鐵騎網誌 www.ibike.com.hk

30/Aug/01	網主你好:本人有部bandit 400, 1.想問究竟自己換消耗品(偈油，油、風隔,火咀)難唔難呢？甚麼要留意？因以我所知，好似要dick起個油缸才能控後兩者，怕油喉等什麼喉裝配不善；前兩者又怕搞到漏偈油.但係長遠來講,又唔想交俾人整,慳番人工。搞Bandit 比較麻類，換火咀風隔等係一定要起油缸，最慘係油缸膠好易移位，裝番油時一手抱油缸，一手裝油喉，又要扶正油缸膠，一個新人搞真係會手忙腳亂。不如俾人搞一次先，自己從旁偷師，有信心後先自己試。 2.其實，戴手套除o左炒車有Ｄ保護外,仲有o羊好處呢？敏感度不會下降嗎？手套純係為保護肌膚。敏感度雖然低o左，但不會影響操控。過海搵散紙就例外。 3.有時見到雜話有隻氣囊衣(減少意外受傷)，究竟好唔好用？好似未見過人用. 氣囊衣真係少見到人用。可能天氣熱？未用過冇從稽考。 4.由於是二手車,見車鍊滿油垢,鍊餅積了一Ｄ油屎o係鍊接觸不到的地方.想問何時才要換鍊及如何清理油垢,因油屎常使白色o令彈得一點點難以清潔之黑點.就算係新車，白鈴都一樣會有油屎。冇計。除非用乾粉劑鏈油，但係好Q貴。油漬用藍威寶開水抹。鏈用火水抹。當攝鏈攝到盡時便要換鏈。謝謝.大頭文 benjamin_wmw@hotmail.com
30/Aug/01	Dear Editer,I am planning to buy a bike soon, but can you give me some advise on Cagiva Mito 125 (2002) & R6 (2001)? I dont know how to choose, the bike will mainly used for weekend, my concern is,,, Mito 125 is 2-Stroke, is it still worth to go for 2-Storke nowaday? For R6, is it hard to control, cas I never ride a on a 600cc bike b4. I wish u can give me some advise, thx. I have 1.5 yr riding exp, but in Australia only. my old bike was CB250 and FZR 250, would R6 too big and hard to control in HK, cas HK traffic seem like very busy everyday, thx Vincent,, Vincent.Wong@SMLAWPUB.com.hk Strange that you are picking 2 totally different bikes. 2 stroke machine is phasing out for sure, especially those 4 stroke machine are built so lightly today. If I were you, I will go to R6 straightly without looking to Mito 125. Don't worry about the handling or your capability, nowaday all superbikes are very easy to use, thanks to 180kg or below dry weight. As you are not a new comer, trust yourself, you won't be regret on R6.
29/Aug/01	版主你好,我睇完你地介紹澳門租電單車玩，即該心郁郁好想去玩轉，但係我想知澳門治安好唔好，多唔多人偷車，同埋cup牌幾錢，如果比人偷左架車要幾錢。好多問題，唔好介意，多謝 Jack jack.lee@ntwmail.homeip.net 澳門治安唔覺差，租車公司的車亦應沒有人會打主意。澳門周街都係電單車四圍泊，唔會架架都唔要，淨係揀你個架o卦？Cup牌係免費o既。但係如果真係唔好彩俾人偷o左車，或炒到total loss，唔肯定係咪好似AVIS咁有保險墊底，自己衡量。
