10 July 2006 鐵男3號 飲茶 - 鐵男文化

Production: 飲茶 / Pearl
話說十幾年前,飲茶o既座駕噴o左一個logo,而呢個logo乃係當年著名日藉車手阿部典史o既其中一個贊助商,o係呢個logo上面,就有”飲茶”呢兩個中文字。

當年出車,好多車友成日見到佢,但係都唔知佢叫乜o野名,於是索性叫佢做”飲茶”喇。
 
飲茶o既第一部電單車係VT250,其後亦曾經擁有過CBR400, PGM3與及CBR954,而現役座駕共有兩部,分別係渣o左五年o既93年XJR400,同購入只有幾個月o既Aprilia RSV1000,

據飲茶表示,RSV1000屬V偈,操控上同一般直四好唔同,現階段仍然摸索緊最合適o既渣法。
 
曾經熱衷參予電單車賽事o既飲茶,現於某賽車皮衣生產商工作,主要負責監控樣板o既製作過程,即是由一張設計圖,監察住每一個程序,直至完成整件製成品為止。

從前於賽車場上拼博,到現在轉為幕後,飲茶表示,有不同的感受和得著,因工作關係而接觸到更高的層面,相比以前的工作,有著更大的滿足感。以往,只是一名普通的消費者,如今,則是一名製作者,能夠隅興趣於工作,實在令很多打工仔羨慕不已。
在多年的鐵騎生涯裡,飲茶曾經於96年遇過一次嚴重的交通意外,據飲茶憶述,當日是以正常車速於九龍城行駛,期間一部的士突然由對面線掉頭過來,當時因為避無可避與及收掣不及,從而猛力撞向的士車身,而他則被拋到的士的另一邊。摔倒在地上後,他嘗試站起來,隨即發現腳骨斷了,因為,當時那股無情力,已把他的腿骨弄至破皮而出。
入院檢查後,醫生證實右邊小腿骨共斷開了三節,需要在膝蓋附近開刀,植入一根約手指般粗、超過一呎長的鋼通於小腿脛骨內。在住院個多月期間,飲茶每天地思索,令他有著很深的領悟,特別是看見家人都為著自己而擔心,便發覺以前行事往往忽略他們的感受,尤其在他得知意外發生後,母親為著自已終日以淚洗臉,飲茶實在感到非常內疚。看到他在憶述此事時仍猶有餘悸,可以想像得到這次意外確實改變了他的思想,與及他和朋友們日後駕駛電單車的態度。


對於鐵男文化,飲茶覺得係一個好有創意同新鮮感o既項目,可以有一個平台俾男士們分享一o下佢地各自o既電單車文化,與及希望可以帶出正確o既駕駛觀念,而唔再係單單影靚女model。