駕駛車款:            sym joymax 250i
車輛製造年份:          2008
意外種類:            車輛碰撞
車主:              B哥仔

事發經過:
事發於沙田石門迴旋處,當時小弟出吐露港,正在上橋入第一城,o係入迴旋處之前,因為條路係有少少上住橋咁入迴旋處,咁細佬我就等前車行左之後,自己就停定望有冇車o係右邊出黎啦~~點知後面有架4個輪收都唔收炒左我個車尾喇......(佢收的話,會有少少"響"軚,但當時一d聲都冇)

人命財物傷亡損毀:
人:訓車o果o下落地整花左隻右腳同拗左o下D關節....
車:右邊落地花X晒,尾牌&尾牌O果個架比佢炒爆左....

當時感受:
驚----->勁驚---->慶---->勁X慶 (新車落地一個月,係人都慶爆)

事後影響:
事後屋企人出奇冇x我,重笑住話我"低死"....而家d香港人真係冇同情心....
而家人就行得走得,不過我搭的士/巴士,個司機大佬o係燈位前停車(少少急啦),都嚇到我面青.

肇事原因及教訓啟示:
迴旋處/讓車處/燈位etc...總之要停車o既位都要望o下後面有冇車殺緊上黎,有就早d收車等停,因為佢地(部分啦,有好人o既)真係好慘...失明o家.....會"隊"埋黎o家....