overseas_korea


	iBIKE幾個工作人員最近走 o左轉「快」韓，吃喝玩樂之餘，順便睇 o下當地D電單車環境如何。去之前都有晒心理準備知道冇乜特別，但都難掩失望之情。幾日行程之中，見到大車的時候真係十隻手指都數得出。
韓國當然有電單車，但九成九以上都是細車，還要是用作商業和速遞用途。殘唔在講，以香港標準來說載貨量更是超級超載個隻。他們興用一個「H」型的大鐵架插在座位中間，騎士肩膀便被鐵架夾著。身後的貨物無論是高度，長度和闊度都嚇死人。H架左邊的鐵通更是在停車時拔出倒插在地上用作側架之用。原來大鄉里係我地。		在 J J Disco內，有很多懂英語的大學生來玩。只要大聲講廣東話，自然會吸引她們的注意。在5:1女多男少的環境下，一齊玩絕對唔係難事。一場來到，我們自然想了解多一點韓國電單車的情況。據她們說，由於本土的汽車工業十分發達，售價也十分便宜，每個家庭擁有2架汽車以上的情況十分普遍，所以電單車主要用作商業和速遞用途。甚少人會視它為主要代步工具。
幾年前香港也有車行引入這款125cc的單缸小車，因為排氣量細，香港人普遍不太受落。真難想像他們還要焊駁個大拖架上去，好 o野！	由於韓國對入口車徵收相當的重稅，大部份人都只買韓國車。所以當我們在街上見到大啡呤車轟過時，他們全都是排除萬難的超級熱心fans，全身皮加戰boot，十分認真。雖說香港騎士受盡百般屈辱，但比起韓國的朋友們已算幸福得多。	這是流動小販的生財工具。唔單只擺乾貨，有D重賣埋熟食。如果香港政府俾我地咁做，失業率就唔駛咁高啦。