駕駛車款:            YAMAHA ZR - EVO   CV50cc
製造年份:            2004
意外種類:            自己炒低
車主:              呀神 !

事發經過:
車新落地冇幾耐,但係由於之前成日渣大膽車既關係,所以技術都好成熟.入灣戈灣搵線位都搵得好盡,同埋轉得好低,真係好易比人一個誤會,以為我有心挑戰,事發我渣車放學,見到後面有車想追我,係黎個情況下我就越渣越快,而且當時所行既路線係我日日返學放學都必經既路線,所以就好有信心越開越有,但係由於心情浮躁,只係想快D放甩後車,於時入灣就越黎越低,由於我部係新車既問題,所以全部零件都仲係原裝,包括:輪胎,避震 等..  所以對入灣會做成好多阻礙,之後就自己炒低左~之後我個同學佢咁岩渣車經過,即刻扶我坐埋一邊,幫我秋返起部車!

人命財物傷亡損毀:
部車 只係車身花左小小, 個人就擦傷左隻腳,,其他都冇咩事~

當時感受:
個人就一D都唔痛,但係見到部車花左,個心就真係痛到野都講唔到,戈陣時真係一時接受唔到,但係無奈既係自己炒花左,真係喊都無謂!

事後影響:
唔夠膽話比屋企人知,因為驚佢地擔心我同罵我,,,所以自己一定乘擔,不過戈晚返到屋企先發覺自己隻腳原來傷得唔深,好痛,行路都好辛苦,但係為左唔想佢地知道,所以我扮到行得好好,咩事都冇咁樣 ~ 不過之後渣車都冇咁狼死啦,直路就除外!

肇事原因及教訓啟示:
戈一次真係比左一個教訓我,要知道自己部車同技術既極限去到邊,現實唔係拍戲,戈次之後,我部車改曬D基本野,輪胎,避震,油壓前差,大口徑BREAK碟,大包魚,輕量化LINK 等, 我覺得換左黎一D基本既行車裝備,對渣車戈陣有返一定既保障!


鐵騎快語：
提供保障係個人駕駛技術、心態和安全裝備。