駕駛車款:            Kawaski EN 400
製造年份:            1994
意外種類:            自己炒低
車主:              jason

事發經過:
晚上12 點左右，從旺角經彌敦道一路往紅隧，快到紅隧時的一個上斜左灣車到有d 類似水的物體，最初我以為只係水，但己經好小心冇車埋去，但係就黎轉完個灣時想棟直部車時一唔小心車左落去。即刻炒低。

人命財物傷亡損毀:
由於估到條路好滑所以一早收慢左，只係左手手掌及左腳膝頭擦損左少少。
部車都都算好彩，只係條fork 歪左少少，左邊牛角變左型

當時感受:
第一時間唸︰終於到我了！
當時己被部車拋開左兩三四米左右，見到部車隻牛角出緊火花，事後先相信完來拍戲的炒車場面都做得幾真。停定左之后即刻企返起身睇下有冇車，好在部的士停得切，一個偉士羊司機及的士司機即時上黎問我有冇事，駛唔駛call 白車，我話冇事，佢地就幫我扶返起部車，我見部車應該重行得，所以就慢慢渣返屋企。

事後影響:
一見到水或電油即棟直車及收油

肇事原因及教訓啟示:
條路有一半係有電油0係面，最初以為係水。真傻仔！后面個的士司機重話佢都(sin)晒呔。之后有人同我講，基本上車到電油通常都好大機會炒。雖然今次係輕傷，第二日都即刻買返對手套。我就唔明點會有咁多電油0係度。