯文400車主輸梗。 Q2)新牌渣400cc有什麼特別需要注意o既地方?彎向靈敏就代表易渣嗎?
四衝400其實都好溫馴，但新手始終要留意油門開啟角度，保險的做法係右手腕不宜吊高。控掣油門的方法不是「扭」，而是「壓」。彎向太過靈敏可能重難控制，因為敏感度高，新手好易被佢嚇親。容易駕駛的機車，最重要係馬力輸出的區域夠廣闊，動力係線性供應，即係講緊power
band同埋油門響應性。
Q3)我依家想買一部二手車, 心水有: CB 400SF, Hornet 250, VTZ 250,Xelvis VT250, 請問邊一架最適合新牌仔渣? 你提及的選擇當中最適合新手使用的車係VTZ250和Xelvis VT250，因為V盤低扭好和車身較細小。 Q4)我睇中o左架 96'Xelvis VT250($25000)呢部車好似好冷門,如果有問題的話係咪比較難搵零件維修呢? 如果係私讓的話，96' Xelvis VT250賣$25000小貴播。零件應該唔難搵，但如果要整啡呤就可能要土炮修理。 Q5)依家偷車案常見嗎?我現在唔考慮買CB 400 SF o既原因係因為怕俾人偷. 係咪呢一的咁熱門o既車會比較大機會俾人偷? 偷車黑點？冇固定黑點個播，總之有車擺，但又少人到的地方就有危機。如果可以俾貨van埋身就衰多兩錢。防範偷車的基本守則係要一定鎖車，落布cum。可以的話用靚鎖扣實頭尾轆再攬柱，唔好擺同一個位俾人認出。但有心做你的話一定做到，係咁多。CB400SF唔算多人偷，不過靚仔的話就多人搞。車身零件都幾多人搵o架。 Q6)香港有什麼地方是偷車黑點嗎? 想防範偷車有乜野需要注意?我睇過勁車誌既一篇文章,佢地請一個已退休既偷車行家示範開鎖,佢開一個鎖大概只需數十秒..... 其實唔應該登爆鎖的圖片，雖然好睇，但對於一些心術不正或正在摸索爆鎖的人具有啟示作用。外國雜誌年中都做唔少爆鎖測試，重計埋所需時間，但只會影成堆被爆開的爛鎖，唔會影開鎖的過程，就係咁解。 唔好意思問左咁多問題~係度祝你地鐵騎網誌蒸蒸日上~~~~ Hin fritzhin777@sinaman.com |
|
| 23/Apr/02 |
請問對 Burgman150(UH150) 有乜評價呢? (好處聽過哂,講下缺點得嗎?)因為多數會同太太巡航遊車河,150長程雙騎吃力嗎?如果唔掂,AN250會唔會
合適D 輕鬆D 呢? Thanks~ wahwah(華華) wahwah71@hotmail.com
視乎你要求的速度和加速感如何，150可否用作長程雙騎的答案是因人而異。一般慢慢走80km/h巡航冇問題，但若遇特發事件想開油走，可能會有心無力。如果預算足夠的話，買AN250當然會較UH150稱心寫意。
|
|
| 22/Apr/02 |
本人係架magna 250 既車主,其實我係想問本港除了政府的牌骨位外,有冇一些時租或私家車場可容納電單車於旺區呢??因為本人早兩天在旺角的排骨位被冇品的人整花了條喉(剛買了不久,很心痛...),又唔想再有下次發生,可以點??
Ryan 請不要刊登my e-mail. thank you 對不起我們不清楚旺角那裡有時租場供電單車使用。可以找找泊車網看看有否介紹，在「常用資料」一欄中有停車場資料網的連結。Magna 250出名阻定，泊位自己小心都冇用，重要睇人地小唔小心。 熱心車友回應： 本人曾經尋遍旺角的月租車位，終於比我搵到旺角道近火車橋底露天停車場有電單車位。但月租要成$1200，實在令人卻步。 Roger rlchoi@lcsd.gov.hk |
|
| 22/Apr/02 |
在賽車場上，有很多和街買的車種版本。例如：在Supersport的級別中，本田CBR600F4i，川崎ZX-6R，鈴木GSX-R600i，Yamaha
YZF-R6。但是，為什麼在500cc的級別中是沒有任何車廠推出，比賽用的街買版本車種。就算125cc和250cc的級別都有，在cc有，Sportstock和Sportbike。 WONG Ho Ying wonghy@bonbon.net
現時500cc賽事係鬥緊2衝機器，講緊GP大賽，不同SuperBike或Supersport賽事，參賽型號需要有市販版本支持方能參賽。不過只係徒具其形，擺落場果部車同一般人行街果部完全係兩回事。
|
|
| 22/Apr/02 |
編緝先生你好,小弟現在以250cc街車代步,每天經屯門公路出紅磡,現想換架綿羊或爬雞,所以想請閣下從下列幾方面比較這兩種車: 1.行走公路的穩定性 2.輪胎在雨天行車時的安全性 3.高速行走時急停的穩定性 謝甚! Crazy上 alan6683@netvigator.com 街車的穩定性，輪胎安全性和急停穩定性都比起綿羊或爬雞好。豪華綿羊因為軸距長及車較重，公路穩定性比爬雞為佳，道路輪胎也比菠蘿胎安全，但急停的穩定性綿羊是最差的，因為重心分佈不平均。 |
|
| 21/Apr/02 |
本人父親因超速19km(69km)和冇掛P牌而被取消車牌,但是在法庭的法官判罪罰款每項 $450共$900元正了事後.到期換牌時被運輸署收牌,已經追查過警方、法庭最後又回到運輸署,說要重考。想問法律是否這樣判決結果正確要重考。本人姓黃這件事已經煩惱三個月了,請教點算,謝謝! 在P牌期內如果被法庭判決取消駕駛執照，必須先重考駕駛考試C部分(路試)，並須再次圓滿地完成12個月的暫准駕駛期。 http://www.info.gov.hk/td/chi/advice/probat/chinese.html |
|
| 21/Apr/02 |
小弟剛在域高買了一架Bandit 400V的街車，96年黑色車．車本身唔錯賣$15300送一年保險及5個月牌費．我個人認為幾平，請問有否買錯車呢?