27/Aug/01	主編你好: 本人欲由Super Four CB400 升級到 VFR800 "99"年由於是日本翻新車, 所以沒有說明書, 而由於本人是欲希望給予此車最好的保養, 所以希望擁有說明書以供參考,再作最後決定今天打電話聯絡本田新代理燦基, 他們說沒法提供, 我問道可否以代為訂購, 他們回應是沒法代辦..真是沒他辦法...只好向其他門路找尋吧希望主綸給予一個好意見及心得, 1.由街車轉跑車, 技術上及心理上應有何準備呢 2.當我去收車的時候,應有何要特別注意的,VFR 是大包圍的很多地方都包著看不到, 可留意那位置呢 3.我在選定這車前巳一直查閱貴報, 實在得益不少,得知此車因為車溫的問題, 整流及電池都需特別看待, 請問整流的正確位置在那. 4.最後一個問題是這車是用電子噴注的, 應如何保養呢 ivan ivanhokl@netvigator.com 先恭喜成功換車，揀得心頭好。車主手冊可試向其他VFR800Fi車主相借影印。例如電郵車主報告內的車主，或利用iBike的免費徵求服務，尋求影印本。由街車轉騎跑車，最大分別是低把手，令到頸、背和前臂的肌肉較易疲倦。泊車時就位又較麻煩。慢速低轉不及街車輕鬆，但中高速時的加速反應遠勝街車。如果你以前有裝尾箱，相信跑車沒有尾箱是最難適應的一項，加裝尾箱亦需要無比決心。檢查車輛時，可留意啡呤的接口及縲絲位是否靚仔，從而估計入面的情況。新車而啡呤有少許花痕，正常。舊車完全冇花，好值得懷疑。不肯定VFR800Fi整流的位置，通常都在電池後邊，避過引擎高熱。電子燃油噴注可以說是不用保養，使用上的注意是確保電池電壓正常和整流工作正常，以免令各電子零件損壞。
24/Aug/01	hi!! 本人亦已滿18，但聽閒依家考牌好難，而亦有朋友已考牌3 次都考唔到，他更加說考官多數會肥年紀少的人... 想問下你關於 18 歲考牌應該注意的事、或者有無提示，希望你得閒能答我...真係十分之thank you! tong oooo0000@hongkong.com 我們不願相信真有此事，考牌應該是看技術，而不是看年紀。但話說回頭，考牌官也是人，人始終有主觀判斷，如果考生表現浮誇，衣著打扮，行為舉止不能獲得考官認同，也可能會導至考官更加嚴厲執行考試的標準也未定。所以考試時表現得老實一點，有禮貌一點，考牌時淡定一點，可能真係有幫助。
24/Aug/01	HI, 我想請問下呢, 去報名學習駕駛電單車, 當我好叻仔,全部一次PASS, 由報名冇牌到有牌大約要幾耐時間呀?另外自動波電單車係唔係比手波電單車容易操控得多呢, 咁換句說話學習自動波合格率係唔係大過手波好多呢 ? Nok smau@netvigator.com 重要有好天氣配合，一次pass約在半年之內。自動波係操作容易，但考牌時打8字油門控制，需要時間習慣。因為自動波一開始俾油，動力唔係即刻到。
24/Aug/01	親愛的編輯: 你好,本人身高175cm, 重66kg, 現座架為magna 250, 約半年駕駛經驗,現計劃購買多一部電單車作假日之用, 現正留意各型號的 fairing 車, 1. 請問閣下有什麼提議?本人對 HONDA RVF 400 及CBR 400RR 甚感興趣, 2.請問"新牌仔"於駕駛此車時會否很困難?3. 有否其他的fairing 車可作考慮?(本人追求彎路的表現) 4. 請問 CBR400RR 及RVF 400 的規格如何? (如:馬力,TORQUE, 車重, 耗油量的差別, 彎路表現, 加速力, 機件的耐用性, 改裝零件,維修費等煩請編輯兄替我作出比較) 謝謝 Dassan Co dassanco@hotmail.com 香港天氣不太適合使用V4偈，太熱啦。CBR400RR唔錯，但新淨貨源較難搵。RVF比較易搵同埋靚仔d。彎性應該係RVF400 稍勝，但分別不會太大。93年後出廠的日本車都被法例所限馬力在53ps，扭力則約在3.7 - 3.9kg-m 之間。改裝料應該RVF多D，詳細規格請自已上網找，唔好罰我打字啦。如果只是作假日車，那建議RVF400，因為靚仔新淨，補品易搵。但如果係日日用，CBR400RR較適合。
24/Aug/01	鐵騎網誌編輯你好: 本人現駕駛Runner VXR 180，二個月前因路濕自抄，之後整返以為冇事。近來發覺車車行唔到直線、有小小飄向左，要將重心向右才行到直線。同時，入左灣好好入，但入右灣就通常波out。朋友話這昰頭fork有事，要換。我有以下問題： 1.是否真係頭fork有事；2.要換嗎？3.換頭fork多少錢？祝：鐵騎網誌，蒸蒸日上謝謝beelee@hongkong.com 未必一定係頭fork有事，可能係前後輪的alignment不對也有可能。你係派左定派右？死氣喉silencer有冇事？會唔會壓歪了尾擔？
