鐵騎網誌 www.ibike.com.hk

	炒車報告
	意外種類: 自己炒底 - 提交日期 11 Aug 02 事故日期：不詳駕駛車款: 95 豪漢150 事故主角: 90cc摩托仔
	事發經過:
	雨天,濕地,有水tum,朝早返工遇到2個盲毛,視交通規例如無物,在無行人輔助線地區亂過馬路(由右邊向左邊過馬路),一個阿嬸行先,另一個阿叔行後,Horn佢2個都無反應,諗住向右(即阿叔背脊)避開佢,點知阿叔佢突然如夢初醒,跳番向後,為避開佢,我推左再急停(再要避開盲毛阿嬸),側滑一小段,角度太斜,終於失平衡跌車
	人命及財物傷亡或損毀:
	由於技術精湛,力挽狂攔,最終只係零米跌車,人無事,尾箱被地下銀花,車身原本已很花,所以唔清楚邊d係佢今次銀花
	當時感受:
	第一時間指住佢2件蛋散勁問侯,佢2個dup低頭雙雙急腳遠走第二就係心裡勁乜野佢2個整到我跌車,整花部車
	事後影響:
	我揹住部鐵車仔(4個轆送貨果d),當時想除落黎用部鐵車仔,車佢2個9獲好興奮又多左一次救車,派車經驗
	肇事原因及啟示:
	第一要小心盲毛,第二係濕地其實今次如果唔係濕地,我係可以避開佢2個,救到車仲唔駛跌,不過濕地冼,側滑時間比自己預計長左,一路滑落去角度越黎越大,最終救唔到,加上我揹住部鐵車仔好重,我個人一失左平衡,明明可以企返直,點知部車重得滯,聚返我個人落地鐵騎快語：佢跳緊cha cha，點避？累人累物冇o野講。呢D環境又係要駕駛者幫失魂行人揹埋個鑊，撞到佢又俾人話係駕駛者的錯。掛住避開佢又搞到自已炒車。濕地真係要比正常車速再慢一D。
	你有炒車經驗嗎？把它整理一下告訴大家讓騎士有所警惕，一起提高駕駛安全吧！