駕駛車款:            magna 250
車輛製造年份:          2002
意外種類:            自己炒低
車主:              兩個月p仔

事發經過:
年三十下午自己一個去完飛鵝山想再去黃大仙同屋企人同阿麻食團年飯,但飛鵝山落山只有彩雲村果道落,由於第一次去果道,所以落完山第一個燈位傻間間轉左左邊(正確係轉右).之後發覺唔對路,因為一直係上斜,所以知道行錯路,而且對果頭唔熟路所以搵位調頭,行行下見到有個粒位係一個地盤出入口咁樣但係有閘閘住0既我就收慢架車睇曬鏡,睇對面線有冇車就一個uturn兜入去,因為我架0既係magna,車身又長又重,所以我次次調頭都係用我雙腳爬住去,點知.......右腳"扇"左野,人就企住,雙手用盡所有力氣拉住架車,但架車都係訓低左.......

人命財物傷亡損毀:
我自己就比架車訓落黎果下撞到右腳魚左.執番起部車時拉親下右手老鼠仔果位,幾日後先至冇痛,響斜路跌車要執番起真係要用多D力.
而架車右邊後鏡斷左,死氣喉花左小小,但又咁0岩花響未端燒焊位道,唔係痴個頭埋去睇都睇唔到!!

當時感受:
肉體上好小事,但跌車後有一架full客 0既小巴全車人睇住我咁跌可以話係恥辱!!

事後影響:
炒完之後響冇右鏡0既情況渣左去一間好齊料0既車房買番對新鏡,由於我懶所以比人工叫車房0既人幫我裝,好在叫佢幫我裝.因為佢手多多按下我條車0太,話我車0太唔夠氣,佢拎個0太氣錶一睇,原來前後唔夠10磅,果時架車買番黎個幾月我都冇查過0太氣,我一睇個錶先識驚,佢仲話我"唔怪得你調頭炒,呢個幾月你仲有命都算你好彩"我仲以為轉灣唔穩係巡航車0既特色,原來係0太氣嚴重不足.......

肇事原因及教訓啟示:
響車行買完車檢查完比錢渣走之後記得要查下0太氣,因為都唔知架車響車行放左幾耐,剩得幾多磅冇人會知,唔好到炒左先至查!!