|
|||||
30June04 |
泊車問題
老鬼你好!!本人係剛買左新車,想問吓有關泊車既問題,就係我想問其實如果電單車泊上行人路的話,我又用車套蓋住架車仲鎖埋,咁差人又睇唔到我張行車証,咁樣被抄牌既機會係咪會小d啲呢??但佢會否拖走我架車架???
yun fat tsui fatfat6666@yahoo.com.hk
抄你牌的話，除左違例泊車一張基本告票外，重會多一張沒有展示行車證的告票。而係搵你張行車證出來抄牌時，冇人保證你個車套唔會爛。唔想俾人抄牌，有人用過呢一招：放舊假屎係架車側邊，淋d水上去。
|
30June04 |
機場一問
希望可以幫到呢位人兄, 機場係可以停老電, 如果我無記錯,
應該係露天停車場 1 & 2 號, 無須拿飛, 只係旁邊的空位攝入去, 就會見到左手邊有好多老電擺係度. 我問過機管局,
泊幾耐都無問題!!
Henry Chak Pls don't show my email!! Thanks!! |
|
29June04 |
機場一問
老編兄知識廣博，小弟有些問題，望能解答。現新機場電單車可否進入，若可、有沒有車位停泊嗎？大嶼山除東涌外，是否其他地方不准電單車進入嗎？請老編多多指教！！！！
知識廣博老編唔敢當，只是拋磚引玉，希望吸引到各方臥虎藏龍的高手現身指正。據老編了解，新機場有地方可讓停泊電單車。大嶼山是屬於禁區範圍，必需領有禁區紙，機動車輛才能在限定時間內出入。
|
29June04 |
an150尾呔價一問 老鬼你好!我想問下星艦150的尾呔要多小錢左右?dunlop定派拉利好D?謝謝!! MilkCandy8.1 milk8_1@hotmail.com 如兩隻也選用競技用膠質都可以,大約3舊幾.我會揀Dunlop. |
|
29June04 |
街車一問
老編您好...小弟今年22歲，剛甩P，及四年van仔牌，從未買車。而家正想買一嫁街車...suzuki sv650 同 honda cb400 都係小弟o既心頭好...我想請教一下兩款車o既好壞...或者有冇其他400cc街車值得考慮??同埋我仲想問下如我要出上述街車，保費約多少??thxxx....
如果你話從未買車，咁我當你在P牌期間係冇騎過電單車。咁樣....你的情況可能比新牌更壞。雖然你有道路經驗，但電單車駕駛感覺丟低左一年冇用，咩都俾翻晒老師啦...所以雖然SV650好抵買，力水又正，但係都只能建議你買CB400SF，咪條命仔搏。最新的保險費用，可以去呢度問價。
|
|
28June 04 |
請問自動羊腳撻技巧....及電池冇電時可用嗎?
lokbo
lokbo@so-net.com.hk
腳達是可以在無電情況下使用,(有電亦可)只要扣實迫力,士打棍向下踏便可.技巧好難表示,得閒可試下. |
|
28June 04 |
頭燈泡問題
hi老鬼,我有一個問題想請教.我的羊是星艦,想自己換頭燈.但是燈泡有分單腳同三腳，請問我要買哪款頭燈.單腳同三腳又有什麼分別.thanks! greensea greensea@hkbn.net
星艦用單腳35w35w,分別就在於腳外形,是設計問題.
|
|
28June04 |
Honda 車一問
除了CB 400 vtec
車有可變閥門外,還有其他車有這功能嗎?
Jason wcl997@hotmail.com
Honda電單車中除CB400SF採用VTEC外，還有VFR800。而Suzuki
Bandit400V的引擎閥門也可以「變」，但設計和作用都和Honda不同。Honda電單車的VTEC是把生氣閥和死氣閥分成兩組，低轉先開一組，到達指轉數才兩組全開，提供省油作用。反而Bandit400V的可變閥門技術，才是真正把閥門在高轉時增加開啟角度，增加風和油來製造更高馬力。
|
|
27June 04 |
你好老鬼,我是綿羊太好者，我想問一下重普利珠，輕的普利珠分別有什#40637;作用，還有改裝時可否用混裝的方法，一重一輕交叉用！還有我的綿羊是125cc的，現在才能跑80KM/h，我想改裝一下，請給點建議，需要改那些主要部件可以提升速度和動力，最好能上120Km/h。謝謝！ alpha yaya yayaalpha@hotmail.com 輕珠起圍會快d但比較震,混合方法並不有明顯感覺.要將一部車由80km去到120km公里的改裝,只雖要投下大量資金便可,有乜改乜,加大中盆,盆頭,死氣喉,化油器,kit極力子部份,偷輕車輛,強化被震同brake,包你在同級車中無敵手. |
|
27June04 |
Question for buy a new bike
Thank you very much ! Kenny Ng (Pls don't show my email address.)
多謝你的回覆,由於本人剛甩'P',首次買車,
所以不打算買大CC的車.
1) 你提及的Freeway,是否Honda 車? 是。 2) 你話雙人騎150 會好辛苦,但我見週街都騎ET8 ,仲載埋人, 咁其實是否勉強都OK ? 視乎每人要求而定。如果對速度冇要求，唔講求逃生突圍的力量，少上highway，都冇話唔得。 3)Joyride 200 性能怎樣? 耐用嗎? 維修保養是否平嗎? 請參考相關車主報告。 4) 本人較喜歡Shark 150 及 T-Rex 150, 貪佢地型仔D 及評語不錯, 但如果雙人騎, 你又點睇 ? 答案同第二條一樣。 5) 你覺得我應該用2萬餘元買新車, 還是以此數買大CC 的2手車 ? 若買2手車, 是否車行買較穩陣? 老屎忽講性能，梗係cc越大越好。預算有限，唯有買二手車。但係二手車唔係新車，一樣會有問 題。係有信譽的車行買車，的確會較穩陣。
6)去車行買新車, 可否叫他們送牌費, 車尾箱, 或車笠等 ?
你可以試下。答應你o既係因為佢地係車價內預左，唔答應o既係因為佢地set到個價最低。 |
|
27June04 |
minibike一問 編輯先生,您好. 在下問的問題可能跟電單車知識冇咩關係~我想問一下在貴網看見的minibike係香港有冇得買架?因為見佢細細部好得意~想買返部玩下~有勞抽空回答~thanks 祝 IBIKE 一帆風順 Hing 別登我的電郵,thanks 應該有得賣，但係買左都唔地方玩。呢種都算係機動車輛，要有駕駛執照先可以騎，但係運輸署係唔會對呢D車發牌。除非你係屋企玩。 |
|
27June 04 |
請問怎樣可以?到部車"立立拎"?
老鬼你好!小弟最近新買一部magna..請問怎樣可以?到部車"立立拎"..
例如引擎附近既電度機件及我部車的"呔呤"發現一層有好似發左毛
既表曾.請問用什麼清潔用品可以整返靚仔佢呢?
