駕駛車款:            CB250
製造年份:            1992
意外種類:            車輛碰撞
車主:              Chris

事發經過:
日間經筲箕灣、大潭道欲前往赤柱，經過興民村後，於某彎位失控，越過中間雙白綫，撞向對頭車之右側門。目擊者向警方表示車禍雙方均無超速。

人命財物傷亡損毀:
右上臂骨折(有碎骨)、脊椎骨有3節骨裂、肝臟出血、肺積水。住左5日深切治療部

情況穩定之後，轉去普通病房，先做右手手術，一個月後再做脊骨手術。

共留院近2個月。出院至今近2個月，仍未可以返工，每星期都要返醫院做物理治療。
2車均有損毀。出院後，賠償對方，和解。無人被控。

當時感受:
當時無感受，因為斷左片，醒返已經係深切治療部。

我到而家都記唔起炒車地點同經過，全部都係個警察事後話返比我聽........

事後影響:
嚇親所有識我既人，尤其是屋企人，

因為佢地唔知我有26牌。以後應該冇得再騎電單車~~~
不幸中之大幸係，脊骨傷勢冇傷到神經。

我一醒返，即刻郁下手指腳趾，居然都可以郁到，

冇癱到，真係好彩，執返條命仔!

肇事原因及教訓啟示:
雖然無超速，但係果個彎應該落多一波同埋再收慢D。
大頭佛同埋皮手套都幫我好多，佢花晒(大頭佛花個下巴同右臉位置)，

但係比佢包住既地方都冇傷到。

好在有大頭佛，唔係輕則毀容，重則撞壞腦。
好彩有買醫療保險，唔係就大劑。