|
炒車報告 |
|
意外種類: 自己炒低 - 提交日20/Dec 01 事故日不詳 駕駛車款: Kawasaki ZXR250 事故主角: 奶哥 炒完車後反而孝順o左！ |
|
| 事發經過: | |
|
|
|
| 人命及財物傷亡或損毀: | |
|
炒低時我就比架車fing左落地, 因為地面有雨水, 好鬼滑 一落地我同架車都各自起條路度滑行左十幾米, 背隻有大 約七寸擦傷冇晒d皮, 手肘就一個五蚊咁多倒, 事發兩個多月 都好番晒, 不過有d突起既痕. 仲有隻左腳比部車整魚左幾舊 部車就慘喇, 右面牛角,倒後鏡,指揮燈甩左出黎, 尾brake既三角板都 斷左, 事後都著都車, 不過仲點渣丫! 死氣候都穿埋 |
|
| 當時感受: | |
炒車時果一刻心裡面第一個反應就係「x街!唔係下話???」 之後就無尼頭咁比架車fing左落地, 一落到地, 我覺得好怪, 點解自己會扇住去既??? 呀, 完來仲有衝力~~ 扇住去果時 仲諗住自己冇乜野, 一路擔心梗部車炒成點, 買左部車個多 月之嘛, 山窮水盡, 冇錢整車呀. 點知一停落黎, 開始覺得隻手 有d痛, 但都即時推番部車埋路邊. 之後就睇下自己傷成點... 身體既傷, 時間耐會好番~ 但最煩人既, 就係部車, 因為我bank 都已冇晒錢, 果一刻我唔知點算好, 因為我第一次做車主同炒 車, 果一刻真係好無幫, 我坐左起馬路邊既一塊大蕉葉下食左 幾支煙(當時落梗大雨), 但果一刻, 唔食煙我真係諗唔到用咩方 法平伏我既心情! 到我諗無可諗, 只好打電話比媽媽求救~ 之後係點, 唔駛多講, 我拎我媽更加擔心我~~ |
|
| 事後影響: | |
陰影?更有d, 不過聽完一個渣左十幾年車既人話過我之後 我都冇乜事, 佢話要怪就怪自己, 明知天雨路滑就棟直部車 黎渣, 渣咁快有杯拎咩? 我之後冇說話好講, 唔死得就係我一 次寶貴經驗. 就喱幾日有落雨, 我都有渣車, 呵呵! 慢得很, 全情棟直部車黎渣啦, 見過鬼怕黑呀. 但係事後落雨, 我都唔會行大埔道, 我會簡獅子山行, 好驚行 番果個彎~ 平時干地行果個彎我都會慢晒.... 至於駕駛心態, 變就變左落雨時, 干地就一樣如常, 愈驚愈要快 至於屋企, 拎到媽媽擔心都有d唔開心, 因為我不嬲都好自我, 唔理屋企人,點樣點樣, 事後有次落雨, 媽媽都打電話黎叫我 小心d, 我番到屋企之後就打左個電話比佢, 話比佢聽我番左屋企 喱個行為係我未炒車之前一定唔會做, 咁樣可以話我由不孝子變 做孝順仔距離近左好多 (要講真係好多野講播???!!!) |
|
| 肇事原因及啟示: | |
今次之後, 知道炒車唔係咁簡單 身體心靈受傷, 車傷, 整車, 時間, 金錢 真係不能盡錄 依家雖然都會快, 但都係小心小心 |
|
|
|
|
|
你有炒車經驗嗎？ |
