駕駛車款:            TW225
車輛製造年份:          2004
意外種類:            自己炒低
車主:              實叔奇

事發經過:
睇得youtube多,見D鬼仔玩wheelie(起頭)當然有d好勁…有d就跌車…(都幾危險)…前2日我約左成班車友去釣魚….釣之前我地成班車友一齊去買釣魚用品…因為太短路程我無楂自己部車…係車場問個死黨借佢部車楂…佢就坐另一個朋友架老電….好…出發….楂左無幾耐….係燈口前….等燈….突然間心血來潮好想試下wheelie…咁膽粗粗問個車主…可唔可以試下wheelie(之前從未試過玩此技術)…點知佢鬼死咁快(諗都唔諗就一口答應)邊有咁鬼好o既friend架…(事前已通知所有老電車主我會有呢個舉動)佢地全部係後面等同睇… 好…..準備人生第一次wheelie…..1)空油…2)彈極力子… 3)起頭(60幾度角到)… 4)行左1秒到….5)著地….. 哎呀…架車著地時偏左….6)用隻左腳頂一頂….無事….成功….. o個一刻好興奮同好有成功感… 個個friend都話起得好靚…著地就差d…. 好喇…繼續前進….到第2個燈口…又等紅燈…今次又想試多次…(因為個心已經雄左).. 準備….1)空油….2)彈極力子…3)起頭(今次弊喇…度力猛得濟架車成80度角)….4)架車棟直左…腳落左地….隻手仲捉住架車…架車繼續行緊….跟住架車向右訓底左…隻手仲楂住部車...佢係原地轉..原來隻手仲比緊油不過?
 鈺o唔算快..鬆手停左...

人命財物傷亡損毀:
架車條喉甩左同鬆左(無斷)….因為右面有個頭盔頂住(頭盔花左…架車就無花…不過個尾牌裂左…) 人就無事(損左小小)… 因為條錬乸死左架車推唔郁..成班車友落車一齊搬….係路邊一齊整…整左一陣攪掂無事…再出發….

當時感受:
唔知點解..好唔甘心…好DOWN…本身充滿信心...又覺得好對唔住個FRIEND..(個FRIEND無話我又無嬲我,不過我真係覺得唔好意思)唉!此FRIEND難求…我同佢講..如果架車有咩整同番我講…我負責(因為我覺得呢個係最基本既責任,不過佢都話唔洗) 我覺得錢事少…朋友是大)

事後影響:
其實都幾好彩架喇...架車同其他人都無咩事...有機會係安全情況下會再試...不過一定要包好架車同唔係心愛既車玩呢d野...(有機會買多架super4 同呢個friend 一齊練wheelie) .... 最後...想同呢個friend同主講多句...多謝你...

肇事原因及教訓啟示:
初學wheelie 如果一定要玩o既話就玩架有轉數錶(最好係唔要既車)…因為易d掌握(3千轉唔夠下次就3千5…再唔夠就3千7如此類推,一定要係無咩車無咩人既地方玩.... 經一事長一智...下次要小心d...
　

鐵騎快語：
你朋友似乎唔係對你好，係想你死多d喎。iBike一向唔鼓勵借車俾人，或問人借車。想學wheelie，請在封閉場所內練習。重要著晒皮著晒甲，當然係full-face頭盔，同埋最重要一樣：用番自己部車 ，你死你事，唔好累人。