駕駛車款:            Hornet 250
車輛製造年份:          2002
意外種類:            撞倒途人
車主:              lun

事發經過:
星期日返工，行到去葵涌石梨商場出面，當時行車燈號係綠色，咁我當然 keep 住去 la。行到紅綠燈前1個車位，有個阿姑 dup 低頭行出黎，我就梗係 boot 一 boot 佢 la。
點知一 boot 佢，佢 15/16 咁彈前彈後，我心諗今次 pk la，好彩我 boot 佢時已經收慢左架車，見到佢個反應之後，我即時鎖呔，架車就掂到佢，之後訓低。

人命財物傷亡損毀:
受害人 A (我)：
右邊手撞到紫黑色，右腳就著左長褲都係花晒，仲扭親腰 tim

受害人 B (亂過馬路o個個阿姑)：
左腳受傷，但聽 d 救護哥哥話佢擦損都無…

車：
左邊花得o既都花晒，包括油缸 (早兩個禮拜由日本空運返黎！頂佢！)、engine；入波個腳踏淆晒，左鏡左指揮燈玩完，師傅話要$3xxx…

當時感受:
第一個反應係 (跌車前)：玩咩阿姑？人衝燈你衝燈，係衝你都望下先衝丫！
第二個反應係 (跌車後)：好彩自己同阿姑有無事
第三個反應係：條數點計呀？！

事後影響:
實在我想去小額錢債o個度睇下有無得賠，佢話要有被告 (即亂過馬路者)個名同地址，咁我無 wor，佢就叫我去警局問返。

去到警局，佢地話私隱唔比得我，叫我搵小額錢債d人出信 or memo 比佢地。

再去小額錢債，佢又話佢地無權咁做，叫我自己搵。

大佬，你左推右推，又比唔到一個實際可行o既方法我，故勿論我有無機會or有無得去告佢，我家下連試下登記都唔得呀，d程序真係要黎阻住你去行使公民權利，叫你自己挨左條數咁 ja wor！

肇事原因及教訓啟示:
當香港絕大部份行人都係盲o既，d 交通好似內地咁去駕駛
　

鐵騎快語：
又到鐵騎快語出場既時間喇。今次雖然係盲毛途人既錯，但阿Lun你慢車都可以收到炒，重可以爛咁多野，證明駕駛技術「仍未穩定」。今次當係買個教訓啦。