26 - 28 Sept 2003 FIM 亞洲公路錦標賽第三站 及 中國珠海摩托車錦標賽第五回合

Text: Paulwhy
　
講返部車先, 今次部車換咗條頭Fork彈弓, 似乎好咗啲.  好!! 試吓車先……𠲖?? 部車都係唔係好掂.  跟住我就調較一下頭Fork, 等第一節排位賽…唔….經過調校後似乎好咗啲播….但係體力就真係唔多掂.  起初以為自已做1分46/47 秒圈速, 點知竟然有1分45秒…都算好彩啦!!!  排喺第四位…….暫時…..
下午再嚟第二節排位賽.  今次我因為換咗新胎及新迫力皮, 所以頭幾個圈都好鬼死慢.  跟住啲胎同迫力都run-in 之後, 即刻就試吓跑快啲啦.  點知….好鬼死辛苦先至過得到光頭Takie.  雖然放甩咗佢, 但係跑嚟跑去都好似好慢.  結果真係好慢....1分47秒……嘩!!!  真係好鬼死慢….聽日正賽點算呢?  好彩第一節排位賽做到個OK嘅時間, 依然排喺第4位.  我前面有…1st黃世釗, 2nd Nick, 3rd 何智鋒, 5th蘇社雄…… 又病又倦嘅我立刻返酒店食飯, 9:30pm已經上床瞓覺.  問你死未??  希望明日能夠有好啲嘅狀態應戰.
正賽終於到啦…紅燈一熄…我第4個入頭一個彎位…蘇社雄僅次於我.  其實呢場比賽對我嚟講都幾激, 雖然我並不在狀態, 但係都竟然有一個圈做到1分44秒, 而且蘇社雄在今場賽事給了我很大壓力.  唔知1號彎(T1)同何智鋒係咪有仇, 今次佢又唔小心喺T1有意外, 但係好快就繼續比賽.  就係咁我以CL1第二名及全場第三名完咗第一場賽事.  但係一放低部車, 除咗啲頭盔, 手套之後, 我發覺自己有啲頭暈.  死啦!!  仲有一場賽事要鬥……  等我喺呢一段時間回復體力先….飲咗4罐寶礦力之後好似好返啲…。
話咁快就到第2場賽事啦! 今次起步最快係我.  但係入第一個彎嘅…並唔係我. 本來我唸住封死黃世釗條線, 但係黃世釗好厲害!!  看準時機一下就搶咗位, 以第一名入T1. 
不久, 就俾Nick 同何智鋒過咗我.  而蘇社雄就又係緊隨我後面.  但係今次我真係死得喇…… 蘇社雄喺第三個圈已經過咗我頭, 跟住仲慢慢咁帶開咗啲….我好辛苦先追返上嚟, 貼近蘇社雄.  跟住喺第七個圈先可以憑部車嘅馬力過返佢頭…比賽就係咁樣結束.  我CL1第二名, 全場第四名。講開又講, 今場啲獎杯真係特別靚!!!  好彩攞返兩隻杯啫！今場我冇嘢好講….只係想早啲練到新招, 打敗病魔, 再戰江湖! 


(話時話, 派拉利唔止啲水胎掂, 佢哋啲水袋都好掂.今場我都有.嘻嘻嘻)

   


Paulwhy 送你wallpaper！
1024 x 768 pix
按圖放大！


返回主頁