駕駛車款:            Joyride 200
車輛製造年份:          2008
意外種類:            自己炒低
車主:              Ada


事發經過:
當天是自入冬後首次吹強烈季侯風，所以未有過勁風下駕駛經驗。出車不久已覺風勢來勢兇兇。沿途有幾次風的突襲都總算避過，直至去到西九天橋往九龍方向剛過了往旺角的分叉路就出事。當時風勢越吹越勁，本以為快車衝過可避去強風，後發覺幾度都幾乎被吹埋牆，便立刻收油按後 break, 但不按由自可，一按即奶野，前輪發茅地左右擺動，每秒５下吧，最後當然連人帶車趺低後各自向前滑，我望住架車並跟住它後面滑，它打完轉就掂住個「石博」滑，磨出好多火花，我幾驚佢會成車著火，我就會衝往火團去，幸好最後我倆都終於滑完停下來。

人命財物傷亡損毀:
幸而我穿得夠厚，只左右邊衫袖及左腳踝擦傷、左大脾瘀了一大塊，骨冇事，頭冇事，感謝神！
又好彩當時冇乜車，唔係就天堂見喇！

當時感受:
當時滑翔時感覺時間很長，心想：停得未呀？
之後也想了很久，到今天都不太明白出事原因。
當時想有個好心人幫我托番起部車，如車冇事我就如常上班去了，但當然世上冇咁好既人啦，個個避開到你都算行運，仲停車黎問你：ｃan I help you?
結果惟有等警察來，一等又等好耐，又搞到大塞車．．．．．

事後影響:
從此出車前必看天氣報告，留意風勢，若吹強風都唔會出車了！

肇事原因及教訓啟示:
後來才明白，原來車走得越快，車就越輕，故若風大，應駛慢些，使車重些，就不容易飄。但有時感覺車慢（如走５０－６０km）還會被風突然襲來那一剎，車仍會擺一擺，都係好驚嚇的。另外，好多時若駛６０－７０km，會成日比車 durn 尾，又係好危險，有時甚至被４６從旁爬頭（他們竟不 cut 右線再 cut 左線 去爬頭，而係在距離你２cm 都冇的旁邊過，呢ｄ人實在好冇品！！！實在太危險了！
大風的日子也常見到ｄ師兄們飛得好快，難道他們不怕大風？還是他們技高人膽大呢？