鐵騎網誌 www.ibike.com.hk

炒車報告
回應次數：1

意外種類:            大包圍跑車撞壆炒低 - 提交日22/May 01 事故日不詳
駕駛車款:            96 大包圍跑車
事故主角:            Michael

事發經過:

大埔道嘉頓.一邊上大埔道.一邊去獅隧.點知o個日行錯路.行咗去獅隧o個邊.諗住可以由石硤尾o個邊可以兜番去大埔道.點知去石硤尾o個個交义位原來係鬼死咁高.成個撞起.人傷車傷.各位如果行到去o個到要小心.小心!

人命及財物傷亡或損毀:

成隻靴「當忂」開o左，件披甲都爆埋！o個人就跛o下跛o下咁要兩個星期先行得番。架車跌花o左，個人可能有盔甲保護，受傷情況得以減輕。

當時感受:

怒罵政府點解將D路起到高低不平.直情離譜！

事後影響:

有D陰影.希望隔一段時間能夠忘記。

肇事原因及啟示:

就萛係行錯路.寧願兜多一個圈。個人o既安全裝備，例如要穿著保護外套，電單車靴都好重要，如果當日唔係著住D保護外套及鞋，我諗隻腳及肩一定傷得好重。

鐵騎快語：

成隻靴都「當忂」得開！如果係自己皮膚你話點算！？跑車的設計係走平滑的舖裝公路，凹凸路面對啡呤車影響較其他車大，中速上壆屬高危動作(唔炒都傷車)。呢舖真係偷雞唔到蝕「渣」米咯。希望呢個陰影好快消失，以後開車會更小心和守交通規則。加油：)

24 May 01

97 Magna 車主: 直上直落
認同地面不平。早兩天天氣不好，剛下完雨，載埋女朋友由沙田過城門"睡"道返屋企，在未入"睡"道前，因地濕所以行慢線，點知條線左右兩邊比大車行到爛哂，我唯有走中間，但一穿過後見到前面地上中間有一個深色大圓形，因為唔想急速閃避，所以想直線駛過，點知一過時，成架車飛起一至兩秒，我女朋友成個飛起，好在佢扶我膞頭同有個椅背頂著，同埋好彩佢無反手扶椅背，如果唔係好可能會扭傷佢對手。最後人車直上直落，幸無炒車。
當時感受:一片空白
事後影響:好似唔想再載人，驚負責任。嚇親女朋友有些少內疚。
肇事原因及教訓啟示:諗唔到，係唔係唔應該行慢線?網主可否比意見?

鐵騎快語：

我都試過類似情況在雙騎時撞到人車分離，四隻腳掌離開腳踏在空中飛舞，係個一刻好似玩過山車咁樣，但因為人和車都在移動中，最後都坐番落架車度。經驗告知，千萬別扣頭迫力，保持車身棟直和放鬆身體便應該冇事。但係後座乘客唔可能預知發生乜事，所以比較危險。據當時乘客憶述，見到我突然彈起，跟著到佢彈起，到我跌番落去時，佢重係空中。可能車速唔係太快(6-70km/h落斜)，所以冇做任何o野車身都能自動糾正。

要避免類似情況，不在於行快線或慢線的問題。只能把視線放遠一點，留意路面狀況，有否雜物或凹凸，早點避開。平時跟車不要太貼，以免不能預早察覺。

你有炒車經驗嗎？
把它整理一下告訴大家
讓騎士有所警惕，一起提高駕駛安全吧！