駕駛車款:            VT250
車輛製造年份:          1993
意外種類:            自己炒低
車主:              octim

事發經過:
係油麻地一帶橫過十字路口，兩旁大量行人等過馬路。尚有六七個車位時收慢，正正橫過時有狗衝出，急收前迫，接近停車定時跌車。

人命財物傷亡損毀:
事件主要牽涉的小狗完全沒有事，逃之夭夭；小弟比車壓到左腳，多個星期以來不良行，另右腳膝頭有一大片擦損；事件當中有位商舖的哥仔幫手扶車，另一位師兄路過亦有提供維修意見，藉此機會以表謝意﹗﹗

當時感受:
肉體上受的傷就似係踢波擦損扭傷，但心靈上會好怕，擔心會否受是到車的性能影響，還是自己技術問題；另外即時想起好多師兄話炒車地點通常離目的地不遠，可能係差不多到達時會較為鬆懈。仲有意外發生時，小狗好似係我車前做假動作，時間亦真係好似過得慢左好多。

事後影響:
可能有左以上心理影響，剛好返後的一次出車跌左兩次車，相信係太緊張所影響。另外亦四周圍問人意見，正確的急剎方法，希望駕駛技術可以有所改善。

肇事原因及教訓啟示:
經過今次事件，發覺學車時所學的急收方法係有佢的好處，可能學車時同實際出到路面的駕駛方法有所不同，但係一定要認真咁考慮哪些技術要保留，哪些技術要改進。
完全康復後會練習前後迫同時間的剎車，因為有事發生時唔會有時間比你諗點做，一定要將最好的應變方法熟練為自然反應，才會減低受傷的機會。

鐵騎快語：

小炒是福，可以檢討技術及心態不足之處，係好事黎架。