04 Sept 2003 BMW R25 -R27 舊車重溫

　
　

Production: 傻強、小千、Eddy、David
Bike: 駿文電單車行
　 嘩上次我地介紹過三個轆o既雪榚車個時，曾經唸過轉行賣雪榚。咁今次介紹呢款經典寶馬古董三個轆時，我地個心又會唸D咩呢？.....打war game！一定要用呢架side-car，再來全套鷹牌德國扮相，敬禮呀~~~。
　
　 據說車身和引擎原為1953年的R25/3型號，但因為年代久遠，尋找同款零件有一定難度。所以呢款古董車只能在同系但不同代的「兄弟」當中互補不足。所以頭叉和side-car採用番1960年後先出產o既R27零件，混合成為眼前呢款經典傑作。
　
　 　
　
　 趁呢個機會，我地不妨又上番堂BMW歷史課袐：
　
　

R25/3之後的馬力開始提升，因為引擎的最高轉速增加了
　
　

嘩呢款正宗R27，睇見都口水de de娣~~
　
　

嘩乜又係小千呀？係呀，小千姐俾左幾百萬我地「包場」，
講明iBike以後唔可以再搵第二個Bike Gal喇…
　
　
小千親筆試坐報告
唔知大家早幾年有無響機舖打過一個有得自己揀車，騎呢到連單車都有得揀既賽電單車game呢?小千每一次玩親都會揀‘Wedding’果對選手，因為一來早幾年o既小千對Wedding當然有一定既憧憬（哈！還是初中嘛…）；二來係對個新郎載住新娘子果架電單車情有獨鍾！

邊架車咁深得小千既歡心?就係BMW有side-car果款電單車勒~估唔到以為只有打機先會遇到o既野，今次竟然有幸係現實生活中遇到！有得試坐Dream Car/Bike，當然義不容辭啦！


　
離遠望見依架收視率爆晒燈既古董BMW電單車，小千即刻‘嘩’一聲咁叫左出黎!!真係同打機果款一模一樣，勁靚、勁charm！

小千一向對老爺電單車都無特別喜好，但係依架寶馬電單車真係好古典，好懷舊~咪以為坐side-car會好唔穩陣，其實都不知幾硬淨。
　 　
原本以為會好‘浪’、好‘dun’、好危險…（心諗:會唔會我重得滯,坐到甩碌?!）但係坐左上去又ok 喎~尤其係開車之後，完全唔覺自己坐緊既係電單車，感覺好free架~
坐佢去遊車河簡直一流！係電單車，但係又唔洗自己平衡；唔係開蓬車，但係又有開蓬車咁正，甚至比之更舒服…加上典雅既外型，可以堪稱‘遊車河’系列既No.1!!如果第時結婚可以用佢黎做花車就好lu…
　 師傅講o野！
根據負責今次維修翻新加裝o既駿文電單車行負責人忠哥話：駕駛呢款有side-car掛接車的電單車，其實都要幾小心。轉彎時要搬少少身，就番個重心，如果唔係好易會波勾咁話。
　
　

　
　 後記：

玩得開唔開心呀？梗係開心啦！開心到連警察叔叔都到場添呀！

為左先發制人，我地趁佢未停定車就問左佢一條問題：「究竟side-car乘客，需唔需要佩戴頭盔呢？」

點知警察叔叔直情係胸有成竹果隻，咁熟例，好野！