駕駛車款:            VTR 250
車輛製造年份:          2002
意外種類:            自己炒低車輛碰撞
車主:              成成

事發經過:
半年前，半年牌，下午六點幾，同朋友打完波，楂車返歸之際，入到官塘道啓業邨對出之際，見右線無車想入快線，忽然喺尾鏡竟到一架黑色私家車極高速爬上黎!心諗，嘩佢一定見到出左黎，但都唔肯讓仲踩行油，擺明同我搶線，如果我keep住出線，好驚俾佢撞到，心下一怯，就收油想入返慢線，點知就忽然彭一聲，架車訓左去右邊，人抛左出車..........起身後，人在快線，好彩後面無車，架黑色房車無左影，但見到我前面架白van仔停左，佢右邊車指揮燈甩左.....

人命財物傷亡損毀:
自己右邊全條手臂花晒!左手手掌骨斷左三折，做手術，打左鋼針定位....成半年先好返十足。架車，右邊花晒，無心機整(車行話要一萬元維修)，索性賣左佢，段斤秤，$5000(買返黎要23000)

當時感受:
當時感覺好咪惘，第一時間想抬起架車，但一發力，已感覺自己掌骨九成九斷左，心諗唔係咁大劑下化，咁突然既?無係掛?點同家人講呢.........等等問題好煩......原來真係好煩~事後仲要賠俾貨車私維修費3500，無錯，係3500，以為只係撞甩佢車尾燈，諗賠幾百都得，事後佢地check到原來佢地條車尾泵把又彎左，又唔見錢.......架黑色走左，死無對症，阿sir話無得查，點睇都係我唔岩，建議我負責，言下之意，快d賠錢和解了事。好煩，我唔想煩，算啦，明明我都都俾人害，仲要受埋偒，最後都要貼錢.........唉好煩，屋企人又哦，唯一不幸中之大幸係，無傷右手，受傷期間仲唔係好大影響到生活，同好彩當時訓低時快線無車黎，否則，死梗!

事後影響:
以後楂真係要顧埋人地點楂，保持安全車距，睇清身邊有無pk車手，最緊警覺!都仲會再楂，但真係變好小心好小心

肇事原因及教訓啟示:
踩單車都會炒車，何況電單車，單車炒車，一般都係擦損下，電單車炒車，好有機會連命都無，或者斷手斷腳，終生抱憾，所以幾時係小心小心小心小心，楂得車，無論咩車，都係一樣!!