 |
  |
車主黃達仁Paulwhy
- 車主報告
新R1的坐姿比起上一代的分別，是腳踏位置提高了少許，油缸呎碼細了，導至感覺十分接近YZF-R6，即是說坐上新R1感覺上係細架左，唔知真係唔信佢係一公升跑車。 |
 |
起步轉數約2000千轉，感覺只需很低轉數，俾少少油便可順利起步。
第一陣力度約在四至五千之間湧到。由於尚在run-in期間，我在五千餘轉便轉波:p
但係部車扭力好夠，行街己經好足夠。
(編按：現場所見，短短一條上斜路，Paulwhy操控著R1像飛機般轟過，正常情況頂多用到三波，但原來Paulwhy己經用到五波，可見R1的低扭十分正，成部大街車咁。) |
|
|
|
| 前後避震感覺上比以前硬朗o左，在街道上輕探新R1的轉向表現，感覺很出色，比起上一代R1，進步一定有，但是進步了20%還是40%便要留待在賽道上波波見紅時先可以分辨到。
腳踏位置高了少許，更方便施力轉向。但其實R1行街根本不需要利用身體輔助已經可以自由揮舞。處理連續彎道正是其強項之一。 |
 |
|
|
|
 |
把車速提高一點出入彎道，感覺前後避震的表現十分稱職，引擎動力輸出很幼滑，表現良好。唔會話有唐突的表現影響避震。
引擎牽引力的力度適中，一收一放之間感覺舒暢，正常行街keep住
4-5千轉真係乜都夠晒，不過原庄喉真係靜左少少，要換喉放番D聲出來重正D！ |
|
|
|
| 掣動力度和手感表現良好，頭叉下沉幅度正常，容許我幼細操作來調節掣動力度。
因為以前試過急剎時頭尾迫力並用發生「了」尾的現象，所以尾掣動老實講十分少用。但現在新R1減弱了尾迫力的力度，剎車碟直徑細了，掣動卡鉗也由下置改為上置，力度應該更安全。搵日再試清楚一點吧。 |
 |
|
|
|
 |
由於新車文件未齊，我仍未能正式取車。只短短時間之內，我仍能感覺到新車架比以前更沉實，配合尾避震硬朗了不少，感覺好正。
初步感受是全車都有改良，但波箱的感覺仍和上一代R1差不多。且看run-in完後有否更佳表現吧。 |
|
|
|
| 改款的錶板各項資料因為要時間適應，感覺尚算易讀。各項掣鈕亦算就手。
最正係有個轉波提示燈，default著燈轉數好似係7,000rpm，但係可以自己set。新車run-in期間，自己可以按不同磨合階段逐步調高需要轉波的轉數，著實是一個很貼心好玩的設計。 |
 |
|
|
|
 |
補品建議：
新車新屎坑，梗要搵D錢駛下先開心o既。如果唔係點表示我對部車的關懷同埋愛心呀~~
換迫力鋼喉，死氣喉係指定動作，迫力皮遲一步看看效果如何先決定需更換與否。
原庄胎的咬地能力可以再提高一點，換胎都係一個好提議。 |
|
|
臨走前循例講番兩句：
超過十萬元一部的超級電單車，揉合頂尖科技製成，究竟是抵買還是不抵買呢？相比起私家車，幾萬元已經可以買到部識行識走有冷氣有兩排凳的二手殼載住呀媽四圍走拜年。咁唸會覺得電單車好貴。但係如果以性能表現，十萬蚊多一點便能在馬路上真正稱皇，只有人就你，冇你就人，咁唸又會覺得好抵。係呢，你今年有幾多利是錢？ |