Anton
anton002@netvigator.com
發毛表面已代表力架脫落,並不能還原.電鍍表面我通常會用清水沖去塵污之後用乾布抹去水痕. |
|
27June 04 |
如何更換電油泵
hi 老鬼師傅,我的車是CBR400, 想請問更換電油泵大概幾錢到? 自己買返黎換得唔得?要點樣更換? 可否長細解釋 . (好窮呀,所以想自己整) 謝謝老鬼師傅 !!! thanks you so much ! andy andyclm1@yahoo.com.hk 價錢要問返燦基先知,但切勿買二手因都唔知佢幾時壞,還仲要換埋電油格,其實人工都係一百幾十.要自己換就必須要拆油缸,好難在文字間表達,sorry.! |
|
27June 04 |
@150
本人#21873;#21873;買左架二手o既@150,但奈何sit位太高,停車等候其間相當唔方便,請問呢款車有冇辦法改低,大約幾錢??萬二分感激!!!!! BONNIE (請不要登出本人之 email address)thx~~~ 當然有,你可到車房叫師博同你將個座位刨低d,大約可有1吋到.致於話更改避震長度這會影響彎向同駕駛,不可除便更換. |
|
27June 04 |
二衝車 老鬼你好,本人想知二衝車現在是否不能維修?駕二衝車是否對駕駛者的駕駛技術有十分高的要求?一輛全新MITO 125cc 二衝車賣$35000值不值?(約2000年製造) 二衝車是否適合P牌?Thanks! Please don't show my email address. ho king kwan 當然不是,一樣如常維修,其實楂乜沖都要技術,只要駕駛得多就會知道方法,如自己喜歡這款車,價錢無話值唔值,3萬5的確有好多車款選擇...都係自己鐘意. |
|
27June 04 |
保養 MAGNA 250 你好! 本人剛出左部二手MAGNA 250, 是返新車, 已行約一萬多公里, 有以下問題想請教: 1. 火咀, 機油最好行幾多里換. 2. 幾時要換電池及水箱水. 3. 要否清理化油器. 4. 行車鍊保養及幾時要換. 5. 迫力檢查保養工作. Please don't show my email thanks 新車主 Kapol 機油,油格應每3千km更換,火咀同風格應每5千檢查或更換,化油器每年清洗一次,這款車電池是免入水的,壽命可達年半至兩年,鍊是要不定時檢查同落鍊油,其如部份是要到車房檢查的,可以每3千換油時做一下check車咁就可以. |
|
27June 04 |
P仔一問 老sir: 小弟我花了未來兩年的"銀兩"買了一新車(03 Forza Type-X) Q:1 開車時每次最少要按三次才能著車，正常嗎？ Q:2 新車是否會大食ｄ？（耗油量） Q:3 呢款車多人偷嗎？ P仔:Ivan ivanclk@netvigator.com 新車機器仲未有慣性運作,所以Q1同Q2都好正常,而且轉數仲會比較高添.Q3就.....難講d. |
|
27June04 |
Buy new bike
Dear Old Man:Pls forget me
don't know chinese input method and u can reply me in
chinese.I want to buy a 150-200 cc autobike.I have 173 lbs
and I will carry my wife 115lbs. Budget about $ 22000.
1.) Do u have some good introduces ? 2 ) How about these : Huasha Vini 150 Vespa Et8 Sym Shark 150 Pgo T-Rex 150 honda @Stream 150 Sym joyride 200 Sym Megalo 125 星艦 125 銀河 150GSR Which one(s) is better ?Thank u for reply me and I feel very trouble to pick one. kenny ng (please don't show my email address) 先生你咁重，重要載埋太太，揀150會唔會辛苦左少少呢？所以你的名單中，Joyride200係最好的選擇，坐位又闊D，太太冇咁易有投訴。但係如果俾我地揀，250係最低消費。預算不足？咪揀Freeway、Foresight、舊款Majesty250之類。到你買左部250後，跟住嫌部車都冇力時，你便會慶幸好彩冇揀150 |
|
26June 04 |
轉灣技巧 本人學牌考左2次路試, 2次都係比考官肥我 1.軑盤控制不當 2.轉灣位置不正確 請問轉灣正確技巧係點呢? 無助的波記 hkckw1974@yahoo.com.hk 轉彎位置不正確，猜想係你轉彎時行車位置偏向外彎。解決辦法是在入彎前要利用掣動和波段調整至合適車速，過彎時俾住少少油出彎，便唔會波out走左過隔離線。軑盤控制不當真係唔知點解，斷估你唔會兩頭擺o卦？ |
|
26June 04 |
CB750換尾避震
老鬼師傅您好:我部日本翻新CB750F(98/02),尾避震無外置樽,我無印象睇車時是有是無,買下後及到取車日駕回家泊低,同隔離的同款車比較才發覺,電問車行回應謂同型號不同版本.我覺得事有QK(例如換左),師傳您點睇呢?果個樽作用是甚麼?我對而家兩支野無信心,要有個樽先算係大車,對嗎?若我裝過對新既,應如何選擇?應去邊處買?自己安裝難嗎?要專業架生嗎?多謝回覆 Victor上 請不要登我e-mail地址 原裝CB750的尾避震係有樽showa避震。但你部車98年到而家有成六年車，原庄避震早已打柴，留俾你都冇用。而家起碼證明有換過避震。你要明白有樽仔的避震係貴d,不過無樽亦不代表佢唔係大車,只係平價版咁解。如果磅數同長度是適合那款車用的,便沒有問題。想換有樽可選意大利牌子由3千幾去到8千幾不等,買避震會包安裝。無需自己動手。原裝樽只不過樽內裝油,靚的樽面會有油壓調較。 |
|
26June 04 |
推車時有'ge ge' 聲
老鬼你好, 本人的 Suzuki GSR150在靜止推車時在輪胎附近會發出 'ge ge' 聲, 請問是否在某地方生銹, 可不可用W40噴? Wing Desmond Yeung tin_wing_yeung@hotmail.com 這可能只是迫力皮的聲音。 |
|
24June 04 |
如何清理死氣喉上污漬
本人的joyride200死氣喉上有污漬,請問老鬼大師可如何處理??撻火用的電池可用多久和如何察覺用完??若想車身保持光潔可怎樣做??什麼是翻新車(例如日本翻新車)??車行賣的是否可靠?? Kaya kayayin@hotmail.com
死氣喉上膠積可用0號鋼絲棉輕力抹去,五金舖有售.日本電池通常可用兩年,如水池就要在每次check車時檢查電池水是否足夠.翻新車是指日本用過而到香港未有車牌no的車輛,價錢同二手車差好遠,因翻新車必須政府檢驗,所以有損耗左的零件必須更換左先,有乜頭暈身熱仲可返舖頭跟進,唔同街買二手車,賣左關人忍事.
