駕駛車款:            GN 250
製造年份:            1998
意外種類:            自己炒低
車主:              華沙
　

事發經過:
2006年5月3日早上返工時間，當時就算唔係黃雨都係大雨過後冇幾耐．我去到彩虹道往旺角方向行快線，而慢線有一架私家車，我同佢既速度都唔快，大約５０－６０ｋｍ到，而佢慢我少少，因為我要左轉入寧遠街入新蒲崗，就系左轉之前我要加速快過架私家車，跟住順利過左佢頭轉入慢線，但已經到路口要扭呔，我左轉收油輕踏腳制，點知一brake即跌．

人命財物傷亡損毀:
可能都係慢車，我著長袖裇衫，有長袖雨衣，只係右手前臂捐左少少．頭盔撞落路牌柱，花左兩處；右牛角斷左；呔把彎左；維修$900有找，但最奇最痛心既，係唔見左支 Dupont 筆呀~~~~ 成3千幾4千銀架，喊得一句句....woo wooo

當時感受:
終於扑街．．．．．講真，雖然周圍有人，但冇覺得淤，亦唔覺得驚，只想快ｄ離開現場，唔好阻後面ｄ車，所以我一跌即起．

事後影響:
食ｌｕｎｃｈ我即刻渣住架得半截牛角Brake同埋高低手呔把既車去整，當晚可以攞車．
以後天雨或者路濕都會照渣，但認真要考慮一樣野，要減速，直路好減定，因為直路都可以甩尾，轉彎一定ｐｋ．
小意外有教訓，未常唔係一件好事．我都有想過，如果系大馬路，幾條行車線果ｄ，當我飛左出車，就會去左第二條線，再有車黎就係咁先啦，所以日後一定會更小心．

肇事原因及教訓啟示:
天雨路滑一定係主因．自己都有ｄ好勝心，要爬架私家車頭轉彎至ｐｋ．
如果我讓架私家車過先，自已再慢慢轉就可能唔會出事．