駕駛車款:            JOXMAX 250
製造年份:           

意外種類:            自己炒低
車主:              火

事發經過:
於上星期六晚凌晨4時回家途中,經過粉嶺公路不幸發生意外...
當時行車約100/km行緊快線,可能太累了...打左個呵欠...一睜大眼...公路的石壆只離的4cm左右,睇見咁我本能反應只懂立即煞車...但無奈我的車及我的右邊身亦同時與公路車壆來了一個約5秒鐘的濕吻...唉...之後見自己手腳同身體只係擦傷,而架車仲行得就返歸洗傷口了事...

人命財物傷亡損毀:
自己:右手前臂,上臂,頸,右肋骨擦傷!
架車:右邊殼又花又爆...最離奇係...架車撞右邊,唔知點解唔見左左邊後鏡??(七月真係有d邪...)

當時感受:
好茫然~撞緊既時候唔知係咪會死...
之後覺得好痛...洗傷口時好痛...見到架車好多野要換都好痛...

事後影響:
其實對上一次炒車已經係3年前(當時成功奪得車手獎),自個次之後已經小心好多...估唔到眼瞓累事...講真大家除左食藥同飲酒後唔好揸車之外,當你覺得眼瞓時,都諗清楚好唔好開車!諗既唔止你自己既安全,仲有係屋企等你返去既親人...對於今次,我衷心咁想同我太太講聲...對唔住!唔會有下次喇~

肇事原因及教訓啟示:
唔知講乜好...心情好復習...
總知做乜都好,一個決定會影響到成家人!
狀態唔好,開車前三思呀...