|
|
24June 04 |
engine 問題 老鬼你好, 本人的Suzuki bandit1200 engine mount死氣蕉位下,即盤頂Gasket上每條死氣蕉下有一小孔流出小小機油,請問是否有問題?如有,請問要幾錢?Thanks a lot, alex kung Please don't show my email. 要洗乾凈看清楚,因死氣附近應該沒有機油漏出,可能係火咀與盤頂內的膠圈漏油. |
|
24June 04 |
|
|
24June 04 |
Estrella 250 你好! 本人P牌出左部Estrella, 是返新車,有以下問題想請教: 1. 撻車時不是一按即著, 要比少許油才容易著車,凍車時有時要拉choke. 是否化油器setting 有問題?還是單盤車特性? 行正油cord 不是直落, 有否影響? 2. 死火入一波拿盡極力子, 尾轆好似lock 住咁,要大力推一下先會鬆 (free wheel).平時一波停車放晒頭尾brake又不覺尾轆有動力.是否極力子片有問題? 遠是濕式離合器是這樣的? 3. 引擎散熱片氧化了, 有何方法清理? 4. 在網上看到日本有很多parts, 有沒有一些accept oversea mail order 的網址? (可email 給我嗎)謝謝. 文 p.s. 請不要貼出我的email. 化油器與火咀都有影響,加小許油著車問題不大,入波推車一定會拖d,因曲軸與波箱連接,要check有否黐極力子只要入一波唔鬆極力子牛角,感覺架車有否自動超步便知,訂貨網址末能提供因我都唔識睇日文,如想改裝可到各大改裝零件電單車行詢問或到代理. |
|
24June04 |
Runner車主，我對你唔住！
六月頭唔記得邊日既早上,
我由西九龍走廊往紅磡方向行駛, 由於早上好塞車於是就在兩線中間攝車, 當攝到架泥頭車度比佢”當”住左,
跟住好自然攝去慢線橋邊繼續攝, 當攝左出去之後, 後方傳來一陣 XY#%Z@!, 望一望鏡完來係一位Runner車主,
跟住佢爬我頭再一次 XY#%Z@!, 跟住我還火: 見倒你我就唔出啦Y#%Z@!. 其實當時我o係兩架大車中間攝出黎,
所以一時大意冇睇清楚, 我還火全因晨早比人鬧心有不甘, 查實好多謝你既小心駕駛才無發生意外, 否則我同我@仔都出事了,
在此補上一句 Sorry 對唔住 !!
占屎 (P) Jim.Tse@gammonskanska.com |
|
24June04 |
金山貨櫃車甩輪
本人於今日五月十九日上午九時三十分駛經大埔公路近金山郊野公園，突然身旁的貨櫃車拖架既其中一個後輪飛脫，車輪飛向剛埋站的巴士車尾，然後反彈出路中心。
本人剛好在它的身旁，心知不妙，因車輪無定向的左彈右彈，惟有即著死火燈於快線急停，看到那車輪的鏍絲像子彈般的飛向對面行車線，好像槍林彈雨般酒向對面，幸好對面沒有車，如果唔係肯定會做成嚴重傷亡。 其實我地楂電單車真係要好小心d 大車，唔好講佢地大蝦細啦，就算係平時，一係就拿拿淋過左佢，一係就同佢保持一段距離，試想想如果同架大車平排行，佢突然爆胎我諗渣老電既我地都九死一生吧，各位請小心，同時真係希望d 櫃車車主真係要勤d check 車la，唔好累己累人嘛 渣Skywave TypeS 既阿輝 yipchifai@net-yan.com |
|
23June04 |
你好!本人在天樂里燈口前收車,因為路面有油同電車軌,自己訓低.今天收到警察的信,可能告我不小心駕駛.認罪/不認罪好d?如果我不認罪,應怎樣做? On Tat Kwong enterkwong@yahoo.com 法官會認為除非路面上發生不能預計的狀況(例如報紙成日見到有人或差人因「閃避狗隻」而失控)，否則一個「小心駕駛」的駕駛者，係唔會俾油漬同電車軌難到o既。所以你呢舖應該冇得撐。 |
|
23June04 |
CBR250RR
老鬼師傅 / 老編先生 您好 !本人想問 CBR250RR
是那一年停產 ? 現有一部 98/02 CBR250RR (已睇牌簿), 是否底盤號碼及引擎號碼正確便可,
會唔會有其他問題需要注意 ?
傻貓(請不要登出本人之 email address) 謝謝 !
翻查資料，CBR250RR是在2001年正式停產。Check車架和引擎編號外，還要留意賣家是否真正車主。
|
|
23June04 |
本人今日行經西九龍殯儀館天橋葵涌方向,駛至美孚上橋時,發現倒後鏡有架私家車桔我尾,我立刻收油慢車,點知桔我唔夠50米響on砵我,當時我在快線中線又有車,我根本冇得走,上到美孚橋佢立刻抽我頭在我面前急停,而且停車,我抽出快線佢立刻跟我抽出,而且係有心想雜我車我入反中線,佢又跟我入
留意(佢架車可以話係行二線中央白線上行),刻意唔比我走,我唔行時佢又停在我前面.依架咁心急又咁有火既阿伯
深籃色褔士jw3325, 只想跟到佢停車,點解要咁心急?點解要雜我車?係唔係你鐵笣皮就大<日西>先? 97 CB400 (Message post via crash form) |
|
22June 04 |
很多問題希望老鬼師父能幫小弟解答一下 師父你好∼小弟前排炒車隻羊仔收理費不平所以想換車,車行話佢下期有批日本翻新車返，就介紹左架CB400 Big One比本人93年車萬二蚊(它說哩數很少) 1)價錢合理嗎?因為萬二蚊車價己扣除本人賣返比車行的車價((我看車主報告Big One 的價錢也是咁上下，咁我豈不是將那羊白比車 ?...............因為本人在神推鬼撞地己給了兩千元訂,雖然車行話可以將那訂金換在其它車上,但本人在好奇心下亦想試試它介紹那車所以產生很多問題麻煩了師父你)) 2)其實十幾年的車會否有很多大問題,維修費長遠計化算嗎? 3)若果有齊CB400咁多款型號選而價錢相差不大的話師父你會推介那部呢(平時代步用多) 4)我炒那隻羊的牌費還有成大半年,賣比車行那牌費是不是蝕了?牌費是不是能套落Big One上?或有冇其它方法可以咁做？ 無知及無助的小弟 Free Free typefree@hotmail.com 不知道你隻咩羊,要整幾多,車價幾多所以無得話正唔正價!只能講cb400係好車!亦非常適合上下班用. 照規矩牌費以計入綿羊車價內,買車時價錢要看牙力,佢用咁價錢收車亦係你情佢願!出面咁上下價係香港車,牌簿都唔知幾多字.你架係翻新車0手,吃香好多,唔同d! |
|
22June04 |
hi我想問你咪夠18歲可唔可以買車但唔係出車係既話又有D咩野要搞.............
