| |
駕駛車款: PGO T-Rex150
製造年份: 2004
意外種類: 自己炒低
車主: K
事發經過:
由香港仔隧道入黃竹坑,使至海洋公園回旋處右轉入黃竹坑時,由於當時有o架的士由橋面冲緊落o黎,我已減速至30km以下由鬼佢過先,顧得o架的士當你無到咁樣cut埋o黎又顧唔到其他,一時無留意地面有垃圾水,一側少少就派,連人帶車向右訓,雙掌雙膝連心口爬落地,由於車速低,車同人都唔係好金,當時好痛坐左一陣都起唔倒身,o個時有私家車司機停o係我後面問我有無事,我驚仲有其他車冲埋緊,所以叫佢幫我擋擋D車,唸住等我坐多一陣先埋路邊，就o係o個時有警察咁啱經過幫我起身同扶車埋路邊,之後車又行得,又費事屋企人知同使錢拖車咪無call白車就走。
人命財物傷亡損毀:
自己車身花o左少少、後座右腳踏報銷、右鏡條柄見少少彈弓(仲用得o下)
當時感受:
當時雙手雙腳痛到起唔倒身，成身臭垃圾水味，勁無奈！
事後影響:
不嬲對D的士佬都好有介心，但係垃圾車fing出o黎D垃圾水都好賤，由其轉彎位，小心！兩個膝頭少少腫同磨薑(當時已經係著住牛仔褲)，應該有幾日痛！
至於左膊，起初仲以為戚親o下，就好似少少訓黎頸，點知第二日越來越金，想第高手梳頭都痛到第唔倒，放工去睇跌打先知脫o左臼，病真係要淺中醫！
肇事原因及教訓啟示:
的士佬、小巴佬、貨van佬o既威力大家都知，其實仲有好多好多，總知要小心！
|
