25 May 2003 電單車女學員個案實例參考  趣味花邊

　
　 冇錯，而家真係越來越多女仔學電單車。唔好以為女仔一定會學自動波綿羊仔，有好多女仔都仍然選擇學棍波課程。如果你或你有朋友正在為「學唔學電單車好呢」或者「學棍波定係學自動波綿羊好呢？」呢類問題而煩惱的話，不妨參考下呢份女學員實例個案，話唔定會俾到啟示你？
　
　

iBIke:初學電單車時吃了什麼苦頭？
Christine:就我個人而言，學習駕駛電單車可以分為三個階段。
第一階段是適應期。這時候發現皮膚轉差，整個肩膊和兩條手臂，因為緊張而變得酸痛。精神狀態也變得崩緊。
　
第二階段是學習期。

這時候除了學習駕駛技巧和理論外，我也開始注意皮膚的護理和調整緊張的情緒。

開車前半小時便要塗上利維亞sunblock防曬用品，然後每隔90分鐘再補一次。

夜晚護理會用SKII作深層清潔護理。

　 第三階段是成長期，開始掌握了基本技巧後，我開始反復練習和實踐各種駕駛技巧和理論，透過反復思考和檢討，現在己可以在合理要求下，從心所欲地控制駕駛學院的電單車。
　

應考強制試時，Christine 1 take OK完全沒有問題
　 iBIke:新人女仔學自動波好定係棍波好？
Christine:我覺得應該視乎佢有冇路面經驗、反應和體能。女仔天生氣力較男仔小，體格較細，自動波小綿羊會冇咁吃力。但如果有路面經驗和體格不是太單薄的話，應該直接學棍波。
　
　 　
　
　
iBike:對香港駕駛學院有乜評語？
Christine:基本上係好多過壞。先講導師的質素。我接觸的導師們都係有豐富經驗，最重要係有心機教。佢地睇學生一眼就知道佢地問題所在，好容易作出針對性指導。加上佢地完全知道考牌官的心理和考試要求，所以訓練時會針對呢樣進行訓練，合格率自然高。
其次係練習車。棍波125車仔基本上係冇力o既，不過勝在容易操控又安全。但每部車路狀態都唔同，要認得邊部車正斗，跟住每次都mark番果部車會好D。

最後係課程內容。正斗o既地方係佢地好詳細咁講解防禦性駕駛，加和充足的安全指引令我地得益不淺。
係街外自行練習一樣可以考到牌，但一定灌輸唔到太多有關駕駛的正確心態和安全意識。技術可以慢慢練，但安全和負責任的價值觀，最好在一開始學習時便掌握，先會根深蒂固一生受用。

美中不足的地方係，駕院沒有為雨天練習的學員提供防水手套和鞋套，如果做埋呢樣就認真誇啦啦。
對成功考牌有沒信心？
有一定信心，自問體格和反應都達到最低要求，臨場發揮是關鍵所在。

有乜忠告俾想考牌的朋友參考？
駕駛電單車，體能和反應要比汽車為高。電單車不幸發生意外，後果也較嚴重。所以我認為如果連續考牌兩次都不成功的話，便應要慎重檢討和考慮，自己是否不適合駕駛電單車，以免將來發生更嚴重的事故。

反過來說，如果自認體能和反應都有番咁上下，不要輕率地辜負上天賜給你的禮物，應該要搵個機會認識電單車。只有親身駕駛過電單車，才會體驗到它獨有的美妙之處，也是任何汽車都不能比擬的官能享受 ，為自已人生寫下精彩的一頁。
　 後記：
Christine是一位很健談的女生。她的眼神充滿自信，語氣不帶半點含糊或懦怯。 不知是否受到電單車的影響而變得處事決斷。如果這是真的話，那麼學習駕駛電單車，也可作為性格塑造和精神狀態的一種修練啊。
　
　

Christine將於六月初應考電單車路試。有冇祝福或勉勵的說話要同佢講？
Email: krstisop@netvigator.com