mingleung ng y0630088@yahoo.com.hk
未夠18歲要做登記車主應該窄D....等下先啦。
|
|
22June 04 |
SR400 hi, forgive me don't know type chinese, i have some questions about SR400. pls help me i buy a 1990 SR400 few days ago and it is hard to 撻 and 頭胎 is very hard/heavy to 轉彎, is that all SR400 like this or it is really too old? and can i add a 電撻 for my wife? i am a fresh P牌仔, is that too hard for me to drive it? pushforpull pushforpull@netvigator.com 此車對新牌都幾剔手,著車都幾雖要技巧,但如白點對正窗口位,一兩腳應該著到,此車沒有加裝電撻,如彎向因難,要看波子盤有否問題或呔氣足夠否? |
|
22June 04 |
你好老鬼.我部大R750一波起步時、好慢呀,好似冇油到,但是1.2秒後,突然好快呀.請問有什麼問題,是否風油位問題,唔該 rock rockchan12002@yahoo.com.hk 如果無低扭，就係要比人set化油器。 |
|
22June04 |
本人在今天駕車時,對面線的小巴突然越過雙白線越過一架壞車頭,我立刻煞車,並失去平衡跌了車在小巴前四尺距離,但無相撞,當時小巴已經在我的行車線上,如我不煞車必定相撞,事後巳報了警及入了醫院,本人想請教老鬼先生我能向他的保險索償嗎?因我的車#26160;新的啊.榭榭
sai hung chan 請不要刊登本人電郵地址
可否向對方索償的問題，請嘗試向閣下的保險公司查詢。老編的意見是，雖然小巴司機越過雙白線，但事緣是要越過一輛壞車。由於沒有發生相撞事件，比較難證明對方在超越雙白線有否疏忽察看交通情況，反而急剎中自炒，則有預見力和駕駛技術不足的嫌疑。無論如何問一問保險公司吧。
|
|
21June 04 |
部車開始唔多想上 我的CB250 ,唔知點解巳經換了計油,風格,火咀,但部車好似去到80km 唔多想上,以前部車都會慢慢上到100至110左右,是否我的車有問題? Jason wcl997@hotmail.com 先叫師博同你試車,睇下極力子是否到期同check下機器壓縮是否足夠. |
|
21June04 |
小女子身型略為嬌小, 已取得P牌(自動波)多月,
現欲購車一嘗行車樂. 可否見議型號?因為已有多月無觸摸過鐵騎, 本人擔心技術生疏影響自己影響人, 有電單車補鐘嗎? Cobi 不要顯示本人之電郵地址 如果自問信心不足，可以考慮10吋轆的傳統小綿羊。例如最近我們介紹的SYM Megalo 125或者Mio 100都可以。另外駕駛學校有金牌路路通課程，可以參考一下。 |
|
20June 04 |
FORZA想換排氣喉 老鬼師傅，小弟架forza想換氣喉到底日本Y字頭品牌or 忠X好請比Ｄ意見，有幾多里先至換機油普利珠皮帶火咀thanks liu dee 請不要刊登本人電郵地址 兩隻牌子都非常好,你覺得邊個look靚買就可以,2500km換偈油,20000km換皮帶,同時檢查珠和極力子皮,有雖要才換. |
|
20June 04 |
老鬼你好 ,spoonman
stevel@kimalex.com.hk 1) 本人的sf vtech尾呔出現漏氣情況，昨晚入了前30後32磅，初時成架車爽晒，第二朝已打回原狀，請問我應補呔或換呔呢? 價錢分別怎樣才合理? 先要找出漏氣原因!喉咀,呤邊,或有釘,條呔可用咪唔換囉!差不多光頭就順便換左佢,如補呔只雖40元,換條新就千千聲. 2) 另外我見死氣喉生?，買左支高溫黑油嘖，事前應做什麼工程及怎做呢? 噴喉之前要清除油積和銹積 3) 鏈油應點噴? 鍊油噴落鍊中膠圈位置,但切勿過量已免行車時把油接觸到呔邊. 4) 如死氣喉撞凹了，會否影響馬力，如果想d聲實d，有哪款喉比較好? 另graphite 及titanium喉分別在哪?謝謝 撞凹情況就要看有幾深,價錢同外觀都有好大分別. |
|
20June 04 |
請問咩叫打炮?? Jason wcl997@hotmail.com 當你比油行完一段路後收油從死氣喉發出似燒炮仗的聲音,原因頗多. |
|
20June 04 |
請問漏尾牙油會解呀? hi,請問漏尾牙油會解呀?我架vini 150在車行度整完老闆話無事,我很擔心，每次停車都漏幾滴出來。我應該怎做好呢！ bean yeung mag_yeung@yahoo.com.hk 除非係油尾,正常係唔會漏油,佢唔整返唯有去第二間跟進. |
|
20June 04 |
Pgo t-rex125日常保養一問... 老鬼先生~我係新牌一名,呢款車行大約行幾耐有d咩要換架?幾多公里要換偈油呀波油呀皮帶.....呢d野架...?可唔可以咩細d講下呀?唔想有日?到唔行得都唔知咩知咩事呀. lokbo lokbo@so-net.com.hk 買細車最好買全新,因佢無暗病,2500km更換偈油同油格,檢查火咀同風格,15000km更換皮帶同檢查極力子部份,其餘呔,迫力皮,就要看你自己平時點用車,通常可在換油時叫師傅望一望. |
|
19June04 |
老鬼你好,本人想買車,又無咩錢,點樣買車至平至抵呀?
hok kan Kwan kaikenkwan@yahoo.com.hk
同車行買車，可以揀一D擺左好耐都未賣出的車，試下講價講多D。
同私人買，可以揀一D刊登左一段時都仍賣出的車，又試下講價講多D。
不同咁，呢個世界貴野未必好，不過好野一定唔會平，人地肯大幅折讓，你都要小心買到問題車。
|
|
18June04 |
老鬼你好, 請問冇電單車牌可以出車嗎?
Waiting for your answer, please don't show my address.
Lam Fung
買車同出車係兩回事。冇車牌都可以買車做車主，但就出唔到保險，買唔到牌費行唔到街。
|
|
18June 04 |
呔氣問題
老鬼你好,請問 SUZUKI INAZUMA 400前後呔氣系幾多磅或KG/CM?Thanks a lot,
Robert Please don't show my
email.