如果架車表現正常，咁就真係幾抵！有冇買錯車就唔知，因為唔知閣下的用途和期望。 另加裝迫力鋼喉好不好，價錢為何？是否只裝前碟不用裝後碟會較好．<-- 車行的人跟我講的． 換迫力鋼喉都好，因為原庄膠喉都用o左成六、七年。連料包工價錢一般在千餘元一對，只換前迫力喉都夠。 加氮氣避震於尾有沒有用？牌子價錢為何？ 更換氮氣避震梗係好，原庄避震柴左的機會十分高，但價錢恐怕要三千多元起。牌子例如KYB或Daytona等。 此車慳油嗎？車行的人說此車十分慳油的．不足$0.4 一公里....... Bandit400V慳油未敢苟同。如果同架1200比咁Bandit400V就梗係慳油，但如果與同級直四比，Bandit 400v的高轉特性，油錢應該貴過CB400SF，可能在五至六毫子之間。 此車是否可以用Super Four的零件．另此車是否有Vtec的??? 零件當然不能與CB400SF共用，都唔同牌子？喂你呢部車就相等於Honda房車的VTEC，V係可變Variable咁解嘛！ 謝！！解決小弟問題．．．比利仔 billyyue@msn.com |
|
| 21/Apr/02 |
Dear Editor, I am kind of fat guy that weight
around 200 pounds and have belly. Just wonder, What kind of
motorcycle suitable for me? In western world, i always seems
those fat guy ride Harley Davidson and the image/style is not
bad. But
if i don't have enough money to buy those bikes, what other
brand suitbale for us (fat guy) and make us more confidence? thanks NC K L slamyt1@hotmail.com
Street Bike or Cruiser is ok
for mature people, no need to bend down his neck or raise his
ass. The point is bike type, not the brand. If you
are not a green rider, then we suggest you consider 600cc+
street bike or cruiser bike (any bike which do not have full fairings
and the handle bar is high and backward enough for you to
sit comfortable is ok for you)
|
|
| 21/Apr/02 |
編緝先生:您好!本人是一新牌仔,現在打算購買一部新的150cc電單車,但有問題如下: 1--PGO T-Rex 150 和 SYM Shark 150 - 那一部車好呢?(長時間工作用,長途短途都會去到,但不用載貨的.) 2--如果出新車,在總代理好還是分銷商有更多好處呢?(如果此問題不便公開回答,請用電郵回覆.) 3--一般出車要多少時間才有得取車? 4--新車落地有什麼要特別注意? 望 編輯指點! 謝謝!Soda icqsoda@yahoo.com.hk
兩部車都係單缸油冷，口碑都唔錯，但係T-rex
150零件供應十分充足而且價錢相宜。大鯊王則外型較新，香港地兩部都咁多人用，冇乜所謂。總代理及分銷的分別係，分銷商賺的利錢十分微薄，如果你想講價，幅度十分有限。不過有時貪方便揀間就腳的分銷商買車咁解。新車要首次登記及驗車搞文件最快都要一個星期啦。新車落地要注要的地方係熟讀車主手冊及妥善保存，咪書後自然知道點做。最緊要係俾時間按照建議方法run-in架車，及定期返車行換油check車。
|
|
| 21/Apr/02 |
各編輯人員你好！ 本人現在正學緊電單車，準備考牌。雖然重未有牌，但己在尋找愛驅。本人較喜歡巡車，由於怕出唔到保險，暫時只留意250cc 車種。Magna 250, rebel 250 及 virgo 250 我都幾鍾意。請問這三部車， 1) 性能方面，哪一部會較好？ 2) 維修方面，哪一部會較方便較平？ 本人高度約182cm，大約180磅，有時會雙騎。部車都係用黎去威，唔會好太長途，多數都係香港仔去到旺角到。以上三部車合適嗎？會唔會唔夠力？而家P 牌買以上車種出第三保險難唔難呢？大約要幾多錢？本人對電單車認識不多，希望唔好介意我問這些無聊問題，謝謝！ Jason(請不要顯示本人電郵，謝謝！) 唔敢肯定P牌可否出到250巡航車，先假設你出到保險計，三部車的馬力性能和維修價錢都是差不多。論外型，以Magna 250最靚仔，但係車身最重，同埋泊位阻定，去旺角唔係咁方便。提一提你，P牌係唔可以載人，所以現階段買車不需考慮乘客問題。一年後可以載人時，恐怕你已經想換車，所以對你來說，呢三款車都無需考慮夠唔夠力或載人的問題。 |
|
| 21/Apr/02 |
編緝先生, 您好!本人是新牌,
現在打算購買一部新綿羊.希望新車$25000以下,本人作為代步返工由柴灣至葵涌昂船州為主另希望可以載人及放多少少東酉,以實用為最重要,外型不太著重,但求慳油,車速要求配合車流就可以.本人身高165cm,重150磅.且因本人家住港島斜路比較多.希望編緝先生多多介紹!另本人留意到SUZUKI(UE-150)做特價$18300此車是否適合本人呢?但UE-150是10吋輪,對我常行東廊/西九龍走廊有影響嗎?
Yuen 請唔好登我的e-mail address.謝謝! HK$25,000預算買新綿羊只能買150。Honda @150口碑幾好，不妨考慮。UE150的10吋轆行highway的確比12吋轆輸蝕，但問題唔算嚴重。況且上山或起步就比12吋轆優勝。以上兩部車都係好選擇，除此之外PGO T-Rex150，台鈴星艦150都抵用。 |
|
| 18/Apr/02 |
編輯先生,我已差唔多有一年駕駛經驗,現時所擁有的係架CB1,可能我每天都跑長途,所以架老驅成日都有野執,如:整流,線圈,同洗吸..........
不過現家又有D小問題想向你請教,當我俾油時(起步同高速時),有時會疾一疾,好似唔暢通咁,但有時又唔會,我到車房,佢又話鍊正常,叫我check下個吸或者風格,所以想請教一下.
Eric ericpang@i-cable.com
車房講得對，先檢查風格係最便宜的項目，
亦係最有可能導至你問題的地方。跟住睇埋化油器balancing和考慮洗吸。
|
|
| 18/Apr/02 |
編緝先生, 您好!本人是新牌,
現在打算購買一部二手電單車(向車行購買).請問購買時要注意些什麼事項?我曾經問過幾間車行,有些車就己經驗過車,有些車行就無提部車過驗過未.我最擔心的萬一落了定後,搞一輪後才出到車:-(
可否提供一些要注意的事項. 我比較喜歡復古車, 我心水之選是 Suzuky Volty 250.有沒有一些關於此車的資料. 或有沒有其他車款提供.我本人有5尺11高, 180磅重, 經常會載人. 家住上水,每天要往官塘工作.Volty 會否適合? Thanks Thomas hing_w@yahoo.com
所有從外地進口的車輛，不論新舊在首次登記時都需要驗車驗廢氣。車行一般做法係會留待有人認購時才會把車輛用去首次登記並展開驗車程序，當中一定需要時間，由一周至數周不等，因為需要和多個政府部門文件往來，需時等候實屬正常。
但如果選購已登記的二手車，只需辦妥保險安排便可以馬上轉名。其實你往官塘上班，點解去總代理鈴木科研出部全新Volty
250呢？話晒將來整車拿車都方便D袐？全新車只售HK$
29,500，首期3000，月供1369 x 24，玩得兩三年再賣番出去收番舊錢，計落重扺過買二手車啦。
不過長途車又要載人，單缸250可能較吃力。有冇唸過CB400SS或者Yamaha
SR400/500呢？有關車款的詳細資料，可在iBike中找到四大代理的資料。
|
|
| 18/Apr/02 |
有一日我由將軍澳出旺角,
在進入將軍澳隧道前的一段斜路一直行慢線,
雖然開著的是飛仔車, 但車速絕對冇超過70公里,
當時中線冇車,
快線較後位置有一架白色萬事得323,
車身有紅藍色綑邊(警車是也,
所以明白點解我咁守法啦).
在進入隧道前大約一百米,
最右線和中線會縮為一條線,
所以架警車自然會去o左我右手面.
而在進入隧道前數十米,
左右行車線會被雙白線分隔, 記著, 是雙白線.
當我進入雙白線範圍後,
那架在中線的警車突然加速, 去到我旁邊時,
駕車的警員突然抽入慢線, 好彩我車速低, dup得切.
之後那警員在隧道內用低於時速50公里行車,
出隧道後又加速遠去.
我知道呢個網站有好多差人會睇, 我好想問o下一眾差大哥,
一個以維護法紀, 保護市民為己任o既警員,
如果以咁o既行為令到我炒車受傷,
佢係唔係會好開心? 係唔係盡o左自己o既職責?
係唔係開街跑就要俾警察用呢類下三流手段教訓?
我本來想過, 記低架警車車牌,
去投訴警察課投訴. 不過,
我根本冇辦法搵到証人,
唯一目擊者就係坐警車車頭乘客位o既另一位警員.
你o地認為佢會伸張正義嗎?
我自己都曾經考過幫辦(肥o左),
對差人絕對冇偏見, 只係唔明點解有d咁仆街,
咁賤格o既差人存在於呢個世界.
ps: 為免被人報復性騷擾, 煩請唔好登我的e-mail
address.