24/Aug/01	致鐵騎網誌網主及老綿之各路英雄: 本人擬將購買一台全新的綿羊仔（過去我是駕駛本田VFR400的），但全無頭緒，究竟那一台150cc的台羊質素好壞及耐用情度較優勝。現有兩台外型上較為吸引本人的，一台為SYM 的 SHARK 4V 150cc 及另一台為 PGO 的150cc。敬希鐵騎網誌網主及老綿之各路英雄能夠提供意見以供參考。祝網主及各鐵騎英雄身體強勁!!!!! 老綿的煩腦人非常感謝!!!!!!!!!!!! ^_^ronilau@hotmail.com 俾我揀會買SYM Shark 4V 150，除了外型較合自身口味外，身邊朋友也傳來不錯口碑。其實兩萬元以下的新車，不需要太擔心啦。玩夠兩年賣掉都巳賺了。
23/Aug/01	你好呀. 你的網址寫得非常之詳細, 非常多關於電單車的資信, 希望你可以繼續努力, 相信你的網址大有讀者在, 包括我在內^.^我相信大型電單車, 如PGM, 哈利, 駕駛起上來,比棉羊仔有型有格得多, 但是無辦法啦, 因為我外型單薄得很, 只有164cm高, 重大約55kg, 我相信自己沒有力量駕駛大型電單車, 所以只可以向棉羊仔打主意, 你覺得我說得對嗎? 不知道你有冇看一套港產片名叫做(野獸刑警) 劇中李燦森所駕駛既電單車是什麼車種呢同埋早期林海峰模型既棉羊仔不知你有否見過, 我喜愛極了, 希望你可以介紹給我同埋大約既價錢? 希望也可以順帶埋偉士車種既價錢? 謝回覆 !!Nok smau@netvigator.com 如果沒有技術配合，選擇電單車時初哥的確會受到體型所限。不記得李燦森在野獸刑警中是駕著lambretta綿羊還是Vespa。林海峰的模型則沒有留意。如果你喜歡古典的綿羊款式，建議Vespa ET-8, 又靚又方便。自動波四衝程，有位放頭盔，最重要係新車性能可靠，兼有得供丫嘛。新手不熟悉電單車機械性能，古董o野可免則免。
22/Aug/01	你好呀, 我有意思想學習駕駛棉羊仔, 但係我想知道棉羊仔跌車既機會大唔大呀, 假如正式取到駕駛牌照後, 有什麼車種適合初學駕駛者呢 ? 不知道你可否回應我呢 ? nok nok@hankyu.com.hk 一般慢車操控，綿羊跌車的機會較少，因為車輕座位低，容易落腳之餘又撐得往架車。但如果操作不對，例如彎中落重前迫力則一樣會炒車。如果你學車係學綿羊，則考牌後也只能駕駛綿羊。三思！
21/Aug/01	hi, 你好, 希望你們看到這篇中文打字啦我現時正開著piaggio x9 250cc 覺得好正, 因它是我的第一部老電, 對它的操控亦已上手了, 現時也開始留意一些跑電, 想問若我只得168 cm高, 55kg, 較為單薄. 那些電跑較合我, 我曾留意honda cbr250車, 好座位較合我的身材, 但似乎已停產, 想你給予指教 simon simonlaw@hknet.com 既然有駕駛經驗，唔駛由CBR250RR開始。可試下400, 例如CBR400RR。放心，當有技後，身型唔係最重要。
20/Aug/01	本人所住是一個私人居苑，但是沒有電單車位供應，想請問各位好友，有無法可以要求管理處增設電單車位呢？好人 badboy1242002@yahoo.com 只能向管理公司強烈建議，如果停車場已全部出售予私人業主，便要視乎餘下的公眾地方有沒有足夠空間劃出。你可聯同其他有需要的業主，共同研究那一空間適合作電單車泊位，再向管理公司建議。
20/Aug/01	你好！本人己有一年駕駛 Fairing 車(RGV250) 經驗，最近考慮買一架巡航車，作為平日返工見客代步用途。本人看過了貴網的車主報告及行過多間車行後，本人選定了三款巡航車，分別係 Virgao 250 和 Steed 600。而本人的首選是Steed 600。現有以下問題想請教一下: 1. 可否給這兩架車，一些意見和它們各有的缺點? 它們的極速是多少? 2. 本人工作常要外出，平均每日要走70-100 km，所以很想知道兩架車的耗油情況如何，特別是steed 600會否超過$0.5/km? 3. 聽朋友說駕駛Steed 600會好用力，好辛苦，推車又困難，這是真的嗎? 本人身高六呎一，重約155磅，能勝任嗎? 4. 聽講Magna250的零件常被盜取，Steed 600的情況嚴重嗎? 5. 維修方面，Steed 600易壞嗎，那些項目較易壞? 謝謝！祝貴綱業務蒸蒸日上！Kenny kenny823@sinaman.com 你打算每日行走的里數不算少呢！大cc會舒服D。三車之中建議選Steed 600。但steed600不算是最能符合你用途的選擇。因為你要見客，儀容好重要，總不能滿頭大汗又拿著個頭盔去見客吧！出部400羊啦，Suzuki Burgman 400駕駛操控的特性和巡航車十分相近，但不用轉波，可以著皮鞋又有位俾你放西裝頭盔公事包，又有大架，泊車總易過Steed 600。係就快d啦，代理話而家減價後每日去緊兩三部車，冇乜貨剩架乍！(你唔係晒命呀？6呎一吋高155磅，標準model身材，騎乜車都得啦。)
