4. 未考電單車之前,最鐘意做乜?

------->唔知點答，基本上我放工後其實係一隻悶蛋，放假都0係屋企，除非出去食飯，以前細個鍾意砌模型，而家唔想砌，因為一個字---懶，以前都會去同女朋友拍拖行街，但我真係唔鍾意用半日時間去行d大商場，寧願有節目好似睇戲唱k或者真係有東西要買但要去搵，而家漸漸覺得生活越簡單就越好，寧願返工都唔想放假，返工都可以有d0野做下，又可以與酒店的同事傾下偈無咁悶，酒店又包食飯，自己唔駛頭痛想去食乜，所以放假對於我來說，反而有點浪費。

　

5. 渣電單車後,有無遇過乜野特別事?

------>最特別就係我終於實現0左讀書時的其中一個比較重要的願望----渣電單車！由於每日返工放工都渣車，在公司內d同事有時都會問我：你今日都渣車呀?? 落大雨wor或今日好凍wor或打緊風wor...令我覺得自己感覺好像不怕風雨，所以我在酒店內給其他人的印象---Jacky=電單車。