如果你講的事係事實並且係事實之全部，咁就真係樹大有枯枝，族大有乞衣lu！但係照計對方唔會咁蠢係隧道裡面玩o野o架？乜唔係有錄影o既咩？ |
|
| 18/Apr/02 |
Dear editor: I want to know how many KM to change
engine oil. I have checked with OS Car motor for VXR180
(3,000KM), but I have also checked with Lee Lik Motor for
TRex150 (1,000km). Is it difference for each scooters? Please don't post my Email address & answer me in chinese. Thank you very much Dicky Man
因為綿羊的偈油存量比一般電單車少很多，所以要勤換偈油。一千公里更換係一個較常用的參考數值，當然每五百公里更換更佳。但小心油池縲絲上得太多滑牙。：)
|
|
| 18/Apr/02 |
您好！本人住在屯門黃金海岸附近，所以想買部綿羊代步往返筲箕灣返工，因我會行青山公路出香港很少行屯門公路，因我想買部二手Yamaha
Majesty 125，我喜歡它外形及車身比較細，因我是女仕，請問足夠使用嗎？另外有否其他意見呢？Thanks
!!! (請不要登本人的e-mail 及名字)
都係果句，如果是因為價錢問題，使用125綿羊當然冇問題。但如果錢銀鬆動，250綿羊梗係好D，亦唔係咁難駕駛。而家都有幾款新250綿羊車身較細，例如Benelli
Velvet 250等。
|
|
| 18/Apr/02 |
編輯您好！現考慮從Kawasaki ER-5和GS500兩款車選一(新車)，作為日常上下班代步(約每天30-40KM,大部份高流量公路)，兩款車在街上並不多，"車主報告"內也少報導。價格GS較平，前后碟剎。ER-5行水冷，但價格較高。請問從實用性，操制性比較，那較車較適合。望編輯指点，十分感謝。
usichan@attglobal.net
其實兩者的定位真的很接近。我們認為你應該考慮代理的地理位置多一點。一個在北角，一個在觀塘，誰人的位置對你方便一點？因為兩部車唔係跑車，水冷或油冷的意義分別不大。
|
|
| 18/Apr/02 |
編輯先生,你好!小弟本人之前係搾開私家車架，考到電單車牌都有一段時間，終於買左部three仔sp版，可能之前搾開私家車，而家搾又好似唔知點咁好似冇乜信心，話灑部野都唔係自己搾開，又想拿車房去check
check佢又怕比人（坤）唔知頭唔知路，又或者有冇ｄ（關於three仔既書睇架） １．有乜野要注意， ２．例如點樣搾佢可以冇咁傷部車呀 ３．用ｄ乜野補品呀 ４．點樣同部車美容呀 ５．又或者有ｄ乜途徑可以知道關於three仔sp版既資料 煩請編輯先生提供一ｄ資料比我呀，等我唔洗去到車房果陣十下十下咁，又怕被人（坤）同埋有冇邊間車房（整three仔)ｄ手功比較好，價錢又老實 祝各位人見人愛，車見車載 miumiu_00_99@yahoo.com.hk
老實講二衝車我地都唔係咁熟，只知道要勤check
2t油，其他保養都係同其他車一樣。最好都係問新聞組。如果你真係想知道部車的狀況是否正常，我地可以可排一位用慣3仔的專員同你試車。
|
|
| 16/Apr/02 |
編輯先生,你好!小弟剛考到牌﹐想買部二手綿羊仔代步。請問買150cc
或250cc 好呢? Budget 大約12000-13000 左右.如買150cc
綿羊有D乜車推介,最重要耐用,敍油,小D壞.
如買250cc 綿羊,我心水係Honda FREEWAY CH250 ，但係又驚成 六七年車會好多小毛病。而且二手價同二三年車的150cc差晤多,好似晤值得。
我每星期會來回北角到大埔兩次左右.請問買150cc
或250cc 比較適合?另外有沒有其他 150cc 或250cc可以介紹給小弟呢?
謝謝
祝各位日日開車平平安安!
Dettol PS:請勿刊登本人電郵地址
萬二三蚊budget買部二手freeway都好，因為你都有走長途的需要。不過要預番少量金錢執執佢先得。因為所有二手車都要執，冇病冇痛o既二手車好少見。如果買二手150，可以考慮Suzuki
AN150或UC150，後者比較少貨，但係水冷機器，可以走130km/h以上。
如果真係揀唔到二手車，有冇考慮供部新車呢？Cash
upfront重少D呢！Honda Foresight 250
三萬幾，玩兩年再賣番出去，其實條數差唔多。
|
|
| 15/Apr/02 |
請問街車車架的斷架有沒有問題?因為有些人說以前的斷架用了一兩年就會在接位處有墟位,不知現代的街車車架會不會這樣？例如zrx1200
xjr1300 Yip Stephen stephentaxi@hotmail.com
莫講話車架斷o左，就算係拗o左都應該「滔滔
loss」啦！重要講緊係大車添！你唔係咁恐佈呀嘛？
|
|
| 15/Apr/02 |
您好, 本人係P牌仔一名, 駕suzuki volty
250, 只係幾個月開車經驗.
最近老媽好奇地問我幾時可以開始載佢返工,
我知要等到p牌完?先得, 不過我想問. 1. 載人有無得練習? 如果可以練, 點練? 唔通要放個60kg沙包係後座? 2. 後座乘客(無經驗)要注意乜?除左要頭盔, 小心死氣喉(小腿), 入彎時側身, 有冇其 他事要注意? 手揸座位後架定係捉住我好o的? 我怕加速時乘客會後跌. 因為老媽到時都60歲(仲好有活力), 所以咁小事都想問清楚, 小心為上. 祝各位日日開車平安! 羅倫斯 PS:請勿刊登本人電郵地址
冇得練習。當累積一定基本技術後便可多載人，多載自然習慣。後座乘客係要放鬆身體，唔使刻意側身幫手入彎。視乎車種，乘客雙手盡可能扶尾架，跑車則雙手放在油缸上。你老媽年紀唔係細，真係有事跌一野唔會好似後生仔咁康服得咁快，尤其係女性骨質易患疏鬆症，唔好搞D咁o既o野好播。
|
|
| 15/Apr/02 |
本人在駕駛電單車有很久時間,
一直很著重駕駛者守法.
但又不容許其實車主魯網駕駛.以下本人有以下之經驗.有一次在銅鑼灣回家途,
在銅鑼灣總統商場駛出告士打道往香港仔隧道橋面.
有一架中型密"豆"貨車已跟了我一段時間.
在臨上香港仔隧道橋面即告士打道轉上橋入彎時我先知道架車跟得我很貼,
不過一呎吧. (嚇死我啦)
之後在橋面一直跟到我入隧道.
因為當時我是載我姐姐不宜快車,比佢跟得我很貼.全程不足一呎.
在隧道內,左線已有架綠色小巴已看得很緊張.
入了隧道我很小心亦亦地駕駛也忍住那個貨車跟得我太貼,在
1/3 段車程我已開始先打死火燈及慢駛起來.
他仍然緊貼在我車後. 我只好慢慢的 50KM 去駕車,又
要看看地面油積.
出隧道口我也讓他前進,
他未考慮過他人安全而加油前進,另我的車飄一飄,我便立即看他後車牌,但可惜他的車牌用膠紙包著看不清車牌號碼所以不能追求.
1. 我在隧道打死火燈及慢駛起來是否合理.
2. 在此情況又不能停埋一邊,他又不趴頭那又怎好.
3. 呢 d 車主一定有報應....... 正確的應對方法是保持充裕的前車距離，然後盡可能維持正常合法的車速，唔使理佢。如果前路暢順但刻意減慢車速，後方會認為你在作出對抗性行為，增加危險。
在今天晚,即是四月十四日 (星期日)
晚上九時四十四分. 在途經回家時 (不便說出地方名)
上斜位分左右兩線.
左的慢線位常停泊小巴等客.
固然之我是使用快線 (即右手邊位) .
而屋村入口處即是在我的快線位 (即右手邊位)
. 那架薄餅車跟得我很貼.
並且突然間他從我的左手扒頭打橫直插右手邊位.
如果我再加少少油他一定訓底,
而我只會是小傷吧.但我也不能將我架豪華綿羊去博.
之後他駛了入去我再響按.
後來我致電給那間薄餅經理投討,他的只工駕駛手法影響他人安全.
而薄餅經理亦作出回應已減去那位薄餅司機獎
HK$500 以做警"介". 便告一段落.
其實有很多薄餅司機小心您們駕駛行為,
唔係個個都會同您去飛車.我唔愛飛車只愛安全......
各位老爺自重啦.
