| |
駕駛車款: MAGNA 250 06/06
製造年份: 請選擇一項
意外種類: 車輛碰撞
車主: 沙田友
事發經過:
揸車返工, 行大埔道完全冇問題, 安安全全返到公司樓下仲有十幾米就汨車, O係左轉讓路口停低等車過, 過晒先開車,
就o係開o左唔夠一米, 架車頭胎仲o係雙白虛線果度突然死o左火, 腳都未落地就諗住再撻車, o係撻車果一剎那, 成個人向前彈出,
企o左出條馬路度, 向後一望........冚家慘, 我架06年新車訓o左o係地度, 再睇後少少架的士......
跟咁貼趕去投胎? 有得分呀? 第一時間報o左警先, 個的士佬就係咁對唔住前對唔住後......@!&^#&*%&@#*$^!@(#$%
人命財物傷亡損毀:
我架車成塊尾沙擋屈o左入去後胎同客seat 下面果度, 車牌碎晒, p牌跟沙擋入o左去, 右牛角, 右倒後鏡, 左腳踏,
右後制腳踏, 死氣喉, 都花o左........
人就冇時, 成個人彈o左出去馬路果陣好彩冇車行過..... 唔係就打唔到呢份report 喇......
左腳"high"瘀o左, 果時唔覺, 覺果時都費事理, 手腳齊全冇穿冇破, 執返身彩啦, 最可憐係我架06新車.....
要整三個星期......(訂尾沙擋)
當時感受:
肉體當時真係冇損冇傷, 知道左腳有同架車撞一o下, 拉高褲腳睇都唔覺有乜事咪算囉,
當時感受係:"X你老母(當然係X個的士佬啦), 跟咁貼把X咩!!!
我架車呀.....你個冚家慘..........(當然係講個的士佬啦)"
心靈上覺得, 好彩啦, 仲生勾勾, 未死得算好好o架喇
事後影響:
意外陰影係冇o既, 因為要由荃灣揸去長沙灣, 果陣架車連車牌都冇. 一樣行七十(p仔丫嘛)去到基地做打價
駕駛心態...... 小心囉, 不過自己小心都唔一定冇意外......
和解算啦, 佢賠錢了事...... 希望佢下次唔好再跟咁貼, 話明係p仔, 仲死跟
康復進度、家人態度嘛~~~~ 因為人冇事, 屋企人都唔知 ^^
肇事原因及教訓啟示:
車一定要開, 唔可以死火~~~
讓路口一定要讓, 睇清楚冇車先好行, 如果今次我冇等路口d 車行晒就去又俾人隊到.........可以已經去o左報到 |
