駕駛車款:            burgman 400
車輛製造年份:          2008
意外種類:            自己炒低
車主:              新手

事發經過:
我係新手一名, 昨晚同女朋友一齊入將軍澳食飯. 都知道觀塘入將隊有修路, 要慢車. 點知琴日有意外, 塞死埋.
咁我新手開車, 斜路停車開車就會好驚好緊張(唔知點解, 可能驚開得慢阻住後面會俾人 BU 掛). 我都打起精神小心開架喇.
點知一上斜果陣, 前面完全唔阻, 焗住停車.
再開果陣, 唔知發生咩事, 架車就向右訓
可能係斜路加上有乘客, 當時一反太重喇, 小弟頂唔住架車, 就咁就訓左喇.

人命財物傷亡損毀:
好彩小弟只腳夠力, 架車訓得好慢, 女朋友夠時間跳車, 所以兩個人都冇事.
只係我好想救車, 死都頂住, 最後 "樓" 親只右手手"爭"
人冇事, 架車就慘喇, 右邊由頭花到落氣喉. 仲要頭位 崩 埋tim......陰功.....

當時感受:
當時一反第一時間唔係諗點解會反, 只係要女朋友快d 企埋一邊唔好出黎. 話晒都好多車架嘛. 佢既安全係第一位. 累到乘客, 司機好內疚架嘛.
之後就拿拿林頂起架車, 開埋一邊囉, 好彩後面果個巴士大佬有內性, 冇 bu 我. 慢慢等我攪好先. 不過, 車頭就企滿人睇小弟 推車 囉, 魚死
仲要嚇親女朋友, 真係無地自容........

事後影響:
經個今次, 我真係覺得有陰影, 斜路停車開車我覺得好難, 仲要周邊咁多車既情況, 心理壓力更大.
平時慢車都左搖右擺架喇, 仲要斜路停車/塞車, 心急就死喇
車身花得好勁, 諗緊幾時先去噴返佢, 仲要之後一邊開一邊聞到好燶既味道, 唔知係咪燒鬼埋個 極力子 tim (因為訓車後心情不好, 控油方便失了準頭, 大開大收, 係咁跑馬仔開車), 而家好擔心維修費用

肇事原因及教訓啟示:
事後諗返點解會訓低呢, 可能
1. 自己心急, 架車本身在斜路車身已不是直的, 仲未拿到平衡就急開車.
2. 一急開, 車身向右跌, 自己更加驚, 一驚就渣實頭 迫力. 鎖左頭 6. 即派
3. 車身本來重, 加上有乘客, 更架重. 車身一斜, 冇得死頂. 訓低
以後去到呢D位, 我同自己講左, 話知後面左右係天皇, 一於小理, 唔好理人地點BU 點推, 自己慢慢做好要做既, 先好開車.