安全女車主 lantom lantom@pacific.net.hk 我們也很容易理解你對薄餅老綿的反感行為，但如果有一定路面經驗及技術，便可把他們的困擾減至最低。安全和慢車絕不是正比關係，當你的車速能配合到平均交通的速度，自然會減少這些不愉快經驗。 |
|
| 14/Apr/02 |
您好! 本人有部SR250, 見o的日本仔玩單缸復古車改得o甘過癮.
於是又想試o下, 問o左幾間車行, 個個o既答案都o吾一樣:請教請教!! 拆電池,
冬姑風格, 刨seat位, 響o候, 甚至加頭碟brake等..都好似o系標準動作。
問::如果冇o左舊電池, 咁會用乜o黎代替?
冇代替品。撻車改用腳撻，著車後發電機供電。
問: 呢款車換頭碟,有人話好簡單,
有人話好復雜、好貴, 到低是否高難度 /
貴價呢?
如果有現成AfterMarket部品商供應零件，應該冇難度。但因產量低價錢唔會平。 加轉數錶, 換速度錶, 指示燈, 頭燈, 腳踏, 短、低把手等。 問: 換曬以上o的野, 算唔算非法改裝? 理論上任何非原廠零件，和入口時所登記的樣式不同都算是非法改裝。
問: 其中一間話甚至可以將SRX250o既盤頭(4
valve,DOHC,加大馬力)成個搬黎用o添,
有冇呢個可能?
換盤頭係有可能，但要注要其他地方的配合。 問: 除以上更改外, 有冇其他好提議呢? Thomas,換晒以上咁多野究竟要駛幾多錢？賣車時收唔收得番？隨著你的駕駛技術不斷進步，對馬力的渴求會越來越大。單缸250唔係一部可以用一世都滿意的車種，使咁錢唔係咁值得。
祝 一網風行! Thomas Cheung thomasc@atm.cyberec.com
|
|
| 14/Apr/02 |
編輯先生,你好!小弟剛考到牌﹐想買部綿羊仔。我每天要由鑽石山到灣仔返工。本來想平平地買部
Suzuku UE-150新車﹐但我看到你們給其他人的意見﹐
好像是 150cc的車可能不是太足夠。 不知如果是
Runner VXR 的 180 cc的話﹐
是不是足夠應付呢﹖我也清楚 250cc
的車會好一點﹐
但新車供不起﹐二手的又不是太懂試車。
現在有點迷網。請問可否給我一點指引。多謝 Sirius sirius_a_@yahoo.com PS. 我希望能找到一架安全可靠少毛病及跟得上一般的車流的車便可以了。
其實好多人都用緊150甚至125走長途。行左線，keep住合法車速係冇問題o既。我地成日勸人出大車，只係抱著理想化的一廂情願想法。現實世界有好多限制，鬼唔知呀媽係女人咩！多謝你的來信，點醒了我們。新牌返工代步，幾舊水供部UE150係一個好決定。
|
|
| 13/Apr/02 |
你好，我會由XV250轉為AN400,請問在駕駛技巧方面是否有所不同?
另外新款的AN400有沒有已知的暗病呢?你們會覺得我會買錯車嗎(我和我老公輪流用的!)
Thank!!!!be happy!!! Jolly Wong jolly_917@yahoo.com
冇乜唔同，係唔駛轉波o者。只會易用o左，唔會難o左。新款AN400已知暗病？唔知播，我地都用緊，暫時未有發現。買錯車？咁你即係話我地買錯車o者！：(
|
|
| 13/Apr/02 |
編輯先生,你好!
小弟終於響鴻朗搞掂保險喇 !
仲約好下星期搞過戶交車! 八九年車 P
牌二千零五十蚊搞掂, 合理嗎?但係部車0既速度錶威也係斷0左0既,
想問問整返要幾錢左右? 我部係八九年 LAMBRETTA.麻煩哂RINGO
Ringo Chan chringo@netvigator.com
89年車都出到保險算係咁。價錢當然合理。咪錶鏈斷o左，點解上手車主冇整番？係咪冇零件？正常的偉士綿羊咪錶鏈舊零水有條。
|
|
| 13/Apr/02 |
Dearest, I'm a P license & never ride
the automatic scooter. I wany to ask some question, because I
will buy one later. 1)is it a 'N' gear of the scooter, & how get it ? 2)I worry it auto run away when start the engine. 3)What's the meaning of 'Po Lee Chu' Pls reply in chinese, thank you very much. wai-sing yeung singsing1682000@yahoo.com.hk 綿羊係Default空波o既，唔使搵。一著車就 係空波，要扭油過一定轉數先至會行，放心。 有關普利珠及綿羊自動換擋的原理，以下節錄自其他車友的文章講得非常好： ＣＶＴ（Continuously Variable Transmission）指無段自動控制變速，因為以皮帶做 為傳動件，又稱為Ｖ型皮帶傳動變速機構。主要是利用滾動離心力造成組件移動，達到 改變傳動比的目的。整個機構由前後兩個皮帶輪所組成，中間以皮帶傳動，前輪皮帶俗 稱普利盤，內有普利配重（普利珠），後皮帶輪俗稱碗公，內覆離心式自動離合器。 其中，皮帶以三明治夾心方式夾在皮帶盤中，皮帶輪上的皮帶節圓直徑會產生大小變 化，宛如可改變齒數的兩個齒輪，由低自高速不需變換檔位，而以漸近方式達成減速比 由大變小的目的，不論在低、中、高速皆有適宜的扭力發揮，變速效果一氣呵成，毫無 換檔所造成的震動，在速克達系統中，當然大大的好用囉。 怠速時，普利盤內的普利珠緊靠曲軸心，皮帶空轉，即使有動力傳至後碗公，其中的離 合器塊也不致甩開咬合碗公而驅動後輪。待引擎轉速一提升，碗公轉速也隨之升高，離 心塊甩出咬合碗公，車輛開始行進。油門漸開後，普利盤中的滾珠向外甩出，迫使普利 盤在曲軸的軸心方向橫向移動。這麼一來，普利盤嵌合皮帶處為斜面，所以皮帶在普利 盤處的節圓向外擴大，而後皮帶輪則相對的縮小。 在皮帶節圓直徑在低速時為前小後大，中速約為１：１，高速則是前大後小，如此可兼 顧轉速、車速與扭力需求的不同而有適宜的齒比搭配。 為應付急加速與爬坡路況，消除皮帶打滑情況，而在後皮帶輪內裝置扭力凸輪，如衝入 上坡路段，因扭力不足而使轉速下降，此時後皮帶輪將產生打滑的現象，扭力凸輪會開 始循運作溝槽向中心移動，迫仗後皮帶盤擠壓皮帶，後皮帶節圓擴張。回復為中低速狀 態而不致於打滑。 關於減速比的改裝方面，ＣＶＴ系統的普利珠配重可決定傳動特性。理論上，較重的滾 珠在低速的變速作用較差，中速過後卻能迅速將普利盤推出，並可加大前皮帶節圓直 徑，增加極速，較輕的普利珠則可在中低速快速變更傳動比，起步加速驚人。尾速則會 降低。 |
|
| 12/Apr/02 |
HELLO, I am a learner & will get the exam. on
May,2002. I want to buy the new bite after pass the exam. But I
am worry the insaurance. I am over 30 yrs. old. & can y give
the opion abt. the SUZUKI UH150 because it's my dream car. Is it
enough power between Kwun Tong & Tsuen Wan for my working
place ? Or 250 cc is better? Pls reply in chinese & don't
show my e-mail addrres. Thanks !
買細綿羊出保險不成問題。你所走的路都算遠，車流平均時速也超過80km/h，UH150可能會比較吃力。有錢的話買250當然較佳。
|
|
| 12/Apr/02 |
我現在日日都會過海返工,
由於經紅隧所以經常都會塞車慢駛, 我的車是T-Rex150,
請問有冇方法可加強低扭呢?
