炒車報告
　
意外種類:            車輛碰撞 - 提交日06/Oct 02  事故日02/Oct 02                    
駕駛車款:            ET-8
事故主角:            裕記
　 事發經過:
　
事源:2-10-02大約0200

我楂住架ET8由龍翔道往觀塘方向回家,途中見到一架電單車在路邊死火,諗住停車幫手推車,當我收慢車諗住"手羅"埋一邊既時間,突然有一架私家車收唔切撞埋,唻攪到我同女朋友一齊俾佢撞到飛起,

我地兩個都有傷,跟住我地咪報警,點知差佬唻到個陣D態度十分惡劣唔知依為我係賊,最慘就係我一年都唔會唔帶一次車牌咁岩尋日真係冇帶我都傷左坐係地下度佢仲話要問我"手羅"身份証抄牌跟住我去醫院睇醫生.

有個差佬話睇完醫生去紅磡搵佢落口供,我話我要返工,收工去得唔得,佢話佢日日都返唔同更,就唔到我咁我話搵日得閒先囉,佢跟住發脾氣勾我車,拖車又話440抄牌320,報警唔見成七百幾蚊又要落口供,都唔知報唻做乜.... 
　 人命及財物傷亡或損毀:
　 我和女朋友手腳擦傷,手表帶斷,頭盔裂
　 當時感受:
　 痛
　 事後影響:
　 編按：沒有提供
　 肇事原因及啟示:
　 編按：沒有提供
　

鐵騎快語：
裕記有以下問題：
1)架車俾佢撞到右邊冇哂,邊度整好呢,整完可唔可以噴返原裝個隻珍珠白呢大約幾錢呢....
鐵殼車最好問番代理或專整偉士的車店。價錢估計都係幾千蚊咁上下？

2)可唔可以有咩索償?
除左車手獎外，應該都冇。

3)可唔可唔落口供呢??
 梗係唔可以！你收車前冇留意交通情況，又冇帶車牌，雖然你好心想做好事，但係的確有點疏忽。

　
　
交警 睡寶寶 (8 Oct 02) 回應：

口供一定要去錄,講返你所做的一切就行了.無帶牌就真係幫唔到你喇,渣車就一定要帶,將佢同張身份証放埋一齊囉.至於拖車,你地兩個都去晒睇醫生,咁部車邊個幫你睇,因為人手唔夠(但係曾某話有多添).咁就將你部車拖返去保管,所以要比錢,免得日後你睇醫生之後,部車比人台走o左,咁警察部咪要比你追究.

<<吐一吐不快>>
你又無帶牌,又唔依時去錄口供,係唔係玩野先,比我都慶啦,已經人手唔夠啦(但係曾某話有多),你又要得閒先,佢又唔得閒先,咁我咪好得閒,我地唔係剩係做你一單case,每日最少都兩單,以最簡單既為例,兩車相撞,無乘客,都要兩份口供啦,每份最少要個半鐘,但係每接一單case出現場到返到差館要兩個鐘,入電腦要一個鐘,每日返8個鐘頭9個字,豪多15分鐘比政府,每日返9個鐘,食飯1個鐘(通常都無1個鐘,一路食一路做) <(2小時出去接call+1小時入電腦)+(1.5小時錄口供*2份)>*2每日接兩單=12小時, 仲要做凸3個鐘仲未包食飯,唔好以為做凸有OT錢.答案係無,要食自己,放假都要返去錄口供！
　

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！