03 - 04 Aug 2002 中國珠海摩托車錦標賽第五回合- 趣味花邊

　

iBike試車組主將吳倫達繼續出戰珠海摩托車錦標賽第五回合，今次重帶埋秘密武器(變身為幪面超人o既法寶)。你睇！變完身後，連套皮都可靚仔晒o架！

未出戰前，超人達都要整下車先，今次換左前叉避震油哇佬，希望可以減輕剎車用盡避震的機會。

阿達其實部車都「幾原庄」下，大部份補品係香港行街時都已經裝上

朋友的幫忙和打氣，當然唔會少。

其實每一次變身幪面超人，都會損耗大量能源，所以有機會都要「恰」一陣~~

練習及試車排位時，阿達成績麻麻。成績是兩分零四秒，原因是地面半濕不乾，呢個時候無謂搏 - 佢話

 

到正式比賽時，場地仍然濕滑，阿達決定用水胎上陣。見到佢棄新皮唔著改著舊皮，表示他已預左....

在經過三圈後，賽道地面開始變乾，水胎開始抵受不住高溫開始溶化，所有選用水胎的選手都遇上這個問題。阿達的解決辦法是盡可能找一些水漥輾一輾，希望可以減慢輪胎溶化的速度。但再來數圈後連水漥都找不到了...操控開始變壞，但體內流著幪面超人血液的阿達無懼撬頭fing尾的情況繼續去馬，持續保持在一分五十六秒至五十九秒之間的保守步伐，終於以Class 1第四名的姿態安全返抵終點。恭喜！
順利完成賽事並再次有凳仔企的阿達，果然不是浪得虛名。

頒獎後左手拿著獎盃，右手拿著半支香檳的阿達，悠然地踏著新買的番「木見」鞋滑回香港....

　

返回賽事主頁