駕駛車款: MAGNA 250
車輛製造年份: 02/05
意外種類: 自己炒低
車主: TATO
事發經過:
22/02/2008 上午11:45 馬頭圍道紅蘋果對出往紅磡方向
我當時行緊中線，過到巴士站時，前面同快線都無車，繼續右面慢線有兩架巴士停係度，前面個架機場巴士突然cut出黎將個車頭停左係中線，我好自然咁落break慢車（我都記唔返我係想慢車定停架車），一落break架車就立刻訓向右邊，完全feel唔到有鎖轆或了，之後架車壓住我右腳滑行了一陣。好彩後當時快線無車行，中線後面d車全部停得切，之後後面架46的好心人，成四個人一齊落車扶我同架車去旁邊巴士站！佢地都話：架巴士司機有無搞錯，咁樣cut出黎搞到你炒，不過我睇唔到佢個車牌幫唔到你！之後佢地見有途人幫我報警，就走了！
人命財物傷亡損毀:
傷：左腳有兩個小傷口，俾極力子之服桿了到。右腳膝頭磨薑，送院後要留院，曾懷疑有機會‘印’帶或肌肉‘斯烈’，好彩無野！右手少少損左！
右鏡及右指揮燈撞爛、死氣喉、右風格？及油缸右邊磨損！
當時感受:
第一次出事，駕了5個月（P），跌車都未試過！當時連驚都唔會，淨係諗住快d起身扶起架車行埋一邊！諗住抖一陣就可以開車走！但我個時根本右腳係企都企唔到！好心人扶了我埋一邊之後，我就不停咁諗點解會自炒呢！以前落雨我都係用厘個方法同力度慢/停車！到底我邊樹做錯左呢？之後好心人（個司機）同一個女乘客行埋黎話：架巴士咁樣突然cut出黎有無搞錯，但最衰認唔到個車牌，幫唔到我！咁我會諗點解我無望佢個車牌呢？
事後影響:
事後一：係醫院未去落口供之前
係醫院都不停咁諗自己到底落break係咪有問題，係咪太重！架巴士咁cut出黎搞到我炒，要告反佢！問了d朋友議見，都話要搵實搵到個架紅色機場巴士，我當時唔係諗話要佢賠償俾我定點，而係好激氣點解佢搞到我炒，我就傷左，仲可能印’帶或肌肉有事，明明係你亂cut線點解你就無事，好想羅返個公道！打電話去，個警察就同我講話做到的成數唔高，你仲有機會被告反轉頭！但我就係唔憤氣，明明自己無錯，佢個巴士佬錯，點都要討回公道！
事後二：落口供時及之後
一路落口供一路覺得個警察唔想我搞咁多野，但一路落就一路覺得自己真係好似有d做得唔好！事發經過越去諗就越記得唔清楚，佢cut我時有幾遠，有兩個巴士位，咁又真係好似無乜理由我會收唔到搞到炒，但真係有幾遠又唔係好記得！落Break有幾重，記得好輕，但只落了前break（慣了只落前，之前落雨慢車都係咁做），但到底係想收慢定停又唔記得！唔知車牌，但我覺得可以追查到，因為紅色機場巴士得一條線行個區，一個鐘一班！我就好誠實咁講，佢幫我落完兩三版口供之後就同我傾，話返俾我知佢覺得我講有關停車距離同落break同行車路線（行正中間）好大問題，如果係咁我已經有好多野錯，好大機會會告反我轉頭。無人證，就算搵到個巴士司機，會唔會認自己有cut線先？會唔會認自己cut線導致你炒先？個司機咁誠實就唔會走左去喇！如果調轉頭淨係話見到我自己炒，查起上黎我會損失更多！一路講，我一路由原本覺得佢好似唔想做野，費事我搞咁多野，變到開始覺得自己覺得自己駕駛時應付突發意識唔係咁夠（現在仍會有少少覺得係俾佢引導到咁諗）。佢話有意外發生，一定唔會一方o岩晒，係查到黎睇下邊個o岩多d，邊個錯多d，但睇我既口供就對我好不利！（也許嚇我）但我最後都決定唔!
搞咁多野，再落一份好簡單的口供就算！佢亦會close file！
而家都會覺得自己都算好好彩，炒時後面d車又停得切、自己渣駕車壓住滑行了一陣都只係少少皮外傷，唔好彩係落雨，但又好彩落兩著了雨褸雨褲，多了保護！不過都仲不停咁諗如果下次落雨又遇到要收車應該點呢？
肇事原因及教訓啟示:
一路同朋友傾反，有人會覺得，理得你係咪技術差都好，其實佢咁樣cut你，佢真係有錯，始終都係架巴士cut線出黎搞到你要落break，厘個動作已經係個巴士司機錯！到而家我都仍會有同樣諗法。（半年前我弟弟因cut線令到後面架車要急停，係無人證只係交警既一面之詞之下就被告入了不少心駕駛而停牌）但交警既分析都o岩，搵到個巴士司機佢會認咩?查起上黎分分鐘我仲會俾佢告反轉頭！個交警最後都當傾下計咁話，就算真係人地唔o岩，你忍到既話都要忍、讓到既話都要讓，始終我地渣26既，有起意外上黎，我地都無d46咁安全。路面經驗有呀！但係應對突發事件既意識要再提高d!
教訓
1. 行車路線：唔好行條線的正中間
2. 落Break：要戒掉唔用後break既壞習慣
3. 駕駛意識：雖然自己行高速既時候好警覺，但行市區對突發既意識都好唔夠
4. 遇到好心人幫手，記住要問返佢羅電話或記低佢車牌，真係想查落去都有人證
5. 落口供都係要經驗既
6. 知道有車手獎厘樣野
希望各位師兄同小弟以後渣車都可以平平安安到步！快慢真係唔緊要，至緊要平平安安！
