駕駛車款:            xjr 400
製造年份:            2000
意外種類:           
車主:              sazabi

事發經過:
尋晚(7月20日),10pm放學返工個時
去到荔枝角道近深水涉泳池
咁見綠燈就轉線直去.....
點知一過完線,個頭望返去前面個時.....唔係掛!紅燈!!
即刻急收...本來都收得好地地,但係一行到個箭咀個度即刻鎖頭6...過多一秒之後派牌....

人命財物傷亡損毀:
車就油江花左,咪錶幾乎撞甩
人就成個左手左腳花哂
同好似有少少扭親...

當時感受:
唔知點解個行個人好冷靜,一停低左個人就起身執車
之後抯去車房放低架車,去a&e.....
係去到第二朝個人先識痛同驚

事後影響:
之後返到屋企就大獲....我之前都未比屋企人知我買左車
我一返到屋企即時比人插到上天花版.....
我要答應屋企人3年內唔再抯26先了結到件事.....

肇事原因及教訓啟示:
市區點熟路都要開慢d,如果仲有機會抯26既會多留意路面情況

鐵騎快語：
直線鎖頭轆，只要馬上放開頭制動便可解圍。如果一定要停車，便施展人肉abs便可。
能通過這一關考驗，可證明閣下的反應和技術都已合格。