因塞車成日都開下停下,起步騎馬仔.......請不要叫我換車,
因我冇錢.........Thankyou....... Franko <frankooooo@hongkong.com> 方法係改用較重的普利珠和只用原裝喉。胎氣打脹D。 |
|
| 11/Apr/02 |
Hi editor,This time I have some questions to
ask you.What is "波
out"?What is Highside and
Lowside?I have noticed that people have
different concepts between Superbike and Supersports.Correct
me if I am wrong:Superbike = is sports bike equiped with an
engine displacement of 750 or above.Supersports = is sports
bike that only has 600cc engine.Thanks
AC 請勿刊登本人電郵地址
'波out'
means your bike is running wide when you are making the
turn. It will happens when you are: too high entry
speed, improper gearing selection, shut down the throttle
entirely during the turn, improper lane position etc.
High side
is a very dangerous accident, it occurs when your
rear tire lose the traction during the turn, but suddenly get the grip back. The bike will 'jump' and throw the
rider away. Serious injury will suffer especially the
bike falling from the sky and hit the rider. Low side
is less danger because the rear tire continuously losing the
traction, both rider and the bike will hit the ground and separate
immediately. I
agree with your definition of superbike and supersports.
|
|
| 11/Apr/02 |
你好,我想問下我的電單車在某些情況下是好難入空波的,
是否有甚麼問題呢?當把車停下, 如果那時是一波,
我發覺好難都入唔番空波,
但係如果在把車停下前(如準備停在燈位前,車仍在一波慢流)入空波,就好易入到,
又或者把車在一波的情況下關匙, 之後開匙(未tat著),
咁的情況都好易入番空波, 係咪我的車有問題呢?
定係其實其他車單車都係有咁的情況,
我係新牌仔, 所以唔係好清楚,而那車亦都係二手剛買回來的.還是只是我的"腳"法未夠熟練呢?
我的電單車係 suzuki 的街車 唔該! ton tam ares_tam@yahoo.com.hk 係呀，唔係架架電單車都容易搵空波架，個別電單車例如Kawasaki有Postive Neutural Finder裝置會易搵D。但即使貴如Ducati，新車時搵空波都要有技巧先容易做到。當你發覺搵唔到空波或入唔到一波時，不妨前後移動一下車輪，咁就應該冇問題。 |
|
| 11/Apr/02 |
請問 直四水冷與 sv 650 v2
性能上有乜分別, thx wilson wilson1@net-yan.com
唔係好明你想問乜？邊款直四水冷同SV650比先？如果拿
Hornet 600比，SV650馬力最高馬力只有70ps，Hornet600有95ps，扭力則雙方差不多約6.3kg-m。因為馬力和最高轉數在一定範圍內成正比，直四更適合高轉數發揮，所以馬力會勝過V2。但因V2活塞相比直四來得巨型，所以扭力來得較急。震盪感當然V2多過直四。
|
|
| 10/Apr/02 |
編輯先生你好呀...
很多謝你上幾次的回覆. 今次有關保0既事想請教:
1.
小弟想經私人轉讓買一部二手手波羊.
咁去搵車行幫手搞保險( P 牌) 得唔得0架.?
如果可以邊間會平呢?2.
係咪未夠廿三歲出保險係會加三十巴仙保險呢?
麻煩哂.!! RINGO Ringo Chan chringo@netvigator.com
可以搵車行代出保險，但點解唔直接搵保險代理呢？係鐵騎網
誌內有保險代理的資料，不妨打去問下價。每間保險公司的條款都不同，又海鮮價，答唔到你。
|
|
| 08/Apr/02 |
托賴, 今日下午電單車路試一 take OK,
多謝元朗駕駛學院電單車部各導師悉心教導和愛護!!己訂了
BMW F650CS, 日後再提交用家報告 ~~~~~~ ;-) chairman@we-w.org.hk
恭喜恭喜！多謝多謝！
|
|
| 08/Apr/02 |
編輯先生：本人已來過信了，多謝你的答覆，今次有以下的問題問你，請你指教一吓！(我是91super
four)
1)早幾日我車的前輪用手也不能轉動，車房師傅說是鮑魚內的膠圈老化，要換，我想問你除了要換膠圈外還有其他零件要換嗎﹖如換新的鮑魚要多少錢呢！
2)我想問你我的車己咁大年紀，如我不換車會唔會有大問題呢！我己換了炭精，電池，整流，死火制龠，頭尾牙連鏈，腳制等等！除了這些有冇邊度要跟進呢！我唔知好唔好再用錢維修好！
3)我現在早上開車，著車後一定要著風x，或用手扭油，如不是便會死火！如死火的話便很難再著車呢！問過朋友他們說可能是有番咁上吓咪數，便會咁，應該冇得整了！想請教你一些意見！唔該！
bblucky
請勿刊登本人電郵地址，因那是我的isp-email點會冇得整，爭在你肯唔肯使錢花時間o者。膠圈老化只需換膠圈，唔駛成隻鮑魚換。當然你可以升級買kit卡鉗，但係D錢駛左落去係拿唔番o既。所以買料前請三思。
話晒十二年車好多時都會有好多小問題，貴就考慮賣車，私讓都走到萬零蚊，但如果維修係小數目，平平地咪當係腳車續命玩住先。你提到易死火，有冇tune過化油器及攝哇佬？年紀大里數高傘鈴磨蝕晒都唔出奇。
|
|
| 08/Apr/02 |
編輯先生你好, 有一個問題想請教你,
小妹打算購買一部羊作上班代步之用(由大埔至中環).
但由於身材矮小,
即使坐上駕駛學院的綿羊也是腳尖掂地.
所以想找一部坐位低, 車身細小的車(因為不打算雙騎,
一人車也可以). 現正在考慮以下三部車: 1. Honda @ 150 2. PGO Bubu 3. Piaggio ET-8 150 請問那一部車比較適合? 另外有沒有其他選擇可以介紹給小妹呢? 謝謝! catpro@hongkong.com
座高最低係Pgo BuBu 125，但係只得125。機器最好係@150，因為最大馬力及行水冷。不過座高對你可能太高。現在主銷歐洲的綿羊座高都有番咁上下，如果唔想咁樣，就要搵番傳統綿羊造型，例如T-REX150或星艦150等。建議親身走落車行試坐，看看感覺如何。
|
|
| 08/Apr/02 |
編輯先生:本人家住天水圍,
每天要行屯門公路去佐敦返公, 想問一下150cc(burgman150)是否適合,
150cc同250cc是否有很大分別, 如果揀250cc車,
skywave250 types同yamaha250(2002)邊架較好呢.謝謝!阿志
nicchi@hongkong.com
屯門返佐敦，UH150勉強可以。當然有250就最好。有400就梗好：)永遠越大越好。如果揀250，Skywave
TypeS及Majesty250都係好車，但係又靚又貴，對代步反而唔係咁方便。建議考慮Honda
Foresight
250，燦基新車都係賣3萬幾，平成一大截。
|
|
| 08/Apr/02 |
編輯先生:請問Honda CB400
有幾多種分類及有何分別? 請勿刊登本人電郵地址Thanks in advance. V.H. Choi
粗略分為Big one基本版，有大架，但仍有分冇油錶及有油錶款。跟住到Version
R方型小豬頭及Version S，冇大架，黑色死氣喉，尾截可換kit喉，PGM燃油管理及Nissin掣動卡鉗。耐不耐又玩下紀念版等。跟住到Hyper-VTEC
Spec I 及最新的Spec II，分別是VTEC轉數由6750rpm下提早到6300rpm開啟。未有VTEC前的型號主要分別係車花、配件。VTEC出現外型有大轉變，尾胎由140升級上160。當然唔只咁少分別，但唔係好記得o勒。
|
|
| 07/Apr/02 |
編輯先生: 請問在車行羅車時,
要留意什麼? Thanks Johnny Lam johnnycy@i-cable.com
帶夠錢、對文件、Check定油站係邊要入油，袋定車行電話以防架車跪低時可以馬上call佢幫手。買鎖，帶頭盔手套，最好搵多件車友傍住幫你護航。 |
|
| 07/Apr/02 |
最近睇中了三部250級別的NK車(因我只有錢買250級),
分別是 Hornet250,VTR250, Goose350,
三部車的外形我也很喜歡,
請問邊部車馬力最大呢?邊部最快呢?
