炒車報告

大車細路出大路,冇睇路面情況,而我架細車剛好路過,差少少比佢抄起.我架FZR250成架派啤牌咁樣打橫飛出！

好在我臨危不亂,頭迫力拿一半即放,後迫力踩一下即收,連續做兩三次,迫直架車,連除追上去個短命種度,追到上去一手拍佢車頭迫停佢,佢個短命種係入面唔敢落車,躲在車裡面嘆冷氣望住我,我火都滾埋,擾攘幾分鐘白炸先到達現場....

鐵騎快語：
老兄你手車都好掂，雙騎之下被撞，都仍能使出「人肉ABS」成功救車，再追上去拍停呀「家鈴」部車，真係唔係人人都得。就算有人得都唔係次次得...。所以道路優先權唔係「老馮」，俾呢類「X街」撞到，佢只會講佢：「Oh, sorry...我睇你唔到。(真正意思係：你開得咁太快，我點知你咁快到jet？)，冇事丫嘛？」

呢個世界就係有咁多不知所謂o既人，算啦，自己小心D。唔好咁衝動話要打人，咁樣最後蝕底o既咪又係自己？

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！