可打頭28,尾30. |
|
18June 04 |
Halo..我隻羊係Honda Fusion
250大羊..剛由kit 喉換番原裝喉.之後..每次收油都打炮.對架車有影響嗎?...是風油位問題? 風隔己換左新既
thx
gstim gstim@sinaman.com
可常試調較一下化油器來減少打炮現象.
|
|
18June 04 |
老鬼你好：本人是P牌開了PGM4近兩個月，現有關於操控方面問題想請教，點解人ｏ地話易放難收？佢同其他四衝車ｏ係收車方面有乜唔同？同埋人ｏ地話要成日ｋｅｅｐ轉數，何解？仲有話正確駕駛方法要扭到8000轉，但係咪要每個波段都行8000轉，又或者係ｏ係某個波先行8000？如果成日唔行到咁高轉數又會有乜問題？（本人最多都係行到5000轉左右） P仔 simonkina@hotmail.com 簡單d講,2沖係無engine brake,唔同學院d車收油機器自動些微減速.由於2沖程爆炸力強,所以上叫易放難收.由於2沖在高轉的表現最佳,所以d人會keep於高轉數,命仔緊要,楂唔到快就慢慢試,! |
|
17June 04 |
火咀和風格會否增加耗油?
本人駕駛鈴木SV650,較早時到車房更換火咀及風格並清洗化油器,正常應會較慳油,但是經多缸油試驗後,結果更耗油(13L油行208km,之前13L行224km),車房報稱更換銥金火咀及Sporty風格綿,可加强入風量,請問師父這些是否更耗油的原因,請賜教,謝謝!
David
derekyim51013@net-yan.com
是會有些微改動,因調較後風格入風量多左,火咀燃點力強而做成霧化速度加快,所以有機會大咬左d. |
|
17June 04 |
死氣喉漏氣
唔該, 我架400CC街車, 尾節死氣鼓與鋼喉之間的駁口位 漏氣. 已經維持了兩個月. 我冇理佢....所以我想問下, 長此下去會唔會有問題.THANK YOU
Michael mic_ku@hotmail.com
整左佢咪唔駛煩!如漏氣嚴重可引致打炮現象. |
|
17June04 |
學車問題 小弟4月15號pass左強制試,而家路試考7月16號,但係到左尋晚(6月16日)先係第二次學車...想問問...其實會唔會急得滯,同埋我想知打8字要有d咩野技巧,我練o個架車係yamaha ybr125黎架,考何文田天光道 Ken 註:please do not show my e-mail 如果你勤力練習，一個月時間都足夠o既。打8字切忌轉直角彎，唔好打一個窄長o既8字，相反係要打一個闊而肥o既8字。你會發覺打一個肥o既8字時，車身大部份時間都係處於傾斜狀態。 |
|
17June 04 |
我剛出了一部Hornet 250, 車速至100km/hr
時(6波), 轉數已7000rpm.... 請問是否正常pls reply... Thank you very much. Victor Wong vcywong@so-net.com.hk 車速100km/hr 6波, 轉數7000rpm，四衝直四250實屬正常. |
|
17June04 |
鎖車
我架車係屋村俾人鎖住左，我整斷左條鍊走左，會唔會有手尾跟呢，又有冇邊位大佬試過呢！HELP!
pun pun@pingpong.cc
人地鎖得你架車，梗係抄低你車牌啦，有D重影埋相添呀！你剪斷人地條鏈，即係刑事毀壞，如果管理公司真係做野，到時就唔係違例泊車咁簡單。總之下次咪咁蠢。
|
|
16June04 |
您好！我终於在16-6-2004成功考取了電單車駕駛執照(沙田源順圍)，上一次是在3-5-2004是肥了「落腳」(沙田怡城坊)。好開心! WONG Ho Ying wonghy@bonbon.net 恭喜晒！唸住買咩車呀？ |
|
16June04 |
買車一問
我係一個3個月的P牌仔，間中都有開朋友架綿羊，準備出番架車代步，途經highway，想比比意見。
1. 新的日本250好定係atlantic 200 及 x8 好，論馬力大家都差不多，維修的話日本車較平，若再同二手的an400比究竟買新好定買舊的好？ 2. 01至03年的二手an400又是否可上會？p牌出400cc綿羊又會唔會好難？ Newman nil@hutchcity.com
日本250級綿羊當然比200綿羊好，但係價錢貴一截。P牌出400綿羊冇問題，當然又比250綿羊好一級。三者的分別係長途駕駛，上斜或雙騎時，引擎容積越大，人車都可以更輕鬆。揀咩車要睇番自己的預算和用途先可以決定。日本綿羊的質素十分高，年份新的二手車冇乜問題，如果向車行買車，搞上會應該冇問題。再唔係自己搞個私人貸款都得啦？
|
|
15June04 |
想換 200cc 綿羊
hello,本人3 年牌仔,想係piaggio
x8-200 同 aprilia atlantic 200揀一部,兩部價錢差唔多,請問性能方面邊部好 d
呢，麻煩兩位老生指教指教..........
rickyscooter rickyscooter@so-net.com.hk
你對下兩部車副偈，無論排氣量缸徑衝程都係一樣o既。任何廠方如何調較，馬力都係相差不遠，
200cc大綿羊性能都唔會有咩特別，都係睇款揀樣。個人較喜愛新款X8，貪佢揭背式開蓋幾好玩。 |
|
15June04 |
大cc車問題
我見到好多人都話新牌仔不應該開大cc電單車, 話馬力太大會難控制, 我想知道究竟是那一部份難操控？是離合噐還是油問題？我未嘗試開大cc車，有沒有辦法可以試開大cc車，看看是否適合？又或者怎樣開才是安全？謝謝！ Eddie eddieyauyf@netvigator.com
大馬力車因為車速快，應付彎路和緊急剎車時，要求比起細馬力的車為高。尤其是車速提高後，很多原本不是問題的地方，都變得有問題。剎車的距離長了，判斷何時需要剎車的反應要更加快。開油出彎的技巧也更要高明。想開大車要安全不難，慢慢開咪得o羅。直路俾下油過下癮，一到彎位收到慢一慢包冇事。但係咁樣開得重慢過開細車，又有乜意思呢？所以提升技術最重要，架細車俾你舞到伸晒利真係唔夠你用時先換大車都未遲。
|
|
15June04 |
小弟駕駛magna 250 己一年有多,想換大cc車,
本人很喜歡X4的外形,但就不知其特質、特性,想知它識唔識合小弟,請老鬼師父比些意見,多謝!Michael
Chow(請勿Show我的E-mail thanks)
我又唔識你，唔知你o既能力同埋要求，又點會知道X4適唔適合你呢？咁樣講：當初Honda造X4的時候，假想敵係Yamaha
V-Max1200，特性都係注重低扭的直路狂魔。車身重，離地距低，彎鈍，泊位麻煩都係X4的弱點。詳細情況可以睇番我地以報導和參考車主報告。
|
|
14June 04 |
Shark 150
Dear Old Ghost ,Forgive me don't
know chinese input method , please reply me in chinese ,
thanks a lot.My bike Shark 150 , what number of the spark
plug it used ? I want to replace it by myself(CR8E OR CR7E)
. I refer to the
Owner's Manual , the fuse rating was 7A which was mentioned
in the specification part (page 28),however it described
that was 20A in the replacing fuse instruction part (page
21), what is the actual rating ,or ithas more than one fuse
.I have inspected the fuse that was located near the battery
compartment,but it has no marking( 7 or 20A )?look forward
to receiving your reply .thanks and regards
keung siu kr3914@yahoo.com.hk
火咀可用CR7E,而fuse用20A,因近電池個條係總fuse太低A數會唔夠(力).