我很小見到有Goose350賣, 請問它的售價是多少?呢三部車邊架最流行呢?
你最鐘意邊架呢? Leo Leokootin@hotmail.com
最大馬力係Hornet250(40ps/14000rpm)，因為用直四引擎。因為極速講求馬力，所以最快的車猜想也是Hornet
250。Goose350比較冷門，代理都冇入貨，售價唔清楚。邊部最流行呀？好難講，家下香港250街車最hit係CB250，因為商用為多。三部中估計都係Hornet及VTR較多。
|
|
| 07/Apr/02 |
編輯先生:本人為貴網之讀者,家住屯門,於官塘上班,剛取得電單車駕駛執照,現打算購買一部綿羊用作上班之用,本人心目中已有三部車在考慮之列: YAMAHA MAXSTER 150(外型殺食,一出已經想買佢,但我看到車主報告中大家都對佢惡評如潮) YAMAHA MAJESTY 250(易手)(因為d車友話走大長途最好搵一些大cc的,冇咁傷偈,但係250cc我唔知幾錢一公里) SUZUKI BURGMAN 150(我見佢有2.5kgm扭力,同級150cc中最強,而且睇落去好似幾舒服咁)... 請編輯你說說小弟應該揀邊部好呢?因為我自己心大心細,同埋250cc會否比150cc大食好多呢?大約幾錢左右?又或者有冇其他綿羊好介紹呢?大約($20000-$30000)左右,麻煩晒啦編輯...唔該晒 Rio Lee yoshiki@japan.com
往返屯門官塘？Day Day如是？想架車冇咁計苦輕鬆D揀Majesty
250，如果想買新車，又要舒適穩定，揀UH150，不過預o左車速要慢D。其實無需擔心油費問題，單缸250入滿都唔使一百蚊，夠行二百幾公里。
|
|
| 06/Apr/02 |
編輯先生,有些少問題想請教一下: 1. 我的車子右頭fork腳'羅C'在行走一個月後自己鬆出,鬆到'羅C'頭突出,用手就可以 扭出,車是全新車(只一個月),但取車時沒有check這部份,所以不知新出時有無問題,你認為 是車行(無上實)定車本身有問題?車有問題會是什麼?怎解決? 2. 整流,打o南o磨,fuse,燈泡是否損耗品?會否一定時間自然損壞? 3. 尾箱放重物會affect車的操控嗎? Thanks a lot! Chan kk kk_chan2000@hotmail.com 咁恐佈？應該係出車檢查時漏了這部份。新車行得一段時間係需要再檢查各縲絲位，有需要會再上實，但唔會好似你講咁用手都可以擰出來！整流打南磨燈泡當然有機會壞，但唔屬於「經常性」損耗品。所有尾箱或行李架都有重量上限，放了重物一定會影響操控。 |
|
| 06/Apr/02 |
你好,很多謝你的回覆.
我相信你是全港內容最豐富，最完美的電單車綱頁．以下再有些問題,敬請解答. 徐了對Yamaha SR400（易手車）有興趣外，對Yamaha TW200（全新車）也有很大的興趣．兩者價格相約，我想一台Yamaha TW200（全新車）可能較適合我．主要原因是我對電單車是一無所知．也無朋友相助，買易手車很易受騙． 1) 請問TW 200 的馬力是16匹(8000轉), 扭力為1.52kgf(7000轉)---在公路上(東區走 廊， 屯門公路等．．)能夠有足夠的速度跟上大隊，什至超越大隊嗎? 2) 一台TW 200, 200cc的四衝單汽缸引擎在8000轉的情況下運作，是否會很不穩定什致令 車身震抖? 3) TW 200的零件在本港的供應充足嗎? 如不充足，在日本訂購會很貴嗎? 4) 在易手市場，取決於易手車價的高低，在於出廠年份及首次登記年份，兩者有何分別，何者重要． 5) 整體來說，TW200是否一台適合新手（我）的好車嗎? 謝謝.! Grass Tracker grasstracker250@hotmail.com
你想問TW200能跟上什麼大隊呢？是Highway上其他汽車的平均速度嗎？行慢線或中線跑80-90km/h冇問題。出不同車會便要看他們的習慣速度了。例如「跟到就跟」個隻車會，TW200肯定俾人當係雪糕筒。最好搵番同種車一齊玩咁就最有feel。零件方面，Tw200特別多改裝部品，所以供應不是問題。好多車行都有做。放心。出廠年份當然重要過香港首次登記年份。除非係年尾新車，例如01製造但係02年先賣出，在機件上可以當佢係02車咁睇。但如果係二手車，例如98/02，雖然係02年先係香港首次登記，但事實上係98製造，行o左五年，咁梗係當佢係五年車啦。總括來說，TW200係一部適合新手使用的電單車。
|
|
| 06/Apr/02 |
鐵騎網誌有冇車會架，又有冇會員架。另外可否報道多一些巡航車的配件呢！ Joseph joseph_tang55@yahoo.com.hk
我地係電單車傳播媒體，唔係車會。有工作人員，冇會員。多謝你提供意見，有機會我們會報導多一點巡航車配件。
|
|
| 06/Apr/02 |
你好, 有一簡單問題想知,
就是電單車用的機油, 同私家車用的機油,
是否一樣, 可否將私家車的放在電單車用,
THX. Roy cs_tck@hotmail.com
傳統智慧及所有車行或油商都聲稱電單車和汽車用的偈油是不相同。原因係電單車多數行濕式極力子，轉數較高，所以有不同添加劑。但我們對此深表懷疑。現代高性能全合成的汽車用偈油，我們相信是可以供電單車使用的。自已衡量。
|
|
| 06/Apr/02 |
編輯先生你好:
本人買了一部150cc. 大鷹王,
本人公司在天水圍工作, 但住在太子.
請問我應該留意什麼, 怎樣run部車呢?
部車行屯門公路是否很雙??? Johnny Lam
johnnycy@i-cable.com
run-in期間一切動作以柔順為依歸。油門唔好扭到底，極速唔好過100km/h。時快時慢平均行7-80km/h便可。 |
|
| 05/Apr/02 |
編輯你好,本人的電單車出了一些問題,因本人是新牌所以現在很煩惱.本人新買了一部二手cbr,早前行完一段100-120的高速公路後它就引擎溫度極高,而且霧煙,溜水經車房chech之後是風扇壞了,連水箱壞掉了.現要1600大元去換,本人認為一定會修理.不過想問問價錢是否合理.有否其他可行方法,如不換風扇,只換水箱低速行駛,謝謝.
Tung Tung chun_tung_max@hotmail.com
如果對價錢有懷疑，可以check多兩間車行比較。但如果換水箱唔換風扇係冇用o既。
|
|
| 04/Apr/02 |
Hi!有一個問題想你為我解答.我想買架易手綿羊代步,限於金錢問題只可買一些年份較耐的車.如98或99年的車,它是否可靠呢!聽說綿羊的引擎很不耐用,真的嗎?一架車可行幾多公里,多少公里後開始有毛病.日本車是不是比台灣車好很多,AN又是否比台艦耐用好力
greensea greensea@hkbn.net
98 99都唔係好舊o者。綿羊引擎唔係唔耐用，不過因為細cc所以成日俾人用到盡，加上機油容量細，換油比較密，如果車主保養唔好，會比大車快殘。此外傳動系統採用CVT皮帶，要留意皮帶和普利珠的替換。日本羊質素鋼水比台製好，但價錢較貴。台鈐星艦150的口碑唔錯，可以考慮。 |
|
| 04/Apr/02 |
編輯你好,本人最近出左部新車二衝Runner,原本都覺得架車好正好完美,但有個問題非常困擾,就是當架車一行高轉時水箱水就會流哂出來,整到褲腳及鞋都濕哂,好慘.我已問過車行有冇方法解救,但車行只話架車行高轉時就會係咁,試下時快時慢,或者用埋膠布啦.以上做法我已經試過,但係一樣照漏...所以我想請教下究竟有沒有方法根冶這問題呢?唔該哂...