20/Aug/01	鐵騎網誌主編您好: 本人是第三次來信。上回多得主編先生提點，在sv650s收車時的要訣，好等我在run車時得到駕駛的樂趣，真是萬分感謝。今次要向主編先生請教run車、中心點轉向和加裝配件問題。別客氣，只要你借架新車俾我地玩番三五七個月，重多野同你講呀：p 一) 當在底波段轉高波段的時侯，有時感覺有跳一跳的感覺? (我在轉波時，是先加油後慢放離合器的) 轉高波時跳一跳？係咪有陣力向前衝呢？正常個播。如果唔想，俾少D油就得。二) 車主手冊說，run-in在不到800km時不能超越5000轉。但有時我也會超越一點的，請問有什麼後唯症? 車主手冊所提到的數據只作參考，一時的超越不是問題。只要不會長時間超越指引便冇問題。三) 我在rider裏看到一編說中心點轉向的文章。覺得十分有用。但有一點唔係好明，是不是利用腳踏、雙膝和腰力來轉彎的，在轉向的時候臀部是不是要微微提高。但我做上述的動作時覺得人對車的縱心位升高了。(好似座位升高的感覺)不是中心點的，請問我做錯什麼、如可改善? 對不起，沒有細看今期R記的文章，但飛跪轉向時不應抬高臀部，只是把半邊屁股向橫移。其實如果閣下有興趣睇，應該睇番原著：Chapter 19 Pivot Steering, A Twist of the Wrist II 作者係Keith Code, 由California Superbike School發行，D英文好淺，又多插圖，包你睇得明，唔駛捱翻釋版，因為版權問題，好多圖片唔敢拿出來，變成睇得幾辛苦下。網上訂書可看 http://www.whitehorsepress.com/OnlineCatalog/Sections/ProdData/TWIST.HTM 。四) 我在50公哩以上時，如果手有微微的動作，即時覺得車子有不穩定的情況。是不是加damper可改善。廠車應改什麼配件，在駕駛是得到穩定和舒適的感覺呢? 可否提供牌子和型號(以實用為主) 電單車把手係1:1，任何外力施予把手都會影響前輪。即使加裝Damper，只能減輕情況，並不能解決問題。正確方法係用腰背及雙膝支撐上半身重量，放鬆肩膀和雙肘自然垂下，不應以把手為支點支撐上半身，如此前輪便會十分穩定，即使打軑也會迅速回復正常。祝：鐵騎網誌，蒸蒸日上 Cheung tkc8889@netvigator.com
19/Aug/01	Dear ibike web editor, I send you a letter last month asking your advice on the dilemma in choosing Runner or Joyride. As a turn out, t I didn’t take anyone of the both. I’ve just paid the deposit for a 98’ second hand Burgman AN250 (traveled about 13,000km) from SBS technology. The price is almost the same as a brand new Runner or Joyride. I chose this bike because it is 250cc processing 2.3kgm-1 and 23 hps (the largest torque among 250 grade scooters) and seems to be very stable on highway ride. Have you ever heard any adverse comments of this bike such as slow response in getting start, frequent malfunction of electronic components, insufficient torque, high stolen rate, etc. [I have consulted the rider’s report already]The number of AN 250 now being used and I see on the road is less than YAMAHA Majesty 250. I wonder (i) Is Majesty 250 is better than AN250? (ii) or Majority choose AN400 rather than AN250? (iii) B&W250, Forza 250, Majesty 250 and AN250 are