駕駛車款:            CB400 Super four
車輛製造年份:          2001
意外種類:            自己炒低
車主:              小心先生
　

事發經過:
入大欖隧道(往荃灣方向)之前，行緊快线90km，隔離中线約前兩個私家車位有架benz突然無打燈扭軑cut入我條線，於是狂砵佢同狂煞車，我車在佢後面不足一呎距離下才失控炒低。 條pk見我跌低不顧而去，我起唔到身，之後被白車送往醫院。

人命財物傷亡損毀:
手腳扭傷兩隻手腳和手指擦傷，臉損了，門牙崩了。
車身甩油， 倒後鏡同牛角撞到花哂，車軑彎了，錶蓋爛了，brake
碟坳了，整車$2000幾元．
個人新買頭盔爛了，手錶爛了，鞋爛了。

當時感受:
當時事出突然，來不及反應，心想今次肯定大炒，而家好似執翻條命，無端端 好無辜 。 果撞到佢車尾肯定彈起幾十呎。   

事後影響:
休息左1星期，睇幾次醫生。
以後唔好揸咁快，就算一眼關十都未必來得及反應，呢d人渣司機真係想見一獲打一獲。

肇事原因及教訓啟示:
俾晒口供但警方說找不到私家車，又無人證物證證明，無頭公案。
現階段還收到警方發出的「擬控告通知書」，真係原告變被告……。
總之揸得車出街就要承擔任何風險和責任。