Tommy tommy0408@netvigator.com
o下！唔係呀話？係水箱口漏定係其他駁口漏呢？唔知有冇高壓水箱蓋賣呢？
|
|
| 04/Apr/02 |
I want ask 編輯先生,I want buy a Yamaha
T-max 500 or Honda silver wing ,i want ask which bike is
good ,please reply chinese . yokieric yokieric@tinyonline.com
冇人可以俾到中肯意見你。因為都唔知道你對車有乜要求。Silver
Wing主攻雙人巡航，T-Max主攻運動形駕駛，屬於唔同科目。
|
|
| 04/Apr/02 |
編輯先生,大家好唷!
我有電單牌已一年多啦, 非常想買爬山小鹿,
但係家人極力反對!可能是女仔的關係罷!
看到你們都擁有自己的愛驅我好羨慕唷!!
而我只能借朋友的CRM來騎我本身已有幾年開私家車的經驗,
幸好未有撞過, 技術一般啦, 不過家人還是認為很危險,你們是怎麼說服家人給你們騎電單車的呀!?
可否告訴我呢... 小夜叉!
boysit@hotmail.com
年紀及家人對你的信任程度好重要，如果你在家中沒有地位，咁講乜都冇用。當然你可以不顧一切咁去買車，但令家人擔心實屬不孝。
好多時抗拒及恐懼，源自不理解及缺乏信任，慢慢同家人證明你的能力能勝任，並如何有效地減低風險，等佢地慢慢理解及接受。試舉台灣、澳門、日本的電單車使用情況說明老電只係交通工具的一種，冇分男女。
好多謝你的回信及意見! 我好開心你真的會回覆我呀...同你講丫, 二月某一個星期六我去睇車...一眼已經被那隻小鹿迷住啦!!我又點會咁任性不顧一切買佢! 雖然我明知老豆唔俾我買都問一問佢!答案當然係唔得啦! 我唔可以做D背棄屋企人同自己既事既! 因為父母第一架車只係第二, 唯有照你所講我用我既能力証明俾佢地睇啦!!點都好! 好多謝你!! 小夜叉! boysit@hotmail.com |
|
| 04/Apr/02 |
I want to ask what are the shops has the most
reputation. I wanted to buy a used bike and I heard too many
stories about cheap shop selling junk bikes. i would like to
know which shops that I can really trust. Also, I am 25 years
old and had my license for almost 2 years now, and I never
ride on a bike before. I am 5'11'' tall and is 175lbs. Is it
possible to get 600cc bike? or should I go for 250/400 cc 4
stroke bike? Cause I wanted to get a fairing bike. Maybe a
year later, I will move on to superbike.
Thanks in advance. AC alando_chang@hotmail.com
It is
difficult for us to post whch shop is in bad reputation. To
be frank used bikes sometime got some hidden
problems, only the bike owner can spot them after using the
bike for a period of time. That's why picking
used bike depends on knowledge and luck as well.
To choose
your first bike, don't get 600cc, too strong for u. Go
get a 4 stroke 400cc street bike is the best starting point
for you, when u get used to it and feel not enough, then go
for 600 sportbike.
|
|
| 04/Apr/02 |
dear editor, i remember u've mentioned once but i
forgot, is the sequence below correct? 1. 睇車 2. 搵第三保公司 3. 一齊去td做轉名手續 4. 完事 anything missed? thx and pls dont bill my email. Dave Cheung 以下為當年老Day供稿於機車同志的原文：
|
|
| 04/Apr/02 |
你好,我是初哥(五年雪藏牌),
我想買一台Yamaha SR 400.我知我問題多多,
請多多帮忙.
務請一一解答.有關選購的問題 1. 請問何謂日本翻新車? 所謂「日本翻新車」係指車行從日本拍賣行買回來的舊車。 2. 請問日本翻新車是否比起本地的易手車好? (我指日後的維修及引擎性能的問題上,) 冇理據證明日本二手車比本地二手車好 3. 請問日本翻新車的咪錶行車哩數可否被車行徐意調校? 舊式咪錶技術上係可以改動咪數，但有冇人咁做就唔敢講 4. 請問日本翻新車的二手市場如何, 如果我想換車或不再想騎電單車的時候難不難再次賣出去來套現? 當你再賣出去時，買家對本地行貨車較有信心。二手市場永遠存在，主要視乎售價是否合理。 5. 請問一般車行的日本翻新車有否售後保養, 如有, 年期多少? 視乎每間車行，一般有三個月保養期，但細節各有不同，要問清楚保養期內唔包D乜。 6. 其實, 要買翻新車或易手車, 到老字號的車行或小車行或私人轉 各有好處，買舊車多少講求經驗和運氣。貪平、趕時間、一定買唔到好o野。讓好? 有關該車引擎的問題(我指一台4年日本翻新車, 行二萬公里)Yamaha SR 400 的用油量有多大? 每行一公哩大約用多少錢? 對SR400的油費冇概念，不過單缸引擎唔會好大食。 2. 該車的引擎或其他部份會否容易損壞? 致維修費很高嗎? 呢類風冷單缸原始機器相對現代電單車來說，維修比較簡單，性能因為冇特別所以冇要求，也可以說是可靠。主要睇有冇充足零件供應，呢個先係問題。 請問你有對Yanaha SR400的日本翻新車有何整體評語? 我們對SR400的整體評語係：不予置評。：) Thanks a lot. Grass Tracker grasstracker250@hotmail.com |
|
| 04/Apr/02 |
你好？我是一個P仔，想問如果由
150羊換上250羊，前者150燕梳有無得拿回?
因為我到車行換左freeway250不果舊150燕梳不能過落新250到，我的燕梳只是用了2個月現在要買過新好慘呀∼∼∼！不過車行叫我去之前買150的車行拿回正單辦退回手續，其實會不會退回給我的？很擔心！請幫我忙，多謝你！
edmond_lai5 edmond_lai5@sinaman.com
舊保險係可以退保，按比例拿番錢。不過要扣幾舊手續費。留意新保單是否可以容許你將來轉上400cc綿羊，唔係間間都得。
|
|
| 02/Apr/02 |
收到熱心車友Johannes chairman@we-w.org.hk
報料： "運輸署宣布，該署牌照事務組的沙田牌照事務處將由2002年4月2日起遷往新落成的沙田政府合署。新辦事處的地址為沙田上禾輋路一號沙田政府合署二樓。 現時位於九廣鐵路沙田火車站連城廣場五樓的辦事處將於2002年3月28日後停止辦公。市民如有查詢，請致電2804 2600" |
|
| 02/Apr/02 |
Dear editor, 1. is it illegal to listen music through headphone (which is hidden inside helmet) while riding? 2. i want to buy a new bike, joyride150. i'll use it to work, taiwai<->taipo, will it have problem? and is it active in 2nd handed market selling? coz i plan to have magna a year later. Thanks, dm dmjudas@hotmail.com
Although we don't recommend you
to do so, it is not illegal to listen music during your
ride. Regarding Joyride 150's performance, you better
check out the "owners commentary" section and see
what they said. More and more Joyride 150 can be seen on
the street nowadays, we think it is a quite popular scooter.
If the price were right, re-sell should be easy.
|
|
| 02/Apr/02 |
Hi, I'm a "P" licence rider
and wanna buy a scooter for local ride (maybe highway on
weekend). I'm about 6'0 tall and weight 160 lbs.