popular in HK which one will you choose if you want to have a 250 scooter and why? (iv) What is the main differences between the two generations (01’ and 98’) model of AN250 apart from the storage capacity under the seat? (v) Is there a significant differences (Horse power and torque) between AN400 and AN250 that rider can feel? (vi) I see a lot of rider modify his AN250/400 by replacing KIT exhaust system, is that suitable and efficient in enhancing performance? If I wish to enhance the performance of my bike, what can I do? (vii) I get a robber alarm, can I put it on the bike? (viii) What is the Maximum speed can it (AN250) achieve? (120km/h?) (ix) Does it need any suspension adjustment (harder or softer spring stiffness) if I (weight 66kg) don’t have plan on carrying anybody. Please reply in Chinese. Thank you very much for your help. Nick nick_diamond@sinaman.com 原來架AN250俾閣下買o左。SBS真係算賣得平。我們沒有聽過AN250有什麼大或小的問題。請放心使用。Majesty 250的數量比AN250多，主因是有AN400的存在。如果有Majesty400，情況也會一樣。個人看不出為Majesty和AN之間誰人較強，只是外型喜好的選擇。在眾多250綿羊中，如果錢不是問題，我們會揀新款Majesty250，因為座下空間很勁！新款AN只是在車尾線條和空間做了手腳，機器沒有不同。駕駛250和400的分別很大，個陣力水絕對不同。換喉只是滿足個人存在感，有聲好玩D。單缸機器，唔需要講高轉性能。要快都唔騎綿羊啦。想性能好，勤換偈油火咀風隔重實際。防盜器易裝難拆，作用又不大，唔裝好過。120km/h 極速相信未盡，應該重多少少。66kg單騎應該用soft設定已足夠。但不妨試下唔同setting，睇下自己鐘意乜？
19/Aug/01	您好,我是台灣民眾，即將於半年內遷住香港，感覺上香港電單車很少(比來灣少非常多)，因為我出沒習慣一定都使用電單車，所以請問香港政府是不是有意壓抑民眾使用?請問一些有關電單車的問題 1.香港有沒有50cc電單車？售價多少？香港法例規定機動車輛排氣量要在125cc或以上才可走上高速公路，所以125cc以下的電單車數量很少，也不流行。 2.取得電單車駕駛執照是不是很困難？如果閣下在臺灣已領有機車駕駛執照，應該來港endorse便成。不用再考。 3.使用電單車每年要交幾種稅？電單車除了初次來港要付車價40%登記稅外，只需按季或按年($1,314)繳付道路登記稅便可。 4.或請告訴我香港政府主管電單車是哪個機關主管香港車輛的部門是香港運輸署。非常感謝 Jay Wang wjay66@yahoo.com.tw
19/Aug/01	你好, 本人打算學電單車,但本人身型細粒,5ft 2inch,95 磅,請問閣下, 我應該可以楂甚麼型電單車, 100cc可以嗎?而且,100cc的電單車在香港有得買嗎?請回覆. Eva evatty@yahoo.com 身型絕冇問題。如果純為代步，可報讀駕院的自動波綿羊課程，將來買番部125/150綿羊，普通單人代步都足夠。在香港要125cc以下才可上Highway，100cc太小了。將來賣車也較難找人接手。
19/Aug/01	你好!本人需每日抯長途車作代步用,現打算買架新車(ZRX400/CB400vtec).但不知如何決定.想請問你從耐用及耗油量來比較,那架較好呢? 謝謝~~~ ^^動力機車kazimmak@yahoo.com 耐用程度相信兩者相若。四衝400兩者的技術都十分成熟。若不計車價，純以油費考量，相信是Honda Hyper-VTEC較省油少許。因為在6750rpm以下每汽缸只是使用兩個閥門。
