|
駕駛車款: CB400 vtec3
製造年份: 不適用
意外種類: 車輛碰撞
車主: 羊咩咩
事發經過:
事發在澳門西灣橋往媽閣路段，當時駕著新買3個月吾夠ge
CB400駛至一個街口(巴士總站出口)時，由於自己在主線，心諗在路口出來的巴士要讓先，所以響銨示意，見佢停左一停，便加油再去，點知佢繼續慢流出街口，條馬路只得兩線，架巴士已經打橫佔左大半，跟住一下重brake，架車繼續滑行直指向巴士車頭(當時車速約80~90km/h)，之後人有人去，車有車走，個人飛左去約5~6米遠的草地上，旁邊有個路牌，幸好沒有撞到；架車就去左3~4米遠的路邊
人命財物傷亡損毀:
個人就訓左係草地，開頭以為斷手，因為之到隻手但感覺吾到，事後去醫院檢查後好彩冇乜大礙，只係兩個膝頭及手肘輕微擦損。
身上穿著的nike好套就咁報銷
sony ericsson p910 花到不似人形
架車就...接近total
lost,頭fork斷左，油缸穿左，咪錶爛左，頭燈、指輝燈損毀，死氣喉花晒，右邊車尾花晒，唉....慘!!!
當時感受:
個人冇事真係不幸中之大幸，見到架車ge損毀程度簡直令人心寒，事後到交通部拿車時個交通警都吾信架車係我o既，感受係一個字....痛!!!
事後影響:
今次呢件事真係令我知道咩叫朋友，因為事後有好多朋友打電話問候，仲有朋友專登黎陪我，真係好兄弟。而駕駛心態亦改變左，以前覺得自己o岩就得，而家先知咩叫大石壓死蟹，就算自己o岩晒都冇用。有d野係冇take
2 ge。
肇事原因及教訓啟示:
以後出街口一定要打醒十二分精神，同埋真係要小心果d馬路上ge大舊衰。
鐵騎快語：
騎電單車冇得講對或錯，俾你o岩晒都冇用。別人100%錯又如何？最緊要唔好炒車。安全保守的駕駛態度，對其他駕駛者投不信任票，保持警覺。今次你真係好好彩。
|
