|
駕駛車款: Forza(MF-06)
製造年份: 2003
意外種類: 自己炒低
車主: shing
事發經過:
31-Oct 0845~0900
雙騎於天水圍天華路左轉入天影路無端端甩尾派牌，好邪！當時車速50-60km/h，一入彎未到彎心已經甩尾，我盡量救車，死都唔落迫力，盡量戙直部車，比小小油，都唔成功，車尾向右甩，再左甩，再右甩，之後搶軑，派牌。車速唔快，車滑出與人距離2隻羊左右，不幸女友褲腳被車k住，要我抬起車救佢。後隨的一部溫拿無意識去救我地，比油遠去。我扶女友、推車埋邊，負傷截的士送女友去屯門醫院，之後自已再調查路面，無水，無油，無渠蓋，仲日日行呢條路，都唔知點解會咁，之後粗略檢查部車，行得番，咁我就繼續負傷渣車去醫院會合女友。
人命財物傷亡損毀:
我 - 我左手，左波蘿蓋，左腳眼磨損，頭盔左面花左(A牌果然有保証)
女友 - 左手磨損及撞於，左波蘿蓋嚴重磨損，左手掌輕微撞傷
車 - 大架餚左，要人手收埋，左面指揮燈、車肚花左，左面近指揮燈啡令撞穿左
當時感受:
估唔到咁鎮定，炒車，截車，處理現場，快夾妥。炒車時從未合埋眼，全程都清楚望到、記得到。最心痛女友受傷，相當自責。
事後影響:
事後渣車去醫院超龜速，唔敢訓彎，對部車失去信心。由於路面無問題，相信事因由車而起，但呔新，夠氣，真係唔知點解......
肇事原因及教訓啟示:
由於真係諗唔出原因，請編輯代為分析。 鐵騎快語：
老編意見剛好和你相反，車出問題的機會很微，如果你話車尾左右係咁甩，最大機會係路面出左問題。除左沙、石、油之外，也可能係紙張或壓扁了膠樽。當轆中呢d野時一樣可以好跣架。 |