I think Piaggio Beverly 200 is kinda cool! Can you give
me some advice on that bike? Is that bike got enough HP
and TORQUE? My budget is only around 30k. (Plz
Don't Show My E-Mail)
All The Best Gum Gum
From our last riding
experience we all agreed that Beverly 200 is stable in high
speed and has good braking response too, although the pick
up ability is a little bit slow. 30K you got a wide
variety if you consider to buy used bike/scooters. How
about used 250 Japanese scooter?
|
|
| 01/Apr/02 |
你好，各位車友大家好：本人對自動棉的知識比較小，有一重大問題想請考，本人早排購得@150自動棉羊，發現其它自動棉多有電撻及腳撻裝置，但@150以本人研究過好似只得電撻在扭油掣之下，本人想問如果有日想撻車，電撻冇返應或有小小返應但又唔著到引擎，請問重有乜方法著到車???通常撻唔著車車主首先可檢查邊部份???謝謝貴站解答本人問題
wong herry longcloth@hkem.com
自動羊冇得推撻，冇電的話只好叫拖車。其實好多250日本羊都係冇腳撻，都唔係咁恐佈o者。架車唔著通常都係電池冇電，fuse斷路，火咀濕o左等問題。冇相關知識好難check，因為要搵工具拆o野。不過有一樣唔使任何知識都可以checko既，綿羊先檢查側架係咪冇收起，其他車先檢查死火掣是否在off的位置。 |
|
| 01/Apr/02 |
你好,
本人已住筲箕灣廿多年,在本區就只有在愛民街有唯一的八個公眾電單車位.本人當日就把老電泊於望隆街(峻峰花園
附近的東區走廊橋底),此處是完全不會抯擋行人通道的.
而本人的老電是用密封沒有開窗口的布襟,所以應該冇理由見到我的車牌及行車證.........但事隔一日,
竟然比差佬抄左牌,
仲可以將張告票放向我乘客sit
位條頭盔帶度夾實!!!!
真係神乎其技,究竟佢地點抄到我牌呢???? 仲有就係我都沒抯到街, 何苦係都要抄我牌呢?????........不過我附近d車友仲慘每日抄一張, 足足儲左成4~5 張咁濟呀!!!所以希望藉此能得到一些有能之士o既幫助, 向運輸署反映一下!!!!多謝多謝 cheong henry cheonghenry@hotmail.com
我地都冇計播，你可以直接寫信俾運輸署反映。tdenq@td.gov.hk
|
|
| 01/Apr/02 |
你好!前日我好不小心在路邊停車時失平衡跌了車。事後機件正常，但可惜油缸側邊凹了一個約大餅size的洞，另外又花了少少。我想問，有冇辦法回復正常?如沒有的話，有冇得成個油缸換?how
much? my bbike is super 4. thx Raku ryushin@hkstar.com
可以俾車行用搥仔修理，再噴番油，價錢幾佰蚊至千零蚊，視乎地區和手功。唔使成個油缸換咁誇張
|
|
| 01/Apr/02 |
本人想改揸兩輪車返工代步(二手車only)eg:
98星艦150, EPC shining 150 or Freeway 250等,
路程由馬鞍山區至旺角區, 多行獅子山隊道,
請問在塞車時上落鈄有無太大問題呢?
兩個150磅一齊坐又點呢?多謝幫手,
請e-mail回覆我等我快些知: cityrain101@hongkong.com
心急人上 唔好貪平買150細羊，你走長途，又要雙騎，又要上斜，Freeway 250或Foresight 250最適合。舊款Majesty 250都好。 |
|
| 01/Apr/02 |
你好!我買了一
EPC Shining 150
部車唔係太好用,可能我每日都行長途本人160磅(屯門公路往返炮台山
) 部車好似就來右要換野好煩和好貴,
我只不過在兩三星期前換過,現在行了太约2000KM,就開始聲音有點不對勁,因本人有暗影在高速公路斷左皮帶掃難了各樣零件無左我成千幾元仲要令我上班遲遲到, 好令我害怕,現在我想問如果我要換車的話有什麼好推界,最最最最最緊要夠耐用,最最最好是平和慳油,最好要羊150.因為要合乎自己的經濟,市道低迷世界難low!唉~~~~~~~~~~~請指點指點?謝謝你 心目中想:博士150唔知好唔好,點睇呢? edmond_lai5 edmond_lai5@sinaman.com 好明白世界難撈的道理。但你行咁長途，台灣綿羊真係唔係咁頂得順。最好都係揀番日本羊，例如AN150。 |
|
| 01/Apr/02 |
想問下如果響街度見到d冇車牌又冇行車證既老電,可唔可以拿來自用?
如果可以要辦d乜野手續呢?ths~ wsl abc@abc.com
你都幾好笑個播，我問番你，如果我見到有邊層樓已經冇人住好耐，截晒水又截晒電，咁我點樣可以拿來住呢？點樣辦手續呀？冇車牌冇行車證，重有車架及引擎number，架車有車主o架！佢唔理佢係屬於非法棄置車輛，你拿來用就係偷o野。偷野係冇手續辦o既。
|
|
| 01/Apr/02 |
本人己有車牌大約5年，剛考獲電單車牌時買了一部代步，但後來因家住屯門又在屯門返工，所以摟决了數月便賣掉了。到現在本人返工地點在柴灣，非常非常之遠。現在想出部綿羊仔代步返工，而我最近留意到有部Beverly
2000大轆王幾𡜦，但我不夠高坐上去只可以腳尖到地。或者Yamaha
Majesty 250但我覺得好大部，因本人是女仕，請問Beverly
2000行駛屯門至柴灣足夠嗎？而屯門至柴灣有多少公里呢？而Beverly
2000此車評價如何？有冇問題呢？或者有冇其他車可以介紹呢？另外如果鎖好架車容易被偷車嗎？請多多指教！
Thanks!! ^.^ wahfung wah225@netvigator.com
屯門至柴灣？唔知幾多公里播。不過路途遙遠，cc越大越好。所以250係一定好過200。如果覺得Majesty 250 太大架，可以試下Honda Freeway 250。車行伙記腳車專業之選。結合儲物、性能、實用的優點。但其實Majesty 250 / Foresight 250都唔係好大架o者。 |
|
| 01/Apr/02 |
你好你好！本人其實仲學緊車，岩岩左強制試。但係已經成日諗住買車既野喇，所以想問下閣下，俾少少意見。其實我想買既車種係似古董個的綿羊仔，所以vespa係首選。但係又諗，新定舊好，新既又要落好多錢去裝修，又驚買新既之後唔鍾意又好傷，都唔知點算。
除左vespa，其他好似bajaj咁，好平，但係好唔好架？另一部有興趣既係Honda
Kinder 150，佢個樣好吸引，但又好靚驚人整花或偷，見到的網友又好似話唔好開，都唔知點算。請問可唔可介紹下？vespa的舊羊幾錢到？會唔會好易壞？唔好厭我問得多同急，好啦，順祝商祺！Burnvin
<burnvin@netvigator.com
係呢個階段你重肯定你想要D乜。Vespa及Bajaj鐵羊係二衝手波，Honda 二衝 Joker 90和國產四衝Kinder 150係自動波，完全兩回事。唔想煩維修，最好買新車，有錢整架Piaggio ET-8，冇錢就幾千蚊整架二手偉士手波羊，小問題一定多，不過整車價錢唔會好貴。 |
|
| 01/Apr/02 |
想請問一下雙汽缸綿羊比單汽缸綿羊有什麼好處?我看見現在有雙汽缸的綿羊都是頂級的綿羊才有,是不是細羊(如250或以下的羊)是沒有雙汽缸的?
現時的技術做不到嗎? 還有,如果那些綿羊用燃油噴注的跟那用普通化油器的各有什麼好處呢?
謝謝! Chan Wai Sing chan_waising@hotmail.com 兩個汽缸比一個汽缸的好處係引擎效率更高，輸出馬力更大，運作也較暢順。但因為要控制成本和售價，所以雙缸綿羊只適用於貴價款式上，和製造技術無關。電子燃油噴注的好處是供油量更準確，潔淨慳油。 |
|
|
觀看以往來信 Mar 02 Feb02 Jan02 Dec Nov Oct Sept Aug July June May Apr Mar Feb |
警告：
本欄所提供的意見雖盡量保持客觀中立，但仍可能有著某程度上的主觀或偏見。
我們雖已盡力確保提供資料的準確性，但並不保證其正確性及完整性。
讀者應審慎衡量我們的意見是否合適正確。