|
|
14June04 |
鑽石山車位問題
本人居住鑽石山，但這裡一向沒有合法公共車位，而最近警察又經常在星河明居一帶抄牌，請問有何途徑要求增設合法車位？
找區議員，還是...？？ 請回覆指教。
Billy Chung bcwtmail@net-yan.com
可嘗試向區議員或交通咨詢委員會或運輸署或電單車權益大聯盟反映。
交通咨詢委員會準備了【投訴表格】讓市民使用。運輸署聯絡辦法如下： tdenq@td.gov.hk 電話：2804 2600，傳真28240433。地址是香港灣仔告士打道七號入境大樓41樓。 也可以向【電單車權益大聯盟】投訴車位不足。 |
|
14June04 |
關於"湯車"問題
本人部車己經不能再抯,見到雜誌和報紙有"湯車"廣告,淨係得過電話號碼沒有公司名和地址,是否信得過呀,有無問題呀,如果信得過無問題,應該點樣交收呀,除左簽買賣收據,交牌簿,還需要注意甚麼,需唔需要去運輸署過戶.還想問老鬼先生有甚麼最佳辨法去處理我部車,請幫幫忙
謝謝你 請不要登本人EMAIL 謝謝
kkshum
不清楚你看的是什麼廣告。如果是來路不明的人，小心拿了你的牌簿借屍還魂。有關合法棄置車輛的辦法，請參閱FAQ部份。
|
|
13June04 |
想換大cc車
剛脫p牌,想換大cc車,CB1300 ,
HORNET 900，Fazer 1000或Z1000點相比呢？邊個牌子好D,
本人比較喜歡HONDA,麻煩老鬼師父~~~~
patricksylee@hotmail.com
剛甩P，想換大車都唔係換D咁猛既車，慢慢來啦命仔緊要呀。你鐘意Honda，咁CB400SF好夠用。俾盡你用Hornet
600，聽話，乖。如果真係要換你講果D車，比較安全既選擇係CB1300，因為馬力限死係100ps，但扭力驚人，最易用。
|
|
12June04 |
P牌問題 你好.本人早係幾個月前,試過係黃燈時沖燈.但後面仲有幾架車一齊沖.次後就閃左幾下.不過本人到現在都未收到告票或任何指控.由於本人仲有一個月就甩P.本人想知可唔可以check到究竟自己有無事.我過個時係岩岩綠轉黃,我後面太約有3-4架車. dunker Ng n_n318@hotmail.com 如果你報俾運輸署的地址是正確的話，有事冇理由等成幾個月都冇收到告票。綠轉黃，或者衝黃燈應該唔會影相。就算真係影相，你後邊成排車一齊入鏡，警方有可能分辨唔到究竟係邊一架車衝燈，所以就算影左張相，都可能要報廢。 |
|
11June 04 |
偈 油 透 氣 喉
老 鬼 大偈 你 好 ： 本 人 又 來 煩 你 ， 01年
cb750最 近 想 洗 錢 ， 全 完裝 車 只 換 了 迫 力鋼 喉 和 E火 咀 ， 見 車友 裝 了 偈 油 透
氣 喉 ， 又 話 點 好又 話 爽 D， 落 整 開 車 行 話裝 老 細 話 無 用 浪 費 金 錢 ， 有 生 意
都 唔 想做 ， 我 信 佢 不 過 聽 多 D意 見 無 壞 ， 現 請 教 老 鬼 意 見 和 想 問 部 車
CB750有 什 麼改 裝 可 以 爽 D快 D謝 謝 。
waterflow waterflow1911@hotmail.com 只可以當外觀,認真功效我都個得不大,原因佢都係多個散熱位等機器下集裏面無咁頂住d熱氣,.但個蓋又有快膠頂住防止偈油外噴,所以換唔換自己想,換死氣喉,頭燈,避震,倒後鏡,軑....好多野可換!想架車精神,夠期就換機油.火咀.風格.仲可洗下化油器,包你馮車過車...! |
|
11June 04 |
噴油問題
老鬼師父你好∼我想diy噴下自已架羊仔，但我看知識技術內噴油diy，覺得很煩復可否就咁在表面上噴呢(事身沒有炒過)要用一般的噴漆或模型噴漆呢???兩種油的效果相差多遠呢??還有想問死氣喉的高溫噴漆可以在那裏買到呢???麻煩老鬼師父~~~~
高溫油可在電單車超市內買到,車身噴油同噴模型,走廊寫大字完全不同,死左條心,比人投訴就麻煩.
|
|
11June 04 |
波箱問題!
老鬼先生你好!小弟架98super four剛買回來的,在行駛中波箱有少少雜聲,好似'kart kart'聲,如行駛中入空波仲明顯,請問問題大唔大,如修理要幾多錢?唔該哂! Wing ksw3009@yahoo.com.hk
會唔會只係頭尾牙,鋉的問題,例如無落鍊油同較鋉咁!
|
|
11June 04 |
車胎一問
老鬼先生你好:
本人不小心在車胎上查左"牛魔王",但只查了前后胎的各一邊,有否辦法除去,如果用沙紙好唔好?
Daviviand davidxchiu@netvigator.com 好彩你話唔小心,如果唔係真底X,可用天拿水抹去. |
|
10June 04 |
Suzuki Inazuma 問題
老鬼你好, 我想問 Suzuki Inazuma 400，有時如果在一至二波時轉高一個波時有幾#21523;齒撞聲是什麼問題?要整幾錢? 而油冷車應用什麼度數機油?請多多幫忙. alex kung alexambush@yahoo.com.hk
有時會因入唔正波而反出聲音,如波箱真的有問題維修費都要3千零到,偈油可選擇10-40w.
|
|
10June 04 |
尾避震 老鬼你好,怎樣check尾避震到期,何時更換? yik bor tam yikbortam@yahoo.com.hk 最明顯係漏油,沒有油壓的吸啜力或彈弓較到最硬盈下垂,避震是沒有里數的,如經常雙騎或負磅咁就會縮短壽命. |
|
09June 04 |
CB400SF 電力問題
老鬼你好,本人的CB400SF是94/01年,近期有撻不著車問題,平時日日用車,來回十多公里,多數一撻即著,但在２個多月前開始,往往相隔在十多日後,在早上開車返工時正常,但放工時會撻不著,感覺到電力差少少,但推撻可即時著車,而事後火咀,電池,整流已分別更換,但情況沒有改善,本人曾?用萬用表量度電壓,數值如下,平時撻車前12.6V,
撻車時可低至11.5V後立即回升至12.8V, 3-5千轉時大約14.1- 14.4V, 6
干轉以上回到13.8V左右,看來電壓是正常,是否充電電流有入不敷出的情況或其它原因? Fanny Tang fannytang9010@hotmail.com
你有否彩用高火數燈膽?打籃磨出A數是否足夠?start麼打是否正常?這些都會引致這情況,如電力系統正常,咁麼打炭精問題最大.
