駕駛車款:            TW225
車輛製造年份:          03
意外種類:            自己炒低
車主:              morris_lk
　

事發經過:
岩岩新P落地無耐.第二次出車本身跟D師兄入大清,諗住再落荃灣點知落雨,就諗住返對面海屋企.
係旺角方向行到去上紅隧個位岩岩同D師兄講再見..一兜上去個個大彎上橋..

可能今日太開心.加上落雨.一時忘形就壓住過個大彎.

雖然速度已經慢左.但壓得太低.出彎就煎低左...

左邊身跣住落地

人命財物傷亡損毀:
左手同腳擦傷左.有件風嬲頂住所以個人就小傷
部車就左邊鏡裂左.都未夠一個星期.
左邊把手舊膠又係新買,,磨爛左小小
左邊後座腳踏同牛角磨平左一忽
件風嬲就左邊磨爛左同穿左幾個隆

當時感受:
岩岩係大清先聽個師兄講炒車D野..之後自己真係就炒左
炒個一刻真係個人呆左無反應..坐係地下左腳壓住左,,好彩當時我速度唔快
同埋部車夠輕檯得起..唔係都唔知點算

事後影響:
陰影..起返身過完紅隧之後唔敢行東廊..行左英皇道返東區..
返到過海仲有小小雨..即刻開慢D..
隻手基本上無乜大礙係擦傷小小..貼膠布就好了
無比屋企人知道..知道就不得了

肇事原因及教訓啟示:
落雨真係要小心D.唔好理大雨定細雨..

有水係地下就要小心..慢速就當然要喇..

但真係唔好做D危險動作..

就算平時都係..無乜事就唔好貪型威小陣..

咁就長玩長有