17/Aug/01	搬o左去 ShauKeiWan 的愛蝶灣幾個月, 本來都無咩事,但係上個月我架電單車就俾人偷o左喇. 本來過o左去就唔想再提, 諗住買過第二架囉,但而家又好擔心, 買o左架車返黎會唔會又俾人偷呢? 個場無種欄杆俾人鎖車,而且又無"蔽路電視"(在我被人偷車之後安裝了一部在車場地下出口).但地下裝有咩用? 但佢唔層層裝我又無佢辦法.其實有無定明停車場一定要有某種設備? 我俾人偷車佢地又係唔係唔需要負擔? 請幫忙 foxman_hk@hotmail.com 所有停車場都會講明唔會為偷車負上賠償責任(Exemption Clause)。因為停車場與租用者之間不存在「Bailment 托管」的關係，既無Bailment關係，停車場便沒有「Duty責任」看管車輛，所以不能引用「Negligence疏忽」來控告任何關於「Property財物」上的損失(人命傷亡例外)。只能夠向停車場建議加裝欄杆或安排附近可以攬柱的位置劃作電單車位。謝謝你的回覆。我也明白你所講的所有, 但如果事情發生係你身上你會點,好瀟洒咁講 (什麼法律, 什麼責任.......)?我曾經向管理公司發出投訴及建議, 但一點回應都沒有.換轉失車的是各下, 你又會點?總不相信你還可以說得如此瀟洒。foxman_hk@hotmail.com 你誤會了，我們是「化」，不是瀟洒。所以我們只會用平車，唔會用貴車。買車前會唸過如果唔見o左，個心會唔會輸唔起。如果輸唔起就唔會買。所以我地一向以來都只買二手車，唔肯買新車。看閣下面對失車亦看得相當開，應該和我們是同一路人。
17/Aug/01	如果有好多老電同時泊在太古城的非法位, 只有兩部有抄(01) , 可唔可以port 佢唔公平? Jimmy Lee jimmy.lee@sywg.com.hk 假設閣下和其他車一起非法泊車，但回來取車時發覺只有自己和其他少量車中招。其餘大部份非法停泊的車都沒有告票。於是你覺得深深不忿，覺得其餘電單車都應該和你一起遭受撿控，你先會覺得開心番少少。咁我想問假如其他車都被抄了牌，對你有乜益處？係咪你就唔駛俾罰款先？做人唔好咁自私，可能被抄牌的車已經開走o左，其他冇抄牌o既車係剛到。又可能抄牌個人仁兄係接到order做o野，於心不忍，只係抄一部份就算。無論點都好，你係非法泊車，有權抄你牌，其他人有冇中招，關你乜事？齊齊中會唔駛俾咩？如果你走去投訴話個差人不公平，咁下次呀Sir咪架架抄足law，咁你話邊個著邊個唔著o勒？今次你唔好彩中招o者，下次可能唔係你呢？唔好抱有累人累己的心態。
16/Aug/01	hi,你好呀!!本人快買車了,而且已經睇中了係SHADOW 750!價值$38000,97年車,Full kit,不過已經是行了60000KM, 算抵嗎??我只是因第一次買車和睇價錢而買的,,如果我買時應注意什麼....唔該 Jason jason@dcdcorp.com 97年車行o左6萬km，每年都係行萬零km，絕對正常。價錢都唔係貴丫，重有「full kit」？即係唔駛再改錢扮靚？嘩，掂晒。巡航車一般都唔會俾車主過份abuse，加上係750級別，副偈應該冇乜好擔心。記得對一對牌薄上的引擎編號和車架編號係咪和刻在車上的相同。賣車俾你o個個人係咪車主或授權代表。
16/Aug/01	我是有多年電單車牌，現在想買架綿羊仔代步。以下兩隻綿羊仔，邊隻好D，可否給我一點保貴以見： PGO T-REX 150cc 和 SYM SHARK 4V 150cc 請問這兩架車車價現在多少錢？可否分析這兩架車的好與壞：唔該你^o^ths，徐咗以上兩架車，另外還有什麼心水靚車推介本人大約$20000左右感謝萬分，祝你心想事成，身體健康。 joe_kc2000@sinaman.com T-REX和大鯊王兩者售價相若，分別為18,800及19,900。對於不是綿羊用家的我們來說，台制150綿羊沒有太大分別。在兩萬元以內還有很多選擇，例如TGBF 409，Suzuki UE150，Yamaha XC125 Cygnus，台鈴星艦150等，全部都是台灣製造。在我們眼中看來，超值的售價玩夠兩年已經回本，根本無需太過深究。剩下的只是外型及牌子等個人喜好左右你的選擇。對了，最重要是參考車主報告啊！