|
|
09June 04 |
車轋油漬 老鬼師傅你好，本人老電的車轋(金轋)滿佈油漬, 請問用甚麼方法能把車轋清潔;又清潔後是否要噴上轋油以保持潤滑. 謝謝 肥仔 請不要登出本人的電郵地址 鍊係一定要落油,洗完又落,又洗,如真的要清洗沙石,可用去油積萬潔靈. |
|
09June 04 |
引擎聲
老鬼先生你好!有小小問題請指教的,引擎聲有迪迪...類似小巴或貨車的聲音,這是什麼聲音為何會有?另外為何胎速時冷車與熱車時相差 5-600轉?thank very much^^
56456
uu7099@hotmail.com
你o架乜車來架?咩都唔知好難估喎...
|
|
08June04 |
如何舉報危險司機？
Hi,Want to know if we experienced an incident, which was caused by dangerous driving manner of other drivers, but luckily we have use what ever method avoided. In this case, there is no accident or life lost, but just due to luckily avoided. Can we still report the case with car plate number to related dept to follow up ? How and what will be happen ? Ask to question due to have saw lots of complaints, but no actual accident took place. But we did put to a dangerous condition by other bad driver. Want to know more rights about riders. P.S. I just have an incident on 5 Jun 04, which almost dead with my passenger, but luckily escaped. Reported to North South district Traffic section police station, they said will have someone call back to follow. But up to now, still keep waiting. So I think riders would like to know what can we do when in these situation. Thanks
Freeman
freemanlauhiufai@yahoo.com.hk
如果認為其他司機的駕駛表現威脅到你的安全，請記下車牌，時間及地點，向任何一間警署作出投訴。 但你必需表明立場係想控告對方 ,警方才會作出跟進及交予有關部門調查。如果你想檢控程序加快，則需前往所屬區份之交通意外調查組報案室舉報 ,即有專人招呼 , 取口供 等. 咩情況下你應該舉報佢呢？簡單來說，即係「危險」：“危險”指對任何人造成損傷或對財產造成嚴重損害的危險。 (a) 某人駕駛汽車的方式遠遜於對合格和謹慎的駕駛人所可預期者；及 (b) 合格和謹慎的駕駛人會認為該人以該方式駕駛汽車顯然是危險的，則須視該人以該方式駕駛汽車為危險駕駛。 (C)如合格和謹慎的駕駛人會認為有鑑於某輛汽車當其時的狀況，駕駛該汽車顯然是危險的，則駕駛該汽車須視作危險駕駛。 |
|
06June04 |
掙啲比駕私家車撞親
今日下午3點20分由屯門公路出九龍，駛至小欖過了黃金海岸又未到深井的時候，俾條仆街私家車司機嚇親 【條廢柴揸架 香檳金
的 豐田私家車 (Cammy)，車牌GA 323X，因條仆街搓得太快，故此睇唔清楚】 載住條細路
(着白色衫既，坐喺司機隔離位) ，當時我行緊快線
(該段路面有多條行車線)，他在我後面時，我已經留意倒佢響慢線左穿右插，逢車過車，故此，已特別留意他的動作，心想，就算你要扒頭，中間亦有大把空位比你過，點知他很快駛到我車的左手邊唔夠2呎位高速擦過，若果當時條仆街失控的話，我肯定給他撞到飛起，當時我真係好很慶，追上前用手向他示意，有無攪錯呀，咁樣搓法，然後過了他的車約幾個車位，呀條仆街可能條氣唔順，即加速追上來重施故技駛至我車的右手邊又係唔夠2呎位高速擦過，(因當時我已回第2條線，條仆街响我車的右手邊擦過)，似要向我示威，我心諗，如果我唔係搓電單車的話，我一定同佢玩過，唯有嘆句無奈。呢條咁既仆街，望佢遲早自己炒鑊金既，斷手斷脚就最好，但都千祈唔好累人累物
(例如坐响佢身邊的人，或其他駕駛人仕)。唔怪得香港地咁多車禍，講來講去，多左啲咁嘅無良司機，睇怕想少啲交通意外都好難。雖然如此，仍奉勸各位駕車人仕自重，及小心呢啲咁既無良廢柴仆街司機。謝謝！
Simon (請勿Show我的E-mail, 唔該) |
|
06June 04 |
有關死氣喉生銹問題
老鬼,想問本人的PGO T-Rex125 的死氣喉生銹.. 有什麼辦法改善.. 本人唔想給車房修.. 可以自己油房銹嗎? 另外如果唔理會有咩不良後果?? Thanks.
可先用砂紙清除表面銹漬,再到汽車用品舖購買死氣喉高溫噴油d i y.
|
|
06June 04 |
EL250 每朝早難STRAT車
老鬼,你好想問有關於我部KAWA
EL-250。我每朝早無論冬天和熱天一定要開風掣先可以START到部車,但為甚麼熱車後不用開風掣都好易著車？同埋架車一波斜路開車冇力，要比好多油先去到，為甚麼？
kkshum(請不要登我E-MAIL)
這有機會化油器與風格問題,check左先,還有哇佬過鬆亦會,起步無力可能亦因此得到解決. |
|
06June 04 |
CB400SF換尾牙
Dear Mr.old devil, The front and rear sprockets of my CB400sf (95) are needing to be replaced. The number of tears of the present rear sprocket is 42. But I was advised to consider a change to a rear sprocket with 45 tears as it would improve performance especially at the initial range of speeding up and be more suitable for riding on busy roads,thus improving fuel consumption as well. Could you pls tell me the difference between using a 42 and 45 tears rear sprocket? Should I take the advice of making a change? I mainly use the bike for short rides daily.Thanks for your attention
Billy pls refrain from showing
my e-mail address
換較大尾牙後，最明顯就係起圍會快左。引擎曲軸旋轉的幅度要比以往多，才能帶動尾牙轉一圈，所以波段變低，改善了加速效果，但會降低極速。有冇慳油呢樣野就比較難講。如果你和以前一樣，在同一速度仍然維持同一波段的話，引擎的轉數會較以前高，咁樣係唔會慳到油o既。 |
|
06June 04 |
架車唔知點解著唔到?
老鬼你好.......本人部pgm4前兩日開始踩極都唔著.......但就仲有電既.......跟住試過自己買火咀更換.........但都一樣踩唔著!!!依家唔知點算好?同埋仲可以有乜辦法?還有架車唔著係仲有d咩因由會係咁?唔該哂!!
