| Ducati菲律賓代理在2012年五月中旬，聯同其他機構合辦了一個Ducati賽道體驗日。活動得到廠方支持，派出三屆SBK世界冠軍暨廠隊首席試車手Troy
Bayliss到場領航，讓參與者同樂。 Ducati HK銷售部要員Harry也應邀來到菲律賓Clark
International賽道，一嘗在跑道上駕駛1199S的滋味。趁此機會，iBike問一問Harry對1199有何評價：
1199易用嗎？
我在賽道上的駕駛技術其實麻麻地，好多時線位唔準，入彎有時太早，有時又太遲，煞車點又唔夠準。不過好在1199S好容易駕駛，寬容度又大，先至俾我修正和改過的機會。
關唔關架車的電子系統事呢？
就算冇traction control，1199本身的車架和重量分佈都好平均，加上車身又輕又細，令人好容易適應和使用。
最重要是油門出力的感覺唔同晒，冇左以前果種"牛"的感覺，令人放心開油，出彎更有信心，唔使怕馬力過大令尾輪打滑。 |
