駕駛車款:            XR250
車輛製造年份:          2006
意外種類:            車輛碰撞
車主:              MARS-LAI


事發經過:
25-10-2019 大約1230
我駕住架XR250柴灣出中環，
過了亞公岩果個快相位，我行慢線，

我前面有架垃圾車，我就轉了出快線，
我前面就有架大貨車，我係快線跟住架大貨車尾，

當過了慢線那架垃圾車後，好正常
（睇鏡，比油，過線）……
之後四點係醫院醒返先知撞了車，

原來當時慢線有架巴士爆了胎停了在慢線，
我一轉線就撞了佢後面…
睇返新聞，架XR掛嚨了上石礜，
我就插了入巴士尾！

人命財物傷亡損毀:
Arai頭盔，XR250，電話手錶收晒皮……
本人一左手碎了、右手斷埋，右腳斷埋……
現在等緊復診再做手術

當時感受:
撞完都唔知咩事…係醫院醒返仲問
（依度邊度，我仲咩係度，幫我打返工司）……

事後影響:
邊個男人都知嫖妓會有病，咪照嫖：
所以現在車照玩…哈哈

肇事原因及教訓啟示:
咁樣的時間，這三架車的擺位…早幾秒遲幾秒都不會發生，
如果爆胎不是巴士而是別二架（貨車，垃圾車）…我念我都收埋皮…
大劫，整定

鐵騎快語

請容許老編唔講客套及安慰說話，直入主題。
尤其係閣下現在仍有駕駛電單車。

呢個唔係整定的大劫，而係跟車太貼。

跟住大車，前方視線被擋，無法看穿前路，
應該預留更多跟車距離。

呢單野其實完全係可以避免發生，
只要預留足夠跟車距離便可。

何謂足夠？即係要望穿前路情況環境。

如果有預留足夠跟車距離，
你又點會見唔到慢線有死車呢？
重要係成架巴士咁大架！
你都睇唔到？