駕駛車款:            HONDA VTZ250
製造年份:            1990
意外種類:            車輛碰撞
車主:                   發

事發經過:
P牌仔出車第三日,4月12日晚七時二十分,由觀塘方駛至牛頭角地鐵站 U TURN位轉向去油站加油,在讓路口雙白線耐性等車過後駛出,我只係駛出O左個出頭,架車未熟習技術又唔好,死O左火,後邊個的士佬就咁撞埋O黎,BOND一O野我就成個人飛O左出去.車尾燈爛晒同牛角斷O左.

人命財物傷亡損毀:
A: 本人,33歲,第一個車牌,冇任何路面經驗(要在本週末至有4小時駕駛學院"路路通"堂,去攞O的路面經驗).

B: 40幾歲O既的士司機

當時感受:
當時心情一落千丈,個的士佬死要話我都有錯,仲話P牌仔仲開O的咁O既車,我好嬲咁鬧返佢,佢跟住冇O野好講.佢一開始只願意陪五十,我打電話問車行,話大概三百兩可以整返,講到陪百五和解,唔想條友仔白做,但今日車行話要一千至搞掂.無法子,點都好,錢係要俾O既O勒,當上堂.

事後影響:
好彩有著住保謢甲,人無任何傷到,唔係自己撞到人,唔駛內疚;但我諗一時仲會有O的怕去繁忙地方.家人一向好反對我開電單車,呢次只好唔俾父母知.我今日打電話叫個司機唔好欺負新牌仔唔識處理交通意外.不過佢道歉話自己太急唔O岩,感覺好好多.

未有車前已聽朋友講睇晒呢度O既報告,做足駕駛心態準備,將來都會保持小心,保持安全駕駛同忍讓心態,盡量減少意外同減輕後果.

肇事原因及教訓啟示:
其實個P牌已好有用,幫我唔少忙,行得慢時亦得大部份司機容忍.
見佢O地都離得遠O的O架.
我自己覺得已幾小心,但可以更小心.不過呢次主要係技術唔好,唔熟架車.
俾個的士佬跟.
最後反正炒車已成事實,錢已花,咁就要開心D至得,得O左教訓,
及日小事中經歷O左該如何處理意外,又知道整車代價,
以後仍得自己小心,練好技術,將車子操熟O左,至去繁忙的地方.
交了學費,就要開開心心:).盼望以後少交學費,少付醫藥費.

鐵騎快語：
整番好架車之後，搵個清靜的地方，盡快練熟起步和其他基本操控，例如慢車打八字，急停等等。每日練兩個鐘，練到熟為止。未熟之前，盡量避免去人多車多的地方。