14/Aug/01	你好, 客套說話不多講, 想問一問關於載客的問題,本人不是新牌, 但又可說是新, 因為我在94年考到但到今年2月至開始有老電,連續開了半年車, 曾抄過一次, 現時信心多了, 但如果我想載人, 有什麼要注意的地方呢, 我也試過載我的朋友, 只是來回幾個圈, 有的很順利, 但試過有左右不定的情況, 請問會是我唔夠力丫, 還是他的旭動所致呢? 多謝. Simon simonlaw@hknet.com 載人時，車速快時較易平衡，載人攝車攝得又慢又定最難。乘客坐得越貼近騎士，越有利操控。所以載女仔易過載男仔，除了體重較輕之外，也較易貼近一點。乘客可以前後手支撐，一手扶騎士盤骨位，一手扶車尾。或同時雙手扶油缸，大腿夾著騎士，效果更好(所以載男乘客比較辛苦，因通常都唔會夾)。乘客如在座位上「旭」動，當然會直接影響車身平衡。所以要知會乘客不要亂動。尤其是過彎時別亂動，無論是怕傾斜而扳起上身，或想幫手劈彎搬身，都會令騎士有失預算，造成危險。
13/Aug/01	本人上月剛購入一輛二手99年 Majesty yp250，行了約9000KM。因沒有車主手冊，不知如何入手。(第一次買綿羊)請問要如何保養機械及單人乘坐要幾多呔氣? 平時自已檢查隻羊要注意什麼? 有冇消耗品要更換? Thank you! Sammy stealwind@hotmail.com 如果里程計的數值是真確的話，9000km好新淨，傳動系如皮帶珠仔等應該唔需要搞。換一般消耗品如偈油火咀風格油格等便可。有關胎壓的基本數值，每部車在尾擔附近都應有標記，再跟隨個人重量慢慢調較。Majesty 250尾輪可由30psi開始調較。更多胎壓資料請參閱知識技術相關文章。
13/Aug/01	本人駕駛為majesyt250，當轉彎時不知為何會有突然跌下的感覺，我現在避震為４度，適合嗎？謝謝！yin yinlamlam@yahoo.com 轉彎時有突然跌下的感覺，應該不關避震問題。應該是動力不足或過度壓車所至。嘗試俾住油過彎，或壓車力度不要太猛。避震調較因體重、載客、路段情況每人不同，很難一概而論。如果避震調較太軟，在急速過彎時會感覺車座過份沉降，造成頭輪負重不足。避震行程容易用盡，造成撞擊，影響操控。那便要調高彈簧預載硬度。
13/Aug/01	我的愛車停在灣仔街頭，在前晚被人拆了兩個鏡及前煞車系統。我看到愛駒如斯慘不忍睹，心有說不出的氣憤。估計損失約二千元。我相信這不是車行人士的行為，是個別人士的所為，我在這裡要嚴重譴責那些無良的賊仔，你會得到報應。 raymond.lam@cfhc.caritas.edu.hk 只能說句：防不勝防。終極自保法：搵位巫師係你架車度落重咒，邊個仆街撻你呢Do野就不得好死！o桀o桀，睇下D粉人重敢唔敢拿！
13/Aug/01	你好..客氣說話不說了. 1.本人網買了一架全新的自動波綿羊.(150cc).不知怎麼樣去run-in.會比較好呢.? 要行了多小公里才算完成run-in..? 2.自動羊和一般要入波的電單車.開法是不是有分別.?入彎,收車和落斜要注意什麼呢?......請過兩招給我..thank. DEE make@netvigator.com 車主手冊實有講要run-in幾耐，好好睇架本書仔，睇下啦。新機器會磨出很多金屬碎屑，最緊要係在頭一次指定換油里程之內(約1000km)更換新偈油及油隔。由於綿羊偈油容量比較少，所以要換得密少少，每兩至三千km便應換偈油。當換得三兩次偈油，run-in便算完成了。Run-in期間，一切以平均柔順為本，有快有慢，唔好長期行死一個速度。俾油要漸進，唔好成日一野質落去。主要分別會係綿羊有可能會一邊俾油一邊施加掣動。當自動波綿羊在空波狀態時，例如長落斜時，又或是高速巡航時要減速時使用。但當綿羊入番波時便要停止俾油，以免阻礙剎車效能。
10/Aug/01	請問我想將條死氣喉改到好似哈利嗰種低沈聲音咁,會影響馬力嗎,還需要跟進什麼呀.thank you suedelover@hongkong.com 改裝後的哈利排氣聲並不低沉，尤其是尾喉沒有滅聲器，霹靂拍勒又乾又響又嘈。冇禮貌又唔考慮他人。應該用可以調整聲音的死氣喉，排氣管內近尾端有一塊圓片閥門調較，關閉時會靜d，全開時就嘈到殺死人。當閥門全開時，排氣回壓減少，部份油氣會未完全燃燒便被排出車外，影響扭力。通常要加大唧咀。
07/Aug/01	你們好，我是 www.iBike.com.hk 的常客, 新牌落地未買車,朋友想把愛駒(台鈴星艦150)私人讓給我, 請問我有甚麼手續要做, 和有甚麼問題要留意呢? 最後祝貴網站仝人工作愉 Peter 仔peterscout@yahoo.com.hk 朋友私讓好簡單，架車有乜問題捉番住佢問，唔同陌生人，架車有事唔知道去邊到搵。你只要抄低車身資料，最好有牌薄副本，俾保險代理出份新保險cover note(臨時保單)，跟住約你個friend落運輸署搞過戶(記得帶牌薄正本)，填張form，準備$250過戶費,等一陣就有張全新牌薄出番俾你，上面印住你個名同埋車身資料，記得簽番個名。搞掂，食碗麵.
