駕駛車款:            Gilera RunnerVXR 200
製造年份:            不適用
意外種類:            車輛碰撞
車主:              Annie

事發經過:
當時係鯉魚門道燈位前轉黃燈，咁岩我行錯路，見到仲有2個車位到就停車，順便諗下條路點行，點知尾隨架的士收唔切撞埋黎，即時連人帶車彈開10幾20呎遠。

人命財物傷亡損毀:
俾佢撞完之後尾龍骨好痛，好驚會有事。去到醫院照X光發覺冇大礙，個人定好多。人就冇乜野，但架車就大劑。而家車身花哂，行李架爆左，尾燈爛哂，死氣喉花左。本來奧士就話4-5千都搞得掂，但過後話架車條龍骨好似彎左，未正式報到價，但萬幾就走唔甩。唉，我架車落地1個月咋，仲係行緊千幾米，未正式起航就咁大單。我諗個的士佬都賠唔起架喇，claim燕梳又有排等，又要上庭...真係手尾長。

當時感受:
非常憤怒！平時開快車衝燈就冇事，反而遵守交通規則就出事。最乞人僧就係個的士佬撞到我都冇出黎睇下咩事，反而係由小路出既私家車司機扶起我，仲幫我報警、做証人、兼幫我鬧個的士佬(係到真係好多謝個位司機，你實好人有好報架！)。

事後影響:
屋企人咪擔心囉。我就冇乜陰影，好肉赤囉....

肇事原因及教訓啟示:
下次燈位前真係要睇下尾隨架車既速度，佢冇乜意思收油既話真係衝紅燈都要。