 |
 |
張煒安試騎感受：
小弟最欣賞ZX-636R的頭燈部份，線條好靚。騎住部惡車出街，人都會精神D！初騎上它出發去食早餐時，趁機輕探它的底蘊。發現ZX-636R好易用，操控感覺十分輕巧，攝車容易又穩定。座高不過份，樣樣都幾好。
塞車時發現水溫控制得十分有效率。由94度至105度之間隨著車速變化而上落。在二十度的天氣中，騎著ZX-636R陪著iBike的採訪車，塞在車群中也不是一件太過辛苦的事情。
|
 |
嘴完杯凍朱古力我已經行得，不過要等埋班老餅煲完煙先行得：(
我又再騎上部636度開始「第二節」試騎，向拍攝地點進發。今次車速可以提高一點，我發現它的加速力和拉扯感十分強橫，好幾次扭油超車嚇嚇他們，幾好玩，唔似600。
快彎感覺實淨，46mm頭叉反應適中，後避震表現略硬。整體懸掛表現良好，未經調較都有八十分以上。 |
| 後鏡和風擋的震動控制得很好，把手的高度不算太低，結合腳踏和座位的高度，綜合感覺四平八穩。唯獨是當扒低時，原庄風鏡有少許凹面，換過塊彩鏡一定正好多。 |
 |
動力表現相當令人滿意，引擎輸出順滑結實，牽引力輕，轉數上落的速度適中，是一臺易用又輕快的引擎。
到達拍攝地點，探索它在彎道的表現時，發現ZX-636R的表現比想像中還要好。
利用身體輔助轉向會事半功倍，腳踏和死氣喉的離地距都相當足夠，又係果句：好玩！ |
| 原庄車胎的咬地力稱職，膠質軟硬程度適中。如果呢部車係我o既，我會調軟尾避震一點，同埋換過條嘈D
o既死氣喉。總結呢部ZX-636R比起其他600級對手優勝，建議各車主可因應個人身高體重來調較頭尾避震的高度，一於玩盡D：)
|
 |
Dave試騎感受：
上一次擒完部YZF-R6記憶猶新，今次再擒ZX-636R，感覺完全係兩樣野。對我而言，R6太細架，ZX-636R便相對地寬敞得多。加上把手在掉頭時不會頂手腕，所以我覺得呢部636會適合我多一點。
回程時由小弟操刀交車。較認真的馬力發放約在五千轉出現，扭上八千轉時引擎的震動仍然十分輕微，我在高速公路上用六波輕嘗「舊六」的樂趣，重有大把係手再上。
|
| 不過故念佢重係新車，唔好咁樣對佢住。敏銳的掣動力，「一指神功」經已足夠收車。尾掣直情冇用過。風擋的作用一般，風噪都幾大，可能我唔肯扒太低，如果唔係應該會好D。 |
 |
快彎的表現好很穩定，成架車好似食住條軌咁樣行，街車係呢方面冇得比。唸番起以前架97
ZX-7R，快彎行緊舊六七，望下個錶係唔會相信，因為太過穩定，重以為係「舊一二」慢遊緊。
引擎的熱力在高速反而會感受到。熱空氣順著兩側啡呤在我大腿下方流走。慢車時熱流向上升反而不受影響。 |
|
 |
Eddy試騎感受：
坐姿和把手的關係適中，對本人非常合適。扭力強橫的636，日常使用不需猛質油門都足夠使用。
可能是636的油門表現太過順滑，相比起YZF-R6突如其來的衝刺感，636較友善舒適，應該更適合普羅車友使用。真係拿佢o黎開工代步都重得，用途咁廣泛，呢部車應該都會幾熱賣。
|
|
|
|
 |
總結：
面對「ZX-636R的表現凌駕了其他600級對手」這結論，我們認為絕對正常，因為它已不是一臺600級的跑車。
自創了暫時只有它自己一個級別的ZX-636R，無疑是確保它在市場銷售的層面上，實有「盃」拿的穩勝策略。 |
| <<規格表 |
<<車款簡介 |
|
