| 08 Sept 2021 |
 |
|
自從疫情之後冇得飛，好耐都冇去過車展喇。適逢有老友參展2021亞洲頂尖國際食品餐飲及酒店設備展，知道有好多業內餐飲商參展。一於入去行下食下飲下：)
行行下突然見到有部BMW RnineT在觀展人群頭上出現，原來係有一間咖啡設備供應商的參展攤位，以一部BMW RnineT作為攤位的裝飾，成功搶到觀衆目光，紛紛停步細看。
相比起附近只是擺放咖啡機器的同業，他們駐足的人群明顯少很多。於是老編便抱著呃杯啡飲的動機，多口問下呢間咖啡設備供應商，點解會咁醒目擺部RnineT係度？ |
|
呢位參展商名為Holistic Coffee，屬於香港咖啡烘焙先驅，專營各種專業咖啡器材，務求採用他們代理器材的咖啡店，都能提升客人的飲用體驗。
原來佢地代理的意大利咖啡機品牌SANREMO，當中有一部機器型號參照了電單車錶板的概念而設計，名為Cafe Racer。所以他們便向BMW要求幫忙，看看能否借出一部RnineT Cafe Racer參展以助聲勢。
可惜BMW的RnineT Cafe Racer實在太受歡迎，沒有現貨。所以只能以另一款RnineT Pure代替。點知一樣咁煞食，一般民眾只見到BMW電單車便已經很高興。 |
|
講番呢個咖啡機Cafe Racer，兩頭機器的售價約港幣十萬元左右。雖然有三頭款式，但香港寸金呎土，很少店能夠容下三頭機，所以代理主要引入兩頭款式。
雖然只係兩頭機器，但內置5個Boiler，提供穩定長氣的蒸氣壓力。根據廠方的壓力測試，SANREMO Cafe Racer能夠一天沖出一千五百咖啡仍能維持穩定表現。香港的咖啡店一般每天需要做出五百杯咖啡，所以SANREMO Cafe Racer絕對夠做。
有人問呢部機價值不菲，放在店內會唔會有被盜風險。放心，呢部機重近三百磅，需要四位大漢先抬得走。賊仔真係咁係誠意的話，抵俾佢啦：) |
