駕駛車款:            Yamaha SR125
製造年份:            不適用
意外種類:            自己炒低
車主:              Tat

事發經過:
事發大約二個月，當時我還是學神，駕駛出了元朗駕駛學院，去到一條正進行工程的“無名路”，當時記得速度大約有30-40KM/h，轉右彎前我落break減速，因地上有沙石及不平，條後車呔在轉彎時鎖死，咁就訓低左喇！

人命財物傷亡損毀:
右邊手，腰，腳花灑，其中手肘傷得最重，要在家休息二天，架車就頭燈爆左，米錶殼損毀，指揮燈移位，衣服穿孔.........

當時感受:
當時炒車感受空白，現在還好記得那畫面！跌低手肘先落地再磨，架車頭燈玻璃碎裂四散，而且繼續向前衝，個人下意識唔郁，又得佢捨力，停定後自已可以企起身，檢查自己傷勢，同望下架車之後，覺得今次自己好大獲…

事後影響:
事後都可以自已駕駛番架爛車回學院，亞sir幫我洗傷口，及那時給了無限安慰給我(在此要多謝亞Sir)，而自己炒車之後，沒有即時去醫院，直接返家休息，到了第二天才看醫生取假紙…架車就賠了大約1700元，現在隻手留下疤痕.....那次之後，俾心機認認真真去學車，最後都一次pass左

肇事原因及教訓啟示:
完全係自己衰！經驗不足，沒有因應當時環境做識當既野！係沙石路面傾側身轉個90度既彎！D人話電單車危險，未炒之前唔多信，認為去飛車個D才出事，結果這次給自己好大提醒！

最後我想向學緊電單車朋友講話，“你未試過炒車，講幾多小心既說話，你會唔多聽架啦，但係炒過車之後，唔洗講你會知道怎麼才是危險，好彩我那次炒車來得早，好過第一次炒車條命無左果d人…”

鐵騎快語：

騎電單車邊個敢話未炒過車？都係果句，越早炒一次細細鑊，人便知驚怕死，總好過唔識死，車速越來越快，心越來越雄，第日炒舖大大鑊就太遲啦！