06/Aug/01	老兄o既工作效率真係快得出奇,實在令小弟佩服.上次買唔成R6,但係就買O左部RS250....請問 1. 如何在經常高轉數拖波時避免拿遮,是否要在拖波前'Fing'小小油呢? 2. 在GP賽中經常看見以上動作,請問是什麼目的呢? 3. Steering Damper 應如何調較來應付不同駕駛習慣? 4. 前後避震調較應注意什麼? 前後 rebound 及 preload 是否要調較到一樣呢? 5. Kit 喉對低扭是否很大影響? 因為小弟已怕了舊愛(RS125)起步冇力既滋味.但新愛又已裝上kit喉. 6. 換了 rear sprocket 又會否影響低扭嗎? 麻煩晒! 亞協 Kyll27@aol.com 拖波時呼油的用意是保持引擎轉數與離合器吻合，令減速時車速更流暢，不會破壞車身的平衡。與避免拿遮無直接關係。釘把setting會因人因路而異有所不同。沒有絕對標準。只能因應自己常用路段，由軟慢慢逐步調至可接受的硬度。同樣前後避震也會因人因路而異有所不同。沒有絕對標準。加上每部車的重心分佈不同，又係由最軟做起，逐步調較。 Kit喉因回壓比原庄喉少，在低轉時油氣未被完全燃燒便被排出管外，所以動力效率較低。更換大尾牙可變相調低波段，改善扭力，但極速會被減低。
03/Aug/01	請問風隔,油隔在車的哪裡呀,是否每部車都有的及需要更換 ma..thank you suedelover@hongkong.com 現代設計的電單車風隔在油缸底下，形狀可以係有一塊平面風琴，亦可以係一個通窿鐵鑵咁樣。原廠多數用類似紙的質地，不可清洗。AfterMarket多數用海綿，流風量高，可清洗，但保護力不及紙風隔。如果用冬菇風隔最好再set過一次jet咀。油隔在engine的前端底部，一個圓鑵咁樣。建議用原庄貨較穩陣。當然每部車都有風隔油隔，需參考車主手冊及個別使用狀況而決定何時更換。一般每換兩三次偈油便換一次油隔。風隔每半年檢查一次便可。
02/Aug/01	多謝你上次回答小弟o既問題,今次又要麻煩老兄你啦.本人欲購一台二手 99 年 Yamaha R6 1. 如果 mileage 低於10000km 睇車時應注意什麼呢? 2. 請問合理價錢是多少呢? 3. 怎樣可以知道架車的健康狀況? 亞協 Kyll27@aol.com 唔駛咁客氣啦！大家吹下水咁樣o者。99年車行一萬公里以下都好新淨播！只要上手車主run-in得好，引擎唔會有咩問題。其實唔應該淨係睇里數，尤其是跑車。因為新車都可以有權炒過，應該從啡呤開始調查。看看有沒有大炒過的可疑地方。例如車頭及頭沙板有沒有重新噴油或新舊程度不一樣的部件(頭燈、錶板)，機器兩邊有沒有嚴重刮花的痕跡。死氣喉是否和車身平衡冇向車內偏倚等等。另外一樣是知道的是這架跑車有沒有拿過去track鬥過呢？如果鬥過車，價錢要折讓好多先化算。雖然車主有心賣車會執番走D證據，但有 D懶車主會由得佢。咁你就會見到偈油蓋和水箱蓋有鐵線穿著，胎邊完全溶開有起泡痕跡，如果架車冇改裝部品係身，咁樣你會見到條原裝喉和腳踏特別新淨(拆走kit料換番原庄料上去)。合理價好視乎個別情況播，如果架車企理我覺得都值番五個。唔知會唔會pay得略高呢？
	觀看以往來信 July June May Apr Mar Feb