仁Please don't post my e-mail)
火咀都換埋,唯一能自救的方法就只能常試推著佢,之後到車行再檢查. |
|
05June04 |
小心盲毛 唔,, 我經上星期RUNNER比貨VAN.. 撞尾,, 後,,只得翻一架豪漢150代步了，我想我都唔會又唔好彩掛,, 點知今日,, 又險些中獎了,咁我由尖東出翻旺角,, 出到巴富花園,, 大平道那邊,, 去旺角那邊,, 有一個SHELL油站,, 平時那油站邊都有D車泊係到,, 咁我如上行近,, 但個半車位有一加泊緊的SKY LINE突然抽頭還要抽到一半喎,, 我雖行緊五六十,, 都要剎,,加靠哂邊,,同有跳車的準備,, 心想,, 唔係咁快又中獎麻,, 搞多次空中飛人.. 又見翻跟我安的呀SIR..我都唔知可有咩表情,, 好在最後都緊緊渡。小心盲毛,, 隨時抽頭都可以的盲毛,, 真要命 JACK/豪漢150 (Message post via Crash form) |
|
04June 04 |
Suitable rpm for SF400 Big1 1) I am riding a CB400SF Big1(92') , I normally change gear at 5,000 rpm. Is it suitable? 2) What is the maximum rpm I can use for not "hurting" the engine? Though I know the red zone is about 13,000rpm, but for such an old bike, what rpm will not make damage to it? Please advise, thanks! Kai(Please don't post my e-mail) 5千轉轉波無問題,只不過是個人楂法,不過有時叫用高些轉數係想大家如遇到突別時能夠即刻加速咁解! |
|
04June 04 |
AN125冇力
老鬼, 你好想問問關於我部AN125 (995 Made),架車上斜冇力,加速都極冇力(Max. 80 KM/H only)已經換了皮帶, 珠仔, 極力子盤,珠仔盤, 偈油. 多謝指教...
William 請不要SHOW我的E_MAIL
反而我會睇火咀,風格先喎!有雖時還清洗化油器添. |
|
03June04 |
本人於二零零四年六月一日中午二時左右，在東區走廊西行快線駕駛電單車途中，被中線的新巴突然切線，致本人需急切抽向右邊的石𡒊及煞慢本人的電單車致險象橫生。 查當時的魯莽新巴司機的車牌號碼為JL6740，(當時其路線號碼是M788或M789，查新巴網頁中實無此路線號碼，想必其應為788或789路線之巴士。) 本人的藍色綿羊電單車只有150cc，並載撘有本人的妻子在後，速度可想而知不會過份。而當時本人是跟隨一台小型白色客貨車前進中，並相隔有兩個車位左右，故實無從估計其會在如此險窄的環境下切線。猶幸本人的駕駛技術高超及冷靜，在急忙中以最高速度連續扣放掣動器以人造ABS來防止後輪打滑及擺尾，避免撞向路中石壆致乘者飛越到對面的東行快線做成無從估計的傷亡事件。 本人對是次新巴司機的魯莽駕駛行為感到極度憤怒，尚希新巴有關高層能予以監察及嚴懲此等岡顧安全及駕駛操守的無良司機。 天若 / 03 Derbi Boulevard |
|
03June 04 |
落雨駕車會壞？ 前日我駕super four，期間突然大雨，好大個隻，之後風乾一晚，發現車的引擎聲唔同左，怠速低左( 1500 b4, now is 1000 or under 1000)又時上時落。何解？大師，救救我吧！ YM Chiu ghostkid20@hotmail.com 可能火咀cap有問題,又或且油缸入水,如幾天後問題持續就雖要檢查. |
|
03June 04 |
換頭牙
老鬼你好:本人的車係 CBR954 本人想問下如果更換?牙細一齒係咪會另部車低扭強d 及慳油d架，如果換左?牙細一齒又會否出現實際車速與?子表板有出入而超左速都唔知呢? 及換左有乜好處和壞處呢??
jacky請不要登 E- MAIL thx
你指係尾定頭?多數人會換大尾牙,一來可show比人睇,2來容易買到,換大尾牙起圍會快些,但波段就會早盡,由於咪錶不是跟頭轆,速度是有些微改變. |
|
03June 04 |
炒車後部車條蕉唔識行
老鬼師父,我的Bandit 400v
炒車後,自己check
過部車,4條蕉之中,其中有一條蕉(右面第二條沒有排氣)冇料到,之後除下油缸再檢查火咀線有冇脫了,但檢查後發覺沒有脫了,那麼,我的車問題是出於那裏??Thanks
a lot!
Jason owenjason2000@yahoo.com.hk
多數係化油器出現問題,落唔到油!
|
|
03June 04 |
Tire pressure Dear oldman,The sticker of my bike reads the tire pressure is 225 and 250kpa and 225 and 280kpa for one person and two persons respectively, are they correct? As I heard someone said normally street bike should pump 28-32 psi, (around 220 kpa) as usally, which one is correct? and if the sticker is correct, then should i pump 250 or 280 kpa if i sometimes ride with passager? my tire is 110 front and 160 rear, thx Benjamin Wong Dont show my email pls 唔同地方,天氣,呔質,牌子,車款都有唔同呔氣,如一般街車的確建議打28-32因車種生產地不同,貼紙上是當地國家的參考. |
|
03June 04 |
更換電池
hi老鬼,近日每朝撻車都要按幾下掣至着到車.舊時沒呢個問題.而架羊二手買了兩年都沒換過.請問是不是要換電池.如果將近無電有沒有先兆?(腳撻已壞)謝謝!
greensea greensea@hkbn.net 如電池以用上兩年理應要換,舊電池燈光開始較弱. |
|
01June04 |
re:狂抄牌
本人在上星期的東方日報社會服務版見到有一投訴提及黑布街電單車違泊,因此短期內警方一定會做野,請各車友小心!
另外去信運輸署投訴是沒用的, 那班狗一定會說沒地方增設車位,信我啦Jacky!
因為我也曾投訴葵芳唔夠位,可是依然只有苦等!
yik bor tam" <yikbortam@yahoo.com.hk |
|
01June04 |
狂抄牌
唔知係政府'莫水'定係有人針對,呢排旺角黑布街諸聖中學行人路每晚大約九點就有一隻'o架啡仔'出沒,狂抄路上所有老電,(只係針對性抄老電,本人上星期親眼目睹條友係附近行來行去,成街私家車亂泊又唔抄,的士小巴擺晒係街又唔趕,淨係抄老電!!!!),請各車友小心。其實附近得咁少位,我都唔想泊行人路架,所以本人已去信運輸署投訴唔夠位,希望各車友可以一齊寫,令政府正視問題。
Jacky (Please don't post my e-mail) 編按：你重可以向【香港電單車權益大聯盟】投訴，俾D資料佢地。(下載表格) |
|
01June04 |
法制問題
老鬼你好：本人得個p牌點知比個差佬告話我"無原因在行人路行駛", 唔知入罪會有什麼後果...
rickyhui@mail.hongkong.com
有關P牌問題，可參閱【鐵騎信箱FAQ常見問題】一欄，有多項關於P牌的問題。
|
