23 July
2007 鐵男四號 - Aaron
鐵男文化 |
![](c01.jpg) |
![](../../../../00_main/newdesign/760_line_white.gif) |
Production:
Dino
/ Aaron
/
Mandy |
![](../../../../ib_gal/ib_gal_sml/07_mandy.jpg) |
o係開始介紹呢位型男之前, 等小妹都Hard sell咁介紹一下自己先^^
大家好! 我係Mandy, 雖然我仲未有車牌(<==未夠合法考取駕駛執照o既年齡:p), 但小妹對有轆o既車車,
不論係26或46都趨之若鶩, 而有關車車周邊o既人物同所發生o既事都好有興趣知道, 所以小妹要感謝B12俾我呢個機會,
成為鐵男文化o既採訪記者, 等我可以有多D機會接觸同車有關o既野。 今次係小妹處女下海之作, 盼望各位看官多多包涵、多多賜教~ |
|
![](../../../../00_main/newdesign/760_line_white.gif) |
|
千呼萬喚始出來, 期待已久既鐵男4號 - Aaron, 正式粉墨登場喇)))))))))) |
![](../../../../00_main/newdesign/760_line_white.gif) |
![](c03.jpg) |
![](../../../../00_main/newdesign/760_line_white.gif) |
話說 Aaron 最初只係一個46發燒友, 曾擁有Mini cooper(1978), AE101 Trueno SC(GPZ),
EF9, C280, NA1 等歐日車種。然而, 當年仲未考獲電單車牌o既佢,
對電單車依然存在著好多誤解:「危險、拿苦黎辛」係佢當時對駕駛電單車人o既睇法。 |
![](../../../../00_main/newdesign/760_line_white.gif) |
![](c10.jpg) |
![](../../../../00_main/newdesign/760_line_white.gif) |
咁係乜野驅使佢放棄46、毅然踏上鐵騎之路呢? 「哈哈~其實我並無放棄46, 只不過當年認識o左一個叫『荔枝冰』o既朋友,
佢好鍾情於電單車, 成日同我講電單車點好點好, o個種與風同行o既感覺, 46人一世都感覺唔到!」
基於乜都要試下呢個爛玩既心態,
Aaron就去報考電單車課程, 考完強制之後仲膽粗粗去o左泰力搵光叔, 用學保出左架Super 4用黎自學。「我無諗過考唔到, 所以咪買定先囉。」滿有自信o既Aaron就o係毫無壓力下, 一take過pass。自始,
Aaron便對電單車不離不棄,其後更到珠海賽車場駕駛VTR1000 SP1, 參與過Open class
1賽事。 |
![](../../../../00_main/newdesign/760_line_white.gif) |
![](c09.jpg) |
![](../../../../00_main/newdesign/760_line_white.gif) |
「可以同一班高手同場比賽, 名次仲係其次, 有機會o係佢地身上學到o野同『挑戰自己技術上o既極限』,
呢個機會先至係難能可貴, 亦只有賽道先可以做得到!」
有9年駕駛電單車經驗o既Aaron, 現時坐擁兩台電單車, 一台為XJR400 RII, 另一台則為06' YZF R6。
XJR主要用作平時代步駁腳, 而R6則在閒時用作玩樂之用。除了電單車外,
自喻為「火麒麟」的Aaron更熱愛攀石、跑步、健身、繪畫等多類型嗜好。Aaron表示, 現時佢最想學習駕駛直昇機翱翔天際。 |
![](../../../../00_main/newdesign/760_line_white.gif) |
![](c06.jpg) |
![](../../../../00_main/newdesign/760_line_white.gif) |
當提及鐵男三號「飲茶」, Aaron馬上說:「佢係個好好o既師傅!」原來飲茶與Aaron乃係師徙關係, 亦師亦友。Aaron 稱,
呢位同佢同月同日生既「師傅」打從車會相識, 直至珠海賽道,
都不斷向佢灌輸及教導一切有關電單車的知識,例如機件、維修、駕駛技術、保護裝備等一D較為深入o既知識同理論。
飲茶的傾囊相授,令到佢可以o係短時間內提昇自己對電單車既認知同更正以往一D謬誤
。所以佢話要借呢次o既機會同師傅衷心講聲:「多謝!」 |
![](../../../../00_main/newdesign/760_line_white.gif) |
![](c05.jpg) |
![](../../../../00_main/newdesign/760_line_white.gif) |
無獨有偶, 由於工作關係, Aaron
每日都需要長時間駕駛電單車o係道路上「執行職務」,小妹即時打蛇隨棍上問:「開工又係開電單車, 收工又係開電單車,
乜你唔會悶o既咩?」 Aaron只係笑一笑, 之後話:「電單車已經成為o左我身體o既一部份, 係生活上不可或缺o既o野,
希望有生之年,都可以享受電單車帶俾我o既樂趣。」 |
![](../../../../00_main/newdesign/760_line_white.gif) |
![](c04.jpg) |
![](../../../../00_main/newdesign/760_line_white.gif) |
小妹再問:「開o左咁耐電單車, 真係唔覺得危險咩? 可唔可以同我地D館友分享下?」
Aaron氣定神閒咁答話:「當然危險啦,
只要你一日在生, 不論o係任何地方、任何時間, 危險都會以唔同既方式接近你。曾經擔任過交通意外調查工作,
令我知道大部份o既意外並非意料之外。要避免意外避過危險, 首要條件係培育一個良好o既駕駛態度, 提高危機智商, 認識險從何來,
配合一定o既駕駛技術同保護裝備, 自能化險為夷或令危險程度降至最低。」
同Aaron哥哥呢位良師益友o既一席話實在令小妹獲益良多呀~~ |
![](c08.jpg)
![](c07.jpg)
|
![](../../../../00_main/newdesign/760_line_white.gif)
各位如果想和大家分享一下駕駛電單車o既趣事或心路歷程,
唔好再猶疑喇, 快D發伊貓來啦~~~
來函請附上人車合照及簡述為何你可以成為【鐵男】的原因,謝謝!
![](../../../../00_main/newdesign/760_line_white.gif) |
|